ସୋରଡା,୧୯ା୫(ଡି.ଏନ୍.ଏ.)- ସୋରଡା ବ୍ଲକ ରାଇବନ୍ଧ ମଶାଣିରୁ ବଡଗଡ ପୋଲିସ ଜଣେ ନବବଧୂଙ୍କ ଅଧାପୋଡା ମୃତଦେହ ମଙ୍ଗଳବାର ଜବତ କରିଛି। ସେ ହେଲେ କୁଲାଙ୍ଗି ଗ୍ରାମର କୃଷ୍ଣ ସ୍ବାଇଁଙ୍କ ଝିଅ ଟିକିନା (୨୦)। ରାଇବନ୍ଧ ଗ୍ରାମର କବିରାଜ ସ୍ବାଇଁଙ୍କୁ ୨ ମାର୍ଚ୍ଚରେ ଟିକିନା ବିବାହ କରିଥିଲେ। ମଙ୍ଗଳବାର ଝିଅଦେହ ଖରାପ ଥିବା ଶାଶୁଘର ଲୋକେ ଫୋନ୍ କରି କୃଷ୍ଣଙ୍କୁ ଜଣାଇଥିଲେ। ସେ ପହଞ୍ଚତ୍ବାବେଳକୁ ଝିଅର ମୃତ୍ୟୁ ହୋଇ ସାରିଥିଲା। ଖବର ପାଇ ବଡଗଡ ଥାନା ଅଧିକାରୀ ପ୍ରତାପ କୁମାର ତ୍ରିପାଠୀ ସଦଳବଳ ଶ୍ମଶାନରେ ପହଞ୍ଚତ୍ ଅଧାପୋଡା ମୃତଦେହ ଜବତ କରିଥିଲେ। ମନା କରିବା ସତ୍ତ୍ୱେ ଶାଶୁଘର ଲୋକେ ନେଇ ମୃତଦେହ ପୋଡି ଦେଉଥିଲେ, ଯୌତୁକ ଦାବିରେ ତାଙ୍କ ଝିଅଙ୍କୁ ହତ୍ୟା କରାଯାଇଛି ବୋଲି କୃଷ୍ଣ ପୋଲିସ ଆଗରେ କହିଛନ୍ତି। ଦରପୋଡା ମୃତଦେହ ବ୍ରହ୍ମପୁର ଏଫ୍ଏମ୍ଟିକୁ ପଠାଯିବ, ସ୍ବାମୀ, ଶଶୁର ଓ ଦିଅରଙ୍କୁ ଅଟକ ରଖାଯାଇଛି ବୋଲି ଥାନା ଅଧିକାରୀ କହିଛନ୍ତି।
