ସିସିଟିଭି ନଜରରେ ରହିବ ଜଗତ୍‌ସିଂହପୁର ସହର

ଜଗତ୍‌ସିଂହପୁର ଅଫିସ, ୧୫।୨: ଜଗତ୍‌ସିଂହପୁର ସହରରେ ଦିନ ଦି ପ୍ରହରରେ ଲୁଟ୍‌ କିଛି ନୂଆ କଥା ନୁହେଁ। ଏଭଳି ଘଟଣା ଥରେ କି ଦୁଇଥର ନୁହେଁ, ଏକାଧିକ ବାର ଘଟିଥିଲେ ସୁଦ୍ଧା ପ୍ରତିକାର ନାହିଁ। କାରଣ ଅପରାଧୀମାନେ ଜାଣନ୍ତି ସହରରେ ସିସିଟିଭି କ୍ୟାମେରା ନ ଥିବାରୁ ସେମାନଙ୍କୁ ଚିହ୍ନଟ କରିବା ପୋଲିସ ପକ୍ଷରେ କଷ୍ଟକର। ବାସ୍ତବରେ ଅପରାଧୀଙ୍କୁ ଧରିବାରେ ପୋଲିସ ନାକେଦନ ହେଉଥିବାରୁ ସହରରେ ସିସିଟିଭି କ୍ୟାମେରା ଲଗାଯିବା ଜରୁରୀ ଅନୁଭବ କରି ଜଗତ୍‌ସିଂହପୁର ଥାନା ଆଇଆଇସି ଜଗତ୍‌ସିଂହପୁର ପୌର ପରିଷଦ ନିର୍ବାହୀ ଅଧିକାରୀଙ୍କୁ ଏ ନେଇ ୪ ମାସ ପୂର୍ବରୁ ଚିଠି କରିଛନ୍ତି। ଏଥିରେ ଉଲ୍ଲେଖ ଅଛି ସହରରେ ଲୋକଙ୍କ ଧନ, ଜୀବନ ସୁରକ୍ଷା ପାଇଁ ସିସିଟିଭି କ୍ୟାମେରା ଲଗାଯିବା ଜରୁରୀ। ଏହାହେଲେ ଅପରାଧୀଙ୍କୁ ଧରିବା ସହଜ ହୋଇପାରିବ। ପୋଲିସର ଏହି ଯୁକ୍ତିକୁ ଜଗତ୍‌ସିଂହପୁର ପୌର ପ୍ରଶାସକ ତଥା ଜିଲାପାଳ ସଂଗ୍ରାମ କେଶରୀ ମହାପାତ୍ର ଗ୍ରହଣ କରି ନେଇଛନ୍ତି। ପ୍ରାଥମିକ ପର୍ଯ୍ୟାୟରେ ସହରର ୮ଟି ସ୍ଥାନରେ ୩୫ଟି ସିସିଟିଭି କ୍ୟାମେରା ଲଗାଯିବା ପାଇଁ ନିଷ୍ପତ୍ତି ହୋଇଛି। ଏ ବାବଦରେ ୧୩.୫୬ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ତେବେ ଏହା ଭିତରେ ଅର୍ଥାତ୍‌ ଗତ ୩ରୁ ଆସନ୍ତା ୨୦ ତାରିଖ ସୁଦ୍ଧା ଟେଣ୍ଡର ପକାଇବାକୁ ବିଜ୍ଞାପନ ପ୍ରକାଶ ପାଇଥିବା ଜଗତ୍‌ସିଂହପୁର ପୌର ପରିଷଦ ପକ୍ଷରୁ ସୂଚନା ଦିଆଯାଇଛି। ବଡ କଥା ହେଲା କେଉଁ ବ୍ରାଣ୍ଡର କ୍ୟାମେରା ଲାଗିବ ତା’ ଉପରେ ସ୍ପଷ୍ଟ କରାଯାଇ ନ ଥିବାରୁ ବାସ୍ତବ ଲକ୍ଷ୍ୟ ପୂରଣ ହେବା ନେଇ ସନ୍ଦେହ ସୃଷ୍ଟି ହୋଇଛି। ଏ ସମ୍ପର୍କରେ ଜଣେ ପୋଲିସ ଅଧିକାରୀ ନାମ ଗୋପନ ରଖି କହିଛନ୍ତି, କ୍ୟାମେରାର ଗୁଣାବତ୍ତା ଉପରେ ଛବିର ମାନ ନିର୍ଭର କରେ। ଶସ୍ତା କ୍ୟାମେରା ଲାଗିଲେ ଏଥିରେ ଉତ୍ତୋଳିତ ଫଟୋ ବା ଭିଡିଓର ମାନ ଠିକ୍‌ ରହିବ ନାହିଁ, ଯାହାକି ଅଭିଯୁକ୍ତଙ୍କୁ ଚିହ୍ନଟ କରିବାରେ ପୋଲିସ ଅଡୁଆରେ ପଡିପାରେ।
