ଦାରିଙ୍ଗବାଡ଼ି,୨୯।୩(ଡି.ଏନ୍.ଏ.): କରୋନା ମୁକାବିଲା ପାଇଁ ଚାରିଆଡ଼େ ଲକ୍ଡାଉନ୍ କରାଯାଇଥିବାବେଳେ ଗରିବ ଶ୍ରେଣୀର ଲୋକଙ୍କ ସୁବିଧା ପାଇଁ ସରକାର ସମସ୍ତ ହିତାଧିକାରୀଙ୍କୁ ସାଧାରଣ ବଣ୍ଟନ ସାମଗ୍ରୀକୁ ଆଗୁଆ ୩ ମାସ ପାଇଁ ବଣ୍ଟନ କରୁଛନ୍ତି ା କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକରେ ରବିବାର ଏହି ବଣ୍ଟନ ପ୍ରକ୍ରିୟାର ଶୁଭାରମ୍ଭ ହୋଇଛି ା ପ୍ରଥମ ଦିନରେ ସିମନବାଡ଼ି ଏବଂ ଶ୍ରାନିକେତା ପଞ୍ଚାୟତରେ ଏହା ଆରମ୍ଭ ହୋଇଥିବା ବେଳେ ଗୋଲେଇ ଚିହ୍ନ ଭିତରେ ହିତାଧିକାରୀଙ୍କୁ ରହି ସାମାଜିକ ଦୂରତ୍ୱକୁ ମାନି ଚଳିବାକୁ ପରାମର୍ଶ ଦିଆଯାଇଛି। ପ୍ରଥମେ ହିତାଧିକାରୀଙ୍କ ଭିଡ଼ ହୋଇଯାଇଥିଲା। ଯୋଗାଣ ନିରୀକ୍ଷକ ନିହାର ରଞ୍ଜନ ବେହେରା ପହଞ୍ଚି ଲୋକଙ୍କୁ ବୁଝାଶୁଝା କରିବା ସହ କିଭଳି ସାମାଜିକ ଦୂରତ୍ୱ ରଖି ଏହି ବଣ୍ଟନ ସାମଗ୍ରୀ ନେବେ ସେନେଇ ପରାମର୍ଶ ଦେଇଥିଲେ। ପ୍ରଥମ ଦିନରେ ପୂର୍ବାହ୍ନ ୯ଟାରୁ ଆରମ୍ଭ କରାଯାଇ ମଧ୍ୟାହ୍ନ ପର୍ଯ୍ୟନ୍ତ ୪୦ ହିତାଧିକାରୀଙ୍କୁ ଚାଉଳ ଦିଆଯିବ। ଏଥିସହ ପୁଣି ଅପରାହ୍ନରେ ୪୦ ହିତାଧିକାରୀଙ୍କୁ ଚାଉଳ ପ୍ରଦାନ କରାଯିବ ବୋଲି ଯୋଗାଣ ନିରୀକ୍ଷକ ସୂଚନା ଦେଇଛନ୍ତି।
ସୂଚନାଯୋଗ୍ୟ, ଉକ୍ତ ବ୍ଲକ ଅଞ୍ଚଳରେ ମୋଟ୍ ୨୩ ହଜାର ରାଶନକାର୍ଡଧାରୀଙ୍କୁ ଏହି ସାଧାରଣ ବଣ୍ଟନ ଚାଉଳ ୩ ମାସ ପାଇଁ ପ୍ରଦାନ କରାଯିବ ବୋଲି କୁହାଯାଇଛି ା ଏହି ବଣ୍ଟନ ବେଳେ କୌଣସି ଅପ୍ରୀତିକର ଘଟଣା ଘଟିବା ଆଶଙ୍କାରେ ସ୍ଥାନୀୟ ପୋଲିସର ଉପସ୍ଥିତିରେ ଯୋଗାଣ ନିରୀକ୍ଷକ ତଦାରଖ କରୁଛନ୍ତି।
