ଖଲ୍ଲିକୋଟ,୨୦ା୧(ଡି.ଏନ.ଏ.)-ଗଞ୍ଜାମ ଜିଲା ଖଲ୍ଲିକୋଟ ବ୍ଲକ ଅନ୍ତର୍ଗତ ପଥରା ପଞ୍ଚାୟତର କଣ୍ଡରାପଡ଼ା ଗ୍ରାମରେ ରବିବାର ସ୍ବାମୀଙ୍କ ଛୁରାମାଡ଼ରେ ସ୍ତ୍ରୀଙ୍କ ମୃତ୍ୟୁ ଘଟିଛି। ମୃତକ ହେଲେ କଣ୍ଡରାପଡ଼ା ଗ୍ରାମର ସେରନ୍ତୀ ବେହେରା (୫୦)।
ଉକ୍ତ ଗ୍ରାମରେ ସେରନ୍ତୀ ତାଙ୍କ ୪ ପୁଅ, ଦୁଇ ଝିଅଙ୍କ ସହ ରହୁଥିଲେ। ସେରନ୍ତୀଙ୍କ ଜଣେ ୨୨ ବର୍ଷର ଦିବ୍ୟାଙ୍ଗ ପୁତ୍ର ଶଯ୍ୟାଶାୟୀ। ତାଙ୍କ ସ୍ବାମୀ ଭିକାରି ବେହେରା ବହୁ ସମୟରେ ଘରେ ରୁହନ୍ତି ନାହିଁ। ବେଳେ ବେଳେ ଘରକୁ ଆସିଲେ ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହେଉଥିଲା। ଗତ ୧୫ ତାରିଖରେ ଭିକାରି ମାସିକ ବାର୍ଦ୍ଧକ୍ୟ ଭତ୍ତା ପାଇବା ପାଇଁ ଗାଁକୁ ଆସିଥିଲେ। ରବିବାର ମଧ୍ୟାହ୍ନରେ ପୁଣି ଘରେ ସେରନ୍ତୀ ଓ ଭିକାରିଙ୍କ ମଧ୍ୟରେ କୌଣସି କଥାକୁ ନେଇ ଝଗଡ଼ା ହୋଇଥିଲା। ଏଥିରେ ଭିକାରି ରାଗି ଯାଇ ଦିବ୍ୟାଙ୍ଗ ପୁଅ ଆଗରେ ଛୁରି ନେଇ ସେରନ୍ତୀଙ୍କୁ ଭୁସି ଦେଇଥିଲେ। ପାଟି ଶୁଣି ପଡ଼ୋଶୀ ପହଞ୍ଚତ୍ ସେରନ୍ତୀଙ୍କୁ ଖଲ୍ଲିକୋଟ ଡାକ୍ତରଖାନାରେ ଭର୍ତ୍ତି କରିିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ଭେଜିପୁଟ ଫାଣ୍ଡି ଅଧିକାରୀ ସୁଶାନ୍ତ କୁମାର ପ୍ରଧାନ, ଏସ୍ଆଇ ଟୁନା ପିଡ଼ିକା ଘଟଣାସ୍ଥଳରେ ପହଞ୍ଚତ୍ ତଦନ୍ତ ଚଳାଇଛନ୍ତି। ହତ୍ୟାକାଣ୍ଡ ଘଟାଇ ଭିକାରି ଫେରାର ହୋଇଯାଇଛନ୍ତି।
