ସାକି, ସୀତାଙ୍କ ନିଆରା ରଜ ଉତ୍ସବ

ପାରାଦୀପ,୧୪ା୬(ସ୍ବ.ପ୍ର.): ସାକି ପରିଡ଼ା ଓ ସୀତା ମୁର୍ମୁ। ସେମାନଙ୍କ ଏବେର ଠିକଣା ସନ୍ତୋଷୀ ଜରାଶ୍ରମ, ବାଲିଝରା, ଓ୍ବାର୍ଡ ନଂ.୫, ପାରାଦୀପ। ପୂର୍ବର ଠିକଣା ଜଣାନାହିଁ। ଉଭୟଙ୍କ ବୟସ ୮୩ ବର୍ଷ ହୋଇଥିଲେ ମଧ୍ୟ ସରକାରୀ ଭତ୍ତା ମିଳୁ ନ ଥିଲା। କେତେଜଣ ସ୍ବେଚ୍ଛାସେବୀଙ୍କ ଉଦ୍ୟମ କ୍ରମେ ଗୁରୁବାର ଦୁଇ ବୃଦ୍ଧାଙ୍କୁ ମଧୁବାବୁ ପେନ୍‌ସନ ଯୋଜନାରେ ଜିଲା ସମାଜ କଲ୍ୟାଣ ବିଭାଗ ବା ପ୍ରଶାସନ ପକ୍ଷରୁ ମାସିକ ଭତ୍ତା ପ୍ରଦାନ କରାଯାଇଛି। ବୟସର ସାୟାହ୍ନରେ ଦୁଇ ବୃଦ୍ଧାଙ୍କୁ ରଜ ପର୍ବର ଠିକ୍‌ ପୂର୍ବଦିନ ଭତ୍ତା ମିଳିବା ସେମାନଙ୍କ ପାଇଁ ନିଆରା ରଜ ଉତ୍ସବ ବୋଲି ଜରାଶ୍ରମ ପକ୍ଷରୁ କୁହାଯାଇଛି।
ସରକାର ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ଲୋକଙ୍କ ପାଇଁ ଅନେକ ଯୋଜନା କରିଛନ୍ତି। ହେଲେ ଆଜି ମଧ୍ୟ ଅନେକ ଲୋକ ସେହି ଯୋଜନାରୁ ବଞ୍ଚତ୍ତ ହୋଇ ରହିଛନ୍ତି। ସରକାରୀ ବ୍ୟବସ୍ଥା ଉପରୁ ଆସ୍ଥା ହରାଇ ସେମାନଙ୍କ ମଧ୍ୟରୁ ଅନେକ ଭିକ୍ଷାବୃତ୍ତି କରୁଛନ୍ତି ଓ ରାସ୍ତା କଡ଼ରେ ଶୋଉଛନ୍ତି। ଠିକଣା ବିହୀନ ଲୋକଙ୍କୁ ସରକାରୀ ଯୋଜନାରେ ସୁବିଧା ମିଳିବା କଷ୍ଟକର। ତେଣୁ ଜରାଶ୍ରମରେ ଥିବା ବୃଦ୍ଧାବୃଦ୍ଧଙ୍କୁ ଭତ୍ତା, ରାଶନ କାର୍ଡ ସ୍ବାସ୍ଥ୍ୟ ଯୋଜନା ଆଦି ପ୍ରାୟତଃ ମିଳୁନାହିଁ। ସୀତା ଓ ସାକିଙ୍କ ସମ୍ପର୍କରେ କେତେଜଣ ଯୁବକ ସୋସିଆଲ ମିଡିଆରେ ପ୍ରଚାର କରିବା ସହ ପୌର ନିର୍ବାହୀ ଅଧିକାରୀ ଦିଲୀପ ମହାନ୍ତିଙ୍କ ଦୃଷ୍ଟି ଆକର୍ଷଣ କରିଥିଲେ। ମହାନ୍ତି କିରାଣି ନାରାୟଣ ମାଝିଙ୍କୁ ଦୁଇ ବୃଦ୍ଧାଙ୍କ ସମ୍ପର୍କରେ ଯାଞ୍ଚ କରିବା ସହ ଫର୍ମ ପୂରଣ କରିବାକୁ ଦାୟିତ୍ୱ ଦେଇଥିଲେ। ପରେ ଉକ୍ତ ଫର୍ମ ଉପଜିଲାପାଳଙ୍କ ପାଖକୁ ପଠାଯାଇଥିଲା। ମଧୁବାବୁ ପେନ୍‌ସନ ଯୋଜନାରେ ସେମାନଙ୍କୁ ଭତ୍ତା ପାଇଁ ନିର୍ଦ୍ଦେଶ (ନଂ.୭୫୨୦/୧୨/୦୬/୧୯) ଆସିଥିଲା। ଏହି ଯୋଜନାରେ ପ୍ରଥମ ମାସରେ ସେମାନଙ୍କୁ ୫୦୦ ଟଙ୍କା ଲେଖାଏ ପ୍ରଦାନ କରାଯାଇଛି। ଆସନ୍ତା ମାସଠାରୁ ୭୦୦ ଟଙ୍କା ଦିଆଯିବ ବୋଲି ମହାନ୍ତି କହିଛନ୍ତି। ପ୍ରଶାସନ ପକ୍ଷରୁ ମହିଳା କର୍ମଚାରୀ ରାଜଲକ୍ଷ୍ମୀ ମହାନ୍ତି ଜରାଶ୍ରମକୁ ଯାଇ ଦୁଇ ବୃଦ୍ଧାଙ୍କୁ ଟଙ୍କା ଦେଇଆସିଥିଲେ। ଜରାଶ୍ରମରେ ରହୁଥିବା ନିରାଶ୍ରୟଙ୍କୁ ସରକାରୀ ଯୋଜନାରେ ସୁଫଳ ମିଳିବା ଅନନ୍ୟ ଘଟଣା ବୋଲି କହିଛନ୍ତି ଜରାଶ୍ରମର କର୍ମଚାରୀ ରତ୍ନାକର ଜେନା। ଏହା ଅନ୍ୟ ଅନ୍ତେବାସୀଙ୍କୁ ସରକାରୀ ସହାୟତା ମିଳିବାରେ ସହାୟକ ହେବ। ରଜ ପୂର୍ବରୁ ଏହି ସହାୟତା ପାଇ ଦୁଇ ବୃଦ୍ଧା ଖୁସିବ୍ୟକ୍ତ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପାରାଦୀପ ବାଲିଯାତ୍ରା ମହୋତ୍ସବ ସ୍ବତନ୍ତ୍ର

