ସରକାରଙ୍କ ନିୟମକୁ ବେଖାତିର: ବେଧଡ଼କ ଚାଲିଛି ପଲିଥିନ ବ୍ୟବହାର

ନରାଜ,୨୭ା୬(ଡି.ଏନ୍‌.ଏ.): ଅକ୍ଟୋବର ୨୦୧୮ରେ ସରକାର ପଲିଥିନ ବ୍ୟବହାର ଉପରେ ସମ୍ପୂର୍ଣ୍ଣ ରୋକ ଲଗାଇଥିଲେ। ହେଲେ ବାରଙ୍ଗ ଓ ଏହାର ଆଖପାଖ ଅଞ୍ଚଳରେ ଥିବା ଦୋକାନରେ ବ୍ୟବହାର ଓ ବିକ୍ରି ହେଉଥିବା ଦେଖିବାକୁ ମିଳଛି। ଏନେଇ ସରକାରଙ୍କ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ। କଟକ ଓ ଭୁବନେଶ୍ୱର ମଧ୍ୟରେ ବାରଙ୍ଗ ହୋଇଥିଲେ ମଧ୍ୟ ଏହି ଅଞ୍ଚଳ ମ୍ୟୁନିସିପାଲିଟିରେ ଯାଉ ନାହିଁ। ଫଳରେ ସବୁ ସ୍ଥାନରେ କୁଢକୁଢ ପଲିଥିନ ଗଦା ହୋଇଥିବା ବେଳେ ଅଳିଆ ଉଠାଇବା ପାଇଁ କୌଣସି ବ୍ୟବସ୍ଥା ନାହିଁ। ଅନ୍ୟପକ୍ଷରେ ସରକାର ବିଭିନ୍ନ କାର୍ଯ୍ୟକ୍ରମ ଓ ବିଜ୍ଞାପନ ଦ୍ୱାରା ଜନସାଧାରଣଙ୍କୁ ସଚେତନ କରାଉଛନ୍ତି। ଏହା ସହ ବିଭିନ୍ନ ସଙ୍ଗଠନ ସ୍ବଚ୍ଛଭାରତ କାର୍ଯ୍ୟକ୍ରମ କରି ସଚେତନ କରାଉଥିଲେ ମଧ୍ୟ ତାହାର ସୁଫଳ ମିଳୁନି। ଏପରି କି ଚାଷ ଜମିରେ ପଲିଥିନ ପଡିବା ଦ୍ୱାରା ମାଟିରେ ନ ମିଶିବା ଫଳରେ ଚାଷଜମି ନଷ୍ଟ ହେଉଛି। ବିଭିନ୍ନ ସମୟରେ ଖାଦ୍ୟ ପଲିଥିନରେ ନେଇ ଲୋକମାନେ ବାହାରେ ଫୋପାଡିବା ଦ୍ୱାରା ତାକୁ ଗୋରୁ ଖାଇ ମୃତ୍ୟୁବରଣ କରୁଥିବା ଚର୍ଚ୍ଚା ହେଉଛି। ଅପରପକ୍ଷେ ପଲିଥିନ ବ୍ୟବହାର ଉପରେ କଟକ ଓ ଭୁବନେଶ୍ୱରର ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲେ ମଧ୍ୟ ଏପର୍ଯ୍ୟନ୍ତ ବାରଙ୍ଗ ଅଞ୍ଚଳରେ କୌଣସି ପଦକ୍ଷେପ ଗ୍ରହଣ କରାଯାଇନାହିଁ। ବାରଙ୍ଗ ଅଞ୍ଚଳରେ ପଲିଥିନ ବ୍ୟାନ୍‌ ଆଇନକୁ କଡାକଡି ଲାଗୁ କରିବା ପାଇଁ ବହୁ ବୁଦ୍ଧିଜୀବୀ ଓ ବିଭିନ୍ନ ସ୍ବେଚ୍ଛାସେବୀ ସଙ୍ଗଠନ ପ୍ରଶାସନ ନିକଟରେ ଦାବି କରିଛନ୍ତି। ଏ ସମ୍ପର୍କରେ ବାରଙ୍ଗ ମଣ୍ଡଳ ଉନ୍ନୟନ ଅଧିକାରୀ ଆକୁଳ ମଲ୍ଲିକ ଓ ବାରଙ୍ଗ ତହସିଲଦାର ରମେଶଚନ୍ଦ୍ର ଜେନା କୁହନ୍ତି, ପଲିଥିନ ବନ୍ଦ ନେଇ ଆମକୁ କିଛି ଖବର ଦିଆଯାଇ ନାହିଁ କି ଚଢ଼ାଉ ପାଇଁ କାହାକୁ ଦାୟିତ୍ୱ ଦିଆଯାଇଛି ଜାଣି ନ ଥିବା କହିଛନ୍ତି।
କ’ଣ କୁହନ୍ତି ଏମାନେ
ପଲିଥିନ ସହିତ ଲୋକେ ଏପରି ଜଡିତ ହୋଇଗଲେଣି ଯେ ତା’ର କୁପ୍ରଭାବ ଜାଣି ମଧ୍ୟ ବହୁଳ ମାତ୍ରାରେ ବ୍ୟବହାର କରୁଛନ୍ତି। ସରକାର ଏଥିପ୍ରତି ରୋକ ଲଗାଇଲା ପରେ ମଧ୍ୟ ଠିିକ୍‌ରେ କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି। କିଛି ଘଟଣା ଘଟିଗଲା ପରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇଥାନ୍ତି। ତେଣୁ ବେଳହୁଁ ସାବଧାନ ହେବା ଦରକାର।
-ପ୍ରହଲ୍ଲାଦ ମହାନ୍ତି, ସ୍ବେଚ୍ଛାସେବୀ
ପଲିଥିନ ଦୈନଦିନ ଜୀବନରେ ବ୍ୟବହର ଯୋଗୁ ମୃତ୍ତିକା, ବାୟୁ ଓ ଜଳକୁ ପ୍ରଦୂଷିତ କଲାଣି। ଏହାର ବ୍ୟବହାର ପ୍ରତି ସରକାରଙ୍କ କାର୍ଯ୍ୟାନୁଷ୍ଠାନର ଉଦାସୀନତା ଓ ଲୋକ ସଚେତନତା ଅଭାବ। ସମାଜରେ କେବେ ପଲିଥିନ ମୁକ୍ତ ହେବ ଏହା ବର୍ତ୍ତମାନ ସରକାରଙ୍କଠାରୁ ଆଶାକରିବା ଆଶାରେ ରହିବା ପରି ଲାଗୁଛି।
-ଦୁର୍ଯ୍ୟୋଧନ ମାଝି,ସାମାଜିକ କର୍ମୀ
ପଲିଥିନ ବ୍ୟବହାରକୁ ରୋକିବା ପାଇଁ କରାଯାଇଥିବା ଆଇନ ସ୍ବାଗତଯୋଗ୍ୟ ପଦକ୍ଷେପ। ଅସମ୍ଭବ ଲାଗୁଥିବା କାର୍ଯ୍ୟଟି ଲୋକଙ୍କ ଦ୍ୱାରା ଗ୍ରହଣ ହେଉଥିବା ବେଳେ ହଠାତ ତାହା କାହିଁକି ଦିଗହରାହେଲେ ତାହା ବୁଝା ପଡୁନାହିଁ। ଏହାକୁ ତ୍ୱାରାନ୍ବିତ କରିବା ପାଇଁ ପୁନଃ ଦୃଷ୍ଟାନ୍ତ ମୂଳକ ପଦକ୍ଷେପ ନେବାସହିତ ଜନସଚେତନତା ସୃଷ୍ଟି କରାଗଲେ ସଫଳତା ହାସଲ ଦୂର ନୁହେଁ। ଆସନ୍ତୁ ସମସ୍ତେ ମିଶି ପଲିଥିନ ବ୍ୟବହାରକୁ ବର୍ଜନ କରିବା।
-ଗଣେଶ୍ୱର ନାୟକ, ଶିକ୍ଷକ


