ହେଲ୍‌ମେଟ୍‌, ନିରାପତ୍ତା ବେଲଟ୍‌ ଯାଞ୍ଚ:ଲୋକଙ୍କୁ ଫାଇନ୍‌: ପୋଲିସ କର୍ମଚାରୀଙ୍କୁ ଛାଡ଼

କୁତ୍ରା, ୨୧।୭ (ଡି.ଏନ.ଏ)-କୁତ୍ରା ଥାନା ସମ୍ମୁଖରେ ପୋଲିସ ପକ୍ଷରୁ ଦୁଇ ଚକିଆ ଯାନ ପାଇଁ ହେଲ୍‌ମେଟ୍‌ ଓ ଚାରିଚକିଆ ଯାନ ପାଇଁ ନିରାପତ୍ତା ବେଲଟ୍‌ ଯାଞ୍ଚ କରାଯାଉଥିଲା। ଯାଞ୍ଚବେଳେ ସାଧାରଣ ଜନତାଙ୍କଠାରୁ ଫାଇନ ଆଦାୟ କରାଯାଉଥିବାବେଳେ ପୋଲିସ କର୍ମଚାରୀ ଓ କୁତ୍ରା ପୋଲିସ କର୍ମଚାରୀଙ୍କ ସମ୍ପର୍କୀୟ ପାଇଁ ଛାଡ଼ ଭଳି ଘଟଣା ଦେଖିବାକୁ ମିଳିଛି। ଏବାବଦରେ ପ୍ରତିବାଦ କରିବାରୁ ଖବରଦାତାଙ୍କୁ ଦୁର୍ବ୍ୟବହାର କରାଯାଇଛି। କିଛି ମାସ ହେବ କୁତ୍ରା ପୋଲିସ ପକ୍ଷରୁ ଥାନା ସମ୍ମୁଖରେ ପ୍ରାୟ ପ୍ରତିଦିନ ହେଲମେଟ୍‌ ଯାଞ୍ଚ କରାଯାଉଥିବା ବେଳେ ହେଲମେଟ ବ୍ୟବହାର କରୁ ନ ଥିବା ବାଇକ ଚାଳକଙ୍କଠାରୁ ୧ଶହ ଟଙ୍କା ଜରିମାନା ଆଦାୟ କରାଯାଉଛି। ଠିକ୍‌ ସେହିପରି ଚାରିଚକିଆ ଯାନରେ ଡ୍ରାଇଭର ନିରାପତ୍ତା ବେଲ୍‌ଟ୍‌ ବ୍ୟବହାର କରୁ ନ ଥିଲେ ଗାଡି ଚାଳକଙ୍କ ଠାରୁ ୧ଶହ ଟଙ୍କା ଜରିମାନା ଆଦାୟ କରାଯାଉଛି। ପୋଲିସର ଏହି କାର୍ଯ୍ୟ ସାଧାରଣରେ ପ୍ରଶଂସନୀୟ ହୋଇଥିବାବେଳେ ଯାଞ୍ଚବେଳେ ପୋଲିସ ପାତରଅନ୍ତର କରୁଥିବା ଦେଖିବାକୁ ମିଳିଛି। ସାଧାରଣ ଲୋକଙ୍କଠାରୁ ଜରିମାନା ଟଙ୍କା ଆଦାୟ କରାଯାଉଥିବା ବେଳେ ପୋଲିସ କର୍ମଚାରୀ ଓ ସେମାନଙ୍କ ସମ୍ପର୍କୀୟଙ୍କ ଠାରୁ ଫାଇନ ଆଦାୟ କରାଯାଉ ନ ଥିବା ଅଭିଯୋଗ ହେଉଛି। ଏହାର ସତ୍ୟତା ରବିବାର ଦେଖିବାକୁ ମିଳିଥିଲା। କୁତ୍ରା ଧରିତ୍ରୀ ପ୍ରତିନିଧି କୌଣସି ଖବର ସଂଗ୍ରହ ପାଇଁ ଯାଇ ତେଲିଘଣା ପଟୁ କୁତ୍ରା ଫେରୁଥିଲେ। କୁତ୍ରା ପୋଲିସ ତାଙ୍କୁ ଅଟକାଇ ହେଲ୍‌ମେଟ୍‌ ବାବଦରେ ପଚାରିଥିଲେ। ହେଲେ ତରବର ହୋଇ ହେଲ୍‌ମେଟ୍‌ ଆଣି ପାରି ନ ଥିବା କଥା କହିବା ସାଙ୍ଗକୁ ୧ଶହ ଟଙ୍କା ଜରିମାନା ପୈଠ କରିଥିଲେ। ହେଲେ ସେହି ସମୟରେ ଏକ ଚାରିଚକିଆ ଅଲଟୋ ଗାଡି