ଜେନେଭା, ୨୦।୯ : ମିଳିତ ଜାତିସଂଘ ସାଧାରଣ ସଭାର ବାର୍ଷିକ ଶୀର୍ଷ ସ୍ତରୀୟକ ବୈଠକ ମଙ୍ଗଳବାରଠାରୁ ଆରମ୍ଭ ହୋଇଛି। ଉଦଘାଟନୀ ଅଧିବେଶନକୁ ସମ୍ବୋଧିତ କରି ଜାତିସଂଘର ମହା ସଚିବ ଆଣ୍ଟୋନିଓ ଗୁଟେରସ ବିଶ୍ୱ ନେତାମାନଙ୍କୁ ଚେତାବନୀ ଦେଇଛନ୍ତି। ଜଳବାୟୁ ପରିବର୍ତ୍ତନ, ଖାଦ୍ୟ ସଙ୍କଟ, ବିଶ୍ୱ ପୋଲାରାଇଜେଶନ, ରୁଷିଆ-ୟୁକ୍ରେନ ବିବାଦ ଏବଂ ଶକ୍ତି ସଙ୍କଟ ନେଇ ସେ ଉଦବେଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ସମସ୍ତ ଦେଶ ବିଶ୍ୱସ୍ତରରେ ଅଟକି ରହିଛନ୍ତି। ମାନବଜାତି ଏବଂ ପୃଥିବୀର ଭବିଷ୍ୟତ ପ୍ରତି ବିପଦ ଥିବା ବଡ ସମସ୍ୟାର ମୁକାବିଲା କରିବାକୁ କୌଣସି ଦେଶ ପ୍ରସ୍ତୁତ ନୁହଁନ୍ତି।
ଦାରିଦ୍ର୍ୟ ଦୂର କରିବା ଏବଂ ପିଲାମାନଙ୍କୁ ଗୁଣାତ୍ମକ ଶିକ୍ଷା ଯୋଗାଇବା ପାଇଁ ମିଳିତ ଜାତିସଂଘ ଦ୍ୱାରା ଧାର୍ଯ୍ୟ କରାଯାଇଥିବା ଲକ୍ଷ୍ୟ ହାସଲ ଦିଗରେ ଆଶା କରାଯାଉଥିବା ଅଗ୍ରଗତି ହୋଇପାରି ନାହିଁ। ସେ କହିଛନ୍ତି ଯେ ସମଗ୍ର ବିଶ୍ୱ ବିପଦରେ ଅଛି ଏବଂ ଆମେ ସ୍ଥାଣୁରେ ପରିଣତ ହେଉଛୁ। ସେ କହିଛନ୍ତି ଯେ ବିଶ୍ୱରେ ଭୌଗୋଳିକ ବିଭାଜନ ସୁରକ୍ଷା ପରିଷଦର କାର୍ଯ୍ୟ ଏବଂ ସମସ୍ତ ପ୍ରକାର ଆନ୍ତର୍ଜାତୀୟ ସହଯୋଗକୁ ଦୁର୍ବଳ କରୁଛି। ଏଥିରେ ଦୁଃଖ ପ୍ରକାଶ କରି ଜାତିସଂଘର ମୁଖ୍ୟ ଆଣ୍ଟୋନିଓ ଗୁଟେରସ ଚେତାବନୀ ଦେଇଛନ୍ତି ପୃଥିବୀ ପାଇଁ ବହୁ ବିପଦ ରହିଛି। ସେ କହିଛନ୍ତି ଯେ ବଶ୍ୱସ୍ତରୀୟ ଆହ୍ବାନର ମୁକାବିଲା ପାଇଁ ସହଯୋଗ ଏବଂ ଆଲୋଚନା ହେଉଛି ଏକମାତ୍ର ଉପାୟ। କୌଣସି ଶକ୍ତି କିମ୍ବା ଗୋଷ୍ଠୀ ଏକାକୀ ନିଷ୍ପତ୍ତି ନେଇପାରିବେ ନାହିଁ। ତାଙ୍କ ସମ୍ବୋଧନରେ ସେ ସଭାରେ ଉପସ୍ଥିତ ଥିବା ସମସ୍ତ ନେତାଙ୍କୁ ଏକାଠି କାମ କରିବାକୁ ଆହ୍ବାନ ଦେଇଛନ୍ତିି।
ତିନି ବର୍ଷ ମଧ୍ୟରେ ପ୍ରଥମ ଥର ପାଇଁ ବିଶ୍ୱସ୍ତରୀୟ ନେତାଙ୍କ ସହ ସିଧାସଳଖ ବୈଠକରେ ସେ ଯୋଗଦେଇ ଜଳବାୟୁ ସଙ୍କଟ, ଦାରିଦ୍ର୍ୟ-ଅନାହାର ଏବଂ ଅସମାନତାକୁ ଦୂର କରିବା ଲାଗି ଅପିଲ କହିଛନ୍ତି।