Enter your email to get our daily news in your inbox.

All Right Reserved By Dharitri.Com

ପୂଜାସ୍ଥଳୀ ଥିଲେ ବି ହେଉନି ବିକାଶ

କେନ୍ଦୁଝର, ୨୧ା୮- ଅବହେଳିତ ପୂଜା ସ୍ଥଳୀଗୁଡିକର ପୁନରୁଦ୍ଧାର କରିବା ସହ ପୁରାତନ ସଂସ୍କୃତିର ସୁରକ୍ଷା ପାଇଁ ସରକାର ବହୁ ଅର୍ଥ ଖର୍ଚ୍ଚ କରୁଛନ୍ତି। ହେଲେ ବିକାଶ...

ସମାଜସେବୀ ଆଦିତ୍ୟ ଦାସ ମୃତ୍ୟୁ ଘଟଣା: ହତ୍ୟା ମାମଲା ରୁଜୁ କଲା ଜିଆର୍‌ପି ପୋଲିସ

ଭୁବନେଶ୍ୱର,୯।୭(ବ୍ୟୁରୋ): ସମାଜସେବୀ ଆଦିତ୍ୟ ଦାସ ମୃତ୍ୟୁ ମାମଲାରେ ନୂଆ ମୋଡ଼ ଆସିଛି। ପ୍ରଥମେ ଆଦିତ୍ୟଙ୍କ ମୃତ୍ୟୁ ଆତ୍ମହତ୍ୟା ବୋଲି କୁହାଯାଉଥିବା ବେଳେ ଗୁରୁବାର ଜିଆର୍‌ପି ଥାନାରେ...