ନଂ. ଓଡି ୧୪ ଜେ- ୫୧୩୮ ସେହି ବାଟଦେଇ ଆସିଥିଲା। ଗାଡି ଚାଳକ ନିରାପତ୍ତା ବେଲଟ୍‌ ଲଗାଇ ନ ଥିବାରୁ ପୋଲିସ ଗାଡିଟିକୁ ଅଟକାଇଥିଲେ। ଗାଡି ଅଟକିଲା ପରେ ଚାଳକ ଗାଡିରୁ ଓହ୍ଲାଇ ଫାଇନ କରିଥିବା ପୋଲିସ ଅଧିକାରୀଙ୍କ ପାଖକୁ ଯାଇ କିଛି କଥାବାର୍ତ୍ତା କରିଥିଲେ। ପରେ ବିନା ଫାଇନରେ ତାଙ୍କ ଗାଡିକୁ ଛାଡି ଦିଆଯାଇଥିବା ଦେଖି ଆମ ପ୍ରତିନିଧି ତାର ଫଟୋ ନେବା ବେଳେ ଜଣେ ସାଧା ପୋଷାକରେ ଥିବା ଲୋକ ଫଟୋ ଉଠାଇଇବାକୁ ମନା କରିବା ସହ ଗାଳି ଦେଇଥିଲେ। ଏସ୍‌ପିଙ୍କୁ ଅଭିଯୋଗ କର, ଆମର କଣ ହୋଇଯିବ ବୋଲି ଧମକ ଦେଇଥିଲେ। ଧରିତ୍ରୀ ପ୍ରତିନିଧି ଆପଣ କିଏ ବୋଲି ପଚାରିବାରୁ ସେ ପୋଲିସ ବୋଲି କହିଥିଲେ। ସେଠାରେ ଉପସ୍ଥିତ ରହି ଜରିମାନା କାଟୁଥିବା କୁତ୍ରା ଥାନାର ସବଇନ୍ସପେକ୍ଟରଙ୍କୁ କାହିଁକି ଉକ୍ତ ଗାଡି ଚାଳକଙ୍କଠାରୁ ଜରିମାନା ନ କାଟି ଛାଡିଦେଲେ ବୋଲି ପଚାରିବାରୁ ସେ ଜଣେ ପୋଲିସ ଅଧିକାରୀ। ଏଣୁ ମୁଁ ତାଙ୍କୁ ଛାଡି ଦେଲି ବୋଲି ଉତ୍ତର ଦେଇଥିଲେ। ହେଲେ ଏଠାରେ ପୋଲିସ ଅଧିକାରୀ ଓ ପୋଲିସଙ୍କ ସମ୍ପର୍କୀୟଙ୍କ ପାଇଁ ଅଲଗା ନିୟମ ଚାଲେକି ବୋଲି ପଚାରିବାରୁ ସେଇଟା ଆମ ଇଚ୍ଛା ବୋଲି କରିବା ସାଙ୍ଗକୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଏକଥା କୁତ୍ରା ଥାନା ଅଧିକାରୀଙ୍କୁ ଜଣାଇବାରୁ ନିୟମ ସମସ୍ତଙ୍କ ପାଇଁ ସମାନ ହେଲେ ଏବାବଦରେ ବୁଝୁଛି ବୋଲି ଉତ୍ତର ଦେଇଥିଲେ। ଏଠି ନିୟମ କାନୁନକୁ ଅଣଦେଖା କରି ସାଧାରଣ ଜନତାଙ୍କୁ ଦୁର୍ବ୍ୟବହାର ପ୍ରଦର୍ଶନ କରିବା ସାଙ୍ଗକୁ ଉଚ୍ଚ ଅଧିକାରୀଙ୍କ ପ୍ରତି ବେଖାତିର ମନ୍ତବ୍ୟ ଦେଉଥିବା ଓ ବିଭିନ୍ନ ସମୟରେ ଖବରଦାତାଙ୍କ ପ୍ରତି ଆଶାଳୀନ ବ୍ୟବହାର କରୁଥିବାରୁ ଉଚ୍ଚ ଅଧିକାରୀ ଦୃଷ୍ଟି ଦେବା ପାଇଁ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ସମଲେଇ ମନ୍ଦିର, ହୀରାକୁଦର ବିକାଶ ହେବ

