ସାପକାମୁଡ଼ା ଜାଣିବା ପାଇଁ ନୂଆ ବ୍ୟବସ୍ଥା

କଟକ ଅଫିସ,୯ା୧୨: ସାପ କାମୁଡ଼ାରେ ମୃତ୍ୟୁବରଣ କରୁଥିବା ବ୍ୟକ୍ତିଙ୍କୁ ସରକାରୀ ସହାୟତା ଯୋଗାଇ ଦିଆଯାଉଛି। ତେଣୁ ଏହାର ଫାଇଦା କିଛି ଲୋକ ନେଉଛନ୍ତି। ହୃଦ୍‌ଘାତ କିମ୍ବା ବ୍ରେନ୍‌ ଷ୍ଟ୍ରୋକ୍‌ରେ ମୃତ୍ୟୁବରଣ କରୁଥିବା ରୋଗୀ ସାପ କାମୁଡ଼ାଜନିତ ଦର୍ଶାଇ ସରକାରୀ ସହାୟତା ହାତଉଛନ୍ତି। ଏହାକୁ ରୋକିବା ପାଇଁ ଏସ୍‌ସିବି ମେଡିକାଲରେ ଆରମ୍ଭ ହେବ ଏନ୍‌ଜାଇମ ଇମ୍ୟୁନୋ ଆସେ ନାମକ ଏକ ପରୀକ୍ଷା। ରୋଗୀଙ୍କଠାରୁ ରକ୍ତ ସଂଗ୍ରହ କରାଯାଇ ପରୀକ୍ଷା କରାଯିବ। ଉକ୍ତ ପରୀକ୍ଷା ରିପୋର୍ଟରୁ ରୋଗୀଙ୍କୁ ସାପ କାମୁଡ଼ିଛି କି ନାହିଁ ତାହା ଧରାପଡ଼ିଯିବ। ରବିବାର ଏସ୍‌ସିବି ମେଡିକାଲ ଅଡିଟୋରିୟମ ହଲ୍‌ରେ ଏଫ୍‌ଏମ୍‌ଟି (ଫୋରେନ୍‌ସିକ ମେଡିସିନ ଆଣ୍ଡ ଟକ୍‌ସିକୋଲୋଜି) ବିଭାଗ ପକ୍ଷରୁ ସାପକାମୁଡ଼ା ରୋଗୀଙ୍କୁ ପରିଚାଳନା ଉପରେ ଏକ ତାତ୍ତ୍ବିକ (ଏକାଡେମିକ) କର୍ମଶାଳା ଆୟୋଜିତ ହୋଇଥିଲା। ଏଥିରେ ମେଡିସିନ, କମ୍ୟୁନିଟି ମେଡିସିନ, ଫାର୍ମାକୋଲୋଜି, ପାଥୋଲୋଜି ବିଭାଗର ଡାକ୍ତର ଓ ଛାତ୍ରୀଛାତ୍ର ଉପସ୍ଥିତ ଥିଲେ। ଏଥିସହ ପଣ୍ଡିଚେରୀର ଜେଆଇପିଏମ୍‌ଇଆର୍‌ ମେଡିକାଲ କଲେଜ, ଭେଲୋରର ସିଏମ୍‌ସି ମେଡିକାଲ କଲେଜ, ଭୁବନେଶ୍ୱରର ଏମ୍‌ସ, ବ୍ରହ୍ମପୁର, ବାଲେଶ୍ୱର, ବଲାଙ୍ଗୀର ଆଦି ମେଡିକାଲ କଲେଜର ଡାକ୍ତର ଓ ପିଜି ଛାତ୍ରୀଛାତ୍ର ଯୋଗଦେଇଥିଲେ। ସାପକାମୁଡ଼ା ରୋଗୀଙ୍କୁ କିଭଳି ଚିକିତ୍ସା କରାଯିବ ତାହା ଉପରେ ଆଲୋଚନା ହୋଇଥିଲା। ମୁଖ୍ୟତଃ ଲୋକର ଯେଉଁ ସ୍ଥାନକୁ ସାପ କାମୁଡିଥାଏ, ସେହି ସ୍ଥାନର ଉପରକୁ ଭିଡି ବାନ୍ଧି