ଏସ୍‌ଓଜି ଟ୍ରେନିଂ ସେଣ୍ଟରରେ ନିର୍ଯାତନା ଘଟଣା : କମାଣ୍ଡାଣ୍ଟଙ୍କୁ ରିପୋର୍ଟ ତଲବ

ଭୁବନେଶ୍ୱର,୧୪।୬(ବ୍ୟୁରୋ): ଚନ୍ଦକାସ୍ଥିତ ଏସ୍‌ଓଜି ଟ୍ରେନିଂ ସେଣ୍ଟରରେ ନିର୍ଯାତନା ଦିଆଯାଉଥିବା ନେଇ ବୁଧବାର ଜଣେ ଟ୍ରେନି ଏସ୍‌ଆଇ ବିଶ୍ୱଜିତ୍‌ ବେହେରା ଚନ୍ଦକା ଥାନାରେ ଅଭିଯୋଗ କରିଥିଲେ। ଏଥିସହ...

ଜାହାଜରୁ ଖସିପଡ଼ିଲେ ୩ ନାବିକ

ପାରାଦୀପ,୨୩ା୧୦(ସ୍ବ.ପ୍ର.):ପାରାଦୀପ ବନ୍ଦର ନିକଟସ୍ଥ ଆଙ୍କରେଜ ଅଞ୍ଚଳ ସମୁଦ୍ରରେ ଗୁରୁବାର ଅପରାହ୍ନରେ ଏକ ଅଭାବନୀୟ ଘଟଣା ଘଟିଛି। ମାଲ୍ଟା ଫ୍ଲାଗ୍‌ ବହନକାରୀ ଲୁହାପଥର ପରିବହନ କରିବାକୁ ବାଂଲାଦେଶରୁ...

ବଳାତ୍କାରୀ ଶିକ୍ଷକଙ୍କୁ ୨୦ବର୍ଷ ଜେଲ

ଢେଙ୍କାନାଳ ଅଫିସ, ୩।୩-ଢେଙ୍କାନାଳ ପୋକ୍‌ସୋ ଅଦାଲତରେ ସୋମବାର ଏକ ଦୃଷ୍ଟିହୀନ ନାବାଳିକା ବଳାତ୍କାର ମାମଲାର ରାୟ ପ୍ରକାଶ ପାଇଛି। ବିଚାରପତି ରାଜକିଶୋର ମହାପାତ୍ର ଅଭିଯୁକ୍ତ ସ୍କୁଲ...

ମହାମାରୀ ଦେଖାଇଲା ନୂଆ ବାଟ

କେନ୍ଦୁଝର,୧୬।୭(ସ୍ବ.ପ୍ର.): ପେସା ଶିକ୍ଷକତା, ହେଲେ କରୋନା ବେଳେ ସମୟର ସଦୁପଯୋଗ କରି ଚାଷକୁ ନିଶା ଭାବେ ଗ୍ରହଣ କରି ଅନ୍ୟମାନଙ୍କ ପାଇଁ ଦୃଷ୍ଟାନ୍ତ ସାଜିଛନ୍ତି କେନ୍ଦୁଝର...

ବରଗଡ଼ରେ ପୋଲିସ ମହାନିର୍ଦ୍ଦେଶକ, ପରଖିଲେ ଲକ୍‌ଡାଉନ୍‌ ସ୍ଥିତି

ବରଗଡ଼ ଅଫିସ,୩୦।୪- ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ ଗୁରୁବାର ବରଗଡ଼ ଜିଲା ଗସ୍ତରେ ଆସିଛନ୍ତି। ଅପରାହ୍ନ ପ୍ରାୟ ୧ଟାରେ ସେ ଅତିରିକ୍ତ ପୋଲିସ ମହାନିର୍ଦ୍ଦେଶକ ସୌମେନ୍ଦ୍ର...

କରୋନାରେ ପ୍ରାଣ ହରାଇଥିଲେ ୨ ସାମ୍ବାଦିକ: ପରିବାରକୁ ୧୫ ଲକ୍ଷ ଟଙ୍କା ଲେଖାଏ ମଞ୍ଜୁର କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩୦।୭(ବ୍ୟୁରୋ): କରୋନାରେ ମୃତ ଦୁଇ ସାମ୍ବାଦିକଙ୍କ ପରିବାରକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହାୟତା ରାଶି ଘୋଷଣା କରିଛନ୍ତି। ଉଭୟ ସାମ୍ବାଦିକଙ୍କ ପରିବାର ପିଛା ୧୫ ଲକ୍ଷ...

Advertisement


Archives

Model This Week