ସରକାରୀ ନିୟମକେ ବେଖାତିର: ଖରାରେ ସଁଥ୍‌ଲି ହେଉଛନ୍‌ ରୁଗୀ

ଜାମଟିକ୍ରା, ୨୫।୫ (ଡି.ଏନ.ଏ): କେନ୍ଦ୍ର ଆର ରାଏଜ୍‌ ସରକାର ଲୁକ୍‌କର ଚିକିସତ୍ା ସୁବିଧା ଲାଗି ଜିଲାସ୍ତରରେ ଜିଲା ମୁଖିଆ ଡାକ୍‌ତରଖାନା, ସବଡିଭିଜନସ୍ତରରେ ଉପଖଣ୍ଡ ଚିକିସତ୍ାଳୟ, ବ୍ଲକମାନକେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର, ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର, ସ୍ବାସ୍ଥ୍ୟ ଉପକେନ୍ଦ୍ର ଖୁଲୁଛନ୍‌। ହେଲେ କେନ୍‌ଠାନେ ଡାକ୍‌ତର ମର୍‌ଡି ତ ଆରକେନ୍‌ନେ ଡାକ୍‌ତରଖାନା କତୁରପକ୍ଷ ସରକାରୀ ନିୟମକେ ବେଖାତିର କରୁଥିବାର ଦେଖ୍‌ବାକେ ମିଲୁଛେ। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ବରଗଡ଼ ଜିଲା ଅତାବିରା ବ୍ଲକ୍‌ରେ।
ସୂଚନା ହିସାବେ, ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଉପରେ ବ୍ଲକର ୨୪ଟା ପଁଚେତ୍‌ ସମେତ ଅତାବିରା ଏନ୍‌ଏସିର ଲୋକ୍‌ମାନେ ନିରଭର କରୁଛନ୍‌। ହେଲେ ସ୍ବାସ୍ଥ୍ୟ କେନ୍ଦ୍ରଟା ଲୁକ୍‌କୁ ଚିକିସତ୍ା ସେବା ଯୁଗେଇ ବେବାରେ ବିଫଲ ହେଇଥିବାର ଲୋକ୍‌ ଅଭିଯୋଗ କରିଛନ୍‌। ରାଏଜ୍‌ ସରକାର ବଢ଼ତି ଖରା ଝାଉକେ ଦେଖି ସ୍କୁଲ, କଲେଜ ଛୁଟି ଘୋଷନା କରବାର ସଂଗେ ସରକାରୀ ଅଫିସମାନ ବି ସଖାଲୁଆ କରିଛନ୍‌। ସେନ୍‌ତା ଏପ୍ରିଲରୁ ସେପ୍ଟେମ୍ବର ତକ୍‌ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରମାନ ସଖାଲର ୭ରୁ ୧୧ ବଜେ ତକ୍‌ ଆର ଦୁଇପହରର ୪ରୁ ୬ ବଜେ ତକ୍‌ ଖୁଲବାର ନିୟମ ଅଛେ। ଅକ୍ଟୋବରରୁ ମାର୍ଚ୍ଚ ସଖାଲର ୮ରୁ ୧୨ ବଜେ ତକ୍‌ ଆର ଦୁଇପହରର ୩ରୁ ୫ ବଜେ ତକ୍‌ ଖୁଲା