ଆସାମର ଉଦ୍ଧବ କୁମାର ଭରାଲି, ତାଙ୍କ ଭିତରେ ସୁପର୍ ଆଇଡିଆ ଭରପୂର୍ ହୋଇ ରହିଛି। ଯେଉଁଥିପାଇଁ ଅନେକ ତାଙ୍କୁ ଚଳନ୍ତା ପାୱାର୍ ହାଉସ୍ ବୋଲି ମଧ୍ୟ କହିଥାନ୍ତି। ନିଜର ଅଦ୍ଭୁତ ଉପାୟ ମାଧ୍ୟମରେ ସେ ବଡ଼ରୁ ବଡ଼ ସମସ୍ୟାର ସରଳ ସମାଧାନ କରିବାରେ ସିଦ୍ଧହସ୍ତ। ଉଦ୍ଧବଙ୍କ ଚିନ୍ତାଶକ୍ତି ସାଧାରଣ ଲୋକଙ୍କ ଚିନ୍ତାଶକ୍ତିଠାରୁ ସମ୍ପୂର୍ଣ୍ଣ ଅଲଗା। ସେ ନିଜ ଜୀବନରେ ଅନେକ ପ୍ରତିବନ୍ଧକର ସାମ୍ନା କରିଛନ୍ତି। କିନ୍ତୁ କୌଣସି ଥିରେ ହାର୍ ନ ମାନି ତା’ର ସମାଧାନ ଦିଗରେ ସର୍ବଦା ଅଗ୍ରସର ହୋଇଛନ୍ତି। ୫୫ବର୍ଷୀୟ ଉଦ୍ଧବ ୨୦୦୫ ମସିହାରେ ଦେଶୀ ସାମଗ୍ରୀ ମାଧ୍ୟମରେ ଚାଉଳ ବଟା ମେସିନ୍ ତିଆରି କରିଥିଲେ। ତାଙ୍କର ଏହି ଟ୍ୟାଲେଣ୍ଟ ଯୋଗୁ ନ୍ୟାସନାଲ୍ ଇନୋଭେସନ୍ ଫାଉଣ୍ଡେସନ୍ ଦ୍ୱାରା ପୁରସ୍କୃତ ମଧ୍ୟ ହୋଇଥିଲା। ୨୦୦୬ରେ ଡାଳିମ୍ବରୁ ଦାନା କାଢ଼ିବାର ଅଲଗା ଆବିଷ୍କାର କଲେ, ଯାହା ପୂରା ଦୁନିଆକୁ ଆଶ୍ଚର୍ଯ୍ୟଚକିତ କରି ରଖିଥିଲା। କାରଣ ଅନେକ ଦେଶ ଏହି ଆବିଷ୍କାର ପାଇଁ ବର୍ଷ ବର୍ଷ ଧରି ପ୍ରୟାସ ଜାରି ରଖିଥିଲେ, ଯାହାର ସରଳ ସମାଧାନ ଉଦ୍ଧବ କରିଦେଖାଇଛନ୍ତି। କେବଳ ସେତିକି ନୁହେଁ, ସେ ଦିବ୍ୟାଙ୍ଗଙ୍କ ପାଇଁ ଏଭଳି ଏକ ଫିଡିଙ୍ଗ୍ ଆଣ୍ଡ୍ କ୍ଲିନିଙ୍ଗ୍ ଡିଭାଇସ୍ ତିଆରି କରିଛନ୍ତି, ଯାହା ହାତ ନ ଥିବା ଲୋକଙ୍କୁ ବିଭିନ୍ନ କାମରେ ସାହା୍ଯଯ କରିବ। ଭାରତର ରାଷ୍ଟ୍ରପତି ଉଦ୍ଧବଙ୍କ ଏହି ବିଚକ୍ଷଣ ବୁଦ୍ଧିକୁ ଦେଖି ୨୦୦୯ରେ ସମ୍ମାନିତ କରିଛନ୍ତି।
