କରାଚୀ, ୨୧।୪ (ପି.ଟି.)-କୋଭିଡ୍-୧୯ ମହାମାରୀ ଯୋଗୁ ଦେଶ ଲକ୍ଡାଉନ୍ରେ ରହିଥିବାବେଳେ ପାକିସ୍ତାନ କ୍ରିକେଟ ବୋର୍ଡ (ପିସିବି) ଏହାର କେନ୍ଦ୍ରୀୟ ଚୁକ୍ତିଭୁକ୍ତ ଖେଳାଳିଙ୍କ ଅନ୍ଲାଇନ୍ ଫିଟ୍ନେସ ଟେଷ୍ଟ ସୋମବାରଠାରୁ ଆରମ୍ଭ କରିଛି। ପ୍ରଥମ ପର୍ଯ୍ୟାୟରେ ହାରିସ୍ ସୋହେଲ, ହସନ ଅଲ୍ଲୀ, ମହମ୍ମଦ ଆବାସ, ଅସାଦ ସାଫିକ୍, ସର୍ଫରାଜ ଅହମ୍ମଦ, ଇମାଦ୍ ଓ୍ବାସିମ ଓ ଶାଦାବ ଖାନ୍ଙ୍କ ଫିଟ୍ନେସ୍ ଟେଷ୍ଟ ହୋଇଛି। ଅବଶିଷ୍ଟଙ୍କର ମଙ୍ଗଳବାର ହେବ। କ୍ରିକେଟ ବୋର୍ଡ ତରଫରୁ ଗତ ସପ୍ତାହରେ ଘରୋଇ ଖେଳାଳିଙ୍କର ମଧ୍ୟ ଫିଟ୍ନେସ୍ ଟେଷ୍ଟ ହୋଇଥିଲା। ଏହି ସମୟରେ ବ୍ୟାଟ୍ସମ୍ୟାନ ସୋହେବ ମାସୁଦ ଆଘାତପ୍ରାପ୍ତ ହୋଇଥିଲେ। ଅନ୍ଲାଇନ୍ ଟେଷ୍ଟର ଡିଜାଇନ୍ କରିଛନ୍ତି ଜାତୀୟ ଦଳର ଷ୍ଟ୍ରେନ୍ଥ୍ ଓ କଣ୍ଡିଶନିଂ କୋଚ୍ ୟାସିର ମଲିକ ଅନ୍ଲାଇନ୍ ଟେଷ୍ଟର ଡିଜାଇନ୍ କରିଛନ୍ତି। ସେ ଓ ମୁଖ୍ୟ କୋଚ୍ ଓ ଚୟନକର୍ତ୍ତା ମିସ୍ବା-ଉଲ୍ ହକ୍ଙ୍କ ତତ୍ତ୍ୱାବଧାନରେ ଅନ୍ଲାଇନ୍ ଫିଟ୍ନେସ ଟେଷ୍ଟ କାର୍ଯ୍ୟକ୍ରମ ଚାଲିଛି। ପାକିସ୍ତାନ କ୍ରିକେଟ ଦଳର ଆଗକୁ ହଲାଣ୍ଡ, ଆୟର୍ଲାଣ୍ଡ ଓ ଇଂଲଣ୍ଡ ଟୁର୍ କାର୍ଯ୍ୟକ୍ରମ ରହିଛି। ଇଂଲଣ୍ଡରେ ଦଳ ଟି୨୦, ଦିନିକିଆ ଓ ଟେଷ୍ଟ ସିରିଜ ଖେଳିବ। ବିଦେଶ ଟୁର୍ ଜୁଲାଇରେ ଆରମ୍ଭ ହେବ। ତେବେ କରୋନା ଭାଇରସ୍ ମହାମାରୀ ଯେପରି ଭାବେ ବ୍ୟାପିବାରେ ଲାଗିଛି ଅନିଶ୍ଚିତତା ସୃଷ୍ଟି ହୋଇଛି। ପାକିସ୍ତାନ ଟୁର୍କୁ କାର୍ଯ୍ୟକାରୀ କରାଯିବ ସମ୍ପର୍କରେ ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ମେ ୧୫ରେ ନିଷ୍ପତ୍ତି ନେବ।
