୭୫.୮୫ ଲକ୍ଷରେ ନିଲାମ ହେଲା ଦୀପ ଦୋକାନ

ଜଗତ୍‌ସିଂହପୁର ଅଫିସ, ୫ା୩: ଜଗତ୍‌ସିଂହପୁର ଜିଲାର ଅଧିଷ୍ଠାତ୍ରୀ ଦେବୀ ମା’ ଶାରଳା ମନ୍ଦିର ପରିସରରେ ଥିବା ଜୋତା ଷ୍ଟାଣ୍ଡ, ପାର୍କିଂ, ଭୋଗ, ଦୀପ ଓ ପୂଜା ସାମଗ୍ରୀ ଦୋକାନ ପାଇଁ ପ୍ରତିବର୍ଷ ନିଲାମ ହୁଏ। ଏହି ଅନୁଯାୟୀ ଚଳିତବର୍ଷ ପାଇଁ ବୁଧବାର ନିଲାମ ଅନୁଷ୍ଠିତ ହୋଇଥିଲା। ଏହି ନିଲାମରେ କେବଳ ଦୀପ ଓ ପୂଜା ସାମଗ୍ରୀ ଦୋକାନକୁ ଛାଡିଦେଲେ ଅବଶିଷ୍ଟ ଜୋତା, ଭୋଗ, ପାର୍କିଂ ଓ ଶୌଚାଳୟ ପାଇଁ ନିଲାମଧାରୀ ଚୂଡାନ୍ତ ହୋଇପାରି ନାହାନ୍ତି। ଦୀପ ଓ ପୂଜା ସାମଗ୍ରୀ ଦୋକାନ ପାଇଁ ୩ ଜଣ ଆବେଦନ କରିଥିବା ବେଳେ ତ୍ରିଲୋଚନ ରାଉଳ ୭୫,୮୫,୫୫୦ ଟଙ୍କାରେ ନିଲାମ ହାତେଇବାକୁ ସକ୍ଷମ ହୋଇଛନ୍ତି। କିନ୍ତୁ ଭୋଗ ଦୋକାନ ପାଇଁ କେବଳ ଚନ୍ଦନ କୁମାର ପଣ୍ଡା ଆବେଦନ କରିଥିଲେ। ସେ ପାଖାପାଖି ୮୦,୫୩,୩୦୩ ଟଙ୍କାରେ ନିଲାମ ନେବାକୁ ଚାହିଁଥିବାରୁ ତାଙ୍କୁ ନିଲାମ ଦିଆଯିବ କି ନାହିଁ ତାହା ଚୂଡାନ୍ତ ହୋଇପାରିନାହିଁ। ଏ ସମ୍ପର୍କରେ ନିଷ୍ପତ୍ତି ଜିଲାପାଳ ତଥା ମନ୍ଦିର ମଧ୍ୟବର୍ତ୍ତିକାଳୀନ ଟ୍ରଷ୍ଟି ସଂଗ୍ରାମ କେଶରୀ ମହାପାତ୍ର ନେବେ ବୋଲି ମନ୍ଦିର ନିର୍ବାହୀ ଅଧିକାରୀ ସୌର୍ଯ୍ୟରଞ୍ଜନ ପରିଜା ସୂଚନା ଦେଇଛନ୍ତି।
ସେ କହିଛନ୍ତି, ଜିଲାପାଳଙ୍କ ନିକଟକୁ ଫାଇଲ ଯିବ ଏବଂ ସେ ଏହା ଉପରେ ବିଚାର କରି ଯାହା ନିଷ୍ପତ୍ତି ନେବେ ତାହା କାର୍ଯ୍ୟକାରୀ କରାଯିବ। ଅନ୍ୟପଟେ ପାର୍କିଂ ଓ ଜୋତା ଷ୍ଟାଣ୍ଡ ପାଇଁ କେହି ଆବେଦନ କରିନାହାନ୍ତି। ଶୌଚାଳୟ ପାଇଁ ଜଣେ ଆବେଦନ କରିଥିଲେ ସୁଦ୍ଧା ଅସମ୍ପୂର୍ଣ୍ଣ ଫର୍ମ ଯୋଗୁ ତାହା ନାକଚ ହୋଇଯାଇଛି। ଏବେ ପାର୍କିଂ, ଜୋତା ଷ୍ଟାଣ୍ଡ ଓ ଶୌଚାଳୟ ନେଇ ପୁନଃ ନିଲାମ ହେବ କି ନାହିଁ ତା’ ଉପରେ ଜିଲାପାଳ ନିଷ୍ପତ୍ତି ନେବେ।