ପାରାଦୀପ,୧୯ା୧୧(ସ୍ବ.ପ୍ର.): ପାରାଦୀପ କଳିଙ୍ଗ ବାଲିଯାତ୍ରା ମହୋତ୍ସବ ସୋମବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସନ୍ଧ୍ୟାରେ ମୁଖ୍ୟ ଅତିଥିଭାବେ ରାଜସ୍ବ ମନ୍ତ୍ରୀ ସୁଦାମ ମାର୍ଣ୍ଡି ଯୋଗ ଦେଇଥିଲେ। ଅନ୍ୟମାନଙ୍କ...

କୋହଳ ହେଉଛି ଲକ୍‌ଡାଉନ୍‌ ନିୟମ

ଜଗତ୍‌ସିଂହପୁର ଅଫିସ,୬ା୪: କରୋନା ଭୂତାଣୁ ସଂକ୍ରମଣ ବଢୁଥିବାରୁ ସରକାର ଦେଶକୁ ଲକ୍‌ଡାଉନ୍‌ ଘୋଷଣା କରିଛନ୍ତି। ଏହି ଅନୁଯାୟୀ ଜଗତ୍‌ସିଂହପୁର ଜିଲାରେ ପ୍ରଥମେ ନିୟମକୁ କଡାକଡି ପାଳନ...

ନାଉଗଁ। ବ୍ଲକରେ ଜିଲାପାଳଙ୍କ ଜନଶୁଣାଣି ଶିବିର

ନାଉଗଁ।,୧୨ା୧୧(ସ୍ବ.ପ୍ର.): ନାଉଗଁା ବ୍ଲକ ସମ୍ମିଳନୀ କକ୍ଷରେ ସୋମବାର ଜିଲାପାଳଙ୍କ ଯୁଗ୍ମ ଜନଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ସଂଗ୍ରାମକେଶରୀ ମହାପାତ୍ର ଯୋଗଦେଇ ଅଭିଯୋଗ...

