ଷ୍ଟେଶନ୍‌ ବଜାର ମା’ଶ୍ୟାମାକାଳୀ ପୂଜା : ଚାନ୍ଦି ଅଳଙ୍କାର ମେଢ଼ ସଜ୍ଜା ଉପରେ ଗୁରୁତ୍ୱ

ଯାଜପୁର ରୋଡ, ୨୧ା୧୦(ନି.ପ୍ର.): ଯାଜପୁର ରୋଡ ସହର ସ୍ଥିତ ଷ୍ଟେଶନ୍‌ ବଜାରରେ ୧୯୫୮ରୁ ମା’ ଶ୍ୟାମାକାଳୀଙ୍କୁ ପୂଜା କରାଯାଉଛି। ଏଠାରେ ପୂଜା ଆରମ୍ଭ ହେବା ପୂର୍ବରୁ ସ୍ଥାନୀୟ ଲୋକମାନେ କାଳୀପୂଜା ଦେଖିବା ପାଇଁ ଭଦ୍ରକ ଜିଲା ଯାଉଥିଲେ। ଏହାକୁ ଦେଖି ସହରରେ ମା’ ଶ୍ୟମାକାଳୀଙ୍କ ପୂଜା ପାଇଁ ଏକ କମିଟି ଗଠନ କରାଯାଇଥିଲା। ଏହି ପୂଜା ସ୍ବର୍ଗତ ଶଶିଭୂଷଣ ମହାନ୍ତି ଓ କୀର୍ତ୍ତନ ବିହାରୀ ସାହୁଙ୍କ ଉଦ୍ୟମରେ ହୋଇଥିଲା। ସେବେଠାରୁ ୬୧ ବର୍ଷ ଧରି ଷ୍ଟେଶନ୍‌ ବଜାରରେ ମା’ଶ୍ୟାମାକାଳୀଙ୍କୁ ପୂଜା କରାଯାଉଛି। ଷ୍ଟେଶନ୍‌ ବଜାରର ବାଣିଜ୍ୟ ପ୍ରତିଷ୍ଠାନ ଏବଂ ଅନୁଷ୍ଠାନଗୁଡିକ ଏକତ୍ରିତ ହୋଇ ଚାନ୍ଦା ଆଦାୟକରି ପୂଜା କରୁଛନ୍ତି। ସର୍ବପୁରାତନ ଏହି ପୂଜାର ମୁଖ୍ୟ ଆକର୍ଷଣ ହେଉଛି ଚାନ୍ଦି ମେଢ। ପୂଜାରେ ମା’ଙ୍କୁ ଚାନ୍ଦି ମୁକୁଟ ଏବଂ ବିଭିନ୍ନ ଅଳଙ୍କାର ଦ୍ୱାରା ସୁସଜ୍ଜିତ କରାଯାଇଥାଏ। ଯାହା କି ସହରର ଅନ୍ୟ ମଣ୍ଡପଠାରୁ ସତନ୍ତ୍ର ସ୍ଥାନ ଅଧିକାର କରିଥାଏ। ବର୍ତ୍ତମାନ ମା’ କାଳୀଙ୍କର ପୂଜା ମଣ୍ଡପ ଷ୍ଟେଶନ୍‌ ବଜାରର ଡି.ଡି. ମାର୍କେଟ୍‌ ସମ୍ମୁଖରେ କରାଯାଉଛି। ପୂଜାକୁ ଆଉ ମାତ୍ର କିଛିଦିନ ବାକି ଥିବାବେଳେ ମା’ଙ୍କ ମୂର୍ତ୍ତୀ ନିର୍ମାଣରେ କାରୀଗରମାନେ ଲାଗିପଡିଛନ୍ତି। ଅପରପକ୍ଷେ ଚଳିତ ବର୍ଷ ପୂଜା ପାଇଁ କମିଟି ପକ୍ଷରୁ ୮ ଲକ୍ଷ ଟଙ୍କାର ବ୍ୟୟବରାଦ କରାଯାଇଛି। ରିତିନୀତି ଅନୁସାରେ କମିଟି ପକ୍ଷରୁ ପୂଜାକୁ ଗୁରୁତ୍ୱ ଦିଆଯାଉଥିବାବେଳେ ଚଳିତ ବର୍ଷ ଲାଇଟ୍‌ ସାଜସଜ୍ଜା, କପଡାର ଗେଟ୍‌, ଦୈନିକ ଠାକୁରାଣୀଙ୍କ ନିକଟରେ ନୀତି ଭୋଗର ବ୍ୟବସ୍ଥା କରାଯାଇଛି। ଏଥିସହ ପୂଜାକୁ ଶାନ୍ତିଶୃଙ୍ଖଳା ସହ ପାଳନ କରିବା ଏବଂ ଭସାଣି ଉତ୍ସବ ଓ ସାଂସ୍କୃତିକ କାର୍ଯ୍ୟକ୍ରମକୁ କମିଟି ପକ୍ଷରୁ ଜୋର୍‌ ଦିଆଯାଇଛି। ଏବେ କମିଟିର ସଭାପତି ହୃଷୀକେଶ ସାହୁ, ସମ୍ପାଦକ ବିରେନ୍ଦ୍ର କୁମାର ରାଉତ, କୋଷାଧ୍ୟକ୍ଷ ବିଜୟ କୁମାର ସାହୁ ପ୍ରମୁଖ ରହିଛନ୍ତି। ପୂଜାକୁ ନେଇ ୧୧ଦିନ ଧରି ଷ୍ଟେଶନ୍‌ ବଜାର ଉତ୍ସବ ମୁଖରିତ ହୋଇଥାଏ। ଚାନ୍ଦି ମେଢ଼ ଏବଂ ମା’ଙ୍କ ପୂଜାର ସ୍ବତନ୍ତ୍ରତା ହେତୁ ଏହି ପୂଜା ମଣ୍ଡପରେ ଭକ୍ତଙ୍କ ଭିଡ ହୋଇଥାଏ। କମିଟି କର୍ମକର୍ତ୍ତା ଓ ରେଳବାଇ ପୋଲିସ୍‌ ପକ୍ଷରୁ ଶାନ୍ତିଶୃଙ୍ଖଳା ରକ୍ଷା କରାଯାଇଥାଏ। ଏହି ବଜାର କମିଟି ଭାଇଚାରା ପ୍ରଚେଷ୍ଟା କରିବା ସହ ବିପଦବେଳେ ପରସ୍ପର ମଧ୍ୟରେ ସହଯୋଗ କରିଥାଏ। ପ୍ରାକୃତିକ ବିପର୍ଯ୍ୟୟ ସମୟରେ କମିଟି ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ୍‌ ଫଣ୍ଡକୁ ସହାୟତା ମଧ୍ୟ କରାଯାଇଥାଏ ବୋଲି ବିଜୟ କୁମାର ସାହୁ ପ୍ରକାଶ କରିଛନ୍ତି। ଶଦ୍ଦ ପ୍ରଦୂଷଣ ରୋକିବା, ମଣ୍ଡପକୁ ସ୍ବଚ୍ଛ ରଖିବା ଉପରେ ଗୁରୁତ୍ୱ ଦିଆଯାଉଥିବା ସଭାପତି ଓ ସମ୍ପାଦକ କହିଛନ୍ତି। ପୂଜା ସମୟରେ ବିଷ୍ଣୁ ମଲ୍ଲିକ୍‌, ନିତ୍ୟାନନ୍ଦ କରଣ, ସଦାନନ୍ଦ ଲାହା, ପ୍ରମୋଦ କୁମାର ବିଶ୍ୱନୁଜ୍‌, ଭରତ ରାଉତ, ଶିବ ମଟାଣିଆ ଓ ଜଗଦିଶ ମଟାଣିଆ, ଅଶୋକ ନାୟକ, ନିରଞ୍ଜନ ସାହୁଙ୍କ ଭୂମିକା ବିଶେଷଭାବେ ରହିଥାଏ।


