ଭଞ୍ଜନଗର,୧୪।୧୨(ଡି.ଏନ.ଏ)-ଘୁମୁସର ଗଟ୍ ଟାଲେଟଂ ସିଜନ୍-୨ ଚଳିତ ମାସ ୨୫ରେ ସ୍ଥାନୀୟ ଜେଲ୍ ପଡିଆ ପରିସରରେ ଅନୁଷ୍ଠିତ ହେବ। ଏନେଇ ଏକ ପ୍ରସ୍ତୁତି ବୈଠକ ଶୁକ୍ରବାର ସ୍ଥାନୀୟ ପୂର୍ତ୍ତ ବିଭାଗ ଡାକବଙ୍ଗଳା ପରିସରରେ ହୋଇଥିଲା। ଅଭିନେତା ଆଶିଷ କୁମାର ଏଥିରେ ଅଧ୍ୟକ୍ଷତା କରିଥିଲେ। ଅବସରପ୍ରାପ୍ତ କଲେଜ ଅଧ୍ୟକ୍ଷ ଡ. ପୂର୍ଣ୍ଣଚନ୍ଦ୍ର ତ୍ରିପାଠୀ, ସାମାଜିକ କର୍ମୀ ପଞ୍ଚାନନ ପାଳ, ଶୁଳପାଣି ଶତପଥୀ, ଅନୁପମ ବାନାର୍ଜୀ, ସାଇ ଗୁରୁକୁଳ ବିଦ୍ୟାଳୟର ଚେୟାରମ୍ୟାନ ଅଜିତ ଶତପଥୀ, ପ୍ରମୋଦ ପ୍ରଧାନ, ସଞ୍ଜୀବ ପାତ୍ର ପ୍ରମୁଖ ଯୋଗଦେଇ ଆଲୋଚନାରେ ଭାଗ ନେଇଥିଲେ। ୨୧ ତାରିଖରେ ସଙ୍ଗୀତ ଓ ମଡେଲିଂ ପାଇଁ ପ୍ରତିଯୋଗିତା ସ୍ଥାନୀୟ ଆର୍ଏମସି ସମ୍ମିଳନୀ କକ୍ଷରେ ଅନୁଷ୍ଠିତ ହେବ। ୨୨ରେ ଡ୍ୟାନ୍ସ, ସୋଲୋ ଓ ଡୁଏଟ୍ ଉପରେ, ୨୫ରେ ମିସ୍ ଘୁମୁସର ଓ ମିଷ୍ଟର ଘୁମୁସର ପ୍ରତିଯୋଗିତା ହେବ। କୃତୀ ପ୍ରତିଯୋଗୀମାନଙ୍କୁ ୨୫ରେ ପୁରସ୍କୃତ କରାଯିବ।
ପ୍ରତିଯୋଗିତା ଗୁଡିକରେ ବିଚାରକ ଭାବେ ଓଲିଉଡ ହିରୋ ଭିଭାସ, ବିଶ୍ୱଜିତ, କୋରିଓଗ୍ରାଫର ତନବିର୍,ନାନ୍ଦୁ, ହିନ୍ଦୁସ୍ଥାନ ଗୀତିକାର ମାଧବ ପରିଡା, ବିଦିଶା ଯୋଗ ଦେବାର କାର୍ଯ୍ୟକ୍ରମ ରହିଛି। ଏଥିସହ ପୁରସ୍କାର ବିତରଣୀ ଉତ୍ସବରେ ଅଭିନେତ୍ରୀ ଜିନା, ଜୟା, ମୁଦ୍ରା,ପ୍ରିୟଙ୍କା ଓ ଅଭିନେତା ରୁଦ୍ର, ସମ୍ଭବ, ଭିଭାସ, ମଡେଲିଂ ଗୁରୁ ସାହିଲ ରାଜ,ପ୍ରଭାତ ଆସିବା ପାଇଁ ସ୍ବୀକୃତି ପ୍ରଦାନ କରିଛନ୍ତି। ସଞ୍ଜୀବ କାର୍ଯ୍ୟକ୍ରମ ସଂଯୋଜନା କରିବେ। ମୁଭ୍ ଦି ୱାଲର୍ଡ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜନ ହେଉଛି। ସବ୍ ଜୁନିୟର ୮ବର୍ଷ ପର୍ଯ୍ୟନ୍ତ, ଜୁନିୟର ୮ରୁ ୧୪ ଓ ସିନିୟରରେ ୧୪ରୁ ୨୫ ବର୍ଷ ବୟସର ପ୍ରତିଯୋଗୀମାନେ ହିଁ ଭାଗ ନେଇପାରିବେ। ପ୍ରତିଯୋଗୀତା ଦିନ ହିଁ ନିଜ ନାମ ପଞ୍ଜୀକରଣ ହେବ।