ନିର୍ମାଣ ହେଉନି ସ୍ଥାୟୀ ପରିବା ହାଟ

କୁଜଙ୍ଗ,୭ା୧(ଡି.ଏନ.ଏ.): ଜଗତ୍‌ସିଂହପୁର ଜିଲାର ସର୍ବ ପୁରାତନ ସାପ୍ତାହିକ ହାଟ ହେଉଛି କୁଜଙ୍ଗ ହାଟ। ଏହାର ପରିଚାଳନା ଦାୟିତ୍ୱ ରାହାମା ନିୟନ୍ତ୍ରିତ ବଜାର କମିଟି ହାତରେ ରହିଛି।...

ଏସ୍‌ଭିଏମ୍‌ ସ୍ବୟଂଶାସିତ ମହାବିଦ୍ୟାଳୟରେ ଛାତ୍ର ଆନ୍ଦୋଳନ

ଜଗତ୍‌ସିଂହପୁର ଅଫିସ୍‌, ୨୫।୧ ସ୍ବାମୀ ବିବେକାନନ୍ଦ ସ୍ମାରକୀ (ଏସ୍‌ଭିଏମ୍‌) ସ୍ବୟଂଶାସିତ ମହାବିଦ୍ୟାଳୟର ଯୁକ୍ତ ୩ ପ୍ରଥମ ବର୍ଷ ୨ୟ ସେମିଷ୍ଟର ପରୀକ୍ଷା ଆସନ୍ତା ଏପ୍ରିଲରେ ହେବା...

‘ସମାଜ ସଂସ୍କାରରେ ଯୁବକଙ୍କ ଭୂମିକା ଗୁରୁତ୍ୱପୂର୍ଣ୍ଣ’

କୁଜଙ୍ଗ,୧୭ା୨(ଡି.ଏନ.ଏ.): ଯୁବକଙ୍କ ଅଦମ୍ୟ ଇଚ୍ଛାଶକ୍ତି ଆମକୁ ଆଜି ପ୍ରଗତିର ଶିଖରରେ ପହଞ୍ଚାଇଛି। ରାଜନୀତି ଆଜି ସମାଜକୁ ଭାଗଭାଗ କରୁଥିବାବେଳେ, କ୍ରୀଡ଼ା ଓ ସଂସ୍କୃତି ଆମକୁ ଗୋଟିଏ...

୪୪ଜଣଙ୍କ ଘର ଆଗରେ ଲାଗିଲା କରୋନା ପୋଷ୍ଟର

ତିର୍ତ୍ତୋଲ, ୨୭।୩ (ଡି.ଏନ୍‌.ଏ.)- ତିର୍ତ୍ତୋଲ ବ୍ଲକ ଅଞ୍ଚଳର ୪୪ ଜଣ ବାହାର ରାଜ୍ୟରୁ ନିକଟରେ ଗାଁକୁ ଫେରିଛନ୍ତି। ସେମାନେ ମଣିଜଙ୍ଗା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ନାମ ପଞ୍ଜୀକରଣ...

୮୨ ଅଙ୍ଗନଓ୍ବାଡ଼ି କେନ୍ଦ୍ରର ନାହିଁ ନିଜସ୍ବ ଗୃହ

ନାଉଗାଁ,୫ା୧୧(ସ୍ବ.ପ୍ର.): ନାଉଗାଁ ବ୍ଲକରେ ମୋଟ୍‌ ୧୧୯ ଅଙ୍ଗନଓ୍ବାଡି କେନ୍ଦ୍ର ରହିଛି। ସେଥିମଧ୍ୟରୁ ୩୭ କେନ୍ଦ୍ରର ନିଜସ୍ବ ଗୃହ ଥିବାବେଳେ ୮୨କେନ୍ଦ୍ରର ନିଜସ୍ବ ଗୃହ ନାହିଁ। ଫଳରେ...

Coronavirus Update


Archives

Model This Week

Why Dharitri