ରଖବାର ସରକାରୀ ନିୟମ ରହିଛେ। ହେଲେ ଇ ସରକାରୀ ନିୟମକେ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର କେହେନ୍‌ସି କରମ୍‌ଚାରୀ କି ଡାକ୍‌ତର ନାଇଁ ମାନୁଥିବାର ଦେଖ୍‌ବାକେ ମିଲିଛେ। ଅଭିଯୋଗ ଅନ୍‌ସାରେ ଡାକ୍‌ତରମାନେ ଡାକ୍‌ତରଖାନାକେ ସଖାଲର ୮ ବଜେ ଉତାରୁ ଆସୁଛନ୍‌। ଇ ଘଟନା ବାବ୍‌ଦେ ଥାନୀୟ ପରତିନିଧି ଖବର ଠୁଲାବେ ଶୁକୁରବାର ସକାଲୁ ଅତାବିରା ଡାକ୍‌ତରଖାନାକେ ଗଲାରୁ ରୁଗୀ ଡାକ୍‌ତରଖାନା ମୁହେଁ ବସିଛନ୍‌, ହେଲେ ୮ ବଜେ ତକ୍‌ ଡାକ୍‌ତରମାନକର ଦେଖାଦରଶନ୍‌ ନାଇଁଥାଇ। ସଖାଲର ୮ ବାଜି ୫ ମିନିଟରେ ଦଁାତ ଡାକ୍‌ତର, ୮.୧୦ରେ ଆୟୁଷ ଡାକ୍‌ତର ଆର ବାକି ସବୁ ଡାକ୍‌ତର ସାଢ଼େ ଆଠ୍‌ ବଜେ ଆସିଥିବାର ଦେଖ୍‌ବାକେ ମିଲିଥିଲା। ଖରା ଝାଉର ତେଜ୍‌କେ ଦେଖି ୨୦ରୁ ୩୦ କି.ମି. ଦୂରୁ ରୁଗୀମାନେ ସଖାଲର ୭ ବଜେ ଡାକ୍‌ତରଖାନାରେ ପୁହୁଁଚି ଯାଉଛନ୍‌। ହେଲେ ଡାକ୍‌ତରଖାନା ଧାଯ୍‌ ସମିଆଠାନୁ ୧ ଘଁଟା ବିଲମ୍‌ରେ ଖୁଲୁଥିବାର ଦେଖ୍‌ବାକେ ମିଲିଛେ। ଏନ୍‌ତାଥି ଦୂରିଆରୁ ଆସିଥିବାର ରୁଗୀ ଆର ତାକର ଲୋକ୍‌ବାକ୍‌ମାନେ ବଡ଼ା ଦହଗଁଜ୍‌ ହେଉଛନ୍‌। ଉପେ ଶୂଇନ୍‌ ହେଇ ଘଁଟା ଘଁଟା ଧରି ଡାକ୍‌ତରକୁଁ ଟାକୁଛନ୍‌। ଇ ବାବ୍‌ଦେ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଚିକିସତ୍ା ଅଧ୍‌କାରୀ ରବିନାରାୟଣ ମିଶ୍ରକୁଁ ପଚରାଲାରୁ ୭ ବଜେନୁ ରୁଗୀ ନାଇଁ ଆଏବାର, ସେଥିରଲାଗି ଆମେ ୮ରୁ ୧୨ ବଜେ ତକ୍‌ ଡାକ୍‌ତରଖାନା ଖୁଲୁଛୁଁ ବଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ତଲାବିରା ଖଣି ବିବାଦ: ସମାଧାନ ପାଇଁ ତ୍ରିପାକ୍ଷିକ ବୈଠକ

