ଲକ୍ଷ୍ନୌ,୧୬।୧୨: ଉନ୍ନାଓ ବହୁ ଚର୍ଚ୍ଚିତ ବଳାତ୍କାର ମାମଲାର ଶୁଣାଣି ସୋମବାର ହୋଇପାରେ। ତିସ୍ ହଜାରୀ କୋର୍ଟ ଭାଜପାରୁ ବିତାଡିତ ବିଧାୟକ କୁଲଦୀପ ସେନଗରଙ୍କ ବିରୋଧରେ ରାୟ ଦେଇପାରନ୍ତି। ସୂଚନଯୋଗ୍ୟ, ୨୦୧୭ରେ ପୀଡିତାଙ୍କୁ ଅପହରଣ ପରେ ବଳାତ୍କାର କରାଯିବା ଅଭିଯୋଗ ଆସିଥିଲା। ଏଥିରେ ଭାରତୀୟ ଜନତା ପାର୍ଟି(ଭାଜପା)ର ବିଧାୟକ ମୁଖ୍ୟ ଅଭିଯୁକ୍ତ ବୋଲି ଦର୍ଶାଯାଇଥିଲା। ଏହାପରେ ସେନଗରଙ୍କ ସହ ଅନ୍ୟ ଜଣଙ୍କ ନାଁରେ ମାମଲା ମଧ୍ୟ ହୋଇଥିଲା। ଉଭୟଙ୍କୁ ଗିରଫ କରାଯିବା ସହ କୋର୍ଟରେ ମାମଲା ଚାଲୁଥିବା ସମୟରେ ପୀଡିତା କୋର୍ଟକୁ ଯିବା ବାଟରେ ଗତ ଜୁଲାଇରେ ତାଙ୍କ କାର୍କୁ ଏକ ଟ୍ରକ୍ ଧକ୍କା ଦେବା ଫଳରେ ପୀଡିତାଙ୍କ୨ ସମ୍ପର୍କୀୟଙ୍କ ମୃତ୍ୟୁ ମଧ୍ୟ ହୋଇଥିଲା। ଏହାକୁ ନଜରରେ ରଖି ମାମାଲାକୁ ଲକ୍ଷ୍ନୌରୁ ଦିଲ୍ଲୀର ତିସ୍ ହଜାରୀ କୋର୍ଟକୁ ପଠାଇ ଦିଆଯାଇଥିଲା। ଏବେ ସେନଗର ମଧ୍ୟ ତିହାର ଜେଲରେ ବନ୍ଦୀ ହୋଇ ରହିଛନ୍ତି। ତେବେ ସୋମବାର କୋର୍ଟ ତାଙ୍କ ବିରୋଧରେ ରାୟ ପ୍ରକାଶ ପରେ ତାଙ୍କୁ ଆଜୀବନ କାରାଦଣ୍ଡ ଭୋଗିବାକୁ ପଡିପାରେ ବୋଲି ଆଲୋଚନା ହେଉଛି।