Enter your email to get our daily news in your inbox.

All Right Reserved By Dharitri.Com

୯ କାଉନସିଲର ପ୍ରାର୍ଥୀପତ୍ର ନାକଚ

ଧାମନଗର,୧୦ା୩: ନୂଆ କରି ଗଠିତ ଧାମନଗର ଏନ୍‌ଏସି ନିର୍ବାଚନ ପାଇଁ ବୁଧବାର ପ୍ରାର୍ଥୀପତ୍ର ଯାଞ୍ଚ ପ୍ରକ୍ରିୟା ଶେଷ ହୋଇଛି। ଅଧ୍ୟକ୍ଷ ପଦ ପାଇଁ କୌଣସି ନାମାଙ୍କନ...

ମାଧପୁରରେ ହାତୀ ଉପଦ୍ରବ: ଘଉଡ଼ାଇବାକୁ ଦାବି

ମାଧପୁର,୯।୨: ଅନୁଗୋଳ ଜିଲା ଆଠମଲ୍ଲିକ ବ୍ଲକ ଅନ୍ତର୍ଗତ ମାଧପୁର ଅଞ୍ଚଳରେ ଶନିବାର ବିଳମ୍ବିତ ରାତିରୁ ରବିବାର ଭୋର ପର୍ଯ୍ୟନ୍ତ ଅଞ୍ଚଳର ବିଭିନ୍ନ ସ୍ଥାନରେ ହାତୀ ଉପଦ୍ରବ...

