ଲୋଇସିଂହା,୫।୯(ଡି.ଏନ.ଏ):ବଲାଙ୍ଗୀର ଜିଲା ଆଗଲପୁର ବ୍ଲକର କେତେକ ପଞ୍ଚାୟତ ୨୦୨୧-୨୨ ଖରିଫ ମରୁଡି କ୍ଷତିପୂରଣ ତାଲିକାରୁ ବାଦ ପଡିଛନ୍ତି। କ୍ଷତିପୂରଣ ଦାବିରେ ଗତ ୨୬ ଜୁଲାଇରେ ଚାଷୀମାନେ ରାସ୍ତାରୋକୋ କରିଥିଲେ। ହେଲେ କୌଣସି ସୁଫଳ ମିଳିଲାନି। ହକ୍ ନମିଳିବା ଯାଏ ଆସନ୍ତା ୬ ତାରିଖଠାରୁ ବଲାଙ୍ଗୀର-ବରଗଡ ୨୬ ନଂ ଜାତୀୟ ରାଜପଥ ରୁଗୁଡିଖାଲଠାରେ ଅନିର୍ଦ୍ଦିଷ୍ଟ କାଳ ରାସ୍ତାରୋକୋ କରିବାକୁ ଆଗଲପୁର ବ୍ଲକ କୃଷକ ସଂଘ ନିଷ୍ପତ୍ତି ନେଇଛି।
ରବିବାର ରୁଗୁଡିଖାଲ ରାମମନ୍ଦିରରେ ସୁବାସ ବହିଦାର, ବଳଦେବ ଭୋଇ, ଶ୍ୟାମସୁନ୍ଦର ବିଶ୍ୱାଳଙ୍କ ଆବାହକତ୍ୱରେ ଅନୁଷ୍ଠିତ କୃଷକ ସଂଘ ବୈଠକରେ ସଂଘ ସଭାପତି ରନତ୍ାକର ମିଶ୍ର ଅଧ୍ୟକ୍ଷତା କରିଥିଲେ। ଏଥିରେ ପ୍ରଧାନମନ୍ତ୍ରୀ ଫସଲ ବୀମା ସହାୟତା ପାଇଁବାରୁ ବଞ୍ଚତ୍ତ ଥିବା ନୁନିଆଁପାଲି, ଝରଣୀପାଲି, ବଡଟିକା, ନଅଗାଁ(ଖ)ବେନ୍ଦ୍ରା, ପଟୁଆପାଲି, ସାଲେଭଟା ପଞ୍ଚାୟତର ଚାଷୀ ସାମିଲ ହୋଇଥିଲେ ା ଚାଷୀମାନେ କହିଥିଲେ ଯେ, ୨୦୨୦-୨୧ରେ ସାରା ବଲାଙ୍ଗୀର ଜିଲାରେ ଭୟାବହ ମରୁଡି ପରିସ୍ଥିତି ସୃଷ୍ଟି ହୋଇଥିଲା। ବୀମା କମ୍ପାନୀର ପ୍ରିୟାପ୍ରତି ଯୋଗୁ ଏକଶହରୁ ଉର୍ଦ୍ଧ୍ୱ ପଞ୍ଚାୟତର ଚାଷୀ ବୀମା ସହାୟତା ପାଇବାରୁ ବଞ୍ଚତ୍ତ ହୋଇଛନ୍ତି। କ୍ଷତିପୂରଣ ଦାବିରେ ରୁଗୁଡିଖାଲଠାରେ ଆଗଲପୁର ବ୍ଲକର ସଂପୃକ୍ତ ପଞ୍ଚାୟତର ଚାଷୀମାନେ ଦୀର୍ଘ ସମୟ ଧରି ରାସ୍ତା ଆବରୋଧ କରାଯାଇଥିଲା। ଜିଲା ପ୍ରଶାସନର ନିର୍ଦ୍ଦେଶରେ ପ୍ରଧାନମନ୍ତ୍ରୀ ଫସଲ ବୀମା ଦାୟିତ୍ୱରେ ଥିବା ଜଣେ ଅଧିକାରୀ ସମେତ ୨ ଜଣ କୃଷି ଅଧିକାରୀ ଅବରୋଧସ୍ଥଳକୁ ଆସି ଚାଷୀଙ୍କ ସହ ଆଲୋଚନା କରିଥିଲେ। କାର୍ଯ୍ୟ ଦିବସର ଦୁଇ ସପ୍ତାହ ମଧ୍ୟରେ ରାଜ୍ୟ ସରକାରଙ୍କ ସହ ଆଲୋଚନା କରି ତାଲିକାଭୁକ୍ତ କରି କ୍ଷତିପୂରଣ ଦେବାକୁ ଲିଖିତ ପ୍ରତିଶ୍ରୁତି ଦେଇଥିଲେ। ପରବର୍ତ୍ତୀ ସମୟରେ ଆନ୍ଦୋଳନରରତ ପଟୁଆପାଲି,ବେନ୍ଦ୍ରା ଓ ସାଲେଭଟା ପଞ୍ଚାୟତକୁ ତାଲିକାଭୁକ୍ତ କରାଯାଇଛି। ବାକି ପଞ୍ଚାୟତ ତାଲିକାରୁ ବାଦ୍ ପଡିଛନ୍ତି। ତାଲିକାଭୁକ୍ତ ହୋଇଥିଲେ ବି ସେହି ୩ ପଞ୍ଚାୟତର ଚାଷୀ ଏଯାଏ ସହାୟତା ପାଇବାରୁ ବଞ୍ଚତ୍ତ ହୋଇଛନ୍ତି। ଏହାକୁ ନେଇ ଆଗଲପୁର ବ୍ଲକ ଚାଷୀ ମହଲରେ ପ୍ରତିକ୍ରିୟା ପ୍ରକାଶ ପାଇଛି। ବୀମା କମ୍ପାନୀ ଓ ସରକାର ଚାଷୀଙ୍କୁ ପ୍ରତାରଣା କରୁଥିବାରୁ ରବିବାର ବୈଠକରେ ଉଦ୍ବେଗ ପ୍ରକାଶ ପାଇଥିଲା। ହକ୍ ପାଇଁ ଦୁର୍ବାର ଆନ୍ଦୋଳନ କରିବାକୁ ଚାଷୀମାନେ ମତପୋଷଣ କରିଥିଲେ।
