ପୌଡ଼ି: ‘ଆମେ ନିଜେ କିଛି କରିବୁ’ ଏଭଳି ବିଚାର କରୁଥିବା ଯୁବକମାନଙ୍କୁ ଧୀରେନ୍ଦ୍ର ସିଂ ରାଓତଙ୍କ ଠାରୁ କିଛି ଶିଖିବାକୁ ପଡିବ। ୩୧ ବର୍ଷ ଧରି ଦିଲ୍ଲୀ ଓ ନୋଏଡାରେ ଜୀବିକା ପାଇଁ ସଂଗ୍ରାମ କରିବା ପରେ ନିଜ ଗଁ।କୁ ଫେରି ପାହାଡିଆ ଜମିରେ ସୋଲାର୍ ପ୍ଲାଣ୍ଟ୍ ବସାଇଛନ୍ତି। ଏହା ମାଧ୍ୟମରେ ସେ ନିଜ ଗାଁ ଓ ଆଖପାଖ ଅଞ୍ଚଳରେ ରୋଜଗାରର ନୂଆ ଆଶା ସୃଷ୍ଟି କରିଛନ୍ତି। ଉତ୍ତରାଖଣ୍ଡ ପୌଡି ଗଡଓ୍ବାଲର ଓଡ୍ଡା ଗାଁ ନିବାସୀ ୫୩ ବର୍ଷୀୟ ଧୀରେନ୍ଦ୍ର ସିଂ ପରିବାର ପ୍ରତିପୋଷଣ କରିବା ପାଇଁ ୧୬ ବର୍ଷ ବୟସରେ ନୋଏଡା ଚାଲିଯାଇଥିଲେ। ସେଠାର ଗାଁକୁ ୨୦୧୧ରେ ଫେରି ୫୦୦ କିଲୋଓ୍ବାଟର ସୋଲାରପ୍ଲାଣ୍ଟ୍ ବସାଇଛନ୍ତି। ଏଥିରୁ ୭ ଲକ୍ଷ ଯୁନିଟ ବିଦ୍ୟୁତ୍ ଉତ୍ପାଦିତ
ହେଉଛି। ଏହାକୁ ସେ ଉତ୍ତରାଖଣ୍ଡ ପାଓ୍ବାର କର୍ପୋରେଶନ ଲିମିଟେଡ(ୟୁପିସିଏଲ୍)କୁ ବିକ୍ରି କରୁଛନ୍ତି। ଏଥିରୁ ସେ ପ୍ରତିମାସରେ ପାଉଛନ୍ତି ୪ ଲକ୍ଷ ଟଙ୍କା । ଏହି ପ୍ଲାଣ୍ଟ୍ ପ୍ରତିଷ୍ଠା କରିବା ଲାଗି ବ୍ୟାଙ୍କରୁ ୨.୮୦ କୋଟି ଋଣ ନେଇଛନ୍ତି ଓ ଏବେ ବିଦ୍ୟୁତ ବିକ୍ରି କରି ତାହା ପରିଶୋଧ କରୁଛନ୍ତି। ଏହି ପ୍ଲାଣ୍ଟରେ ଗାଁ ଲୋକଙ୍କୁ ନିଯୁକ୍ତି ଦେଇଛନ୍ତି। ସେଠାରେ ବି ସେ ଫୁଲ ଓ ଫଳ ବଗିଚା କରି ଲୋକଙ୍କୁ ରୋଜଗାର ଯୋଗାଉଛନ୍ତି। ଏସବୁ କାର୍ଯ୍ୟରେ ତାଙ୍କ ସ୍ତ୍ରୀ ସହଯୋଗ କରୁଛନ୍ତି। ଏତିକିରେ ଧୀରେନ୍ଦ୍ରଙ୍କ ଅଭିଯାନ ସରିନି, ସେ ବିଭିନ୍ନ ପ୍ରାକୃତିକ ଉତ୍ସରୁ ବହିଯାଉଥିବା ଜଳକୁ ଏକ ବଡ଼ ଟାଙ୍କିରେ ସଂରକ୍ଷଣ କରି ଚାଷ କାମରେ ଲଗାଉଛନ୍ତି। ଏହାବାଦ ଧୀରେନ୍ଦ୍ର ଏକ ରିସର୍ଟ ଖୋଲି ତା’ ମାଧ୍ୟମରେ ନିଯୁକ୍ତି ସୃଷ୍ଟି କରିବାର ଯୋଜନା ମଧ୍ୟ କରିଛନ୍ତି।
