‘ସଂଖ୍ୟାଗରିଷ୍ଠ ଥାଇ ଏସ୍‌ଟି,ଏସ୍‌ସି, ଓବିସି ଉପେକ୍ଷିତ’

ଭୁବନେଶ୍ୱର,୧୩।୩(ବ୍ୟୁରୋ): ରାଜ୍ୟରେ ୨୨% ଅନୁସୂଚିତ ଜନଜାତି(ଏସ୍‌ଟି), ୧୭% ଅନୁସୂଚିତ ଜାତି(ଏସ୍‌ସି) ଅଧିବାସୀ ରହିଛନ୍ତି। ଏମାନଙ୍କ ସଂଖ୍ୟା ରାଜ୍ୟର ମୋଟ ଜନସଂଖ୍ୟାର ପ୍ରାୟ ୪୦%। ଏଥିସହିତ ଯଦି ୫୨% ଅନ୍ୟାନ୍ୟ ପଛୁଆ ବର୍ଗ(ଓବିସି), ସାମାଜିକ, ଆର୍ଥିକ ପଛୁଆ ବର୍ଗ(ଏସ୍‌ଇବିସି)କୁ ଅନ୍ତର୍ଭୁକ୍ତ କରାଯାଏ, ତେବେ ୯୨% ଜନସାଧାରଣଙ୍କ ପାଇଁ ଉଦ୍ଦିଷ୍ଟ ବିଭାଗର ସାମଗ୍ରିକ ବିକାଶ ହୋଇପାରିନାହିଁ। ଉପରୋକ୍ତ ବର୍ଗର ସାମଗ୍ରିକ ବିକାଶ ହୋଇପାରୁ ନ ଥିବାରୁ ଓଡ଼ିଶାର ବିକାଶ ହୋଇ ନ ଥିବା ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି। ଏସ୍‌ଟି,ଏସ୍‌ସି, ଓବିସି ଓ ସଂଖ୍ୟାଲଘୁ ବିକାଶ ବିଭାଗର ଖର୍ଚ୍ଚଦାବି ଆଲୋଚନାରେ ଭାଗ ନେଇ ଗୁରୁବାର ପ୍ରଦୀପ୍ତ ଏହା କହିଛନ୍ତି।
ପ୍ରଦୀପ୍ତ କହିଥିଲେ ଯେ, ଯାଜପୁର ଜିଲାରେ ଏକମାତ୍ର ନଗଡ଼ା ଦେଖାଦେଇଥିଲା। ହେଲେ କେବିକେ ଅଞ୍ଚଳରେ ଶହ ଶହ ନଗଡ଼ା ରହିଛି। ସୁନ୍ଦରଗଡ଼ ଜିଲା ବଣାଇ ନିର୍ବାଚନମଣ୍ଡଳୀର ମହୁଲକୁଦା ଅଞ୍ଚଳ ନଗଡ଼ାର ଅନ୍ୟରୂପ। ଏହାର ଆଖପାଖ ଅଞ୍ଚଳକୁ ରାସ୍ତା ଖଣ୍ଡେ ନାହିଁ। ଶହୀଦ ରେଣ୍ଡୋ ମାଝିଙ୍କ ଗାଁ ଯିବାକୁ ହେଲେ ଫୁଲବାଣୀ ଦେଇ ଯିବାକୁ ପଡୁଛି। ଆମ୍ବୁଲାନ୍ସ ଅଭାବରୁ ସ୍ତ୍ରୀର ମୃତଦେହ କାନ୍ଧେଇ ଚର୍ଚ୍ଚାକୁ ଆସିଥିବା ଦାନ ମାଝିଙ୍କ ଗାଁକୁ ବି ରାସ୍ତା ହୋଇନାହିଁ। ନିକଟରେ ରାଜ୍ୟ ସରକାରଙ୍କ ଜଣେ ରାଷ୍ଟ୍ରମନ୍ତ୍ରୀ କୌଣସି ଏକ ଗାଁକୁ ଯାଇ ସାମାଜିକ ଗଣମାଧ୍ୟମରେ ଫଟୋଟିଏ ଛାଡ଼ିଥିଲେ। ଏହା ହିଁ ରାଜ୍ୟ ପଛୁଆ ଅଞ୍ଚଳର ବିକାଶ କଥା କହୁଥିବା ପ୍ରଦୀପ୍ତ କହିଛନ୍ତି। ଅଫିସର, ତହସିଲଦାର ଏବଂ ରାଜନେତା ଯଦି ତୃଣମୂଳସ୍ତରକୁ ଯିବେ ନାହିଁ, ତେବେ କିପରି ଉନ୍ନତି ହେବ। ସେହିଭଳି ଏସ୍‌ଟି, ଏସ୍‌ସି ପିଲାମାନଙ୍କୁ ଉପଯୁକ୍ତ ମାନର ଉଚ୍ଚଶିକ୍ଷା ପ୍ରଦାନ କରାଯାଉନାହିଁ। ବାଣିଜ୍ୟ ଏବଂ ବିଜ୍ଞାନ ଏହି ପିଲାମାନଙ୍କର ଫଳାଫଳ ନିମ୍ନଗାମୀ ହେଉଛି। ପୂର୍ବରୁ ଚଳି ଆସିଥିବା ଧାରାରେ ହିଁ କିଛି ଅର୍ଥ ପ୍ରଦାନ କରି ସରକାର ଦାୟିତ୍ୱ ସାରି ଦେଉଛନ୍ତି। ଓବିସି/ଏସ୍‌ଇବିସିଙ୍କ ସଂଖ୍ୟା ୫୨ରୁ ୫୪% ରହିଛି। ମଣ୍ଡଳ କମିଶନ ଅନୁଯାୟୀ ସେମାନେ ୨୭% ସଂରକ୍ଷଣ ପାଇବା କଥା, ମାତ୍ର ସେମାନଙ୍କୁ ତାହା ପ୍ରଦାନ କରାଯାଇନାହିଁ। ଏସ୍‌ଟି ୨୨%, ଏସ୍‌ସିଙ୍କୁ ୧୬% ସଂରକ୍ଷଣ ପରେ ଯଦି ଓବିସିଙ୍କୁ ୨୭% ପ୍ରଦାନ କରାଯାଏ, ତେବେ ଏହା ୬୫% ହେବ। ଅନ୍ୟ ରାଜ୍ୟରେ ଏପରି ସଂରକ୍ଷଣ ନିୟମ ରହିଛି। ତେଣୁ ରାଜ୍ୟର ସାଧାରଣ ବର୍ଗ(୬%)ଙ୍କ ପାଇଁ ୩୫% ବଳକା ରହିବ। ତେଣୁ ସରକାର ମଣ୍ଡଳ କମିଶନ ସୁପାରିସ କାର୍ଯ୍ୟକାରୀ କରନ୍ତୁ ବୋଲି ବିରୋଧୀ ଦଳ ନେତା ପ୍ରଦୀପ୍ତ ନାୟକ ଦାବି କରିଛନ୍ତି। ନବେ ଦଶକରେ ମଣ୍ଡଳ କମିଶନ ସୁପାରିସ କାର୍ଯ୍ୟକାରୀ ନ ହେବା ପଛରେ କଂଗ୍ରେସ ଦଳକୁ ସେ ଦାୟୀ କରିଥିଲେ। ପ୍ରଦୀପ କହିଥିଲେ ଯେ, କଂଗ୍ରେସର ନେତାମାନେ ହିଁ ମଣ୍ଡଳ ସୁପାରିସ ବିରୋଧରେ ଆନ୍ଦୋଳନ କଲେ। ସେ ସମୟରେ ମୁଖ୍ୟମନ୍ତ୍ରୀ ଥିବା ବିଜୁ ପଟ୍ଟନାୟକ ନୀରବ ରହିଥିଲେ। ଏହା ବିରୋଧରେ ସରକାରଙ୍କ ପକ୍ଷରୁ ସେ ସମୟରେ ହାଇକୋର୍ଟରେ ଆଫିଡାଭିଟ୍‌ ଦାଖଲ କରାଯାଇଥିଲା ବୋଲି ପ୍ରଦୀପ୍ତ ଦୋହରାଇଥିଲେ। ବୈଷୟିକ ଶିକ୍ଷା କ୍ଷେତ୍ରରେ ଏସ୍‌ସିଙ୍କୁ ୮%, ଏସ୍‌ଟିଙ୍କୁ ୧୨% ସଂରକ୍ଷଣ ଦିଆଯାଉଛି। ଓବିସିଙ୍କୁ ସଂରକ୍ଷଣ ନାହିଁ କହିଲେ ଚଳେ, ଯଦି ଶିକ୍ଷା ଓ ନିଯୁକ୍ତିରେ ପରିସଂଖ୍ୟାନ ଅନୁଯାୟୀ ସଂରକ୍ଷଣ ଦିଆ ନ ଯିବ, ଏହି ବର୍ଗର କିପରି ବିକାଶ ହେବ ବୋଲି ସେ ପ୍ରଶ୍ନ କରିଥିଲେ।
ଅନୁରୂପ ଭାବେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ରାଜ୍ୟ ସରକାରଙ୍କୁ ସମାଲୋଚନା କରିଥିଲେ। ଖର୍ଚ୍ଚଦାବି ଆଲୋଚନାରେ ତାରା କହିଥିଲେ ଯେ, ଜାଲ୍‌ ସାର୍ଟିଫିକେଟ୍‌ ଦେଇ ପଛୁଆ ଅଞ୍ଚଳରେ ଉପକୂଳ ଓଡ଼ିଶାର ବ୍ୟକ୍ତିମାନେ ଶିକ୍ଷକତା କରୁଛନ୍ତି। ସେମାନେ ସେଠାରେ ନ ରହି କେବଳ ମାସ ଶେଷକୁ ଦରମା ନେଉଛନ୍ତି। ଏସ୍‌ସି,ଏସ୍‌ଟି ଛାତ୍ରୀ ସେମାନଙ୍କ ପାଖରେ ସୁରକ୍ଷିତ ନୁହନ୍ତି, ସେମାନଙ୍କ ସରଳତାର ସୁଯୋଗ ନେଇ ଯୌନ ନିର୍ଯାତନା ଦିଆଯିବା ସହ ଗର୍ଭବତୀ କରାଯାଉଥିବା ତାରା ଅଭିଯୋଗ ଆଣିଥିଲେ। ଆଦିମ ଅଧିବାସୀଙ୍କୁ ତାଙ୍କ ବାସସ୍ଥାନରୁ ହଟାଇ ଦିଆଯାଉଛି। କୋରାପୁଟ ଜିଲାରେ ଶହେ ନଗଡ଼ା, ଆଦିବାସୀଙ୍କୁ ଜମି ପଟ୍ଟା ମିଳୁନାହିଁ। ଉପକୂଳିଆ ବ୍ୟବସାୟୀ କାଠ କାଟି ଜଙ୍ଗଲ ଧ୍ୱଂସ କରୁଛନ୍ତି। କେତେକ ଆଦିବାସୀ ପ୍ରଜାତି ବିଲୁପ୍ତ ହେବାକୁ ବସିଲେଣି। ସେମାନଙ୍କୁ ଦେଖାଇ କେବଳ ଅର୍ଥ ହରିଲୁଟ୍‌ ଚାଲିଥିବା ତାରା କହିଥିଲେ। ବିଭାଗୀୟ ମନ୍ତ୍ରୀ ଜଗନ୍ନାଥ ସାରକାଙ୍କ ଦ୍ୱାରା ୨୦୨୦-୨୧ ଆର୍ଥିକ ବର୍ଷ ପାଇଁ ଆଗତ କରାଯାଇଥିବା ଖର୍ଚ୍ଚଦାବି(୩୮୦୮,୩୫,୮୫,୦୦୦ ଟଙ୍କା)କୁ ଗୃହର ଅନୁମୋଦନ ମିଳିଛି।


