ନୂଆଦିଲ୍ଲୀ,୨।୯: ଭାରତୀୟ ପେସର ଈଶାନ୍ତ ଶର୍ମା ସୋମବାର ୩୧ ବର୍ଷରେ ପାଦ ଦେଇଛନ୍ତି। ଏହି ଅବସରରେ ତାଙ୍କୁ ଅଲରାଉଣ୍ଡର ଯୁବରାଜ ସିଂ ଓ ବାମହାତୀ ଓପନର ଶୀଖର ଧାଓ୍ବନ ଶୁଭେଚ୍ଛା ଜଣାଇଛନ୍ତି। ଈଶାନ୍ତଙ୍କୁ ଜନ୍ମଦିନର ଶୁଭକାମନା। କ୍ୟାରିୟରର ପ୍ରଥମ ଟେଷ୍ଟ ଅର୍ଦ୍ଧଶତକ ପାଇଁ ଶୁଭେଚ୍ଛା ବୋଲି ଧାଓ୍ବନ ଟୁଇଟରରେ ଲେଖିଛନ୍ତି। ସେହିଭଳି ଯୁବରାଜ ଲେଖିଛନ୍ତି, ଲମ୍ବୁ (ଡେଙ୍ଗୁ) ତୁମକୁ ଜନ୍ମଦିନର ଶୁଭେଚ୍ଛା। ଭଗବାନ ତୁମର ମଙ୍ଗଳ କରନ୍ତୁ। ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟେଷ୍ଟ ଖେଳୁଥିବା ଈଶାନ୍ତ ପ୍ରଥମ ଇନିଂସରେ ଗୋଟିଏ ଦ୍ୱିତୀୟରେ ୪ ଓଭର ବୋଲିଂ କରି ଗୋଟିଏ ଉଇକେଟ ନେଇଛନ୍ତି। ୩୧ ବର୍ଷୀୟ କ୍ରିକେଟର ଏହି ମ୍ୟାଚ୍ରେ ନିଜର ବ୍ୟାଟିଂ ଦକ୍ଷତା ମଧ୍ୟ ପ୍ରମାଣ ଦେଇଛନ୍ତି।
