ନୂଆଦିଲ୍ଲୀ, ୩୧।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ତ୍ରୀମଣ୍ଡଳରେ ଅମିତ ଶାହ ସ୍ଥାନ ପାଇବା ପରେ ଏବେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ କିଏ ହେବ ତାକୁ ଚର୍ଚ୍ଚା ଜୋର ଧରିଛି। ଏସବୁ ଭିତରେ ଭାଜପାର କିଛି ହେବିଓ୍ବେଟ୍ ନେତା ଏହି ପଦ ପାଇଁ ପ୍ରମୁଖ ଦାବିଦାର ଭାବେ ଉଭା ହୋଇଛନ୍ତି। ସେମାନଙ୍କ ମଧ୍ୟରୁ ସବୁଠୁ ଆଗରେ ଅଛନ୍ତି ଦଳର ବରିଷ୍ଠ ନେତା ଜେପି ନଡ୍ଡା। ପୂର୍ବରୁ ଏହି ପଦ ପାଇଁ ଧର୍ମେନ୍ଦ୍ର ପ୍ରଧାନ ଏବଂ ଜେପି ନଡ୍ଡାଙ୍କ ନାଁ ଶୁଣିବାକୁ ମିଳୁଥିବାବେଳେ ଧର୍ମେନ୍ଦ୍ର ମୋଦିଙ୍କ ମନ୍ତ୍ରୀମଣ୍ଡଳରେ ସ୍ଥାନ ପାଇଛନ୍ତି। ତେବେ ନଡ୍ଡା ମୋଦିଙ୍କ ଟିମ୍ରେ ସାମିଲ ନ ଥିବାରୁ ସେ ହଁି ପରବର୍ତ୍ତୀ ଭାଜପା ଅଧ୍ୟକ୍ଷ ହେବାର ସମ୍ଭାବନା ସ୍ପଷ୍ଟ ହେବାରେ ଲାଗିଛି। ଭାଜପାର ‘ଗୋଟିଏ ବ୍ୟକ୍ତି, ଗୋଟିଏ ପଦ’ ସିଦ୍ଧାନ୍ତ ଅନୁଯାୟୀ ନଡ୍ଡାଙ୍କୁ ମନ୍ତ୍ରୀମଣ୍ଡରେ ସ୍ଥାନ ଦିଆଯାଇନାହିଁ ବୋଲି କୁହାଯାଉଛି। ଏହାସହ ଭାଜପା ମହାସଚିବ ଭୁପେନ୍ଦ୍ର ଯାଦବ ଏବଂ ଓପି ମାଥୁର ମଧ୍ୟ ଅଧ୍ୟକ୍ଷ ପଦ ଦୌଡରେ ଅଛନ୍ତି।
