୮.୫ ଟ୍ରିଲିୟନ ଡଲାର କ୍ଷତି ସହିବ ବିଶ୍ୱ

ନୂଆଦିଲ୍ଲୀ,୭।୬: କରୋନା ମହାମାରୀ ଲାଗି ସାରା ବିଶ୍ୱର ଅର୍ଥ ବ୍ୟବସ୍ଥା ଗଭୀର ଭାବେ କ୍ଷତିଗ୍ରସ୍ତ ହୋଇଛି। ଆଗାମୀ ୨ ବର୍ଷରେ ବିଶ୍ୱ ଅର୍ଥ ବ୍ୟବସ୍ଥା ପ୍ରାୟ ୮.୫ ଟ୍ରିଲିୟନ ଡଲାର କ୍ଷତି ସହିବ ବୋଲି ଜାତିସଂଘର ଅର୍ଥନୈତିକ ଏବଂ ସାମାଜିକ ବ୍ୟାପାର ବିଭାଗ ରିପୋର୍ଟ ପ୍ରକାଶ କରିଛି। କୋଭିଡ୍‌-୧୯ ଯୋଗୁ ୩୪ ନିୟୁତ ଲୋକ ଉତ୍କଟ ଦାରିଦ୍ର୍ୟକୁ ଠେଲି ହୋଇଯିବେ। ବର୍ତ୍ତମାନ କରୋନାରେ ୬.୬ ନିୟୁତ ଲୋକ ଆକ୍ରାନ୍ତ ହୋଇଛନ୍ତି। ୩.୯ ଲକ୍ଷ ଲୋକଙ୍କ ଜୀବନ ଏହାଦ୍ୱାରା ଚାଲିଯାଇଛି। ସମସ୍ୟାରୁ ବାହାରକୁ ବାହାରିବା ଲାଗି ଅର୍ଥ ବ୍ୟବସ୍ଥାଗୁଡିକ ଉଦ୍ୟମ ଜାରି ରଖିଛନ୍ତି। କେଉଁ କ୍ଷେତ୍ରକୁ କ୍ଷତି କ’ଣ ରହିଛି ସେ ଉପରେ ନଜର ପକାଇଲେ…

ତୈଳ କ୍ଷେତ୍ର
କରୋନା ଯୋଗୁ ବିଶ୍ୱର ଦୁଇ ତୃତୀୟାଂଶ ସ୍ଥାନ ତାଲାବନ୍ଦ ହୋଇଗଲା। ସବୁ କାମ ଠପ୍‌ ହୋଇଯିବା ଯୋଗୁ ତେଲ ଚାହିଦା ଉପରେ ଏହାର ପ୍ରଭାବ ପଡିଛି। ଅଶୋଧିତ ତେଲ ଉତ୍ପାଦନ ଦୈନିକ ଉତ୍ପାଦନ ୩୦ ନିୟୁତ ବ୍ୟାରେଲ ହ୍ରାସ ଘଟିଛି। ଏପ୍ରିଲ ୨୦୨୦ରେ ଆମେରିକାର ଅଶୋଧିତ ତେଳ ଦର ଐତିହାସିକ ନିମ୍ନ ସ୍ତରକୁ ଖସିଛି। ଏହି ସମୟରେ ବ୍ୟାରେଲ ପିଛା ଦର ଋଣାତ୍ମକ ୩୭ ଡଲାରକୁ ଖସିଥିଲା। ଲକ୍‌ଡାଉନ ଉଠିବା ପରେ ଏହି ସ୍ଥିତିରେ ଉନ୍ନତି ପରିଲକ୍ଷିତ ହୋଇଛି। ମାତ୍ର ବର୍ତ୍ତମାନ ସୁଦ୍ଧା ଚାହିଦା ପୂର୍ବ ସ୍ଥିତିକୁ ଫେରିନାହିଁ। ଚଳିତ ବର୍ଷ ଶେଷ ସୁଦ୍ଧା ତେଲ ଦର ବ୍ୟାରେଲ ପିଛା ୪୦ ଡଲାର ଛୁଇଁପାରେ। ଲକ୍‌ଡାଉନ ନ ବଢିଲେ ସ୍ଥିତିରେ ଉନ୍ନତି ଆସିବ।

