୭ ମାସ ହେବ ଆଉ ଶୁଣାଯାଉନି ଭୁଟୁଭୁଟି ଶବ୍ଦ :ପୁରାତନ ଡଙ୍ଗାଘାଟ ଆଜି ଅଲୋଡ଼ା

ଆନନ୍ଦପୁର, ୨୨।୧୦(ସନ୍ତୋଷ ରାଉତ)-କେନ୍ଦୁଝର ଜିଲା ଆନନ୍ଦପୁର ଦେଇ ପ୍ରବାହିତ ବୈତରଣୀ ନଦୀରେ ବହୁ ପୁରାତନ ଡଙ୍ଗା ଘାଟ ଗତ ମାର୍ଚ୍ଚ ମାସରୁ ବନ୍ଦ ହୋଇଯାଇଛି। ପୂର୍ବରୁ ଘାଟ ନିଲାମ ନେଉଥିବା ବ୍ୟକ୍ତି ଏକ ଭଟୁଭୁଟି ଡଙ୍ଗା ଚଳାଉଥିଲେ। ଏବର୍ଷ ଘାଟକୁ କେହି ନିଲାମ ନ ଧରିବାରୁ ସେଠାରେ ନା ଶୁଭୁଛି ଭୁଟୁଭୁଟି ଶବ୍ଦ ନା ଯାତ୍ରୀଙ୍କ କୋଳାହଳ।
ଏହି ଘାଟଠାରୁ ପ୍ରାୟ ଦେଢ କି.ମି. ଦୂର ଆନନ୍ଦପୁର ବ୍ରିଜଛକ ନିକଟରେ ୧୯୮୫ରେ ସେତୁ ନିର୍ମିତ ହେବା ପରଠାରୁ ସ୍ଥିତି କ୍ରମେ ବଦଳି ଚାଲିଛି। ଘସିପୁରା ଏବଂ ଆନନ୍ଦପୁରବାସୀ ସଡକ ପଥରେ ଯାତାୟାତ କରୁଥିଲେ ବି ସ୍ବଳ୍ପ ଦୂରତା ଯୋଗୁ ଅନେକେ ଉକ୍ତ ଘାଟରେ ପଡିଥିବା ଭୁଟୁଭୁଟିରେ ନଦୀ ପାର ହୋଇ ଯାତାୟାତ କରୁଥିଲେ। ବର୍ତ୍ତମାନ ଉକ୍ତ ଘାଟଠାରୁ ୬୦୦ ମିଟର ଦୂରରେ ବୈତରଣୀ ବ୍ୟାରେଜ ସେତୁ ନିର୍ମାଣ ହେବା ଯୋଗୁ ଘାଟରେ ଯାତାୟାତ ଅଧିକ ପ୍ରଭାବିତ ହୋଇଛି। ପ୍ରଶାସନ ଅତୀତର ସ୍ମାରକୀ ଭାବେ ପୁରୁଣା ଘାଟର ସୁରକ୍ଷା ଲାଗି କୌଣସି ପଦକ୍ଷେପ ନେବା ପରିବର୍ତ୍ତେ କ୍ରମେ ଅଲୋଡା ହୋଇ ଯାଉଥବା ଘାଟର ନିଲାମ ମୂଲ୍ୟ ବଢାଇବା ବିସ୍ମୟର କାରଣ ହୋଇଛି। ଏହି କାରଣରୁ ଚଳିତବର୍ଷ ଘାଟକୁ କେହି ନିଲାମ ନ ଧରିବାରୁ ଏହା ୭ ମାସ ହେଲା ବନ୍ଦ ହୋଇ ପଡିଛି।
ଉଲ୍ଳେଖନୀୟ ଯେ, ବୈତରଣୀ ବାମପଟେ ଆନନ୍ଦପୁର ସହର ଏବଂ ଡାହାଣପଟେ ଘସିପୁରା ଅଞ୍ଚଳ ରହିଛି। ସ୍ଥାନୀୟ ଉପଜିଲାପାଳଙ୍କ କାର୍ଯ୍ୟାଳୟଠାରୁ ମାତ୍ର ୧୫୦ ମିଟର ଦୂରରେ ନଦୀଘାଟ ଥିବା ବେଳେ ଘସିିପୁରା ପଟେ ଯାତ୍ରୀଙ୍କ ଆଶ୍ରୟ ଲାଗି ବରଗଛ ମୂଳେ ପିଣ୍ଡି ସାଙ୍ଗକୁ ଟିକେଟ କାଉଣ୍ଟର ଘର ରହିଛି। ଉଭୟ ପାର୍ଶ୍ୱରେ ଡଙ୍ଗା ଲାଗିବା ସକାଶେ ସିମେଣ୍ଟ ନିର୍ମିତ ଘାଟ ନିର୍ମାଣ କରାଯାଇଛି। ନଦୀର ଡାହାଣପାର୍ଶ୍ୱରେ ଖପରାଖାଇ ୧ ନଂ ବସ୍‌ଷ୍ଟାଣ୍ଡ ଏବଂ ବାମପାର୍ଶ୍ୱରେ ଫକୀରମୋହନ ବସଷ୍ଟାଣ୍ଡକୁ ଏହି ଘାଟ ସିଧାସଳଖ ସଂଯୋଗ କରୁଥିବାରୁ ଏକଦା ଏହାର ଗୁରୁତ୍ୱ ରହିଥିଲା। ସମ୍ପ୍ରତି ଉକ୍ତ ଘାଟର ସ୍ଥିତିକୁ ନ ପରଖି ସ୍ଥାନୀୟ ପୌର ସଂସ୍ଥା ୨୦୧୯-୨୦ ବର୍ଷ ସକାଶେ ଏହାର ନିଲାମ ମୂଲ୍ୟ ୩ ଲକ୍ଷ ୬୮ ହଜାର ଟଙ୍କା ନିର୍ଦ୍ଧାରଣ କରିଥିଲା। ଚଢା ମୂଲ୍ୟ ଦେଇ କ୍ଷତିରେ ପଡିବା ଭୟ କରି କେହି ନିଲାମ ଡାକିବାକୁ ସାହସ କରି ନ ଥିଲେ। ଏ ସମ୍ପର୍କରେ ଆନନ୍ଦପୁର ଅଞ୍ଚଳର ବରିଷ୍ଠ ନାଗରିକ ରଘୁନାଥ ପଣ୍ଡିତ, ବୈକୁଣ୍ଠ ନାଥ ଜେନା, ସାମାଜିକକର୍ମୀ ବୁଲୁ ପଟ୍ଟନାୟକ ପ୍ରମୁଖ କହିଛନ୍ତି, ଏହି ପୁରାତନ ଘାଟକୁ ସ୍ମାରକୀ ଭାବେ ସୁରକ୍ଷିତ ରଖାଯିବା ଦରକାର। ପୌର ପରିଷଦ ନିଲାମ ମୂଲ୍ୟ ହ୍ରାସ କରି ଏହାକୁ କାର୍ଯ୍ୟକାରୀ କରିବା ଲାଗି ପଦକ୍ଷେପ ନେବା ଉଚିତ। ଏ ସମ୍ପର୍କରେ ପୌର କାର୍ଯ୍ୟନିର୍ବାହୀ ଅଧିକାରୀ ହିତାଂଶୁ ଶେଖର ସାମଲଙ୍କୁ ପଚାରିବାରୁ କହିଛନ୍ତି, ଧାର୍ଯ୍ୟ ମୂଲ୍ୟ କିମ୍ବା ତା’ଠାରୁ ୧୦ ପ୍ରତିଶତ ଅଧିକରେ ଘାଟ ନିଲାମ କରିବା ନିୟମ ରହିଛି। ତେବେ ପରିବର୍ତ୍ତିତ ସ୍ଥିତିକୁ ପ୍ରଶାସନ ଅନୁଧ୍ୟାନ କରି ଦେଖିବ।


