ୱାଇ ଫର୍ମରେ ବାଲି ଜାଲିଆତି

କଟକ ଅଫିସ, ୧୪ା୧୨: କଟକ ଜିଲାର ବିଭିନ୍ନ ନଦୀରୁ ବାଲି ଚୋରାଚାଲାଣ ହେଉଛି। ଏହି ଚୋରାଚାଲାଣ କାର୍ଯ୍ୟରେ ନେତାଙ୍କଠାରୁ ଆରମ୍ଭ କରି ପ୍ରଶାସକ ଓ ଗ୍ୟାଙ୍ଗଷ୍ଟରଙ୍କ ସମ୍ପୃକ୍ତି ରହୁଛି। ତେଣୁ ଏଥିରେ କେହି ବି ହସ୍ତକ୍ଷେପ କରିବାକୁ ସାହସ କରୁନାହାନ୍ତି। ମାତ୍ର ଏହା ନଦୀର ଜୈବବିବିଧତାକୁ ନଷ୍ଟ କରିବା ସହିତ ନଦୀର ଗତିପଥରେ ପରିବର୍ତ୍ତନ ଆଣିବାର ଆଶଙ୍କା ସୃଷ୍ଟି କରୁଛି।
ବୁଧବାର କଟକ ସଦର ତହସିଲର ପ୍ରତାପନଗରୀ ବାଲିଘାଟରୁ କାଗଜପତ୍ର ଜାଲିଆତି କରାଯାଇ ବାଲି ଚୋରି କରାଯାଉଥିଲା। ସଦର ତହସିଲଦାର ସମ୍ବିତ ଗଡନାୟକ ଉକ୍ତ କାଗଜପତ୍ରକୁ ଜବତ କରିବା ସହିତ ବାଲିଘାଟକୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବନ୍ଦ ରଖିଛନ୍ତି। ତେବେ ତହସିଲ ପକ୍ଷରୁ ଘାଟଧାରୀମାନଙ୍କୁ ଦିଆଯାଉଥିବା ୱାଇ ଫର୍ମ ମାଧ୍ୟମରେ ଏବେ ଏହି ଜାଲିଆତି କରାଯାଉଛି।
ଓଡ଼ିଶା ମାଇନର ମିନେରାଲ କନସେସନ୍‌ ନିୟମ ଅନୁଯାୟୀ, ବାଲି ପରିବହନ ପାଇଁ ୱାଇ ଫର୍ମ ବହି ନିଲାମଧାରୀମାନଙ୍କୁ ଦିଆଯାଇଥାଏ। ଏଥିରେ ଥିବା ରସିଦ୍‌ରେ ଘାଟରୁ ପରିବହନ କରୁଥିବା ଗାଡ଼ିରେ କେତେ ପରିମାଣର ବାଲି ଚାଲାଣ ହେଲା, ତାହା ଉଲ୍ଲେଖ ରହିଥାଏ। ରସିଦରେ ମଧ୍ୟ ବାଲି ଲୋଡ୍‌ ହେବାର ସମୟ ଓ ତାରିଖ ଉଲ୍ଲେଖ ରହିଥାଏ। ବାଟରେ ଯଦି ପୋଲିସ କିମ୍ବା ଜିଲା ପ୍ରଶାସନ ଗାଡ଼ିକୁ ଅଟକାଇ ଯାଞ୍ଚ କରନ୍ତି ତେବେ ଡ୍ରାଇଭର ଉକ୍ତ ଫର୍ମକୁ ଦେଖାଇ ଗାଡ଼ିରେ ଚାଲାଣ ହେଉଥିବା ବାଲି ବୈଧ ବୋଲି ସାବ୍ୟସ୍ତ କରିଥାନ୍ତି। ପ୍ରତି ୩ ମାସରେ ଥରେ ଲିଜ୍‌ଧାରୀ ଉକ୍ତ ବହିକୁ ତହସିଲ ପ୍ରଶାସନ ନିକଟରେ ଦାଖଲ କରିଥାନ୍ତି। ଘାଟଧାରୀଙ୍କୁ ଲିଜ୍‌ ଦିଆଯିବା ସମୟରେ ସେ କେତେ ବାଲି ଉଠାଇବେ ବୋଲି ଲିଜ୍‌ରେ ସର୍ତ୍ତାବଳୀ ରହିଥାଏ। ଉକ୍ତ ୱାଇ ଫର୍ମ ବହିରୁ ତା’ର ହିସାବ କରାଯାଇଥାଏ। ଯେହେତୁ ଗତ ୬ ମାସ ହେବ ବାଲି ଯାଞ୍ଚ କରାଯାଉନାହିଁ ତାହାର ଫାଇଦା ନେଇ ଘାଟଧାରୀମାନେ ଫାଙ୍କା ରସିଦ୍‌ (ବ୍ଲାଙ୍କ ରିସିପ୍ଟ୍‌) ଡ୍ରାଇଭରଙ୍କୁ ଧରାଇ ଦେଉଛନ୍ତି। ଗୋଟିଏ ରସିଦକୁ ପକେଟରେ ପୂରାଇ ଡ୍ରାଇଭରମାନେ ମାସାଧିକ କାଳ ବାଲି ପରିବହନ କରୁଛନ୍ତି। ଫଳରେ ଘାଟରୁ ଲିଜ୍‌ଧାରୀଙ୍କୁ ଯେତିକି ପରିମାଣର ବାଲି ଉଠାଇବା ପାଇଁ ଅନୁମତି ମିଳିଥାଏ, ତାହାର ୧୦ ଗୁଣା ବାଲି ସେ ଉଠାଇଥାନ୍ତି।
