Posted inଖେଳ

ଲିପିକାଙ୍କ ମାଉଣ୍ଟ ଏଲବ୍ରୁସ ଆରୋହଣ

ଭୁବନେଶ୍ୱର, ୧୧।୧୦(କ୍ରୀଡ଼ା ପ୍ରତିନିଧି)- ୟୁରୋପ ମହାଦେଶର ସର୍ବୋଚ୍ଚ ଶୃଙ୍ଗ ମାଉଣ୍ଟ ଏଲବ୍ରୁସ(୫,୬୪୨ ମିଟର/୧୮,୫୧୦ ଫୁଟ)କୁ ସଫଳତାର ସହ ଆରୋହଣ କରିଛନ୍ତି ଓଡ଼ିଶାର ଲିପିକା ସେଠ୍‌। ଏହି ସଫଳତା ସହ ବରଗଡ଼ର ଲିପିକା ରାଜ୍ୟରେ ଦୁଃସାହସିକ କ୍ରୀଡ଼ାକୁ କ୍ୟାରିୟର କରିବାକୁ ଚାହୁଁଥିବା ଅନ୍ୟମାନଙ୍କ ପାଇଁ ପ୍ରେରଣା ସାଜିଛନ୍ତି। ଓଡ଼ିଶାର ଅନ୍ୟତମ ଉଦୀୟମାନ ପର୍ବତାରୋହୀଭାବେ ପରିଚିତ ଲିପିକା ହେଉଛନ୍ତି ମା ଅନୁସୟା ଓ ବାପା ଲକ୍ଷ୍ମଣ ସେଠ୍‌ଙ୍କର ଦ୍ୱିତୀୟ କନ୍ୟା। ସେପ୍ଟେମ୍ବର ୨୮ରୁ ଅଭିଯାନରେ ବାହାରିଥିବା ଲିପିକା ଗତ ୫ ତାରିଖରେ ସଫଳତାର ସହ ମାଉଣ୍ଟ ଏଲବ୍ରୁସ୍‌ର ଶିଖରରେ ପହଞ୍ଚତ୍ଥିଲେ। ଏହି ଅଭିଯାନରେ ବିଭିନ୍ନ ଦେଶରୁ ପର୍ବତାରୋହୀମାନେ ଭାଗ ନେଇଥିଲେ। ଲିପିକା ପ୍ରଥମେ ବେସ୍‌ କ୍ୟାମ୍ପ ଏବଂ ଶରୀରକୁ ପାରିପାର୍ଶ୍ୱିକ ପରିବେଶ ସହିତ ଖାପ ଖୁଆଇବା ପରେ ଚଳିତମାସ ୫ ତାରିଖରେ ରୁଷିଆ ସମୟ ରାତି ୧ଟା ସମୟରେ ଆଡଭାନ୍ସ ବେସ୍‌ କ୍ୟାମ୍ପ ଛାଡ଼ି ଅନ୍ତିମ ଆରୋହଣରେ ବାହାରିଥିଲେ। ସେହିଦିନ ରୁଷୀୟ ସମୟ ପୂର୍ବାହ୍ନ ୯ଟାରେ ସେ ମାଉଣ୍ଟ ଏଲବ୍ରୁସ ଶିଖରରେ ପହଞ୍ଚତ୍ ଜାତୀୟ ପତାକା ଉଡ଼ାଇଥିଲେ। ୮ ତାରିଖରେ ସମ୍ପୂର୍ଣ୍ଣ ଅଭିଯାନ ଶେଷ ହୋଇଥିଲା।
ଲିପିକାଙ୍କ ସଫଳ ଆରୋହଣ ପଛରେ ଅନ୍ୟତମ ପର୍ବତାରୋହୀ ନୃସିଂହ ସାହୁଙ୍କର ଅନେକ ଅବଦାନ ରହିଛି। ଲିପିକାଙ୍କୁ ନୃସିଂହ ଏଲବ୍ରୁସ ଆରୋହଣ ପାଇଁ ଆବଶ୍ୟକ କୌଶଳ ଶିଖାଇବା ସହ ମନୋବଳ ବଢ଼ାଇଥିଲେ। ନୃସିଂହଙ୍କ କହିବା ଅନୁସାରେ ଲିପିକା ଆଡଭାନ୍ସ ବେସ୍‌ କ୍ୟାମ୍ପରେ ପହଞ୍ଚତ୍ବା ପରେ ଏବଂ ଆକ୍ଲାମାଇଟେଜେଶନ ପ୍ରୋସେସରୁ ଫେରିବାପରେ ମନ୍ଥର ଚାଲିକୁ ନେଇ ତାଙ୍କ ଗାଇଡ୍‌ ସଚେତନ କରାଇଥିଲେ। ଏହା ଲିପିକାଙ୍କ ସଫଳ ଆରୋହଣ ପାଇଁ ବିପଦ ସୃଷ୍ଟି କରିବ ବୋଲି ସେ ଦର୍ଶାଇଥିଲେ। ମାତ୍ର