ପୂର୍ବ କାର୍ଯ୍ୟସୂଚୀ ଅନୁଯାୟୀ ସକାଳ ୧୦ରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଟେଣ୍ଡର ବାକ୍ସରେ ଫର୍ମ ପକାଇବାକୁ ସୁଯୋଗ ଦିଆଯାଇଥିଲା। ଏହି ଅନୁଯାୟୀ ଦୀପ ଓ ପୂଜା ସାମଗ୍ରୀ ଦୋକାନ ପାଇଁ ୩ ଜଣ ସ୍ଥିରୀକୃତ ଅମାନତ ରାଶି ୫୦ ହଜାର ଟଙ୍କା ଲେଖାଏ ମନ୍ଦିର ଆକାଉଣ୍ଟରେ ଜମା କରିଥିଲେ। ପରେ ୫୦୦ ଟଙ୍କା ଲେଖାଏ ଦେଇ ଫର୍ମ କିଣି ନିଲାମ ପକାଇଥିଲେ। ସେମାନଙ୍କ ମଧ୍ୟରୁ ତ୍ରିଲୋଚନଙ୍କ ନିଲାମ ରାଶି ସର୍ବାଧିକ ଥିବାରୁ ତାଙ୍କୁ ଏହି ଦୋକାନ ଦିଆଯିବାକୁ ନିଷ୍ପତ୍ତି ହୋଇଛି। ଏପ୍ରିଲ ୧ରୁ ସେ ଦୋକାନ ଖୋଲିବେ। କିନ୍ତୁ ୯ ତାରିଖ ସୁଦ୍ଧା ନିଲାମ ରାଶିର ୩୦% ଅର୍ଥାତ୍‌ ପାଖାପାଖି ୨୫ ଲକ୍ଷ ଟଙ୍କା ଜମା କରିବେ। ପରେ ୬ଟି କିସ୍ତିରେ ଅବଶିଷ୍ଟ ରାଶି ଜମା କରିବାକୁ ସର୍ତ୍ତ ରଖାଯାଇଛି। ଭୋଗ ଦୋକାନ ପାଇଁ ଏକକ ଟେଣ୍ଡର ହୋଇଥିବାରୁ ଅଡୁଆ ବଢିଯାଇଛି। ଏକକ ଟେଣ୍ଡରକୁ ଗ୍ରହଣ କରାଯିବ କି ନାହିଁ ତା’ ଉପରେ ଜିଲାପାଳ ଚୂଡାନ୍ତ ନିଷ୍ପତ୍ତି ନେବେ। ତାଙ୍କ ନିଲାମ ବାତିଲ ହୋଇଗଲେ ଆଉଥରେ ନିଲାମ ହେବାର ସମ୍ଭାବନା ସୃଷ୍ଟି ହୋଇଛି। ଜୋତା ଓ ପାର୍କିଂ ପାଇଁ କେହି ଆବେଦନ କରି ନ ଥିଲେ ସୁଦ୍ଧା ପୁଣିଥରେ ନିଲାମ ହେବ କି ନାହିଁ ତା’ଉପରେ କିଛି ନିଷ୍ପତ୍ତି ହୋଇପାରିନାହିଁ। କିନ୍ତୁ ଏହା ଉପରେ ନିଲାମ ନ ହେବା ଉଚିତ ବୋଲି ସ୍ଥାନୀୟ ଅଞ୍ଚଳର ଅନେକ ବୁଦ୍ଧିଜୀବୀ ମତପ୍ରକାଶ କରିଛନ୍ତି।
ସେମାନ କହିବା କଥା, ଗତବର୍ଷ ପାର୍କିଂ ଦାୟିତ୍ୱ ନେଇଥିବା ବ୍ୟକ୍ତି ଯାତ୍ରୀଙ୍କ ଉପରେ ଜୁଲାମ କରିବାରୁ ଅସନ୍ତୋଷ ତୀବ୍ର ହୋଇଥିଲା। ବାଇକ୍‌ ଓ ୪ ଚକିଆ ଯାନରୁ ଅର୍ଥ ଆଦାୟ ହୋଇପାରିବ ନାହିଁ ବୋଲି ସର୍ତ୍ତ ଥିଲେ ସୁଦ୍ଧା ନିଲାମଧାରୀ ଏହାକୁ ଅମାନ୍ୟ କରି ମନଇଚ୍ଛା ଆଦାୟ କରି ଚାଲିଥିଲେ। ପରିସ୍ଥିତି ବିଗିଡିଯିବାରୁ ଜିଲାପାଳ ହସ୍ତକ୍ଷେପ କରିଥିଲେ। ଶେଷରେ ନିଲାମଧାରୀ ପାର୍କିଂ ଦାୟିତ୍ୱରୁ ଓହରି ଯାଇଥିଲେ। ସେବେଠାରୁ ପାର୍କିଂ ଓ ଜୋତା ଷ୍ଟାଣ୍ଡ ଦାୟିତ୍ୱ ମନ୍ଦିର ପ୍ରଶାସନ ନେଇଛି। ଏହା ଲୋକଙ୍କ ମନରେ ଆଶ୍ୱସ୍ତି ଭାବ ସୃଷ୍ଟି କରିଛି। ନିଲାମ ବାକ୍ସରେ ଫର୍ମ ପକାଯିବା ପରେ ଅପରାହ୍ନରେ ଏହା ଖୋଲାଯାଇଥିଲା। ସୁରକ୍ଷା ପାଇଁ ପୋଲିସ ଫୋର୍ସ ବ୍ୟବସ୍ଥା କରାଯାଇଥିଲା ।