ଉଦାହରଣ ଭାବେ ବାରଙ୍ଗ ତହସିଲ ଅଧୀନ କାଠଯୋଡ଼ି ନଦୀରୁ ଜଣେ ଲିଜ୍‌ଧାରୀଙ୍କୁ ବାଲି ଉଠାଇବା ପାଇଁ ଅନୁମତି ମିଳିଥିଲା। ସେ ବାଲି ଉଠାଇ ଉଠାଇ ନିଜର ତହସିଲ ସୀମା ପାର କରି ସଦର ତହସିଲ ଇଲାକାରୁ ବାଲି ଉତ୍ତୋଳନ କରିଥିଲେ। ତତ୍କାଳୀନ ସଦର ତହସିଲଦାର ସଞ୍ଜୀବିତା ରାୟ ସମ୍ପୃକ୍ତ ଲିଜ୍‌ଧାରୀଙ୍କ ଉପରେ ୩୨ ଲକ୍ଷ ଟଙ୍କାର ଜରିମାନା ଲାଗୁ କରିଥିଲେ। ଲିଜ୍‌ଧାରୀ ଜଣକ ଉକ୍ତ ଜରିମାନା ପଇଠ ନ କରି ପୁନର୍ବାର ବାଲି ଉତ୍ତୋଳନ କରୁଛନ୍ତି ବୋଲି ଅଭିଯୋଗ ହୋଇଛି। ସେହିପରି ତହସିଲରୁ ଫର୍ମ ୱାଇ ବହି ନେଇ କେତେଜଣ ନିଲାମଧାରୀ ତହସିଲକୁ ଆଉ ଫେରସ୍ତ ଦେଇନାହାନ୍ତି। ଏହିପରି ଭାବେ ୨୦୧୮-୧୯ରେ ସଦର ତହସିଲ ଅଧୀନ ସୁବର୍ଣ୍ଣପର ବାଲିଘାଟରୁ ୪ଟି ରସିଦ ବହି ଫେରି ନ ଥିବା ତତ୍କାଳୀନ ତହସିଲଦାର ସଞ୍ଜୟ ପ୍ରତିହାରୀ ପ୍ରଶାସନକୁ ଅବଗତ କରାଇଛନ୍ତି।
ନରଣପୁର ଓ ମୁଣ୍ଡମୁହାଣ ବାଲିଘାଟରୁ ବିନା ଫର୍ମ ୱାଇରେ ବାଲିଚାଲାଣ ହେଉଥିବା ନେଇ କିଛିଦିନ ତଳେ ଅଭିଯୋଗ ହୋଇଥିଲା। ରାଜସ୍ବ ବିଭାଗର ଅତିରିକ୍ତ ସଚିବ ବିଭୂତି ଭୂଷଣ ଦାସ ଏକ ଭିଡିଓ କନଫରେନ୍ସିଂରେ ଉକ୍ତ ପ୍ରସଙ୍ଗ ଉଠାଇଥିଲେ। ଏହାପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆ ନ ଯିବାରୁ ପୂର୍ବବତ ବାଲି ଚାଲାଣ ଫର୍ମ ୱାଇ ବିନା ଜାରି ରହିଛି। ଏହି ବେଆଇନ ବାଲି ଚାଲାଣକୁ ରୋକିବା ପାଇଁ ଉପଖଣ୍ଡ ସ୍ତରରେ ଏକ ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ ଗଠନ କରାଯାଇଛି। ମାତ୍ର ଗତ ସାଧାରଣ ନିର୍ବାଚନ ପରଠାରୁ ଏହି ସ୍କ୍ବାଡ୍‌ ଗୋଟିଏ ଥର ବି ଯାଞ୍ଚ କାର୍ଯ୍ୟ କରିନାହିଁ। ଏ ସମ୍ପର୍କରେ ସ୍କ୍ବାଡ୍‌ ଦାୟିତ୍ୱରେ ଥିବା କଟକ ସଦର ସହକାରୀ ଉପଜିଲାପାଳ କ୍ଷେତ୍ରମୋହନ ସ୍ବାଇଁ କୁହନ୍ତି, ନିର୍ବାଚନ ପରେ ଫନୀ ବାତ୍ୟା କାମରେ ବ୍ୟସ୍ତ ରହିବାକୁ ପଡ଼ିଥିଲା। ଏବେ ସ୍କ୍ବାଡ୍‌ ପୁନର୍ବାର ନିଜର କାର୍ଯ୍ୟକ୍ରମ ଆରମ୍ଭ କରିବ। ଅନ୍ୟପକ୍ଷରେ ବାଲି ଚୋରି ସମ୍ପର୍କରେ ଜାଣିବା ପାଇଁ କଟକ ଜିଲାପାଳ ଭବାନୀ ଶଙ୍କର ଚୟନୀଙ୍କୁ ବାରମ୍ବାର ଯୋଗାଯୋଗ କରାଯାଇଥିଲେ ମଧ୍ୟ ସେ ଫୋନ ଉଠାଇ ନ ଥିଲେ।