ମାଓବାଦୀଙ୍କଠାରୁ ସାମାଜିକ ଦୂରତା ରକ୍ଷା ପାଇଁ ନିବେଦନ

ବାଲିଗୁଡା,୨୬ା୪(ଡି.ଏନ୍‌.ଏ.)- ବିଶ୍ୱରେ ମହାମାରୀ କରୋନାର ଭୟାବହତା ଜାରି ରହିଛି। ଏପରି ସ୍ଥଳେ ସାମାଜିକ ଦୂରତ୍ୱକୁ ବିଶେଷ ପ୍ରାଧାନ୍ୟ ଦିଆଯାଉଛି। ଏନେଇ ଦେଶରେ ଲକ୍‌ଡାଉନ୍‌ କଟକଣା ଜାରି...

ଲୁଟ୍‌ ସମ୍ପତ୍ତିର ମିଳୁନାହିଁ ପତ୍ତା :ଅନିଶ୍ଚିତତା ମଧ୍ୟରେ ତାଳଚେର-ଡୁବୁରୀ-ଚଣ୍ଡିଖୋଲ ୪ ଲେନ ନିର୍ମାଣ କାର୍ଯ୍ୟ

ଯାଜପୁର ଅଫିସ,୨୨ା୭ : ଜାତୀୟ ରାଜପଥ କର୍ତ୍ତୃପକ୍ଷ (ଏନ୍‌ଏଚ୍‌ଏଆଇ)ଙ୍କ ଅଧୀନରେ ତାଳଚେର-ଡୁବୁରୀ-ଚଣ୍ଡିଖୋଲ ୨୦୦ନମ୍ବର ଜାତୀୟ ରାଜପଥର ୪ଲେନ ନିର୍ମାଣ କାର୍ଯ୍ୟରେ ଠିକା ସଂସ୍ଥାର ଅବହେଳା ଯୋଗୁ...

ସାର୍ବଜନୀନ ହେଉନି ଜଷ୍ଟିସ୍‌ ସି.ଆର. ପାଲ୍‌ କମିଶନ ରିପୋର୍ଟ: ହାଇକୋର୍ଟରେ ମାମଲା, ସରକାରଙ୍କୁ ନୋଟିସ

କଟକ ଅଫିସ,୨୧।୧ହାଇକୋର୍ଟ ବେଞ୍ଚ ପ୍ରତିଷ୍ଠା ନିମନ୍ତେ ରାଜ୍ୟର ପଶ୍ଚିମ ଓ ଦକ୍ଷିଣ ଓଡ଼ିଶାରେ ଆନ୍ଦୋଳନ ହୋଇଥିଲା। ଉପରୋକ୍ତ ଅଞ୍ଚଳରେ ବେଞ୍ଚ ପ୍ରତିଷ୍ଠା ସ୍ଥିତି ସମ୍ପର୍କରେ ଅନୁଧ୍ୟାନ...

ପ୍ରିନ୍ସପାଲଙ୍କ ଘରେ ଭିଜିଲାନ୍ସ ଚଢ଼ାଉ

ଭୁବନେଶ୍ୱର/ଲାଞ୍ଜିଗଡ଼,୭ା୩(ବ୍ୟୁରୋ/ଡି.ଏନ୍‌.ଏ.): କଳାହାଣ୍ଡି ଜିଲା ଲାଞ୍ଜିଗଡ଼ ବିଶ୍ୱନାଥପୁର ହୀରାନୀଳା କଲେଜର ପ୍ରିନ୍ସପାଲଙ୍କ ଘରେ ସୋମବାର ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି। ଆୟ ବହିର୍ଭୂତ ସମ୍ପତ୍ତି ଠୁଳ...

ସଂଖ୍ୟା ବଳରେ ଅଧ୍ୟକ୍ଷ ଦୌଡ଼ରେ କଂଗ୍ରେସ ଆଗୁଆ

ରାୟଗଡ଼ା ଅଫିସ,୧୮ ।୨ ରାୟଗଡ଼ା ଜିଲା ପରିଷଦ ଅଧ୍ୟକ୍ଷ ପଦ ପାଇଁ ବୁଧବାର ନିର୍ବାଚନ। ଏହା ପୂର୍ବରୁ ୩ ରାଜନୈତିକ ଦଳ ଭିତରୁ କଂଗ୍ରେସ ନିଜ...

ଶୋଭାଯାତ୍ରାରେ ଗଲେ ଗଜାନନ:ଡିଜେ ସାଉଣ୍ଡରେ ଦୁଲୁକିଲା ପରଜଙ୍ଗ

ପରଜଙ୍ଗ,୧୦।୯(ଡି.ଏନ.ଏ.) ଢେଙ୍କାନାଳ ଜିଲା ପରଜଙ୍ଗରେ ସୋମବାର ଗଜାନନଙ୍କ ଭସାଣି ଉତ୍ସବ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ୯ଟି ମେଢ଼ ମିଳିତ ଭସାଣିରେ ସାମିଲ ହୋଇଥିଲେ। ରେଡ...

Advertisement
Archives

Model This Week