ସମ୍ବଲପୁର,୮ା୬(ବ୍ୟୁରୋ): ସମ୍ବଲପୁର ରେଙ୍ଗାଲି ତଲାବିରା କୋଇଲାଖଣି ୧ ଓ ୨ରେ ଲାଗି ରହିଥିବା ବିବାଦର ସମାଧାନର ବାଟ ଫିଟୁନାହିଁ । କମ୍ପାନୀ କୋଇଲା ଉତ୍ତୋଳନ କାମ...

ସରକାରୀ ସାହାଯ୍‌ରୁ ବଁଚିତ୍‌ ଦିବ୍ୟାଙ୍ଗ ଭାଇବହେନ୍‌

କୋକସରା, ୨୨।୬, (ଡି.ଏନ.ଏ): କେନ୍ଦ୍ର ଆର ରାଏଜ୍‌ ସରକାର ଦିବ୍ୟାଙ୍ଗମାନକର ସୁବିଧା ଆର ତାହାକୁ ସମାଜର ମୁଖିଆ ଧାରରେ ସାମିଲ କରବାର ଲାଗି ଅନେକ ଯୋଜନା...

ଅମଳ ସମୟରେ ଉଜୁଡ଼ିଲା ଫସଲ

ସମ୍ବଲପୁର,୨୪ା୪(ବ୍ୟୁରୋ) – ରବିଧାନ ଅମଳ ଅବସ୍ଥାକୁ ଆସି ଯାଇଥିଲା। କରୋନା କଟକଣା ସତ୍ତ୍ୱେ ଚାଷର ଉପଯୁକ୍ତ ଯତ୍ନ ନେଇଥିଲା ଚାଷୀ। ହେଲେ ସମ୍ବଲପୁର ଜିଲାରେ ମଙ୍ଗଳବାର...

ପାଣି ପାଇଁ ଲୋକେ ଡହଳବିକଳ : ୨ ଶହ ପରିବାରକୁ ୪ ନଳକୂପ

ଭବାନୀପାଟଣା,୧୧ା୫(ଡି.ଏନ୍‌.ଏ.): ଭବାନୀପାଟଣା ସଦର ବ୍ଲକ ବୋର୍ଡା ମିଲକୀ ଅଞ୍ଚଳ ଏବେ ଜଳୁଛି। ୪୬ ଡିଗ୍ରୀ ତାତିରେ ଜନଜୀବନ ଅସ୍ତବ୍ୟସ୍ତ ହୋଇପଡୁଛି। ଅଞ୍ଚଳରେ ପାନୀୟ ଜଳର ଉକତ୍ଟ...

ପାଏନ୍‌ ସମସିଆ ସଂଗେ ଯୁଝୁଛନ୍‌ ୨ ଗାଁବାସୀ

ମନମୁଣ୍ଡା, ୧୨।୬ (ଡି.ଏନ୍‌.ଏ): ବୌଦ୍ଧ ଜିଲା ମନମୁଣ୍ଡା ପଁଚେତ୍‌ର ମହୁଲବାହାଲି ଆର କଲତାପାଲି ଗଁାରେ ପାଏନ୍‌ ସଁକଟ ଦେଖାଦେଇଛେ। ଇ ଗଁାର ଲୋକ୍‌ ବରଷା ପାଏନ୍‌...

ଫଟୋଗ୍ରାଫରଙ୍କ ପରଲୋକ

ସମ୍ବଲପୁର, ୨୪।୧୦ (ବ୍ୟୁରୋ): ବିଶିଷ୍ଟ ଫଟୋଗ୍ରାଫର ତଥା ପରିବେଶ ପ୍ରେମୀ ନଟବରଲାଲ ଭରୁ(୭୮)ଙ୍କ ଶୁକ୍ରବାର ସକାଳେ ପରଲୋକ ହୋଇଯାଇଛି। ୧୯୫୦ରେ ସମ୍ବଲପୁର ଲକ୍ଷ୍ମୀଟକିଜ ଛକଠାରେ ପ୍ରଥମେ...

ପରଶାନକେ ଦୁଖିନୀ ମା’ର ଆକୁଲ ନିବେଦନ:ରାଜ୍‌ର ଉଚ ଚିକିତ୍ସାରେ ଟଁକା ବାଧକ୍‌

କଲମପୁର,୧୯।୭ (ଡି.ଏନ୍‌.ଏ.): କଳାହାଣ୍ଡି ଜିଲା କଲମପୁର ବ୍ଲକ ମଣ୍ଡଳ ପଁଚେତ୍‌ ଅଧୀନ ଭାଟିଗଁାର ନିସାହା ବିଧବା ମରୁଆ ଝାଙ୍କର(୪୬)କଁର ସାନ ପୁଓ ରାଜ ଝାଙ୍କର(୬)। କେହେନ୍‌ସି...

ବକ୍ସିଂରେ ଗୌରବ ବଢ଼ାଉଛନ୍ତି ଦୁଇଭଉଣୀ

ବଡ଼ଗାଁ, ୧ା୫ (ଡି.ଏନ.ଏ)- ଦୁଇ ଭଉଣୀ ସୁଭଦ୍ରା ସିଂ ଓ ଯାଜ୍ଞସେନୀ। ସରକାର ଓ ପ୍ରଶାସନର ସହଯୋଗ ନ ଥିବା ଓ ଆର୍ଥିକ ଅଭାବ ସତ୍ତ୍ବେ...

BGU
Play 250+ Trending Games
Archives

Model This Week

Why Dharitri