Enter your email to get our daily news in your inbox.

All Right Reserved By Dharitri.Com

କଣ୍ଟେନ୍‌ମେଣ୍ଟ ଜୋନ୍‌ରେ ଖଟି ଠାବ କରିବ ଡ୍ରୋନ୍‌

ଭୁବନେଶ୍ୱର,୧୫ା୪ (ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୬୦ରେ ପହଞ୍ଚିଛି। ସେଥିରୁ ରାଜଧାନୀରେ ଆକ୍ରାନ୍ତଙ୍କ ସଂଖ୍ୟା ସର୍ବାଧିକ। ଏହାକୁ ଦୃଷ୍ଟିରେ ରଖି ବିଏମ୍‌ସି ରାଜଧାନୀର ୩ଟି...

ଆନନ୍ଦପୁର ବ୍ୟାରେଜ ପ୍ରକଳ୍ପ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ, ପ୍ଳାବିତ ହେବ ୬୦ ହଜାର ହେକ୍ଟର ଚାଷ ଜମି

ଆନନ୍ଦପୁର, ୩୧।୧(ସ୍ବ.ପ୍ର.)-ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆନନ୍ଦପୁର ଗସ୍ତକରି ବହୁ ପ୍ରତିକ୍ଷୀତ ଆନନ୍ଦପୁର ବ୍ୟାରେଜର ଶୁଭ ଉଦ୍‌ଘାଟନ କରିଥିଲେ। ଏହି...