ଲିପିକା ଚାପର ବଶବର୍ତ୍ତୀ ନ ହୋଇ ୫ ତାରିଖ ସକାଳେ ସମସ୍ତ ସହଯୋଗୀଙ୍କୁ ପଛରେ ପକାଇ ୧ ଘଣ୍ଟା ପୂର୍ବରୁ ଆରୋହଣ ଶେଷ କରି ବେସ୍‌ କ୍ୟାମ୍ପକୁ ଫେରି ଆସିଥିଲେ। ଏହା କେବଳ ଜଣେ ଦୃଢ଼ ମନୋବଳସମ୍ପନ୍ନ ପର୍ବତାରୋହି ପକ୍ଷରେ ସମ୍ଭବ ବୋଲି ନୃସିଂହ ସୂଚନା ଦେଇଛନ୍ତି। ଲିପିକା ଶୁକ୍ରବାର ପୂର୍ବାହ୍ନ ୧୧ଟା ସମୟରେ ଭୁବନେଶ୍ୱର ଫେରିବା କାର୍ଯ୍ୟକ୍ରମ ରହିଛି।
ପ୍ରକାଶ ଯୋଗ୍ୟ ଯେ, ଲିପିକା ପୂର୍ବରୁ ୨୦୧୮ରେ ଆଫ୍ରିକା ମହାଦେଶର ସର୍ବୋଚ୍ଚ ଶୃଙ୍ଗ କିଲିମାଞ୍ଜାରୋ(୫,୮୯୫ ମିଟର)କୁ ସଫଳତାର ସହ ଆରୋହଣ କରିଥିଲେ। ମାଉଣ୍ଟ ଏଲବ୍ରୁସ ଆରୋହଣ ପାଇଁ ତାଙ୍କୁ ବରଗଡ଼ ଜିଲାର ବିକାଶ ଇନ୍‌ଷ୍ଟିଚ୍ୟୁଟ ୫୦,୦୦୦ ଟଙ୍କାର ଆର୍ଥିକ ସହାୟତା ଦେଇଥିବାବେଳେ ଏସିଆ ପାସିଫିକ୍‌ ହାବିଟାଟ୍‌ ସୋସାଇଟି (ଏପିଏଚଏସ) ଓଡ଼ିଶାର ସେକ୍ରେଟାରି ଜେନେରାଲ ଡ. ଓ୍ବିଲିୟମ ହେନେଜ ଆର୍ଥିକ ସହାୟତା ପାଇଁ ପ୍ରତିଶ୍ରୁତି ଦେଇଛନ୍ତି। ନିଜର ଏହି ସଫଳତା ପାଇଁ ଲିପିକା ଦାଦା ଦିବାକର ମାଝି ଏବଂ ମାଉସୀ ଦମୟନ୍ତୀ ବାଗ୍‌ଙ୍କୁ ମଧ୍ୟ ଶ୍ରେୟ ଦେଇଛନ୍ତି। ଅଗାମୀ ଡିସେମ୍ବର ୨୫ରେ ସେ ଦକ୍ଷିଣ ଆମେରିକା ମହାଦେଶର ସର୍ବୋଚ୍ଚ ଶୃଙ୍ଗ ମାଉଣ୍ଟ ଆକଙ୍କଗୁଆ (୬,୯୬୨ ମିଟର) ଆରୋହଣ ପାଇଁ ଲକ୍ଷ୍ୟ ରଖିଛନ୍ତି। ଏଥିପାଇଁ ପାଖାପାଖି ୧୨ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ସେ ଆକଳନ କରୁଛନ୍ତି। ”ରାଜ୍ୟରେ ପର୍ବତାରୋହୀଙ୍କ ନିକଟରେ ଆବଶ୍ୟକ ସରଞ୍ଜାମ ନ ଥିବାରୁ ଆରୋହଣ ସମୟରେ ସେମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ପ୍ରକୃତ ପର୍ବତାରୋହୀଙ୍କୁ ଚିହ୍ନଟ କରାଯାଇ ରାଜ୍ୟ ସରକାର ସରଞ୍ଜାମ ଯୋଗାଇ ଦେଲେ ସେମାନେ ଉପକୃତ ହେବା ସହ ରାଜ୍ୟପାଇଁ ଅଧିକ ଗୌରବ ଆଣି ପାରିବେ“ ବୋଲି ଲିପିକା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଡେଭିସ୍‌ କପ୍‌ ଦଳକୁ ଫେରିଲେ ପେସ୍‌