Enter your email to get our daily news in your inbox.

All Right Reserved By Dharitri.Com

ଶ୍ରମିକଙ୍କ ରହିବା, ଖାଇବାର ବ୍ୟବସ୍ଥା କଲା ପ୍ରଶାସନ

ଆନନ୍ଦପୁର,୨୨।୪(ସ୍ବ.ପ୍ର.)- କେନ୍ଦୁଝର ଜିଲା ଆନନ୍ଦପୁର ପୌରପ୍ରଶାସନ ପକ୍ଷରୁ ଭୁବନେଶ୍ୱରରୁ ଚାଲି ଚାଲି ଆସିଥିବା ୯ ଜଣ ଶ୍ରମିକଙ୍କ ରହିବା ଖାଇବାର ବ୍ୟବସ୍ଥା କରାଯାଇଛି। ଲକ୍‌ ଡାଉନ...

ଗୁଗଲ୍‌ ଟ୍ରାନ୍ସଲେଟରରେ ‘ଓଡ଼ିଆ’ ଭାଷା

ଭୁବନେଶ୍ୱର,୨୮।୨(ବ୍ୟୁରୋ): ବହୁଦିନର ପ୍ରତୀକ୍ଷା ପରେ ଗୁଗଲ୍‌ ଟ୍ରାନ୍ସଲେଟର୍‌ରେ ସାମିଲ ହୋଇଛି ଓଡ଼ିଆ ଭାଷା। ବିଶ୍ୱର ସର୍ବାଧିକ ଲୋକପ୍ରିୟ ସର୍ଚ୍ଚଇଞ୍ଜିନ୍‌ ଗୁଗଲ୍‌ର ଅନୁବାଦ ବିଭାଗରେ ୫ ନୂଆ...