ଅଟୋମୋବାଇଲ
କରୋନା ମହାମାରୀ ବିଶ୍ୱର ଅଟୋମୋବାଇଲ ବଜାରକୁ ପୂରା କ୍ଷତିଗ୍ରସ୍ତ କରିଛି। ପୂର୍ବରୁ ଏଭଳି କେବେ ଦେଖାଯାଇ ନ ଥିଲା। ୨୦୨୦ରେ ସାରା ବିଶ୍ୱର ଅଟୋମୋବାଇଲ ବଜାରର ବିକ୍ରି ୨୦% ଖସିବ। ଭାରତରେ ମଧ୍ୟ କମ୍ପାନୀଗୁଡିକ ଗତ ୨ ମାସ ହେବ ପୂରା କ୍ଷତି ସହି ଆସୁଛନ୍ତି। ମାନୁଫାକଚରିଂ ୟୁନିଟକୁ ପୂରା କ୍ଷମତାରେ ଚଳାଇବା ଲାଗି ସମୟ ଲାଗିବ।

ବିମାନ ଚଳାଚଳ
କରୋନା ନ ବ୍ୟାପିବା ଲାଗି ବିମାନ ଚଳାଚଳ ଉପରେ କଟକଣା ଲଗାଯାଇଥିଲା। ଏପ୍ରିଲ ମାସରେ ପାସେଞ୍ଜର ଟ୍ରାଫିକ ୯୪% ଖସିଛି। ବିଭିନ୍ନ ରିହାତି ପ୍ୟାକେଜ ଦେବା ଲାଗି ସାରା ବିଶ୍ୱରେ ବିମାନ କମ୍ପାନୀଗୁଡିକ ଦାବି ଉଠାଉଛନ୍ତି। ପ୍ରମୁଖ ବିମାନ ପ୍ରସ୍ତୁତକାରୀ କମ୍ପାନୀ ବୋଇଂ, ଏୟାରବସ୍‌ ଭଳି କମ୍ପାନୀଗୁଡିକର ଚାପ ଏବେ ବଢ଼ିଯାଇଛି। ଯଦି କୌଣସି ସରକାରୀ ସହାୟତା ନ ମିଳେ ତେବେ ସମସ୍ୟା ବଢ଼ିଯିବ ବୋଲି କମ୍ପାନୀଗୁଡିକ କହିଛନ୍ତି। ବିଭିନ୍ନ ଦେଶରେ ଘରୋଇ ଉଡାଣକୁ ବର୍ତ୍ତମାନ ଅନୁମତି ମିଳିଛି। ଜୁନ୍‌ ମଧ୍ୟଭାଗ କିମ୍ବା ଆଗକୁ ଆଉ କିଛିଦିନ ପରେ ଅନ୍ତର୍ଜାତୀୟ ଉଡ଼ାଣକୁ ଅନୁମତି ମିଳିପାରେ। ମାତ୍ର ଲୋକଙ୍କ ମନରେ ଭୟ ରହିଥିବାରୁ ଏହି କ୍ଷେତ୍ରରେ ଚାପରେ ରହିବ ବୋଲି ଜଣାପଡିଛି।

ପର୍ଯ୍ୟଟନ
ଚଳିତ ବର୍ଷ ଅନ୍ତର୍ଜାତୀୟ ପର୍ଯ୍ୟଟନ କାର୍ଯ୍ୟକଳାପ ୬୦ରୁ ୮୦% ହ୍ରାସ ହେବ। ଏହି କ୍ଷେତ୍ରକୁ ୧ ଲକ୍ଷ କୋଟି ଡଲାର କ୍ଷତି ସହିବାକୁ ପଡିବ ବୋଲି ଆକଳନ କରାଯାଇଛି। ପର୍ଯ୍ୟଟନ ଶିଳ୍ପ ଉପରେ ନିର୍ଭର କରୁଥିବା ଦେଶଗୁଡିକ ଏହାଦ୍ୱାରା ଗଭୀର କ୍ଷତି ସହିଛନ୍ତି। ଏହି ସ୍ଥିତି ଶୀଘ୍ର ଠିକ୍‌ ହେବ ବୋଲି କହିହେବ ନାହିଁ। ଏହି କ୍ଷେତ୍ରରେ ୧୦୦ ନିୟୁତ ନିଯୁକ୍ତି ଉପରେ ବର୍ତ୍ତମାନ କଳାବାଦଲ ରହିଛି।