Enter your email to get our daily news in your inbox.

All Right Reserved By Dharitri.Com

ବାମୁର ରେଞ୍ଜ୍‌ରେ ୨୨ ହାତୀ: ଘର ଭାଙ୍ଗିଲେ, ଫସଲ ଉଜାଡ଼ିଲେ

ବଇଣ୍ଡା, ୨୧।୧୧(ଡି.ଏନ.ଏ.) – ରେଢାଖୋଲ ବନଖଣ୍ଡରୁ ଅନୁଗୋଳ ଜିଲା କିଶୋରନଗର ବ୍ଲକ ବାମୁର ରେଞ୍ଜକୁ ବୁଧବାର ସକାଳେ ଚାଲି ଆସିଥିବା ୨୨ଟି ହାତୀ ବ୍ୟାପକ ଉପଦ୍ରବ...

ଶ୍ରୀଜୀଉଙ୍କ ଦର୍ଶନ ପୂର୍ବରୁ ଫର୍ମ ପୂରଣ କରିବେ ଶ୍ରଦ୍ଧାଳୁ: ଥଣ୍ଡାଜ୍ୱର ଥିଲେ ନ ଆସିବାକୁ ପରାମର୍ଶ, ସ୍ପର୍ଶ ବାରଣ

ପୁରୀ ଅଫିସ,୧୫।୩: କରୋନା ସତର୍କତାକୁ ନେଇ ରବିବାର ଶ୍ରୀମନ୍ଦିର ଛତିଶା ନିଯୋଗର ଏକ ବୈଠକ ବସିଛି। ମୁଖ୍ୟ ପ୍ରଶାସକ ଡ . କ୍ରିଷନ କୁମାରଙ୍କ ଅଧ୍ୟକ୍ଷତାରେ...

୧୦ ଲକ୍ଷରୁ ଊର୍ଦ୍ଧ୍ୱ ଟଙ୍କାର ବ୍ରାଉନସୁଗାର ଜବତ, ଅଭିଯୁକ୍ତ ଗିରଫ

ବସ୍ତା,୨୯।୮(ସ୍ବ.ପ୍ର)- ବାଲେଶ୍ୱର ଜିଲା ବସ୍ତା ଓ ଆଖ ପାଖ ଅଞ୍ଚଳରେ ବ୍ରାଉନସୁଗାର ଚୋରା କାରାବାର ଦିନକୁ ଦିନ ବ୍ୟାପକ ହେବେରେ ଲାଗିଛି। ବୁଧବାର ବସ୍ତା ପୋଲିସ...