୩୧ରୁ ବଢ଼ିବ ଶୀତ

ଭୁବନେଶ୍ୱର,୩୦।୧୨(ବ୍ୟୁରୋ): ରାଜ୍ୟରେ ଶୀତ କମିଯାଇଛି। ଗୋଟିଏ ଦୁଇଟି ସ୍ଥାନକୁ ବାଦ୍‌ ଦେଲେ ଅଧିକାଂଶ ସ୍ଥାନରେ ସର୍ବନିମ୍ନ ତାପମାତ୍ରା ୧୦ ଡିଗ୍ରୀ ସେଲ୍‌ସିୟସ ଉପରେ ରହିଛି। ଆଞ୍ଚଳିକ...

୧୬ରୁ ବଢ଼ିବ ବର୍ଷା

ଭୁବନେଶ୍ୱର,୧୫।୯(ବ୍ୟୁରୋ): ରାଜ୍ୟରେ ଦକ୍ଷିଣ- ପଶ୍ଚିମ ମୌସୁମୀ ବାୟୁ ଦୁର୍ବଳ ରହିଛି। ଆସନ୍ତା ୨୪ ଘଣ୍ଟା ମଧ୍ୟରେ କୋରାପୁଟ, ମାଲକାନଗିରି, ରାୟଗଡା, କଳାହାଣ୍ଡି, କନ୍ଧମାଳ, ସୁନ୍ଦରଗଡ, କେନ୍ଦୁଝର,...

କ୍ୟାବିନେଟ ନିଷ୍ପତ୍ତି:ସୁପ୍ରିମକୋର୍ଟ ନିର୍ଦ୍ଦେଶ ପାଳନ ହେବ

ଭୁବନେଶ୍ୱର,୧୯ା୬(ବ୍ୟୁରୋ):ଚଳିତବର୍ଷ ପୁରୀରେ ଶ୍ରୀଜୀଉଙ୍କ ରଥଯାତ୍ରା ହେବ ନାହିଁ। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି। ଏ ନେଇ ଆଇନ ବିଭାଗ ପକ୍ଷରୁ...

କେନ୍ଦ୍ରାପଡ଼ା ଜଳକ୍ଳିଷ୍ଟ ଜିଲା

ଭୁବନେଶ୍ୱର,୨୨ା୧୧(ବ୍ୟୁରୋ): ଚଳିତ ଆର୍ଥିକ ବର୍ଷରେ କେନ୍ଦ୍ରାପଡା ଜିଲାକୁ କେନ୍ଦ୍ର ସରକାର ଜଳକ୍ଳିଷ୍ଟ ଜିଲା ବୋଲି ଘୋଷଣା କରିଛନ୍ତି। ତେଣୁ ଜଳକଷ୍ଟକୁ ଦୂର କରିବା ପାଇଁ ଜଳସମ୍ପଦ...

ସ୍ତ୍ରୀଙ୍କୁ ଟ୍ରଲିରେ ନେବା ପ୍ରସଙ୍ଗ: ଆନ୍ଦୋଳନକୁ ଓହ୍ଲାଇବ କଂଗ୍ରେସ

ଭୁବନେଶ୍ୱର,୧୪ା୧୦(ବ୍ୟୁରୋ):ପୁରୀ ଜିଲା ସତ୍ୟବାଦୀ ବ୍ଲକର କବୀର ଭୋଇ ସ୍ତ୍ରୀଙ୍କୁ ପୁରୀରୁ କଟକ ବଡ଼ ମେଡିକାଲ ପର୍ଯ୍ୟନ୍ତ ନିଜେ ଟ୍ରଲିରେ ବୋହିନେବା ଘଟଣା ରାଜ୍ୟ ସ୍ବାସ୍ଥ୍ୟ ବିଭାଗର...

ସୁସ୍ଥ ହେଲେ ୩୨୮କରୋନା ଆକ୍ରାନ୍ତ

ଭୁବନେଶ୍ୱର,୩୦।୧୨(ବ୍ୟୁରୋ)-ରାଜ୍ୟରେ ବୁଧବାର ଆଉ ୩୨୮ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧା ଜିଲାରୁ ସର୍ବାଧିକ ୫୨ ଜଣ ଆକ୍ରାନ୍ତ ସୁସ୍ଥ ହୋଇଥିବାବେଳେ ସମ୍ବଲପୁରରୁ ୩୨, ଅନୁଗୋଳରୁ...

Play 250+ Trending Games
Archives

Model This Week

Why Dharitri