୨୭ା୯।୧୯ରେ ଜଗତ୍‌ସିଂହପୁର ପୌର ପରିଷଦ ନିର୍ବାହୀ ଅଧିକାରୀଙ୍କୁ ଜଗତ୍‌ସିଂହପୁର ଆଇଆଇସି ରଜନୀକାନ୍ତ ମିଶ୍ର ଚିଠି କରି ସହରରେ ସୁରକ୍ଷା ଦୃଷ୍ଟିରୁ ସିସିଟିଭି କ୍ୟାମେରା ବ୍ୟବସ୍ଥା କରିବା ପାଇଁ ଅନୁରୋଧ କରିଥିଲେ। ସେ ଦର୍ଶାଇଥିଲେ, ସହରର ମୁଖ୍ୟ ରାସ୍ତା ଏପରି କି ଗୁରୁତ୍ୱପୂର୍ଣ୍ଣ ଛକ ସ୍ଥାନରେ ଅପରାଧିମାନେ ସହଜରେ ଚଳପ୍ରଚଳ ହୋଇ ପାରୁଛନ୍ତି। ସେମାନେ କିଛି ଅପରାଧ ଘଟାଇ ଖସିଗଲେ ସେମାନଙ୍କୁ ଚିହ୍ନଟ କରିବା କଷ୍ଟକର ହୋଇପଡୁଛି। ଏପରି କି ପାର୍ବଣ ଋତୁରେ ପ୍ରବଳ ଜନସମାଗମ ଦେଖି ଅପରାଧୀମାନେ ଅପରାଧ ଭିଆଁଇବାକୁ ପଛାଉ ନାହାନ୍ତି। ତେଣୁ ସହରରେ ସିସିଟିଭି କ୍ୟାମେରା ଲଗାଯିବା ଜରୁରୀ ହୋଇପଡିଛି। ପ୍ରାଥମିକ ପର୍ଯ୍ୟାୟରେ ଗାନ୍ଧି ଛକରୁ ସିପି ଓ ପୋଲିସ ଷ୍ଟେସନ୍‌ ଛକରୁ ପୁରୋହିତପୁର ଛକ ପର୍ଯ୍ୟନ୍ତ ମୁଖ୍ୟ ରାସ୍ତାରେ ସିସିଟିଭି କ୍ୟାମେରା ଲଗାଯିବା ଉପରେ ଗୁରୁତ୍ୱାରୋପ କରାଯାଇଛି। ଏହି ରାସ୍ତାର ଗାନ୍ଧି ଛକ, କଲେଜ ଛକ, କୋର୍ଟ ଛକ, ପୋଷ୍ଟ ଅଫିସ ଛକ, ପୋଲିସ ଷ୍ଟେସନ୍‌ ଛକ, ସିପିସ୍ଥିତ ଏକ ଗେଷ୍ଟ ହାଉସ ନିକଟ ଛକ, ପୁରୋହିତପୁର ଛକ ଓ ହାଟପୋଲ ନିକଟରେ ସିସିଟିଭି କ୍ୟାମେରା ଲଗାଯିବା ଜରୁରୀ ବୋଲି ଆଇଆଇସି ଦର୍ଶାଇଥିଲେ। ଆଇଆଇସିଙ୍କ ଯୁକ୍ତିର ଗୁରୁତ୍ୱ ଦୃଷ୍ଟିରୁ ପରିଷଦ ନିର୍ବାହୀ ଅଧିକାରୀ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ। ଜିଲାପାଳଙ୍କ ଅନୁମତିକ୍ରମେ ବୈଷୟିକ ବିବରଣୀ ଓ ଆନୁମାନିକ ବଜେଟ୍‌ ପ୍ରସ୍ତୁତ କରିଥିଲା ଏନ୍‌ଆଇସି (ନ୍ୟାସନାଲ ଇନ୍‌ଫର୍ମେଟିକ୍‌ ସେଣ୍ଟର) ଜଗତ୍‌ସିଂହପୁର ଶାଖା। ସହରର ଉପରୋକ୍ତ ୮ଟି ସ୍ଥାନରେ ମୋଟ ୩୫ଟି ସିସିଟିଭି କ୍ୟାମେରା ଲାଗିବ। କିନ୍ତୁ ଏହି କ୍ୟାମେରାଗୁଡିକ ଉପରେ ଯେପରି ବର୍ଷାଦିନେ କିଛି ପ୍ରଭାବ ପଡିବନି ସେଥିପ୍ରତି ଧ୍ୟାନ ଦିଆଯିବ। ୫୫ ଇଞ୍ଚ ଏଲ୍‌ଇଡି, ୧ଟି ଇନ୍‌ଭର୍ଟର, ୮ଟି ୟୁପିଏସ୍‌ କିଣାଯିବ। ଏ ସବୁ ଜଗତ୍‌ସିଂହପୁର ଥାନାକୁ ହସ୍ତାନ୍ତର କରାଯିବ। ଥାନାରେ ଏକ ସ୍ବତନ୍ତ୍ର କୋଠରୀରେ ର଼୍ୟାକ୍‌ କରାଯାଇ ସେଠାରେ ମେସିନ୍‌ଗୁଡିକ ରଖାଯିବ। ମୋଟାମୋଟି ଭାବେ କହିବାକୁ ଗଲେ କଣ୍ଟ୍ରୋଲ ରୁମ୍‌ ଜଗତ୍‌ସିଂହପୁର ଥାନାରେ ହେବ ଏବଂ ଆଇଆଇସି ଏହାକୁ ନିୟନ୍ତ୍ରଣ କରିବେ। ନିୟମିତ ବ୍ୟବଧାନରେ ସମସ୍ତ କ୍ୟାମେରାରେ ଉତ୍ତୋଳିତ ଫଟୋ ଓ ଭିଡିଓ ଯାଞ୍ଚ ହେବ। ଆବଶ୍ୟକସ୍ଥଳେ ଯେ କୌଣସି ସମୟରେ ପୋଲିସ ସିସିଟିଭି ଫୁଟେଜ୍‌ ସଂଗ୍ରହ କରି ତଦନ୍ତ କରିପାରେ। କିନ୍ତୁ ସମସ୍ତ ତଥ୍ୟ ଗୋପନୀୟ ରହିବ। ବିଶେଷକରି ଅପରାଧ ନିୟନ୍ତ୍ରଣ କ୍ଷେତ୍ରରେ ଏହା ବେସ୍‌ ସହାୟକ ହେବ। ସୂଚନାଯୋଗ୍ୟ ଯେ, କଟକ-ଭୁବନେଶ୍ୱର କମିଶନରେଟ୍‌ ଅଞ୍ଚଳ ସମେତ ରାଜ୍ୟର ଏକାଧିକ ଜିଲା ମୁଖ୍ୟାଳୟରେ ସିସିଟିଭି କ୍ୟାମେରା ଲଗାଯାଇଛି । ଜଗତ୍‌ସିଂହପୁର ସହରରେ ଏହା ଖୁବ ଶୀଘ୍ର କାର୍ଯ୍ୟକାରୀ ହେବାକୁ ଯାଉଥିବାରୁ ସାଧାରଣରେ ସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ଜଗତ୍‌ସିଂହପୁର ଆଇଆଇସି କହିଛନ୍ତି, ଦ୍ୱିତୀୟ ପର୍ଯ୍ୟାୟରେ ସହରର ଅନ୍ୟ ସ୍ଥାନଗୁଡିକ ଚିହ୍ନଟ କରାଯାଇ ତାଲିକା ଦିଆଯିବ। ତା’ ଉପରେ ପରିଷଦ ଧ୍ୟାନ ଦେଇ ସିସିଟିଭି କ୍ୟାମେରା ଲଗାଇବା ବ୍ୟବସ୍ଥା କରିବ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ବ୍ରହ୍ମପୁର-ସମ୍ବଲପୁର ନୂତନ ରେଳ ପ୍ରକଳ୍ପ ଶୀଘ୍ର କରିବାକୁ ଦାବି