ବଢ଼ିଲା କ୍ୱାରାଣ୍ଟାଇନ୍‌ ଅବଧି: ଏଣିକି ୧୪ ଦିନ ପରିବର୍ତ୍ତେ ୨୮ ଦିନ ରହିବେ ଲୋକେ

ଭୁବନେଶ୍ୱର,୮।୫(ବ୍ୟୁରୋ): ଦିନକୁ ଦିନ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ବାହାରୁ ରାଜ୍ୟକୁ ଫେରୁଥିବା ପ୍ରବାସୀଙ୍କ ସଂଖ୍ୟା ବଢ଼ୁଥିବାରୁ ପଜିଟିଭ୍‌ ସଂଖ୍ୟା ଆହୁରୀ ବଢ଼ିବା...

ଆଗରେ ପ୍ରଦୀପ କପୁର

କଟକ ଅଫିସ, ୧୨ା୧୧:ବର୍ତ୍ତମାନର ଆରକ୍ଷୀ ମହାନିର୍ଦ୍ଦେଶକ (ଡିଜିପି) ଅଭୟ ଆସନ୍ତା ଡିସେମ୍ବର ୩୧ରେ ଅବସର ଗ୍ରହଣ କରୁଛନ୍ତି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ଆରକ୍ଷୀ ମହାନିର୍ଦ୍ଦେଶକଙ୍କ କାର୍ଯ୍ୟକାଳ...

ଆଗ ଭଳି ମିଳୁନି ଇଲିଶି

ରୂପ୍‌ସା, ୨୩।୯(ବାଞ୍ଛାନିଧି ଦେ)-ବାଲେଶ୍ୱର ଜିଲା ସୁବର୍ଣ୍ଣରେଖା, ବୁଢ଼ାବଳଙ୍ଗ ଓ ଜଳକା ନଦୀ ମୁହାଣରୁ ଧରାଯାଉଥିବା ଇଲିଶି ମାଛର ସ୍ବତନ୍ତ୍ର ଚାହିଦା ରହିଛି। ମତ୍ସ୍ୟଜୀବୀମାନେ ବହୁ ସଂଖ୍ୟାରେ...

ଦୋଷ ଘୋଡ଼ାଇବାକୁ ଉଦ୍ୟମ

ଭୁବନେଶ୍ୱର,୧୧।୨  (ବ୍ୟୁରୋ): ବିଦ୍ୟୁତ ବିଭାଗ ଅଧିକାରୀମାନଙ୍କ ଖାମଖିଆଲ ମନୋଭାବ ଯୋଗୁ ଅନେକ ସମୟରେ ଦୁର୍ଘଟଣା ଘଟୁଛି। ଉଜୁଡି ଯାଉଛି ଅନେକଙ୍କ ଘର ପରିବାର। ଘଟଣା ଘଟିବାର...

ସୁପ୍ରିମ୍‌କୋର୍ଟ ବିଚାରପତିଙ୍କୁ ଶ୍ରୀମନ୍ଦିରରେ ଦୁର୍ବ୍ୟବହାର

ପୁରୀ ଅଫିସ, ୨୦ା୧୦: ଶ୍ରୀମନ୍ଦିରକୁ ଆସୁଥିବା ଶ୍ରଦ୍ଧାଳୁଙ୍କୁ ଉତ୍ତମ ବ୍ୟବହାର ପ୍ରଦର୍ଶନ ପାଇଁ ସେବାୟତ, କର୍ମଚାରୀ, ଜେଟିପି(ଜଗନ୍ନାଥ ଟେମ୍ପୁଲ ପୋଲିସ)ଙ୍କୁ ବାରମ୍ବାର ଶୃଙ୍ଖଳାର ଜ୍ଞାନ ପଢ଼ାଉଛି...

Advertisement
Archives

Model This Week