ଶବ ପାଇଁ ବିଛାନ୍ତି ଶେଯ

ବନ୍ତଳା,୨୪।୧୧: ଜଣା ହେଉ ଅବା ଅଜଣା, ଶବକୁ ଉପଯୁକ୍ତ ସମ୍ମାନ ଦେବାକୁ ଅନେକେ ଆଗ୍ରହ ଦେଖାନ୍ତିନି। ବଞ୍ଚିଥିବା ବେଳେ ଅତି ଆପଣାର ଲାଗୁଥିବା ମଣିଷଟିଏ ମୃତ୍ୟୁ ପରେ ହଠାତ୍‌ ଯେମିତି ପର ପରି ସ୍ବଭାବ ଦେଖାନ୍ତି। ଶ୍ମଶାନରେ ଯେନତେନ ସଂସ୍କାର କାର୍ଯ୍ୟ କରିଦେଲେ କାମ ସରିଯାଏ ବୋଲି ସେମାନେ ଭାବିନିଅନ୍ତି। ହେଲେ ଏ କ୍ଷେତ୍ରରେ ଅନୁଗୋଳ ଜିଲା ବନ୍ତଳା ଥାନା ପୋକତୁଙ୍ଗା ଗ୍ରାମର ଅଚ୍ୟୁତ ଦେହୁରୀ(୮୫)ଙ୍କ କାର୍ଯ୍ୟ ଅତି ପ୍ରଶଂସନୀୟ। କାରଣ ପର-ଆପଣାର ଭାବ ରଖି ନ ଥିବା ଅଚ୍ୟୁତ୍‌ ନିଜ ଜୀବନକାଳ ମଧ୍ୟରେ ଶତାଧିକ ଶବକୁ ସମ୍ମାନର ସହ ସଂସ୍କାର କରିଛନ୍ତି। କୋକେଇ ବନ୍ଧାଠାରୁ ଶବ ପାଇଁ ଶ୍ମଶାନରେ ଜୁଇର ଶେଯ ପ୍ରସ୍ତୁତ କରିବାରେ ତାଙ୍କ ଭୂମିକା ଜଣେ ନିଆରା ମଣିଷ ଭାବେ ତାଙ୍କୁ ପରିଚିତ କରିପାରିଛି। ସେ ସ୍ଥାନୀୟ ଅଞ୍ଚଳବାସୀଙ୍କ ପାଇଁ ଜଣେ ଦେବଦୂତ ବୋଲି ମଧ୍ୟ କେହି କେହି କହିଥାନ୍ତି।

