ଅନୁଗୋଳ ଅଫିସ,୨୫ା୫: ଗୁଜରାଟ ଭଲସାତରୁ ୧୬୫୦ ପ୍ରବାସୀ ଓଡ଼ିଆଙ୍କୁ ନେଇ ସୋମବାର ଅନୁଗୋଳରେ ପହଞ୍ଚିଛି ସ୍ବତନ୍ତ୍ର ଶ୍ରମିକ ଟ୍ରେନ୍। ଏଥିରେ ୨୪ଟି ଜିଲା ସମେତ ୧୩ଟି ଉପଖଣ୍ଡର ପ୍ରବାସୀ ଆସିଛନ୍ତି। ଯେଉଁଥିରେ ଅନୁଗୋଳ ଜିଲାର ସର୍ବାଧିକ ୬୩୪ ଜଣ ଅଛନ୍ତି । ଏଥିପାଇଁ ଅନୁଗୋଳ ଷ୍ଟେଶନରେ ବ୍ୟାପକ ପ୍ରସ୍ତୁତି କରାଯାଇଥିଲା। ଜିଲା ପ୍ରଶାସନ ପକ୍ଷରୁ ୧୦୦ ଜଣ କର୍ମଚାରୀ ନିୟୋଜିତ ହୋଇଥିବା ବେଳେ ଜିଲାପାଳ ଓ ଏସ୍ପି ଏହାର ତଦାରଖ କରୁଛନ୍ତି । ଷ୍ଟେଶନରେ ଶ୍ରମିକମାନଙ୍କ ପାଇଁ କାଉଣ୍ଟର ଖୋଲାଯାଇଛି। ଯେଉଁଠାରେ ଶ୍ରମିକମାନଙ୍କ ରେଜିଷ୍ଟ୍ରେଶନ କରାଯାଇ ସ୍କିନିଂ କରାଯାଉଛି। ଏଥିପାଇଁ ୩ ଜଣ ଡାକ୍ତରଙ୍କୁ ନିଯୁକ୍ତ କରାଯାଇଛି। ପରେ ପ୍ରବାସୀଙ୍କୁ ନିଜ ନିଜ ଅଞ୍ଚଳକୁ ଯିବା ପାଇଁ ୨୦ଟି ବସ୍ର ବନ୍ଦୋବସ୍ତ କରାଯାଇଛି ।
