ହୋମ୍‌ଓ୍ବାର୍କ

ପିଲାମାନେ ହୋମ୍‌ଓ୍ବାର୍କକୁ କିପରି ସୁଚାରୁ ରୂପେ କରିବେ ସେ ନେଇ କେବଳ ସ୍କୁଲର ଶିକ୍ଷୟିତ୍ରୀ ଶିକ୍ଷକ ନୁହନ୍ତି, ମା’ବାପାଙ୍କର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଏହାକୁ ସେମାନେ କେମିତି ବେଶ୍‌ ସରଳ ଭାବରେ ଶେଷ କରିବେ ସେ ନେଇ ଉପସ୍ଥାପନା..

ଟାଇମ୍‌ ଟେବୁଲ : ଅଧିକାଂଶ ମାତାପିତା ପିଲାଙ୍କ ଲାଗି ଟାଇମ୍‌ ଟେବୁଲ ପ୍ରସ୍ତୁତ କରିଥାନ୍ତି। ପିଲାଙ୍କୁ କୁହନ୍ତୁ ଯେ ସେ ବୁଦ୍ଧି ଖଟାଇ ନିଜର ଟାଇମ୍‌ ଟେବୁଲ ପ୍ରସ୍ତୁତ କରୁ। ସ୍କୁଲରୁ ଆସିବା ପରେ ଖେଳିବା,ଖାଇବା,ଶୋଇବାର ସମୟକୁ ମଧ୍ୟ ଟାଇମ୍‌ ଟେବୁଲରେ ସାମିଲ କରନ୍ତୁ। ଏପରି କରିବା ଦ୍ୱାରା ନିଜ ପସନ୍ଦର ହୋମ୍‌ଓ୍ବାର୍କ ଠିକ୍‌ ସମୟରେ କରିପାରିବ। ଏହାଦ୍ୱାରା ପିଲାଟିର ମାନସିକତା ବିକଶିତ ହୋଇଥାଏ। ହୋମ୍‌ଓ୍ବାର୍କ ପାଇଁ ନିର୍ଦ୍ଧାରିତ ସମୟ ଧାର୍ଯ୍ୟ କରନ୍ତୁ। ପିଲାର ପାଠପଢ଼ା ବୟସ ହିସାବରେ ୧୫ମିନିଟ୍‌,୩୦ମିନିଟ୍‌ କିମ୍ବା ଏକଘଣ୍ଟା ସମୟ ନିର୍ଦ୍ଧାରଣ କରିପାରିବେ।
ପାଖାପାଖି ରୁହନ୍ତୁ : କେତେକ ପିଲା ହୋମ୍‌ଓ୍ବାର୍କ କରିବା ସମୟରେ ଅନ୍ୟମନସ୍କ ରହିଥାଆନ୍ତି। ତେଣୁ ହୋମ୍‌ଓ୍ବାର୍କ କରିବା ବେଳେ ପିଲା ଉପରେ ନଜର ରଖନ୍ତୁ। ଆପଣ ସେଠାରେ ନିଜର କିଛି କାମ ବି ସମ୍ପାଦନ କରିପାରିବେ। ହେଲେ ଏହାଦ୍ୱାରା ପିଲାଟିର ଏକାଗ୍ରତା ଯେପରି ଭଙ୍ଗ ନ ହୁଏ ସେଥିପ୍ରତି ଧ୍ୟାନ ଦିଅନ୍ତୁ। ଯେତେବେଳେ ସେ ତା’ର ହୋମ୍‌ଓ୍ବାର୍କ କରୁଛି ସେତେବେଳେ ଆପଣ ନିଜ ପସନ୍ଦର ବହି ପଢ଼ିପାରିବେ। ଏହାଦ୍ୱାରା ପିଲା ଆପଣଙ୍କୁ ଦେଖି ସେ ନିଜ କାମ କରିବ। ଫଳରେ ଆପଣ ତା’ପାଖରେ ରହିବା ସହ ପିଲା ଉପରେ ନଜର ରଖିପାରିବେ।
ଶିକ୍ଷକଙ୍କ ସହ ସମ୍ପର୍କରେ ରୁହନ୍ତୁ: ଶିକ୍ଷକଙ୍କ ସହ ସବୁବେଳେ ଅଭିଭାବକମାନେ ସମ୍ପର୍କରେ ରୁହନ୍ତୁ। ଏହାଦ୍ୱାରା ପିଲା ସମ୍ବନ୍ଧିତ ସବୁ ବିଷୟରେ ଜାଣିପାରିବେ। ପ୍ୟାରେଣ୍ଟସ-ଟିଚର ମିଟିଂ ସବୁବେଳେ ଆଟେଣ୍ଡ କରନ୍ତୁ।
