ଫିଲ୍ମ ଶୁଟିଂ ସମୟରେ ବଲିଉଡ୍ର ଅଭିନେତାମାନେ ଥରେ ନୁହେଁ ବହୁବାର ଆହତ ହୋଇଛନ୍ତି। ତଥାପି ଫିଲ୍ମ ହିଟ୍ ହୋଇଛି। ଜାଣନ୍ତୁ କେଉଁ ଅଭିନେତାମାନେ ଶୁଟିଂ ସେଟ୍ରେ ଆହତ ହୋଇଥିଲେ।
ଅମିତାଭ ବଚ୍ଚନ : ୧୯୮୩ ମସିହାରେ ଫିଲ୍ମ ‘କୁଲି’ର ଶୁଟିଂ ସମୟରେ ଅମିତାଭ ଆହତ ହୋଇଥିଲେ। ଏକ ଫାଇଟ୍ ସିନ୍ ଅମିତାଭଙ୍କୁ ମହଙ୍ଗା ପଡ଼ିଥିଲା। ଏହି ସିନ୍ରେ ଅମିତାଭ ଆକ୍ଟର ପୁନିତ୍ ଇସରଙ୍କ ସହ ଫାଇଟ୍ କରୁଥିଲେ। ଏହି ସମୟରେ ଏକ ମୁଥ ଅମିତାଭଙ୍କ ପେଟରେ ବାଜିଥିଲା। ଫଳରେ ଅମିତାଭ ଆହତ ହୋଇଥିଲେ। ଏହା ଦେଖି ପରିବାର ଲୋକଙ୍କ ସହ ଫ୍ୟାନ୍ମାନେ ମଧ୍ୟ କାନ୍ଦିବାକୁ ଆରମ୍ଭ କରିଥିଲେ। ଏକ ସାକ୍ଷାତକାରରେ ଅମିତାଭ କହିଥିଲେ, ଏହି ଫିଲ୍ମ ପରଠାରୁ ସେ ନୂଆ ଜୀବନ ପାଇଥିଲେ।
ଅକ୍ଷୟ କୁମାର : ୨୦୧୨ରେ ଫିଲ୍ମ ‘ରାଓ୍ବଡି ରାଠୋର’ ଶୁଟିଂ ସମୟରେ ଅକ୍ଷୟଙ୍କ କାନ୍ଧରେ ଆଘାତ ଲାଗିଥିଲା। ଫଳରେ ଶୁଟିଂ ବନ୍ଦ କରି ଦିଆଯାଇଥିଲା।
ହ୍ରିତିକ୍ ରୋଶନ : ବଲିଉଡ୍ର ସୁପର ହିରୋ ହ୍ରିତିକ୍ ରୋଶନ ଇଣ୍ଡଷ୍ଟ୍ରିର ଜଣେ ଦମ୍ଦାର ଆକ୍ଟର। ୨୦୧୨ରେ ଫିଲ୍ମ ‘ଅଗ୍ନିପଥ’ର ଶୁଟିଂ ସମୟରେ ଏକ ଷ୍ଟଣ୍ଟ ସିନ୍ରେ ହ୍ରିତିକ୍ ଆହତ ହୋଇଥିଲେ।
ସଲମାନ୍ : ଶୁଟିଂସେଟ୍ରେ ଦବଙ୍ଗ ଖାନ୍ ସଲମାନ ମଧ୍ୟ ଆହତ ହୋଇଥିଲେ। ଫିଲ୍ମ ‘ଓ୍ବାଣ୍ଟେଡ୍’ର ଏକ ସିନ୍ରେ ସେ ଆହତ ହୋଇଥିଲେ। କିଛିଦିନ ପାଇଁ ଶୁଟିଂ ବନ୍ଦ କରିଦିଆଗଲା। ସଲମାନ ସୁସ୍ଥ ହେବା ପରେ ଶୁଟିଂ କରାଯାଇଥିଲା। ଏହି ଫିଲ୍ମଟି ବକ୍ସ ଅଫିସରେ ହିଟ୍ ହୋଇଥିଲା।
ଶାହରୁଖ୍ ଖାନ୍ : ୨୦୧୦ରେ ଫିଲ୍ମ ‘ଦୁଲ୍ହା ମିଲ୍ ଗୟା’ ଶୁଟିଂ ସମୟରେ ଆହତ ହୋଇଥିଲେ ଶାହରୁଖ୍। ଏକ ସିନ୍ରେ ତାଙ୍କ କାନ୍ଧରେ ଆଘାତ ଲାଗିଥିଲା। ଆଜି ମଧ୍ୟ କାନ୍ଧରେ ସେ କଷ୍ଟ ଅନୁଭବ କରୁଛନ୍ତି। ସେହିପରି ଅଭିଷେକ ବଚ୍ଚନ, ଜନ୍ ଆବ୍ରାହମ୍, ବିକି କୌଶଲ, ପଙ୍କଜ ତ୍ରିପାଠୀ ପ୍ରମୁଖ ଶୁଟିଂ ସେଟ୍ରେ ଆହତ ହୋଇଥିବା ଜଣାପଡ଼ିଛି।