ଫୁଲବାଣୀ ଅଫିସ, ୧୭ା୨: ବହୁ ବର୍ଷର ଦାବିକୁ କେନ୍ଦ୍ର ସରକାର ପୂରଣ କରିଛନ୍ତି। ପ୍ରସ୍ତାବିତ ବ୍ରହ୍ମପୁର-ସମ୍ବଲପୁର ଭାୟା ଫୁଲବାଣୀ ରେଳପଥକୁ ଚଳିତ ବଜେଟରେ ମଞ୍ଜୁର କରାଯାଇଛି। ରାଜ୍ୟ...

ମୋରଡ଼ାରେ ଡବଲ ମର୍ଡର: ସ୍ତ୍ରୀ, ଶାଶୁ ମୃତ: ପୋଲିସର ଅବହେଳାକୁ ଦାୟୀକଲେ ସ୍ଥାନୀୟ ଲୋକେ

ବାରିପଦା ଅଫିସ,୧୭।୬: ମୋରଡ଼ା ଥାନା ଚିକିଟାମାଟିଆ ପଞ୍ଚାୟତ ଖୁଣ୍ଟାପାଳ ଗ୍ରାମରେ ସୋମବାର ଏକ ଡବଲ ମର୍ଡର ଘଟିଛି। ସକାଳ ପ୍ରାୟ ସାଢ଼େ ୬ଟାରେ ଅନୈତିକ ସମ୍ପର୍କ...

ଜାତୀୟ ଲୋକମେଳା, କୃଷିମେଳା ଉଦ୍‌ଯାପିତ: ଛବିଳେନ୍ଦ୍ର, ବିମ୍ବାଧର, ରଞ୍ଜିତ, ଶ୍ରୀଧରଙ୍କୁ ଶ୍ରୀକ୍ଷେତ୍ର ସମ୍ମାନ

ପୁରୀ ଅଫିସ, ୨୬।୧୦: ଶ୍ରୀ ଶ୍ରୀକ୍ଷେତ୍ର ସୂଚନା ପକ୍ଷରୁ ମୁକ୍ତାକାଶ ରଙ୍ଗମଞ୍ଚଠାରେ ୫ଦିନ ବ୍ୟାପି ଚାଲିଥିବା ୧୭ତମ ଲୋକମେଳା(ଜାତୀୟ ଆଦିବାସୀ ଲୋକଗୀତ ଓ ନୃତ୍ୟ ମହୋତ୍ସବ...