ମୂଳଦୁଆ ହେବ ମଜଭୁତ : ପିଲାର ମୂଳଦୁଆ କିପରି ମଜଭୁତ ହେବ ଚେଷ୍ଟା କରନ୍ତୁ। ପାଠକୁ ପିଲା ନିଜେ ପଢ଼ି କେତେ ମନେରଖୁଛି ତାହା ଦେଖନ୍ତୁ। ଏହି ସମୟରେ ତା’ ଉପରେ ବିରକ୍ତି ଭାବ ପ୍ରକାଶ ନ କରି ଥଣ୍ଡା ମିଜାଜରେ ତାକୁ ବୁଝାନ୍ତୁ। ହୋମ୍‌ଓ୍ବାର୍କ କରିବା ବେଳେ କିଛି ଅସୁବିଧା ସୃଷ୍ଟି ହୋଇଥାଏ। ସେଥିରେ ନିଜେ ବ୍ୟସ୍ତବିବ୍ରତ ହୋଇ ନ ପଡ଼ି ପିଲାଟିକୁ ସହଯୋଗ କରନ୍ତୁ।
କେଉଁ ଜିନିଷଠାରୁ ଦୂରେଇରହିବେ : କଥା ବହୁତ ସାମାନ୍ୟ କିନ୍ତୁ ଏହା ଉପରେ ଧ୍ୟାନ କମ୍‌ ଦେଇଥାନ୍ତି। ପିଲା ଯେଉଁଠି ପାଠ ପଢ଼ୁଛି ସେ ସ୍ଥାନରେ ଟିଭି,କମ୍ପ୍ୟୁଟର,ମୋବାଇଲ ଫୋନ୍‌ ରଖନ୍ତୁ ନାହିଁ। ପଢ଼ିବା ପାଇଁ ଅଲଗା ସ୍ଥାନ ଚୟନ କରନ୍ତୁ। ମା’ମାନେ ସାଧାରଣତଃ ପିଲାକୁ ହୋମ୍‌ଓ୍ବାର୍କ ଦେଇ ଟିଭି ଦେଖନ୍ତି କିମ୍ବା ମୋବାଇଲ ଫୋନ୍‌ ବ୍ୟବହାର କରିଥାନ୍ତି। ଏଥିରୁ ବିରତ ରୁହନ୍ତୁ। ପିଲା ପାଠ ପଢ଼ୁଥିବା ସ୍ଥାନ ଶାନ୍ତ ହେବା ନିହାତି ଜରୁରୀ।
ପିଲାକୁ ସାହାଯ୍ୟ କରନ୍ତୁ ନାହିଁ : ଅଭିଭାବକମାନେ ସାଧାରଣତଃ ପିଲାର ଅଧିକ ହୋମ୍‌ଓ୍ବାର୍କ ଦେଖି ତାକୁ ପ୍ରତିଟି ଷ୍ଟେପ୍‌ରେ ସାହାଯ୍ୟ କରିବାକୁ ଚେଷ୍ଟା କରନ୍ତି। କିଛିି ହୋମ୍‌ଓ୍ବାର୍କ ବାଣ୍ଟି ନିଅନ୍ତି, ଉଦାହରଣ ସ୍ବରୂପ ତା’ର ଆସାଇନ୍‌ମେଣ୍ଟ, ପ୍ରୋଜେକ୍ଟ ଆଦି ନିଜେ କରିବାକୁ ବସି ପଡ଼ନ୍ତି। ଏକଥା ଧ୍ୟାନ ରଖନ୍ତୁ ଯେ ଏସବୁ କାମ ପିଲାର, ଆପଣଙ୍କର ନୁହେଁ। ଆପଣଙ୍କ ହେଉଥିବା ହୋମ୍‌ଓ୍ବାର୍କ ସେ ଆପଣଙ୍କ ଉପରେ ନିର୍ଭରଶୀଳ ହୋଇଯିବ। ପ୍ରଥମେ ସେ ତାକୁ କିପରି କରିପାରୁଛି ଲକ୍ଷ୍ୟ କରନ୍ତୁ। ଯଦି କିଛି ସମସ୍ୟା ଦେଖାଦିଏ ତାକୁ ସମାଧାନ କରିବାକୁ ସହଯୋଗର ହାତ ବଢ଼ାନ୍ତୁ।

ଏମାନେ କ’ଣ କରନ୍ତି..
