ଭାଲେଣ୍ଟାଇନ୍ ଓ୍ବିକ୍ର ପ୍ରଥମ ଦିନକୁ ରୋଜ୍ ଡେ କୁହାଯାଇଥାଏ। ଏହା ଫେବୃୟାରୀ ୭ରେ ପାଳିତ ହେବ। ପ୍ରେମିକାପ୍ରେମିକ ନିଜ ସାଥୀଙ୍କ ହୃଦୟ ଜିଣିବା ପାଇଁ ଭିନ୍ନ ଭିନ୍ନ ରଙ୍ଗର ଗୋଲାପ ଉପହାର ଦେଇଥାନ୍ତି। ତେବେ କେଉଁ ରଙ୍ଗ ଗୋଲାପ କାହିଁକି ଉପହାରରେ ଦିଆଯାଇଥାଏ ତାହାର ଭିନ୍ନ ଭିନ୍ନ କାରଣ ରହିଛି। ଲାଲ୍ ରଙ୍ଗ ବା ରେଡ୍ ରୋଜ୍ ଦେଇ ପ୍ରେମିକାପ୍ରେମିକ ସାଥୀଙ୍କୁ ପ୍ରପୋଜ୍ କରିଥାନ୍ତି। ରୋଜ୍ ଡେରେ ଅଧିକାଂଶ ପ୍ରେମିକାପ୍ରେମିକ ଏହି ରଙ୍ଗର ଗୋଲାପ କିିଣବାକୁ ପସନ୍ଦ କରନ୍ତି। ଏହି ରଙ୍ଗ ଜଣଙ୍କର ରୋମାଣ୍ଟିକ୍ ମନୋଭାବକୁ ସୂଚିତ କରିଥାଏ। ବାଇଗଣୀ ରଙ୍ଗ ରୋଜ୍ ଉପହାରରେ ଦେଇ ପ୍ରେମିକାପ୍ରେମିକ ପ୍ରଥମ ଦେଖାରେ ଭଲ ପାଇବା ଆରମ୍ଭ ହୋଇଥିବାର ସୂଚନା ଦେଇପାରିବେ। ସେହିପରି ଧଳା ଗୋଲାପ ଏହି ଦିନ ଦେଲେ ଏହା ସୂଚିତ କରିଥାଏ ଯେ, ସେ ସାଥୀଙ୍କୁ ଜୀବନ ସାଥୀ କରିବା ପାଇଁ ଚିନ୍ତା କରୁଛନ୍ତି। ହଳଦିଆ ରଙ୍ଗର ଗୋଲାପ ଦେଇ ଜଣେ ଅନ୍ୟ ଜଣଙ୍କ ପ୍ରତି ଥିବା ବନ୍ଧୁତ୍ୱକୁ ପରିପ୍ରକାଶ କରିଥାନ୍ତି। ସାଥୀଙ୍କ ସୌନ୍ଦର୍ଯ୍ୟ ତଥା ଭଲଗୁଣର ପ୍ରଶଂସା ପାଇଁ ଗୋଲାପି ରଙ୍ଗର ଗୋଲାପ ଦିଆଯାଇଥାଏ। ଧନ୍ୟବାଦ୍ ଦେବା ପାଇଁ ପ୍ରେମିକାପ୍ରେମିକ ରୋଜ୍ ଡେରେ ଫିକା ଗୋଲାପି ରଙ୍ଗର ଗୋଲାପ ଦେଇ ପାରିବେ। ଅପରପକ୍ଷରେ କମଳା ରଙ୍ଗ ଗୋଲାପ ଦେଇ ପ୍ରେମିକାପ୍ରେମିକ ନିଜ ସମ୍ପର୍କର ଗଭୀରତା ସମ୍ପର୍କରେ ସୂଚନା ଦେଇପାରିବେ। ତେଣୁ ଏବେ କେଉଁ ରଙ୍ଗର ଗୋଲାପ ଦେଇ ସାଥୀଙ୍କ ହୃଦୟ ଜିଣିବେ ସେ ନେଇ ଶୀଘ୍ର ଚିନ୍ତା କରନ୍ତୁ।