ଶହୀଦଙ୍କୁ ଶ୍ରଦ୍ଧାଞ୍ଜଳି: ଚାଇନା ସାମଗ୍ରୀ ବର୍ଜନ କରିବାକୁ ଶପଥ

କୁଆମରା,୨୨ା୬(ଡି.ଏନ୍‌.ଏ.)- ଲଦାଖରେ ଚାଇନା ସେନାର ଅତର୍କିତ ଆକ୍ରମଣରେ ୨୦ ଭାରତୀୟ ଯବାନ ଶହୀଦ ହୋଇଛନ୍ତି। ଏଥିରେ ମୟୂରଭଞ୍ଜ ରାଇରଙ୍ଗପୁରର ନନ୍ଦୁରାମ ସୋରେନ ଓ କନ୍ଧମାଳ ରାଇକିଆର...

ସୁବର୍ଣ୍ଣରେଖାରେ ବନ୍ୟା ଆଶଙ୍କା

ଜଳେଶ୍ୱର, ୨୮ା୮(ସ୍ବ.ପ୍ର.)-ବାଲେଶ୍ୱର ଜିଲାର ଜଳେଶ୍ୱର ନିକଟରେ ସୁବର୍ଣ୍ଣରେଖା ନଦୀର ଜଳସ୍ତର ବୃଦ୍ଧିପାଇ ରାଜଘାଟଠାରେ ଗୁରୁବାର ସନ୍ଧ୍ୟା ୬ଟା ସୁଦ୍ଧା ୯.୬୩ ମିଟରରେ ପହଞ୍ଚିଛି ା ବିପଦସଂକେତ...

ବସ୍‌ ଧକ୍କାରେ ୨ ବାଇକ ଆରୋହୀଙ୍କ ମୃତ୍ୟୁ

ଠାକୁରମୁଣ୍ଡା,୧୬ା୧୦(ଡି.ଏନ୍‌.ଏ.)- ମୟୂରଭଞ୍ଜ ଜିଲା କରଞ୍ଜିଆ- ଖିଚିଂ ରାସ୍ତାର କାଶିଆ ଜଙ୍ଗଲ ନିକଟରେ ମଙ୍ଗଳବାର ଏକ ବସ୍‌ ଧକ୍କାରେ ୨ ବାଇକ ଅରୋହୀଙ୍କ ମୃତ୍ୟୁ ଘଟିଛି। ମୃତକ...

ଆଶାକର୍ମୀଙ୍କୁ ମିଳୁନାହିଁ ମାସ୍କ ଓ ସାନିଟାଇଜର

ବିନିକା,୨୫।୩(ଡି.ଏନ୍‌.ଏ.): ଦେଶର ବିଭିନ୍ନ ରାଜ୍ୟରେ କରୋନା ଭାଇରସ୍‌ ଧୀରେ ଧୀରେ କାୟା ବିସ୍ତାର କରିବାରେ ଲାଗିଛି । ଏହାର ଭୟାବହତା ନେଇ ରାଜ୍ୟ ସ୍ବାସ୍ଥ୍ୟ ବିଭାଗ...

ସ୍ବାସ୍ଥ୍ୟକେନ୍ଦ୍ର ପରିସରରେ ଗାର୍ଡେନିଂ: ରତୀନ୍ଦ୍ରଙ୍କ ଅନନ୍ୟ ପ୍ରୟାସ

ବାଲିଆପାଳ, ୧୩ା୮(ଡି.ଏନ.ଏ.)-ସୁସ୍ଥ ପରିବେଶ ଦେହ ଓ ମନକୁ ସୁସ୍ଥ ରଖେ। ଏହି କଥାର ମର୍ମ ବୁଝି ଏହାକୁ କାର୍ଯ୍ୟରେ ଲଗାଇ ଚର୍ଚ୍ଚାକୁ ଆସିଛନ୍ତି ଡାକ୍ତରଖାନାରେ ରୋଗୀଙ୍କୁ...

Play 250+ Trending Games
Archives

Model This Week

Why Dharitri