ପାଠ ପଢ଼ାଇବା ସହ ହୋମ୍‌ଓ୍ବାର୍କ ଉପରେ ଗୁରୁତ୍ୱ ଦିଏ : (ନୀହାରିକା ମହାନ୍ତି, ଶିକ୍ଷୟିତ୍ରୀ, ସରସ୍ବତୀ ଶିଶୁ ବିଦ୍ୟାମନ୍ଦିର, ଖଣ୍ଡଗିରିବାରି, ଭୁବନେଶ୍ୱର)
ପିଲାମାନଙ୍କୁ ପାଠ ପଢ଼ାଇବା ବେଳେ ହୋମ୍‌ଓ୍ବାର୍କ ପ୍ରତି ମୁଁ ସବୁବେଳେ ଗୁରୁତ୍ୱ ଦିଏ। କାରଣ କେବଳ ସ୍କୁଲରେ ପାଠ ପଢ଼ିଦେଲେ ହେବ ନାହିଁ, ଘରେ ପିଲାଟି କିପରି ପଢ଼ିଥିବା ପାଠକୁ ଅଭ୍ୟାସ କରିବ ସେଥିପାଇଁ ହୋମ୍‌ଓ୍ବାର୍କ ଦିଆଯାଏ। ହେଲେ ଏକାଥରେ ପିଲାମାନଙ୍କ ଉପରେ ହୋମ୍‌ଓ୍ବାର୍କ ବୋଝ ଲଦିଦେବା ଅପେକ୍ଷା ନିୟମିତି ପଢ଼ାଯାଉଥିବା ପାଠ ଅନୁସାରେ ହୋମ୍‌ଓ୍ବାର୍କ ଦେଲେ ତାହାକୁ ସେମାନେ ସୁଚାରୁ ରୂପେ ତୁଲାଇପାରନ୍ତି। ମୁଁ କ୍ଲାସ୍‌ ଆରମ୍ଭ କରିବା ପରେ ସବୁବେଳେ ପ୍ରତ୍ୟେକ ପିଲା ପୂର୍ବଦିନ ଦିଆଯାଇଥିବା ହୋମ୍‌ଓ୍ବାର୍କ ଠିକ୍‌ ଭାବରେ କରିଛି କି ନାହିଁ ତାହା ତଦାରଖ କରିଥାଏ। କେବଳ ସେତିକି ନୁହେଁ, ହୋମ୍‌ଓ୍ବାର୍କ କରିବା ସମୟରେ ସେମାନଙ୍କର କିଛି ଅସୁବିଧା ହେଉଛି କି ନାହିଁ ତାହା ପଚାରି ବୁଝିନିଏ। ପିଲାମାନେ ହୋମ୍‌ଓ୍ବାର୍କ କରିବା ନେଇ କେବଳ ଶିକ୍ଷୟିତ୍ରୀଶିକ୍ଷକ ନୁହନ୍ତି ମା’ବାପା ମଧ୍ୟ ସଚେତନ ରହିବା ନିହାତି ଦରକାର।
ହୋମ୍‌ଓ୍ବାର୍କକୁ ନେଇ ସବୁବେଳେ ସଚେତନ ଥାଏ (ରଶ୍ମିତା ମହାନ୍ତି, ଗୃହିଣୀ, ତେଲେଙ୍ଗାପେଣ୍ଠ, କଟକ)
ପିଲାମାନଙ୍କୁ ପାଠ ପଢ଼ାଇବା ବେଳେ ମୁଁ ହୋମ୍‌ଓ୍ବାର୍କ ପ୍ରତି ସବୁବେଳେ ସଚେତନ ଥାଏ। କାରଣ ପିଲାମାନେ ସ୍କୁଲରୁ ଫେରିବା ପରେ ସେହିଦିନ କ’ଣ ହୋମ୍‌ଓ୍ବାର୍କ ଦିଆଯାଇଛି ତାହା ପଚାରି ବୁଝିନିଏ। କାରଣ ତାହାକୁ ସେମାନେ କରିବା ସମୟରେ ମୁଁ ଯେହେତୁ ତଦାରଖ କରେ, ତେଣୁ ମୋତେ ସେଥିପାଇଁ ମାନସିକ ସ୍ତରରେ ପ୍ରସ୍ତୁତ ହେବାକୁ ପଡ଼େ। ହୋମ୍‌ଓ୍ବାର୍କ କରିବା ସମୟରେ ପିଲାମାନେ ଯଦି କିଛି ଅସୁବିଧାର ସମ୍ମୁଖୀନ ହେଉଛନ୍ତି ତାହାକୁ ଦୂର କରିବାକୁ ଚେଷ୍ଟାକରେ। ସେମାନେ ପାଠକୁ ହୋମ୍‌ଓ୍ବାର୍କକୁ ଭଲ ଭାବରେ ବୁଝି ତା’ପରେ ଆଗେଇବାକୁ ମୁଁ ସେମାନଙ୍କୁ ସବୁବେଳେ କହିଥାଏ। କେବଳ ସେତିକି ନୁହେଁ, ସ୍କୁଲରେ ମୋ ପିଲାମାନେ କିପରି ପାଠ ପଢ଼ୁଛନ୍ତି ତାହା ନିୟମିତ ସମୟ ଅନ୍ତରାଳରେ ସ୍କୁଲରୁ ପଚାରି ବୁଝିନିଏ।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?