ବିଳାସପୂର୍ଣ୍ଣ ସାମଗ୍ରୀ
ଗତ ୨ମାସରେ ବିଳାସପୂର୍ଣ୍ଣ ସାମଗ୍ରୀ ବିକ୍ରି ୮୦% ଖସିଛି। ଇ-କମର୍ସ ପ୍ଲାଟ୍‌ଫର୍ମଗୁଡିକ ଅତ୍ୟାବଶ୍ୟକ ସାମଗ୍ରୀକୁ ଛାଡ଼ିଦେଲେ ଅନ୍ୟ ସାମଗ୍ରୀ ପହଞ୍ଚାଇବାକୁ ସକ୍ଷମ ହୋଇ ନ ଥିବାରୁ ବିଭିନ୍ନ ସମସ୍ୟା ଉପୁଜିଛି। ବିଶ୍ୱର ୪୦% ଲକ୍‌ଜରି ଗୁଡ୍‌ସ ପ୍ରାୟ ଇଟାଲୀରେ ପ୍ରସ୍ତୁତ ହୋଇଥାଏ। ବର୍ତ୍ତମାନ ଏହି ଦେଶର କରୋନା ଦ୍ୱାରା କ୍ଷତିଗ୍ରସ୍ତ ହୋଇଛି। ଫ୍ୟାଶନ ବ୍ରାଣ୍ଡଗୁଡିକ ସେମାନଙ୍କ ମାନୁଫାକଚରିଂ କାର୍ଯ୍ୟକଳାପ ଠିକ୍‌ କରିପାରି ନାହାନ୍ତି। ବିଭିନ୍ନ ଦେଶରେ ଆର୍ଥତ୍କ କାର୍ଯ୍ୟକଳାପ ଟ୍ରାକ୍‌କୁ ଫେରୁଥିବା ବେଳେ ସ୍ଥିତି କେବେ ସମ୍ପୂର୍ଣ୍ଣ ସୁଧୁରିବ ସେ ନେଇ କହିହେବ ନାହିଁ ବୋଲି ବିଶେଷଜ୍ଞ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସଭରେନ ବଣ୍ଡ ହେଲା କାଳ;ଗର୍ଗଙ୍କ ବଦଳି ପଛରେ ଆର୍‌ଏସ୍‌ଏସ୍‌ର ହାତ ସନ୍ଦେହ

ନୂଆଦିଲ୍ଲୀ,୨୭-୭: ଆର୍ଥିକ ବ୍ୟାପାର ସଚିବ ସୁଭାଷ ଚନ୍ଦ୍ର ଗର୍ଗଙ୍କୁ ବଦଳି ପଛରେ ରାଷ୍ଟ୍ରୀୟ ସ୍ବୟଂସେବକ ସଂଘ(ଆର୍‌ଏସ୍‌ଏସ୍‌)ର ହାତ ରହିଥିବା ସନ୍ଦେହ କରାଯାଉଛି। ବିଦେଶୀ ସଭରେନ ବଣ୍ଡ...

ପେସାଦାରୀ ଅଭିଜ୍ଞତା ହିଁ ସବୁକିଛି: ଶକ୍ତିକାନ୍ତ

ମୁମ୍ବାଇ,୨୩-୯: ଇତିହାସର ଛାତ୍ର ଥିବା ଶକ୍ତିକାନ୍ତ ଦାସ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ୨୫ତମ ଗଭର୍ନର ହେବା ପରେ ତାଙ୍କୁ ଅନେକ ଥଟ୍ଟା ପରିହାସର ସମ୍ମୁଖୀନ ହେବାକୁ...