ଶ୍ରୀମନ୍ଦିର, ଗୁଣ୍ଡିଚା ମନ୍ଦିରରେ ଚାଲିଛି ମରାମତି

ପୁରୀ ଅଫିସ,୨୯ା୫: ବାତ୍ୟା ‘ଫନୀ’ ଯେ କେବଳ ମଣିଷଙ୍କୁ ବିପନ୍ନ କରିଦେଇଛି ତାହା ନୁହେଁ ବହୁ ଐତିହ୍ୟ, ଧାର୍ମିକ ଏବଂ ଦର୍ଶନୀୟସ୍ଥଳରେ ମଧ୍ୟ ତାଣ୍ଡବ ରଚିଛି।...

କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ

କେନ୍ଦ୍ରାପଡ଼ା ଅଫିସ, ୨୯।୬: କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ। ହରିଦାସପୁର-କେନ୍ଦ୍ରାପଡ଼ା ମଧ୍ୟରେ ଶନିବାର ଟ୍ରେନ୍‌ ଇଞ୍ଜିନ ଗଡ଼ିଛି। ପରୀକ୍ଷାମୂଳକ ଭାବେ ଇଞ୍ଜିନ ଡ୍ରାଇଭ କରାଯାଇଥିବା ସୂଚନା...

ସାରା ଦେଶରେ ଲାଗୁ ହେବ ଏକକ ଇ-ଟୋଲ ଆଦାୟ ବ୍ୟବସ୍ଥା

ଭୁବନେଶ୍ୱର,୧୬।୧୦(ବ୍ୟୁରୋ):ସମଗ୍ର ଦେଶରେ କାର୍ଯ୍ୟକାରୀ ହେବ ଏକକ ଇ(ଇଲେକ୍ଟ୍ରୋନିକ)-ଟୋଲ୍‌ ଆଦାୟ ବ୍ୟବସ୍ଥ। ବର୍ତ୍ତମାନ ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟ ପକ୍ଷରୁ ଜାତୀୟ ରାଜପଥର ଟୋଲ୍‌ ପ୍ଲାଜାଗୁଡ଼ିକରେ...

ରେଳ ଷ୍ଟେଶନରେ ଚମକିବ ଓଡ଼ିଶାର ଐତିହ୍ୟ: ଥ୍ରୀ-ଡିରେ ଝଲସିବ କଳା, ସଂସ୍କୃତିର କାରୁକାର୍ଯ୍ୟ

ଭୁବନେଶ୍ୱର,୧୩।୯(ବ୍ୟୁରୋ): ଫନୀରେ ଉଜୁଡି ପଡିଥିବା ଭୁବନେଶ୍ୱର ରେଳ ଷ୍ଟେଶନ ଧୀରେ ଧୀରେ ସଜାଡି ହେଉଥିବାବେଳେ ପୁଣି ସୌନ୍ଦର୍ଯ୍ୟପୂର୍ଣ୍ଣ ଭାବେ ଗଢ଼ିବାକୁ ଲାଗିପଡିଛି କର୍ତ୍ତୃପକ୍ଷ। ବର୍ତ୍ତମାନ ନୂଆ...

ଚିଲିକା ବୋଇତ ବନ୍ଦାଣ ମହୋତ୍ସବ ଉଦ୍‌ଘାଟିତ

ବାଲୁଗଁ। ,୧୨ା୧୧(ଡି.ଏନ.ଏ.): ଚିଲିକାର ଏ୍ୟତିହ୍ୟ ନୌବାଣିଜ୍ୟ ପରମ୍ପରା ଓ ସଂସ୍କୃତିକୁ ଉଜ୍ଜୀବିତ ଉଦ୍ଦେଶ୍ୟରେ ବାଲୁଗାଁର ଚିଲିକା ତଟଦେଶରେ ସୋମବାର ସନ୍ଧ୍ୟାରେ ଚିଲିକା ବୋଇତ ବନ୍ଦାଣ ମହୋତ୍ସବ...

CORONAVIRUS UPDATE: ରାଜ୍ୟରେ ପୁଣି ୧୦୩ କରୋନା ପଜିଟିଭ୍‌ ଚିହ୍ନଟ; ଆକ୍ରାନ୍ତଙ୍କ ସଂଖ୍ୟା ୧୪୦୦ ଟପିଲା

ଭୁବନେଶ୍ୱର,୨୫ା୫(ବ୍ୟୁରୋ): ସୋମବାର ରାଜ୍ୟରେ ଆଉ ୧୦୩ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୧୪୦୦ ଟପିଥିବା ରାଜ୍ୟ ସ୍ବାସ୍ଥ୍ୟ...

Coronavirus Update

Archives

Model This Week

Why Dharitri