Enter your email to get our daily news in your inbox.

All Right Reserved By Dharitri.Com

ଲିଖିରିଆରେ ଏମ୍ସର ରାପିଡ୍‌ ରେସପନ୍ସ ଟିମ୍‌

ବଲାଙ୍ଗୀର ଅଫିସ, ୭ା୫: ଅଖିଳ ଭାରତୀୟ ଆୟୁବିଜ୍ଞାନ ସଂସ୍ଥାନ୍‌ (ଏମ୍ସ) ଭୁବନେଶ୍ୱର ଶାଖାର ଏକ ରାପିଡ ରେସପନ୍ସ ଟିମ୍‌ (ଆରଆରଟି) ଗୁରୁବାର ବଲାଙ୍ଗୀର ଜିଲା ଗୁଡଭେଲା...

ଗାଧୋଇବା ହେଲା କାଳ: କେନାଲରେ ବୁଡି ଗଲେ ୨ ସାଙ୍ଗ

ଅନୁଗୋଳ ଅଫିସ, ୨୯।୭-ଅନୁଗୋଳ ସହରର ହେମସୁରପଡା ଅଞ୍ଚଳରେ ବୁଧବାର ଏକ ଅଭାବନୀୟ ଘଟଣା ଘଟିଛି। କେନାଲ ପାଣିରେ ବୁଡି ୨ ସାଙ୍ଗ ପ୍ରାଣ ହରାଇଛନ୍ତି। ମୃତକ...

ବାଟବଣା ଜନସେବା ଅଧିକାର ଆଇନ: ୩ମାସ ହେଲା ବିଏସ୍‌ଏନ୍‌ଏଲ୍‌ ସେବା ଠପ୍‌

ରସୁଲପୁର,୫।୬(ଡି.ଏନ୍‌.ଏ.)- ଯାଜପୁର ଜିଲା ରସୁଲପୁର ତହସିଲରେ ବାଟବଣା ହୋଇଛି ଜନସେବା ଅଧିକାର ଆଇନ। ଏଠାରେ ୩ମାସ ହେଲା ବିଏସ୍‌ଏନ୍‌ଏଲ୍‌ ସେବା ଠପ୍‌ ହୋଇଯାଇଛି। ଏଭଳି ଅବ୍ୟବସ୍ଥା...