ଦିଆଯାଇଥାଏ। ଏହା କରିବା ନିତାନ୍ତ ଭୁଲ ବୋଲି କର୍ମଶାଳାରେ ମତପ୍ରକାଶ ପାଇଥିଲା। ସାପ କାମୁଡ଼ିବା ପରେ ରୋଗୀଙ୍କୁ ଗୁଣିଆ ପାଖକୁ ନ ନେଇ ପ୍ରାଥମିକ ଚିକିତ୍ସା ନିମନ୍ତେ ନିକଟରେ ଥିବା ମେଡିକାଲକୁ ନିଆଯିବା ଦରକାର। ସେଠାରେ ପ୍ରାଥମିକ ଚିକିତ୍ସା ପରେ ରୋଗୀଙ୍କୁ ତୁରନ୍ତ ମେଡିକାଲ କଲେଜକୁ ସ୍ଥାନାନ୍ତର କରିବା ଉଚିତ ବୋଲି ଡାକ୍ତରମାନେ କହିଥିଲେ। ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି, ରୋଗୀଙ୍କୁ କେଉଁ ସାପ କାମୁଡ଼ିଛି ତାହା ଚିହ୍ନଟ କରିବା ଆବଶ୍ୟକ। ମୁଖ୍ୟତଃ ସାପ କାମୁଡ଼ିଛି କି ନାହିଁ ତାହା ଜାଣିବା ନିତାନ୍ତ ଅପରିହାର୍ଯ୍ୟ। ଦେଖାଯାଉଛି ଯେ, ସାପ କାମୁଡ଼ିଥିବା ରୋଗୀ ଅନେକ ସମୟରେ ଜାଣି ନ ପାରି ମୃତ୍ୟୁମୁଖରେ ପଡୁଥିବାବେଳେ ସାପ କାମୁଡ଼ି ନ ଥିବା ରୋଗୀ ଚିକିତ୍ସିତ ହୋଇ ଅଡୁଆରେ ପଡୁଛନ୍ତି। ତେଣୁ ଏହାକୁ ଚିହ୍ନଟ କରିବା ପାଇଁ ମଧ୍ୟ ଏନ୍‌ଜାଇମ ଇମ୍ୟୁନୋ ଆସେ ପରୀକ୍ଷା ମଧ୍ୟ କାମ ଦେବ। ଏହି କର୍ମଶାଳାରେ ସ୍ନେକ୍‌ ହେଲ୍‌ପଲାଇନ ସମ୍ପାଦକ ଶୁଭେନ୍ଦୁ ମଲ୍ଲିକ ଯୋଗଦେଇ ସାପ କାମୁଡ଼ିଥିବା ରୋଗୀଙ୍କୁ କିଭଳି ପ୍ରାଥମିକ ଅବସ୍ଥାରେ ଯତ୍ନ ନିଆଯିବା କଥା ସେ ସମ୍ପର୍କରେ କହିଥିଲେ। କାମୁଡ଼ିଥିବା ସାପକୁ ଚିହ୍ନିବା ଏବଂ ଉକ୍ତ ସାପ କେତେ ବିଷଧର ତାହା ଜାଣିବା ମଧ୍ୟ ଗୁରୁତ୍ୱପୂର୍ଣ୍ଣ ବୋଲି ମଲ୍ଲିକ କହିଥିଲେ। ସୂଚନାଥାଉ କି, ୨୦୧୮ରେ ଏସ୍‌ସିବି ମେଡିକାଲରେ ୧୩୦ ଜଣ ରୋଗୀଙ୍କର ସାପ କାମୁଡ଼ାରେ ମୃତ୍ୟୁ ଘଟିଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ରାଜ୍ୟ ସରକାରଙ୍କ ୬ ମାସିଆ ରଣକୌଶଳ

