ଜଣେ ବ୍ୟକ୍ତି ୪୩୦ରୁ ଅଧିକ ପ୍ରକାର କଦଳୀ ଚାଷ କରୁଥିବା ଜାଣି ଆଶ୍ଚର୍ଯ୍ୟ ଲାଗୁଥିଲେ ବି ସତ। କେରଳର ଏହି ଚାଷୀଙ୍କ ନାମ ବିନୋଦ ସହଦେବନ ନାୟାର। ତାଙ୍କୁ ବର୍ତ୍ତମାନ ବୟସ ୬୦। ତ୍ରିଭାନ୍ଦ୍ରମର ପରାସାଲା ଗାଁରେ ସେ ୩ ଏକର ଜମିରେ କଦଳୀ ଚାଷ କରୁଛନ୍ତି। ୩୦ ବର୍ଷ ମଧ୍ୟରେ ଏତେ ସଂଖ୍ୟକ କିସମର କଦଳୀ ସଂଗ୍ରହ କରି ପାରିଛନ୍ତି। ସେ ବି.ଏସ୍ସି( ପଦାର୍ଥ ବିଜ୍ଞାନ) ଡିଗ୍ରୀ ହାସଲ କରିବା ପରେ କୋଚିରେ ଏକ ଓ୍ବେବ ଡିଜାଇନିଂ ଫାର୍ମ ଆରମ୍ଭ କରିଥିଲେ। କିନ୍ତୁ ତାଙ୍କ ମା’ଙ୍କ ଦେହାନ୍ତ ହେବା ପରେ ପାରାସାଲାକୁ ଫେରି ଆସି ଚାଷ ଆରମ୍ଭ କରିଥିଲେ। ବିନୋଦ ଭାରତର ବିଭିନ୍ନ ରାଜ୍ୟ ତଥା ମାଲେସିଆ,ଆଫ୍ରିକା,ଅଷ୍ଟ୍ରେଲିଆ,ହାଓ୍ବାଇ ଏବଂ ହଣ୍ଡୁରାସରୁ ବିରଳ କିସମ କଦଳୀ ଆଣି ଚାଷ କରୁଛନ୍ତି। ଲେଡି ଫିଙ୍ଗର ବାନାନା, ରେଡ୍ ବାନାନା ଏବଂ ବ୍ଲୁ ଜାଭା ଆଦି ବିଦେଶୀ କିସମ ବି ତାଙ୍କ ଫାର୍ମରେ ରହିଛି। ଦେଶରେ ବିଭିନ୍ନ ଗବେଷଣା ପ୍ରତିଷ୍ଠାନ ଓ ବିଶ୍ୱବିଦ୍ୟାଳୟରେ ଗବେଷଣା ପରେ ଯେଉଁ ନୂଆ କିସମର କଦଳୀ ବିକାଶ କରାଯାଉଛି ତାହାକୁ ସେ ସଂଗ୍ରହ କରୁଛନ୍ତି ଓ ଚାଷରେ ବି ସଫଳତା ପାଉଛନ୍ତି। ଉକ୍ତ ଚାଷ କରି ସେ ଲିମକା ବୁକ୍ସ ଅଫ୍ ରେକର୍ଡରେ ବି ସ୍ଥାନ ପାଇଛନ୍ତି ଓ ଆଇସିଏଆର୍-ନ୍ୟାଶନାଲ ରିସର୍ଚ୍ଚ ସେଣ୍ଟର ଫର୍ ବାନାନା ପକ୍ଷରୁ ପୁରସ୍କୃତ ମଧ୍ୟ ହୋଇଛନ୍ତି।