ତାର ସଜାଡ଼ିଲା ବିଦ୍ୟୁତ୍‌ ବିଭାଗ

କଣିହାଁ, ୧୪ା୨(ଡି.ଏନ.ଏ.) – ଅନୁଗୋଳ ଜିଲା କଣିହାଁ ବ୍ଲକ ଝରାବେରଣୀ ଓ ପଟ୍ଟାଖମଣ ଗ୍ରାମକୁ ସଂଯୋଗ କରୁଥିବା ମୁଖ୍ୟମନ୍ତ୍ରୀ ସଡ଼କ ଯୋଜନା ରାସ୍ତା ଉପରେ ୩୩ କେଭି...

ଜିଲା ପ୍ରଶାସନ ପକ୍ଷରୁ ଏନ୍‌ଫୋର୍ସମେଣ୍ଟ ଆରମ୍ଭ

ଖୋର୍ଦ୍ଧା ଅଫିସ,୧୨ା୧୧: କିଛିଦିନର ବ୍ୟବଧାନ ପରେ ଖୋର୍ଦ୍ଧା ଜିଲା ପ୍ରଶାସନ ପକ୍ଷରୁ ଏନ୍‌ଫୋର୍ସମେଣ୍ଟ ଆରମ୍ଭ ହୋଇଛି। ସମସ୍ତ ତହସିଲ, ବ୍ଲକ ଅଞ୍ଚଳରେ ମାସ୍କ ଚେକିଂ ଜୋରଦାର...

ଆଜି ଜେଇଇ ଆଡ୍‌ଭାନ୍ସ : ଓଡ଼ିଶାରୁ ପରୀକ୍ଷା ଦେବେ ୩,୨୬୧ ପରୀକ୍ଷାର୍ଥୀ

ଭୁବନେଶ୍ୱର,୨୭।୫(ବ୍ୟୁରୋ) : ସୋମବାର ସମଗ୍ର ଦେଶରେ ଅନୁଷ୍ଠିତ ହେବ ଜେଇଇ ଆଡ୍‌ଭାନ୍ସ ପରୀକ୍ଷା। ଦେଶର ସମସ୍ତ ଆଇଆଇଟି ସହ ଆଇଆଇଟି ଧାନବାଦ ତଥା ଇଣ୍ଡିଆନ୍‌ ସ୍କୁଲ...

ଚିକିତ୍ସା ଅବହେଳାରୁ ଶିଶୁମୃତ୍ୟୁ ଅଭିଯୋଗ: ଶିଶୁଭବନରେ ଉତ୍ତେଜନା

କଟକ ଅଫିସ,୧୪ା୧୦- କଟକ ଶିଶୁଭବନରେ ଜଣେ ୪ମାସ ଶିଶୁର ମୃତ୍ୟୁକୁ ନେଇ ସୋମବାର ଉତ୍ତେଜନା ପ୍ରକାଶ ପାଇଥିଲା। ଚିକିତ୍ସା ଅବହେଳାରୁ ଶିଶୁଙ୍କ ମୃତ୍ୟୁ ହୋଇଥିବା ଅଭିଯୋଗ...

ଡ୍ରେନ୍‌ ପାଲିଟିଛି ମଶାଙ୍କ ଆବାସସ୍ଥଳୀ

ଏରସମା,୧ା୮(ସ୍ବ.ପ୍ର.): ଏରସମା ବ୍ଲକ ସଦରମହକୁମାସ୍ଥିତ ଡ୍ରେନ ଗୁଡ଼ିକ ଦୀର୍ଘ ଦିନ ହେବା ସଫା କରାଯାଉ ନାହିଁ। ଫଳରେ ତାହା ବର୍ତ୍ତମାନ ଏଡିସ୍‌ ମଶାଙ୍କ ଆବାସସ୍ଥଳୀ ପାଲଟିଛି।...

Play 250+ Trending Games
Archives

Model This Week

Why Dharitri