ଭୁବନେଶ୍ୱର,୧୬।୩(ବ୍ୟୁରୋ): କରୋନାକୁ ନେଇ ଏବେ ସବୁଆଡ଼େ ଭୟର ବାତାବରଣ ସୃଷ୍ଟି ହୋଇଛି। କୋଭିଡ୍‌ ୧୯ ଭାଇରସ୍‌ ସଂକ୍ରମଣ ଏଡ଼ାଇବା ପାଇଁ ସରକାରୀ ସ୍ତରରେ ବ୍ୟାପକ ପଦକ୍ଷେପ...

ହୋ ଯୁବ ପ୍ରତିଭା ଗାମାୟ

କପ୍ତିପଦା,୨୨ା୯(ଡି଼.ଏନ୍‌.ଏ,)- ନିଜ ରାଜ୍ୟ ଓ ଅଞ୍ଚଳରେ ଆଦିବାସୀ ସମ୍ପ୍ରଦାୟର ବିକାଶ ଓ ସାମାଜିକ ପରିବତ୍ତର୍ର୍ନ ପାଇଁ କାମ କରି ବେଶ୍‌ ଚର୍ଚ୍ଚାକୁ ଆସିଛନ୍ତିି, ଗାମାୟ ରିମିଲ...

ମାଟ୍ରିକ ପରୀକ୍ଷା ଫଳ: ବାଜିମାରିଲେ ଝିଅ, ଝାରସୁଗୁଡ଼ାରେ ସର୍ବାଧିକ ପାସ୍‌ ହାର ୮୫.୪୮%

କଟକ ଅଫିସ,୨୧।୫: ଚଳିତ ବର୍ଷର ମାଟ୍ରିକ ପରୀକ୍ଷା ଫଳ ମଙ୍ଗଳବାର ପ୍ରକାଶ ପାଇଛି। ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ମାଟ୍ରିକ, ମଧ୍ୟମା ଓ...

ଯନ୍ତ୍ରୀରେ ମାଓବାଦୀ-ପୋଲିସ ଗୁଳିବିନିମୟ ଘଟଣା: ଜଣେ ମାଓବାଦୀ ମୃତ, ବିପୁଳ ପରିମାଣର ମାଓ ସାମଗ୍ରୀ ଜବତ

ମାଲକାନଗିରି,୨୭।୧୧।(ଡି.ଏନ୍‌.ଏ.)-ମାଲକାନଗିରି ଜିଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ଯନ୍ତ୍ରୀ ପଞ୍ଚାୟତ ତୋଟାଗୁଡା ଜଙ୍ଗଲରେ ଗୁରୁବାର ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଏଥିରେ ଜଣେ ହାଡକୋର...

ବିନ୍ଦୁ ସାଗରରେ ଡଙ୍ଗା ଭସା ମନା: କଟକଣା ଜାରି କଲା ବିଏମ୍‌ସି

ଭୁବନେଶ୍ବର,୨୬।୧୧(ବ୍ୟୁରୋ)-ଚଳିତବର୍ଷ ମହାମାରୀ କରୋନାକୁ ଦୃଷ୍ଟିରେ ରଖି ସମସ୍ତ ଧାର୍ମିକ କାର୍ଯ୍ୟକ୍ରମ କଟକଣା ଭିତରେ ପାଳିତ ହେଉଛି। କାର୍ତ୍ତିକ ପୂର୍ଣ୍ଣିମାରେ ଡଙ୍ଗା ଭସାଇବା ଉପରେ କଟକଣା ଜାରି...

ସୋମ୍‌ ହିରୋ ପକ୍ଷରୁ ନୂତନ ବାଇକ୍‌ ବଜାର ପ୍ରବେଶ

ଢେଙ୍କାନାଳ ଅଫିସ, ୧୯।୬- ଢେଙ୍କାନାଳ କୁଞ୍ଜକାନ୍ତସ୍ଥିତ ସୋମ୍‌ ହିରୋ ଶୋ’ରୁମ ପରିସରରେ ହିରୋ କମ୍ପାନୀ ପକ୍ଷରୁ ନୂତନ ଜ୍ଞାନକୌଶଳରେ ନିର୍ମିତ ୩ ବାଇକ୍‌ ଓ ସ୍କୁଟର...

ସ୍ବାମୀ ଜୀବିତ ଥାଇ ୧୦ ମହିଳା ପାଉଛନ୍ତି ବିଧବା ଭତ୍ତା

ରାସଗୋବିନ୍ଦପୁର,୧୩-୯ (ଡି.ଏନ୍‌.ଏ): ବିଭିନ୍ନ ସମୟରେ ଅର୍ଥ ହେରଫେର ଓ ବିଭିନ୍ନ ଅନିୟମିତତା ନେଇ ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକ ଚର୍ଚ୍ଚାରେ ରହି ଆସିଥିବା ବେଳେ ଏବେ...

୧୪ ଡିଏସ୍‌ପିଙ୍କୁ ଅତିରିକ୍ତ ଏସ୍‌ପି ର଼୍ୟାଙ୍କ୍‌କୁ ପଦୋନ୍ନତି

ଭୁବନେଶ୍ୱର, ୩୧।୧୨(ବ୍ୟୁରୋ): ରାଜ୍ୟ ସରକାର ୧୪ ଡିଏସ୍‌ପିଙ୍କୁ ଅତିରିକ୍ତ ଏସ୍‌ପି ର଼୍ୟାଙ୍କ୍‌କୁ ପଦୋନ୍ନତି ଦେଇଛନ୍ତି। ସେମାନଙ୍କ ମଧ୍ୟରୁ ପୋଲିସ ମୁଖ୍ୟାଳୟରେ ଥିବା ଡିଏସ୍‌ପି ପ୍ରଦୀପ କୁମାର...

Play 250+ Trending Games
Archives

Model This Week

Why Dharitri