ଛତ୍ରପୁର,୨୨ା୪(ଡି.ଏନ୍.ଏ.)-ଛତ୍ରପୁର ବ୍ଲକ କଣମଣା ପଞ୍ଚାୟତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ କରୋନା ଆଇସୋଲେଶନ ସେଣ୍ଟରରେ କେତେଜଣଙ୍କୁ ସଙ୍ଗରୋଧରେ ରଖାଯାଇଛି। ଉକ୍ତ ଆଇସୋଲେଶନ ସେଣ୍ଟରରେ ସେଠାରେ ସ୍ବାସ୍ଥ୍ୟପ୍ରଦ ପରିବେଶ ସୃଷ୍ଟି ପାଇଁ ସରପଞ୍ଚ ଏସ. ଚକ୍ରପଣି ରେଡ୍ଡୀ ଉଦ୍ୟମ କରିଛନ୍ତି। ଭାରତୀୟ ବିରଳ ମୂର୍ତ୍ତିକା (ଆଇଆର୍ଇ)ର ନିରାପତ୍ତା ମୁଖ୍ୟ ଅଧିକାରୀ ପ୍ରସନ୍ନ କୁମାର ରାଉତ ଏବଂ ଓ ଆଇଏସ୍ଏଫ ପୋଲିସ ବଳର ଆସିଷ୍ଟାଣ୍ଡ କମାଣ୍ଡର ରାମ ପ୍ରଧାନଙ୍କ ନେତୃତ୍ୱରେ ପୋଲିସ ହାବିଲଦାର ସମେତ ୫୦ ପୋଲିସ କର୍ମଚାରୀ ତାଙ୍କୁ ଏଥିରେ ସହଯୋଗ କରିଥିଲେ। ଉକ୍ତ ଅଞ୍ଚଳକୁ ସେମାନେ ସମ୍ପୂର୍ଣ୍ଣ ସଫେଇ କରିବା ସହ କରୋନା ପ୍ରତିହତ ପାଇଁ ବିଭିନ୍ନ ପଦକ୍ଷେପ ନେଇଛନ୍ତି। ପ୍ରଧାନଶିକ୍ଷକ ଅଜିତ କୁମାର ସେଠୀ ଓ ସହକରୀ ଶିକ୍ଷକ ରାମ ପ୍ରଧାନ ଏଥିରେ ସହଯୋଗ କରିଥିଲେ ।
