ସ୍ବିଡେନ ପ୍ରଧାନମନ୍ତ୍ରୀଙ୍କୁ ଗୁଳି କରିଥିଲେ ଗ୍ରାଫିକ୍‌ ଡିଜାଇନର

ଷ୍ଟକ୍‌ହୋମ୍‌,୧୧।୬: ସ୍ବିଡେନ୍‌ର ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଓଲ୍‌ଫ ପାମେଙ୍କ ହତ୍ୟାର ୩୪ବର୍ଷ ପରେ ଅଭିଯୁକ୍ତଙ୍କ ନାମ ପର୍ଦ୍ଦାଫାଶ ହୋଇଛି। ଏକ ବୀମା କମ୍ପାନୀରେ ଗ୍ରାଫିକ ଡିଜାଇନର ଭାବେ କାମ କରୁଥିବା ଷ୍ଟିଟ ଇଙ୍ଗଷ୍ଟର୍ମ ନାମକ ଜଣେ ଯୁବକ ପାମେଙ୍କୁ ଗୁଳି କରି ହତ୍ୟା କରିଥିଲେ ବୋଲି ତଦନ୍ତକାରୀ ଅଧିକାରୀ କ୍ରିଷ୍ଟର ପିଟରସନ ସୂଚନା ଦେଇଛନ୍ତି। ଏଥିସହିତ ଦୀର୍ଘ ୩ଦଶନ୍ଧିରୁ ଊର୍ଦ୍ଧ୍ୱ ସମୟ ଧରି ଚାଲିଥିବା ମାମଲାର ଅନ୍ତ ଘଟିଲା ବୋଲି କୁହାଯାଇଛି। ସ୍ବିଡେନ ସୋସିଆଲ୍‌ ଡେମୋକ୍ରାଟ ପାର୍ଟିର ଦଶନ୍ଧି ଧରି ନେତୃତ୍ୱ ନେଇ ଆସିଥିବା ପାମେ ୨ଥର ପ୍ରଧାନମନ୍ତ୍ରୀ ହୋଇଥିଲେ। ସେ ସ୍କାଣ୍ଡାଭିଆ ଉପଦ୍ୱୀପକୁ ଏକ ସମାଜ ମଙ୍ଗଳ ରାଷ୍ଟ୍ରରେ ପରିଣତ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
୧୯୮୬ରେ କେନ୍ଦ୍ରୀୟ ଷ୍ଟକହୋମ୍‌ଠାରେ ପାମେ, ତାଙ୍କ ସ୍ତ୍ରୀ ଓ ପିଲାଙ୍କ ସହ ସିନେମା ଦେଖି ଫେରୁଥିବାବେଳେ ତାଙ୍କୁ ଗୁଳିକରି ହତ୍ୟା କରାଯାଇଥିଲା। ପିଟରଶନ ୨୦୧୭ପର୍ଯ୍ୟନ୍ତ ପାମେଙ୍କ ହତ୍ୟା ମାମଲାର ତଦନ୍ତର ନେତୃତ୍ୱ ନେଇଥିଲେ। ପାମେଙ୍କ ହତ୍ୟା ଅଭିଯୁକ୍ତ ଇଙ୍ଗଷ୍ଟର୍ମ କାମ କରୁଥିବା କମ୍ପାନୀ ନିକଟରେ ହୋଇଥିବାବେଳେ ତାଙ୍କ ଉପରେ ଦୀର୍ଘବର୍ଷ ହେବ ସନ୍ଦେହ କରାଯାଉଥିଲା ବୋଲି ପିଟରସନ କହିଛନ୍ତି। ତେବେ ଅଭିଯୁକ୍ତ ଇଙ୍ଗଷ୍ଟର୍ମ ଇତିମଧ୍ୟରେ ମୃତ୍ୟୁବରଣ କରିସାରିଥିବାରୁ ତାଙ୍କ ବିରୋଧରେ ଚାର୍ଜଶିଟ ଫାଇଲ କରିବାକୁ ଚାହୁଁନାହିଁ ବରଂ ତଦନ୍ତକୁ ଏହିଠାରେ ସମାପ୍ତ କରିବାକୁ ଚାହୁଁଛି ବୋଲି ବୁଧବାର ପିଟରଶନ କହିଛନ୍ତି। ହତ୍ୟାକାରୀ ଇଙ୍ଗଷ୍ଟର୍ମଙ୍କ କୌଣସି ରାଜନୈତିକ ପୃଷ୍ଠଭୂମି ନ ଥିବାରୁ ପାମେଙ୍କ ହତ୍ୟାକୁ ନେଇ ରାଜନୈତିକ ଷଡ଼ଯନ୍ତ୍ର କରାଯାଉଥିବା ସମ୍ପର୍କରେ ଯେଉଁ ଆଲୋଚନା ହେଉଥିଲା, ତା’ର ଏବେ ଅନ୍ତ ଘଟିଛି। ଗତ ୩ ଦଶନ୍ଧି ଧରି ପାମେଙ୍କ ହତ୍ୟାକୁ ନେଇ ସ୍ବିଡେନବାସୀ ସୁରକ୍ଷା ବାହିନୀକୁ ନିନ୍ଦା କରିଆସୁଥିଲେ। ଏପରି କି ଏଥିପାଇଁ ଦକ୍ଷିଣ ଆଫ୍ରିକା ସୁରକ୍ଷା ସେବାରେ ଥିବା ସିଆଇଏ ଏବଂ କୁର୍ଦ୍ଦିଶ ବିଚ୍ଛିନ୍ନତାବାଦୀଙ୍କୁ ଦାୟୀ କରାଯାଇଆସୁଥିଲା। ପାମେଙ୍କୁ ହତ୍ୟା କରାଯାଇଥିବା ସ୍ଥାନରେ ଇଙ୍ଗଷ୍ଟର୍ମ ଉପସ୍ଥିତ ଥିବାରୁ ସେ ଦୀର୍ଘଦିନରୁ ସନ୍ଦେହଘେରରେ ଥିଲେ। ତାଙ୍କୁ ବହୁବାର ପୋଲିସ ଜେରା ମଧ୍ୟ କରିଥିଲା। ଇତିମଧ୍ୟରେ ଇଙ୍ଗଷ୍ଟର୍ମଙ୍କ ମୃତ୍ୟୁ ହୋଇସାରିଥିବାରୁ ତାଙ୍କ ବିରୋଧରେ ଆଉ ତଦନ୍ତ ହେବାର ପ୍ରୟୋଜନ ନାହିଁ ବୋଲି ପିଟରସନ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏଡିନବର୍ଗ ଗଲା ରାଣୀ ଏଲିଜାବେଥ ଦ୍ୱିତୀୟଙ୍କ ପାର୍ଥିବ ଶରୀର: ୧୯ରେ ଶେଷକୃତ୍ୟ