କେବଳ ଚାଟଶାଳି ମାଟି ମାଡ଼ିଥିବା ଅଚ୍ୟୁତ କୁହନ୍ତି, ପିଲାବେଳେ ଜଙ୍ଗଲରେ ଛେଳି ଚରାଇ ସେ ପେଟ ପୋଷୁଥିଲେ। ତାଙ୍କୁ ଯେତେବେଳେ ୨୦ ବର୍ଷ ହୋଇଥିଲା ଜଣେ ବ୍ୟକ୍ତି ଚେରମୂଳି ଔଷଧ ସମ୍ପର୍କରେ କିଛି ଜ୍ଞାନ ଦେଇଥିଲେ, ଯାହା ତାଙ୍କୁ ପରବର୍ତ୍ତୀ ଅବସ୍ଥାରେ ଗ୍ରାମବାସୀଙ୍କ ନିକଟତର କରିଥିଲା। ସେତେବେଳେ ଗଁାର ପିଲାମାନେ ନାନା ରୋଗରେ ଆକ୍ରାନ୍ତ ହେଉଥିଲେ। ସେ ଜାଣିଥିବା ଚେରମୂଳି ଔଷଧ ଦେଇ ସେ ପିଲାମାନଙ୍କୁ ରୋଗମୁକ୍ତ କରୁଥିଲେ। ଏହା ଧୀରେ ଧୀରେ ପ୍ରଚାର ହେବାରୁ ତାଙ୍କ ନିକଟକୁ ଧୋକୁଟା, ଲାଛବନ୍ଧ, ଶଙ୍ଖପୁର, ନନ୍ଦପୁର, ମଧୁପୁର, ମାଧପୁର, ବ୍ରହ୍ମପୁର, କରତପଟା, ବନ୍ଦନପସି ଆଦି ଗ୍ରାମର ଲୋକେ ଔଷଧ ନେବାକୁ ଆସିଲେ। ବିନା ପାରିଶ୍ରମିକରେ ଏହି କାର୍ଯ୍ୟ ଖୁସି ଦେଉଥିବା ଅନୁଭବ କରିବାପରେ ସେ ଗ୍ରାମବାସୀଙ୍କୁ ବିଭିନ୍ନ କାର୍ଯ୍ୟରେ ସାହାଯ୍ୟ ସହଯୋଗ କରିବା ଆରମ୍ଭ କଲେ। ବିନା ନିମନ୍ତ୍ରଣରେ ସେ କାହାର ବିବାହ ଉତ୍ସବରେ ଯୋଗଦେଉଥିଲେ ତ କାହାର ଶବ ସଂସ୍କାର ପାଇଁ ପହଞ୍ଚି ଯାଉଥିଲେ। ବିଭିନ୍ନ ଯାନିଯାତ୍ରାରେ ମଧ୍ୟ ସେ ଦାୟିତ୍ୱ ମାଗି ତାହାକୁ ସୁଚାରୁରୂପେ ତୁଲାଉଥିଲେ। ବିଶେଷକରି ଗଁା କି ଆଖପାଖ ଅଞ୍ଚଳରେ କାହାର ମୃତ୍ୟୁ ହେଲେ ସେ ସୁନ୍ଦର ଭାବେ କୋକେଇ ତିଆରି କରିଦେବା ସହ ଶ୍ମଶାନରେ ପହଞ୍ଚି କାଠର ଜୁଇ ପ୍ରସ୍ତୁତ କରିଦେଉଥିଲେ। ଏବେ କିନ୍ତୁ ତାଙ୍କୁ ଆଉ ବିନା ନିମନ୍ତ୍ରଣରେ ଯିବାକୁ ପଡ଼ୁନି। କାରଣ ତାଙ୍କ ସେବା ପ୍ରତି ଲୋକଙ୍କ ମନରେ ଏପରି ଆଦର ଭାବ ଜାଗ୍ରତ ହୋଇଛି ଯେ ଚାରିଆଡ଼ୁ ତାଙ୍କ ପାଖକୁ ଡାକରା ଆସୁଛି। ବର୍ତ୍ତମାନ ସୁଦ୍ଧା ସେ ଦୁଇଶହରୁ ଅଧିକ ଶବ ଦାହ କରିସାରିଛନ୍ତି। ଏପରି କାର୍ଯ୍ୟ ତାଙ୍କୁ ଆତ୍ମସନ୍ତୋଷ ଦେଉଥିବାରୁ ଆଗାମୀ ଦିନରେ ଅଧିକ ଲୋକଙ୍କ ସହ ସେ ଜଡିତ ହେବାକୁ ଇଚ୍ଛା ପ୍ରକାଶ କରିଛନ୍ତି। ଅଚ୍ୟୁତ କୁହନ୍ତି, ମଣିଷ ଜନ୍ମ ହୋଇଛି ଅନ୍ୟକୁ ସହଯୋଗ କରିବା ପାଇଁ। ସମସ୍ତଙ୍କ ଦୁଃଖ ସୁଖରେ ସାମିଲ ହେବା ପାଇଁ। କୌଣସି କାର୍ଯ୍ୟ କରିବାକୁ ତାଙ୍କୁ କଷ୍ଟ ଲାଗି ନ ଥାଏ। ବୟସ ବଢିଯାଇଥିଲେ ମଧ୍ୟ ସେ ପୂର୍ବପରି ଚଳଚଞ୍ଚଳ ରହିଛନ୍ତି। ତାଙ୍କର ଯୋଗଦାନ ସବୁ ଜାଗାରେ ରହିଛି ଓ ଆଗାମୀ ଦିନରେ ରହିବ। ଅଚ୍ୟୁତ୍‌ଙ୍କ ଏପରି ନିଆରା କାର୍ଯ୍ୟକୁ ପୋକତୁଙ୍ଗା ଗ୍ରାମର ପୂର୍ବତନ ସରପଞ୍ଚ ସୁରେଶ ପ୍ରଧାନ, କୁମୁଦ ଚନ୍ଦ୍ର ପ୍ରଧାନ, ଜିତେନ୍ଦ୍ର ପ୍ରଧାନ, ପୂର୍ବତନ ସଭାପତି ରତ୍ନାକର ପ୍ରଧାନ, ଗୋକୁଳାନନ୍ଦ ପ୍ରଧାନ, ଶତ୍ରୁଘନ ପ୍ରଧାନ, କୃପାସିନ୍ଧୁ ପ୍ରଧାନ, ପ୍ରଶାନ୍ତ ପ୍ରଧାନ, ବର୍ତ୍ତମାନର ସଭାପତି ପପୁ ପ୍ରଧାନ, ବିବେକାନନ୍ଦ ପ୍ରଧାନ ପ୍ରମୁଖ ଉଚ୍ଚ ପ୍ରଶଂସା କରିଛନ୍ତି। ସେମାନଙ୍କ ମତରେ ଅଚ୍ୟୁତଙ୍କ ଭଳି ଲୋକ ଦୁନିଆରେ ଖୁବ୍‌ କମ୍‌ ଅଛନ୍ତି। ତାଙ୍କ ଉପସ୍ଥିତି ଗଁାର ସମସ୍ତଙ୍କୁ ଆନନ୍ଦ ଦେଇଥାଏ। ଏକାଠି ବଞ୍ଚିବା ମରିବାର ବାର୍ତ୍ତା ଦେଇଥାଏ। ଭାଇଚାରା ଓ ନିଃସ୍ବାର୍ଥପର ସେବା କ’ଣ ତାହା ତାଙ୍କଠାରୁ ହିଁ ଶିଖିବାକୁ ମିଳେ ବୋଲି ଗ୍ରାମବାସୀ କହିବା ସହ ଅଚ୍ୟୁତ୍‌ ଆମ ପାଇଁ ଦେବଦୂତ ବୋଲି ପ୍ରକାଶ କରିଛନ୍ତି।

