ପିଲାମାନେ ବିଦ୍ୟାଳୟକୁ ଆସିବା ପାଇଁ ପାହାଡ଼ କାଟି ରାସ୍ତା କରିଥିବା ଜଣେ ଶିକ୍ଷକ ଅଛନ୍ତି ଝାଡ଼ଖଣ୍ଡର ଚତରା ଅଞ୍ଚଳ ଟଣ୍ଡବା ବ୍ଲକ୍ର ବନାଞ୍ଚଳ ହେସାତୁ ଉଚ୍ଚମାଧ୍ୟମିକ ବିଦ୍ୟାଳୟରେ। ୧୯ ବର୍ଷ ପୂର୍ବେ ବନାଞ୍ଚଳରେ ଥିବା ଏହି ବିଦ୍ୟାଳୟକୁ ଆସିବା ଲାଗି ରାସ୍ତାଟିଏ ନ ଥିଲା। ପାହାଡ଼ ଡେଇଁ ପିଲାମାନେ ବିଦ୍ୟାଳୟକୁ ଆସିବାକୁ ସାହସ କରୁ ନ ଥିଲେ କି ସେମାନଙ୍କ ଅଭିଭାବକ ଏଥିପ୍ରତି ଆଗ୍ରହ ପ୍ରଦର୍ଶନ କରୁ ନ ଥିଲେ। ୨୦୦୦ ମସିହାରେ ଏଠାକୁ ବିନେଶ୍ୱର କୁମାର ଶିକ୍ଷକ ହୋଇ ଆସିବା ପରେ ପିଲାମାନଙ୍କୁ ବିଦ୍ୟାଳୟକୁ ପଠାଇବା ପାଇଁ ଗ୍ରାମବାସୀଙ୍କୁ ସଚେତନ କରିବା ସହ ବିନେଶ୍ୱର ଏକୁଟିଆ ପାହାଡ଼ କାଟି ରାସ୍ତା ନିର୍ମାଣ କରିବା ଆରମ୍ଭ କରିଦେଇଥିଲେ। ଏହା ଦେଖି ଗ୍ରାମବାସୀମାନେ ତାଙ୍କୁ ଏହି କାମରେ ସହଯୋଗର ହାତ ବଢ଼ାଇଲେ। ପରେ ବିଦ୍ୟାଳୟକୁ ଆସିବା ପାଇଁ ଭଲ ରାସ୍ତା ଖୋଲିଗଲା। ଏହି ବିଦ୍ୟାଳୟ ଏବେ ଗିିନତି ଜିଲାର ଏକ ଆଦର୍ଶ ବିଦ୍ୟାଳୟ।
ସେଠାରେ ୩୦୦୦ରୁ ଅଧିକ ପିଲା ପଢୁଛନ୍ତି। ବିନେଶ୍ୱର ପିଲାମାନଙ୍କୁ ପଢ଼ାଇବା ସହ ସେମାନଙ୍କ ସ୍ବଚ୍ଛତା ଉପରେ ମଧ୍ୟ ଗୁରୁତ୍ୱ ଦିଅନ୍ତି। ପିଲାଙ୍କ ୟୁନିଫର୍ମ ଫାଟିଗଲେ ତାହାକୁ ବି ସିଲାଇ କରିଦିଅନ୍ତି। ମୁଣ୍ଡ କୁଣ୍ଡାଇ ବି ଦିଅନ୍ତି।