ଲଣ୍ଡନ,୧୧।୯: ବ୍ରିଟେନର ରାଣୀ ଏଲିଜାବେଥ ଦ୍ୱିତୀୟଙ୍କ ଗତ ଗୁରୁବାର ପରଲୋକ ଘଟିଛି। ଦେହାନ୍ତ କରିଛନ୍ତି। ତାଙ୍କ ଦେହାନ୍ତ ପରଠାରୁ ସମଗ୍ର ବ୍ରିଟେନରେ ଶୋକର ବାତାବରଣ ସୃଷ୍ଟି...

ସରକାର ଗଠନ ପାଇଁ ଆଉ ଦିନେ ଦୁଇଦିନ ସମୟ ନେବ ତାଲିବାନ

କାବୁଲ,୩ ।୯: ଆଫଗାନିସ୍ତାନକୁ କବଜା କରିଥିବା ତାଲିବାନ ସେଠାରେ ଶୁକ୍ରବାର ସରକାର ଗଠନ କରିବ ବୋଲି ଜଣାପଡିଥିଲା । ହେଲେ ଏବେ ବିଶେଷ ସୂତ୍ରରୁ ସୂଚନା...

‘ଟ୍ରମ୍ପ୍‌ଙ୍କୁ ବହିଷ୍କାର ନ କଲେ ମହାଭିଯୋଗ’

ନ୍ୟୁୟର୍କ, ୧୨।୧(ଆଇଏଏନ୍‌ଏସ୍‌): ଆମେରିକା ଉପରାଷ୍ଟ୍ରପତି ମାଇକ୍‌ ପେନ୍ସ ଓ କ୍ୟାବିନେଟ ସାମ୍ବିଧାନିକ କ୍ଷମତାର ଉପଯୋଗ କରି ୨୪ ଘଣ୍ଟା ମଧ୍ୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କୁ ବହିଷ୍କାର...

ଶେଷ ହୋଇନି ମହାମାରୀ, ସତର୍କତା ଜରୁରୀ…

ବର୍ଲିନ,୨୫।୧୦: ପୃଥିବୀରୁ କରୋନା ମହାମାରୀ ଶେଷ ହୋଇନି। ଯେଭଳି ସଂକ୍ରମଣ ନ ହେବ ସେ ନେଇ ସଭିଏଁ ସତର୍କ ରହିବା ଜରୁରୀ। କରୋନା ମାର୍ଗଦର୍ଶିକା ପାଳନ...

ଚାଇନାର ଭିକାରି କ୍ୟୁଆର୍‌ କୋଡ୍‌ ସହାୟତାରେ ମାଗୁଛନ୍ତି ଭିକ

ବେଜିଂ,୧୩।୭: ଭାରତରେ ଡିଜିଟାଲ ଇଣ୍ଡିଆ କାର୍ଯ୍ୟକ୍ରମ ଜୋର୍‌ସୋର୍‌ରେ ଜାରି ରହିଛି। ତେବେ ଚାଇନାର ଭିକାରି ମଧ୍ୟ ଏ କ୍ଷେତ୍ରରେ ବେଶ୍‌ ଆଗୁଆ ରହିଛନ୍ତି। ସେମାନେ ଭିକ...

‘କ୍ୟାପିଟୋଲ ହିଲ୍‌ ଭଳି ଦଙ୍ଗା ଭିଆଇବେ ବୋଲ୍‌ସୋନାରୋ’

ବ୍ରାସିଲିଆ,୪।୨: ବ୍ରାଜିଲ ସାଧାରଣ ନିର୍ବାଚନରେ ପୂର୍ବତନ ରାଷ୍ଟ୍ରପତି ଜୈର ବୋଲ୍‌ସୋନାରୋ ପରାଜିତ ହେବା ପରେ ତାଙ୍କ ସମର୍ଥକମାନେ ହିଂସାମତ୍କ ଆନ୍ଦୋଳନ ଜାରି ରଖିଛନ୍ତି। ଦଙ୍ଗା ଷଡ଼ଯନ୍ତ୍ରକାରୀ...

ଯୁଦ୍ଧ ହେଲେ ପୃଥିବୀରେ ବଢ଼ିବ ଦରଦାମ୍‌,ତେଲରେ ଲାଗିବ ନିଆଁ….

ମସ୍କୋ, ୧୫।୨ : ୟୁକ୍ରେନ୍‌ ଉପରେ ରୁଷିଆର ସମ୍ଭାବ୍ୟ ଆକ୍ରମଣ ନେଇ ଏବେ ଅନ୍ତର୍ଜାତୀୟସ୍ତରରେ ଆତଙ୍କ ସୃଷ୍ଟି ହୋଇଛି। ଯୁଦ୍ଧ ହେଲେ ପୃଥିବୀରେ ଦରଦାମ୍‌ ବଢ଼ିବାର...

୫ବର୍ଷ ଧରି ଜେଲେନ୍‌ସ୍କିଙ୍କୁ ଡେଟ୍‌ କରୁଛନ୍ତି ପୁଟିନ୍‌ଙ୍କ ଲଳନା

ମସ୍କୋ, ୧୯ା୫: ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନଙ୍କ ସାନ ଝିଅ କ୍ୟାଟେରିନା ଟିଖୋନୋଭାଙ୍କ ନୂଆ ପ୍ରେମିକଙ୍କ ନାଁ ଏବେ ଚର୍ଚ୍ଚାରେ। ଏହି ରୁଷୀୟ ବାଲେଟ୍‌ ଡ୍ୟାନ୍ସର...

Advertisement
Archives

Model This Week