ଥିରୁଭାନନ୍ତପୁରମ୍,୧୫।୧: ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯାଉଥିବା ତୃତୀୟ ତଥା ଶେଷ ଦିନିକିଆ ଥିରୁଭାନନ୍ତପୁରମ୍ରେ ଖେଳାଯାଉଛି। ଏହି ମ୍ୟାଚ୍ରେ ଶ୍ରୀଲଙ୍କାକୁ ୩୯୧ ରନ୍ର ବିଶାଳ ଟାର୍ଗେଟ୍ ଦେଇଛି ଭାରତ। ଟସ ଜିତି ପ୍ରଥମେ ବ୍ୟାଟିଂ କରି ଭାରତୀୟ ଦଳ ନିର୍ଦ୍ଧାରିତ ଓଭରରେ ପାଞ୍ଚ ଉଇକେଟ ହରାଇ ୩୯୦ ରନ ସ୍କୋର କରିବାରେ ସଫଳ ହୋଇଥିଲା। ଦଳ ପାଇଁ ତୃତୀୟ ନମ୍ବରରେ ବ୍ୟାଟିଂ କରି ବିରାଟ କୋହଲି ୧୧୦ ବଲରେ ୧୬୬ ରନର ଅପରାଜିତ ଇନିଂସ ଖେଳିଥିଲେ। ଏହା ବ୍ୟତୀତ ଶୁଭମନ ଗିଲ ମଧ୍ୟ ଏକ ଶତକ ହାସଲ କରିଥିଲେ। ତୃତୀୟ ଦିନିକିଆରେ ୯୭ ବଲରେ ଗିଲ ୧୧୬ ରନ ସ୍କୋର କରିବାରେ ସଫଳ ହୋଇଥିଲେ। କୋହଲି ଏବଂ ଗିଲଙ୍କ ବ୍ୟତୀତ ରୋହିତ ଶର୍ମା ୪୨, ଶେୟାସ ଆୟର ୩୮, କେଏଲ ରାହୁଲ ୭, ସୂର୍ଯ୍ୟକୁମାର ଯାଦବ ୪ ରନ୍ କରିଥିଲେ। ଶ୍ରୀଲଙ୍କା ପକ୍ଷରୁ କାସୁନ ରାଜିଥା ଏବଂ ଲାହିରୁ କମାରା ୨ଟି ଲେଖାଏ ଉଇକେଟ୍ ନେଇଥିଲେ।
