ଆସାମର ତିନି ଜଣ ସାଙ୍ଗ ବର୍ଜ୍ୟବସ୍ତୁରୁ ଇଟା ତିଆରି କରୁଛନ୍ତି। ସେମାନେ ‘ଜେରୁଣ୍ଡ ବ୍ରିକ୍ସ ଷ୍ଟାର୍ଟଅପ’ ମାଧ୍ୟମରେ ଏହାକୁ ପ୍ରସ୍ତୁତ କରୁଛନ୍ତି, ଯାହା ସମ୍ପୂର୍ଣ୍ଣ ପରିବେଶ ଉପଯୋଗୀ। ୨୫ ବର୍ଷୀୟ ରୁପମ୍ ଚୌଧୁରୀଙ୍କ ସହ ମୌସମ ତାଲୁକଦାର ଏବଂ ଡ୍ୟାଭିଡ ପ୍ରତିମ୍ ଗୋଗୋଇ ଫ୍ଲାଏ ଆଶ୍, ବର୍ଜ୍ୟ ପ୍ଲାଷ୍ଟିକ ଏବଂ ସିମେଣ୍ଟରେ ଏହି ଇଟା ପ୍ରସ୍ତୁତ କରୁଛନ୍ତି। ଏହା ପୂରା ହାଲୁକା। ଇଟାରେ ୭୦ ପ୍ରତିଶତ ବର୍ଜ୍ୟବସ୍ତୁ ବ୍ୟବହାର ହେଉଛି। ନିଆଁରେ ନ ପୋଡି ଇଲେକ୍ଟ୍ରି ମେଶିନ୍ରେ ଏହା କରାଯାଉଛି। ଏହି ଇଟାର ଓଜନ ଫ୍ଲାଏ ଆଶ୍ ଇଟା କିମ୍ବା ମାଟି ଇଟାଠାରୁ ୧୦ ପ୍ରତିଶତ କମ୍ । ଏହା ଘରକୁ ଖରାଦିନେ ଥଣ୍ଡା ଓ ଶୀତଦିନେ ଗରମ ରଖିତ୍ପାରୁଛି। ୨୦୧୮ରେ ସେମାନେ ଗୁଆହାଟୀରେ ‘ଜେରୁଣ୍ଡ ବ୍ରିକ୍ସ ଷ୍ଟାର୍ଟଅପ’ ଆରମ୍ଭ କରିଥିଲେ। ଆସାମ ଇଞ୍ଜିନିୟରିଂ କଲେଜରେ ସେମାନେ ସିଭିଲ ଇଞ୍ଜିନିୟରିଂ ପଢୁଥିବାବେଳେ ଏଭଳି ଇଟା ତିଆରି କରିବାର ଉପାୟ ପାଇଥିଲେ। ଏଯାବତ ସେମାନେ ୨.୫ ଲକ୍ଷରୁ ଅଧିକ ଇଟା ବିକ୍ରି କରିସାରିଲେଣି। ଆସାମ, ଅରୁଣାଚଳ ପ୍ରଦେଶ,ମେଘାଳୟ ଏବଂ ନାଗାଲାଣ୍ଡରେ ପ୍ରାୟ ୫୦ରୁ ଊର୍ଦ୍ଧ୍ୱ ଆପାର୍ଟମେଣ୍ଟରେ ଏହା ବ୍ୟବହାର କରାଯାଇଛି।