ସମ୍ବଲପୁର,୨୨ା୧(ବ୍ୟୁରୋ):ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ମା’ସମଲେଇଙ୍କ ଦର୍ଶନ କରିଛନ୍ତି। ନବବର୍ଷ ଉପଲକ୍ଷେ ସେ ମା’ଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିଛନ୍ତି। ଏହି ଅବସରରେ ସେ...

ଗଁ। ବାସୀକୁ ଘାରୁଛେ ମ୍ୟାଲେରିଆ ଭଏ

ଲୋଇସିଂହା,୯।୭(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା ବ୍ଲକ କର୍ଲିପାଟ ଗଁା ଖୁଲି ଅଲପ ବରଷାରେ ବି କାଦୋ ହେଇଯାଉଛେ। ଏନ୍‌ତାଥି ଗଁାବାସୀ ଯିବାଆଏବାରେ ବଡ଼ଭାରି ଅସବିଧାର ସାମନା...

ଧାର୍ଯ୍ୟ ଲକ୍ଷ୍ୟ ହାସଲ ପାଇଁ ଯତ୍ନବାନ ହେବାକୁ ନିର୍ଦ୍ଦେଶ

ସୋନପୁର,୨୧।୭(ନି.ପ୍ର.) ମୋ ସ୍କୁଲ ଅଭିଯାନ, ଗାରିମା ପୁରସ୍କାର ଓ ସବୁଦିନ ଯିବା ସ୍କୁଲ କାର୍ଯ୍ୟକ୍ରମ ସମ୍ପର୍କରେ ସୋନପୁର ବ୍ଲକସ୍ତରୀୟ ପ୍ରଧାନଶିକ୍ଷକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମହାରାଜା...

ଚାଷୀଙ୍କ ଆନ୍ଦୋଳନ ଜାରି, ଜାତୀୟ ରାଜପଥ ଅବରୋଧ

ସମ୍ବଲପୁର, ୨୧।୧୧(ବ୍ୟୁରୋ): ସମ୍ବଲପୁର ଜିଲାରେ ଟୋକନକୁ ବିରୋଧ ଏବଂ ବିଭିନ୍ନ ଦାବି ନେଇ ଚାଷୀ ଆନ୍ଦୋଳନ ଜାରି ରହିଛି। ଗୁରୁବାର ଚାଷୀ ସଂଗଠନ ପକ୍ଷରୁ ଘୋଷଣା...

ମଣ୍ଡିରେ ପଡିଛି ୩ ହଜାର ବସ୍ତା ଧାନ

ମନମୁଣ୍ଡା, ୧୭।୬ (ଡି.ଏନ.ଏ)    ବୌଦ୍ଧ ଜିଲା ମନମୁଣ୍ଡା ମଣ୍ଡିରୁ ଧାନ ଉଠୁନାହିଁ । ଫଳରେ ଏଠାରେ ୩ ହଜାର ବସ୍ତା ଧାନ ପଡି ରହିଛି...

ଖାଇବାକୁ ମିଳୁନି, ଋଣ ଅସୁଲ ହେଉଛି  

ସମ୍ବଲପୁର, ୧୧।୬ (ବ୍ୟୁରୋ)-ସରକାର ବ୍ୟାଙ୍କ ଓ ମାଇକ୍ରୋ ଫାଇନାନ୍ସ କମ୍ପାନୀ ଗୁଡିକର ଋଣ ଅସୁଲ କରିବା ଉପରେ ରୋକ୍‌ ଲଗାଇଛନ୍ତି। ହେଲେ ମାଇକ୍ରୋ ଫାଇନାନ୍ସ କମ୍ପାନୀ...

ସମ୍ବଲପୁର ରେଳ ମଣ୍ଡଳ ଅଫିସରେ ହାଣ୍ଡ ଫ୍ରି ସାନିଟାଇଜର ମେଶିନ୍‌ ବସିଲା

ସମ୍ବଲପୁର,୨।୫(ବ୍ୟୁରୋ):ମହାମାରୀ କୋଭିଡ- ୧୯ ସଂକ୍ରମଣକୁ ରୋକିବା ନେଇ ସମ୍ବଲପୁର ରେଳ ମଣ୍ଡଳ ପ୍ରବନ୍ଧକ ଅଫିସରେ ବିବିଧ କାର୍ଯ୍ୟକ୍ରମ ହାତକୁ ନେଇଛି । ଏହି କ୍ରମରେ ଶନିବାର...

ଚାଷରେ ବ୍ୟବହାର ହେଲା ଝରଣାପାଣି

ସମ୍ବଲପୁର,୨୭ା୮(ବ୍ୟୁରୋ): ଜଙ୍ଗଲ ଭିତରେ ଝରଣା ପାଣି ଅପଚୟ ହେଉଥିଲା। ବର୍ଷାଋତୁରେ ଏହି ଝରଣା ପାଣିକୁ କେବଳ ଲୋକେ ବ୍ୟବହାର କରିପାରୁଥିଲେ। ଗ୍ରୀଷ୍ମ ଋତୁରେ ସେହି ପାଣି...

Advertisement


Archives

Model This Week