-ଦିନେଶ ଦେହୁରୀ 


Enter your email to get our daily news in your inbox.

All Right Reserved By Dharitri.Com

ବିଦ୍ୟାଳୟ, ଅଙ୍ଗନଓ୍ବାଡି, ପାର୍କ ପାଇଁ ଅର୍ଥ ବ୍ୟବସ୍ଥା

ବିରିଡି, ୨୩।୧୨(ଡି.ଏନ.ଏ.): ବିରିଡି ପଞ୍ଚାୟତ ସମିତିର ଅନ୍ତିମ ସାଧାରଣ ବୈଠକ ବୁଧବାର ସମିତି ସଭା ଗୃହରେ ସମିତି ଅଧ୍ୟକ୍ଷ ପଦ୍ମନାଭ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।...

୬ ଜଣ ଅସୁସ୍ଥଙ୍କୁ ବ୍ରହ୍ମପୁର ମେଡିକାଲ ପଠାଇଲା ପ୍ରଶାସନ

ବୁଗୁଡା,୧୨।୫(ଡି.ଏନ.ଏ.)-ଗଞ୍ଜାମ ଜିଲା ବୁଗୁଡା ବ୍ଲକ ଅନ୍ତର୍ଗତ ୨ଟି କ୍ୱାରାଣ୍ଟାଇନ ସେଣ୍ଟରରୁ ସୋମବାର ରାତିରେ ୬ ଜଣ ଅସୁସ୍ଥଙ୍କୁ ସ୍ବାସ୍ଥ୍ୟପରୀକ୍ଷା ପାଇଁ ବ୍ରହ୍ମପୁର ମେଡିକାଲକୁ ପଠାଇ ଦିଆଯାଇଛି।...

ପଞ୍ଚଦଶତମ ପାତାଳି ମହୋତ୍ସବ ଉଦ୍‌ଯାପିତ

ଉଲୁଣ୍ଡା, ୨ା୨(ଡି.ଏନ.ଏ.) ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ କୋଟସମଲାଇସ୍ଥିତ ଅନ୍ୟତମ ପର୍ଯ୍ୟଟନସ୍ଥଳୀ ପାତାଳି ଶ୍ରୀକ୍ଷେତ୍ରଠାରେ ଚାଲିଥିବା ପଞ୍ଚଦଶତମ ପାତାଳି ମହୋତ୍ସବ ଶନିବାର ପୂର୍ଣ୍ଣାହୂତି ସହ ସମ୍ପନ୍ନ...