ଭାରତ ବଜାରରୁ କଗ୍‌ନିଜାଣ୍ଟର ଛଟେଇ

ନୂଆଦିଲ୍ଲୀ,୪।୭: ଭାରତ ବଜାରର ବିଭିନ୍ନ ସ୍ଥାନରେ ରହିଥିବା କାର୍ଯ୍ୟାଳୟରୁ ପ୍ରମୁଖ ଆଇଟି କମ୍ପାନୀ କଗ୍‌ନିଜାଣ୍ଟ ଛଟେଇ କରୁଥିବା ଜଣାପଡିଛି। କେତେ କର୍ମଚାରୀ ଛଟେଇ ହେଉଛନ୍ତି ସେ...

ଶେୟାର ବଜାରରେ ଗୋଟିଏ ଦିନରେ ବୁଡ଼ିଗଲା ୩ ଲକ୍ଷ ୪୬ ହଜାର କୋଟି: ଡିଡିଟି ହଟାଇବା ପଡ଼ିଲା ମହଙ୍ଗା

ମୁମ୍ବାଇ,୨।୨: ଚଳିତ ୨୦୨୦-୨୧ ବଜେଟ ଉପସ୍ଥାପନ ପରେ ଶେୟାର ବଜାରରେ ଗୋଟିଏ ଦିନରେ ୩ ଲକ୍ଷ ୪୬ ହଜାର କୋଟି ଟଙ୍କା ବୁଡ଼ି ଯାଇଛି। ଗତ...

ଚଳିତବର୍ଷ ନିଲାମ ହେବ ୫ଜି ସ୍ପେକ୍ଟ୍ରମ: ଟେଲିକମ୍‌ ମନ୍ତ୍ରୀ

ନୂଆଦିଲ୍ଲୀ,୪-୬: ଟେଲିକମ୍‌ ମନ୍ତ୍ରୀ ଭାବେ ରବିଶଙ୍କର ପ୍ରସାଦ ସୋମବାର ଦାୟିତ୍ୱ ଗ୍ରହଣ କରିଛନ୍ତି। ଆଗାମୀ ୧୦୦ ଦିନ ଭିତରେ ୫ଜି ସ୍ପେକ୍ଟ୍ରମ ଟେଷ୍ଟିଙ୍ଗ୍‌ ଆରମ୍ଭ କରିବାର...

ମୋଦି ୨.୦ର ପ୍ରସ୍ତୁତି; ଉଜ୍ଜ୍ୱଳାରେ ୫ କେଜିର ସିଲିଣ୍ଡର ହେବ ବାଧ୍ୟତାମୂଳକ

ନୂଆଦିଲ୍ଲୀ,୨୯-୫: ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଯୋଗୁ ଗ୍ରାମାଞ୍ଚଳର ମହିଳାମାନଙ୍କ ଭୋଟ୍‌ ହାତେଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ଏନ୍‌ଡିଏ ସରକାର ଦ୍ୱିତୀୟ କାର୍ଯ୍ୟକାଳରେ ଆଉ ଏକ...

ଦଲାଲ ଷ୍ଟ୍ରିଟକୁ କରୋନା ଝଟକା

ମୁମ୍ବାଇ,୨୯-୨: କରୋନା ଭାଇରସର ପ୍ରଭାବ ବିଶ୍ୱ ବଜାରରେ ଦିନକୁ ଦିନ ବ୍ୟାପିବାରେ ଲାଗିଛି। ଏହାର ପ୍ରଭାବରେ ଦେଶର ଦଲାଲ ଷ୍ଟ୍ରିଟର ପୁଞ୍ଜି ବଜାରକୁ କରୋନା ଭାଇରସ...

ବାଇଜୁସ୍‌ର ରବିନ୍ଦ୍ରନ ଦେଶର ନୂଆ କୋଟିପତି;ଟ୍ୟୁସନରୁ ମିଳିଥିଲା ଆପ୍‌ ତିଆରି ଆଇଡିଆ

ନୂଆଦିଲ୍ଲୀ,୩୦-୭: ଏକଦା ଟ୍ୟୁସନ ପଢ଼ାଉଥିବା ବାଇଜୁ ରବିନ୍ଦ୍ରନ ଆଜି ଭାରତର ନୂଆ କୋଟିପତି ଭାବେ ପରିଗଣିତ ହେଉଛନ୍ତି। ଗତ ୮ ବର୍ଷ ଭିତରେ ତାଙ୍କ ସମ୍ପତ୍ତି...

Coronavirus Update


Archives

Model This Week

Why Dharitri