ସ୍କୁଲ ରୂପାନ୍ତରୀକରଣ କାର୍ଯ୍ୟର ଅନୁଧ୍ୟାନ କଲେ ଜିଲାପାଳ

ରାୟଗଡ଼ା ଅଫିସ/ଗୁଡାରି (ଡି.ଏନ୍‌.ଏ.)୧୭।୪:  ରାୟଗଡ଼ା ଜିଲାପାଳ ସରୋଜ କୁମାର ମିଶ୍ର ଶନିବାର ଗୁଡାରି ବ୍ଲକ ଗସ୍ତରେ ଯାଇ ବିଭିନ୍ନ ଉନ୍ନୟନ କାର୍ଯ୍ୟର ଅନୁଧ୍ୟାନ କରିଛନ୍ତି। ସେହିପରି...

ଦାରିଙ୍ଗବାଡ଼ିରେ ତୁଷାରପାତ ଜାରି

ଦାରିଙ୍ଗବାଡ଼ି,୨୧ା୧୨(ଡି.ଏନ.ଏ): କନ୍ଧମାଳ ଜିଲା ଦାରିଙ୍ଗବାଡ଼ିରେ ତୁଷାରପାତ ଜାରି ରହିଛି। ମଙ୍ଗଳବାର ସକାଳ ୮ ସୁଦ୍ଧା ତାପମାତ୍ରା ୩.୫ ଡିଗ୍ରୀରେ ପହଞ୍ଚିଛି । ସୋମବାର ତାପମାତ୍ରା ୪...

ବିବାହରେ ବିଫଳ ହେବାରୁ ଜୀବନ ହାରିଲେ ନାବାଳିକା

ପଦ୍ମପୁର,୨୩।୧୦(ଡି.ଏନ.ଏ): ପ୍ରେମରେ ବିଫଳ ହେବା ପରେ ପ୍ରେମୀ ଯୁଗଳ ଆତ୍ମହତ୍ୟା ଉଦ୍ୟମ କରିଥିଲେ। ଏଥିରେ ପ୍ରେମିକାଙ୍କ ମୃତ୍ୟୁ ଘଟିଛି। ମାତ୍ର ପ୍ରେମିକ ଜଣକ ଆତ୍ମହତ୍ୟା ଉଦ୍ୟମ...

୧୨ ଘଣ୍ଟାରେ ବାତ୍ୟା! ପାରାଦୀପଠାରୁ ୭୬୦କିଲୋମିଟର ଦୂରରେ ରହିଛି ‘ଜଓ୍ବାଦ’

ଭୁବନେଶ୍ୱର,୩ା୧୨(ବ୍ୟୁରୋ): ବଙ୍ଗୋପସାଗରରେ ଗଭୀର ଅବପାତର ରୂପ ନେଇଛି ଅବପାତ। ଆସନ୍ତା ୧୨ ଘଣ୍ଟା ଭିତରେ ବାତ୍ୟାର ରୂପ ନେବ। ଶନିବାର ସକାଳ ସୁଦ୍ଧା ଆନ୍ଧ୍ରପ୍ରଦେଶ ଓ...

ପାଟଣା ଶ୍ରେଷ୍ଠ ଥାନା ଭାବେ ପୁରସ୍କୃତ

ପାଟଣା,୨୬।୧(ସ୍ବ.ପ୍ର.): ଜିଲାସ୍ତରୀୟ ୭୧ତମ ସାଧାରଣତନ୍ତ୍ର ଦିବସ କେନ୍ଦୁଝର ଜିଲା ମୁଖ୍ୟାଳୟ ଷ୍ଟାଡିୟମରେ ରବିବାର ପାଳିତ ହୋଇଯାଇଛି। ଏହି ଅବସରରେ କେନ୍ଦୁଝର ଜିଲା ପାଟଣା ଥାନାକୁ ଶେଷ୍ଠ...

Advertisement
Archives

Model This Week