ନୂଆଦିଲ୍ଲୀ, ୨୬।୧୦(ପି.ଟି.)- ଅଭିଜ୍ଞ ଟେନିସ ତାରକା ଲିଆଣ୍ଡର ପେସ୍‌ ଭାରତୀୟ ଡେଭିସ କପ୍‌ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ୨୦୧୮ ଏପ୍ରିଲ ପରେ ପ୍ରଥମଥର ପାଇଁ ସେ...

ବିସିସିଆଇ ଆପେକ୍ସ କାଉନ୍‌ସିଲ ବୈଠକ ୧୭ରେ

ନୂଆଦିଲ୍ଲୀ, ୬ା୭ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଆପେକ୍ସ କାଉନ୍‌ସିଲର ୪ର୍ଥ ବୈଠକ ଚଳିତମାସ ୧୭ ତାରିଖରେ ବସିବ। ଏଥିରେ ଭାରତର ସଂଶୋଧିତ...

ଆଇସିସି ବିଶ୍ୱକପ: ଅଷ୍ଟ୍ରେଲିଆ- ପାକିସ୍ତାନ ମୁକାବିଲା

ଟଣ୍ଟନ,୧୨।୬(ଏଏଫ୍‌ପି)- ଚଳିତ ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ବିଶ୍ୱକପ୍‌ ଦ୍ୱାଦଶ ସଂସ୍କରଣରେ ବୁଧବାର ପାକିସ୍ତାନ ଓ ଗତଥରର ଚାମ୍ପିୟନ ଅଷ୍ଟ୍ରେଲିଆ ପରସ୍ପରକୁ ଭେଟିବେ। ସ୍ଥାନୀୟ ଦି...

ପାକିସ୍ତାନରେ ୧ ଦିନିକିଆ, ୩ ଟି୨୦ ମ୍ୟାଚ୍‌ ଖେଳିବ ଏମ୍‌ସିସି

ଲଣ୍ଡନ,୧୨।୨(ପି.ଟି.)- କ୍ରିକେଟରେ ନିୟମ ପ୍ରସ୍ତୁତ କରୁଥିବା ମେରିଲବୋନ କ୍ରିକେଟ କ୍ଲବ (ଏମ୍‌ସିସି) ଆଗାମୀ ପାକିସ୍ତାନ ଗସ୍ତରେ ଗୋଟେ ଦିନିକିଆ ଓ ୩ଟି ଟି୨୦ ମ୍ୟାଚ୍‌ ଖେଳିବ।...

ସ୍ପେନ ରେକର୍ଡ ସ୍କୋରର ଭିଲାଙ୍କ ଅବସର ଘୋଷଣା

ଟୋକିଓ,୧୩।୧୧(ଏଏଫ୍‌ପି)- ସ୍ପେନ ପାଇଁ ଅନ୍ତର୍ଜାତୀୟ ସ୍ତରରେ ସର୍ବାଧିକ ଗୋଲ କରିଥିବା ଷ୍ଟାର ଷ୍ଟ୍ରାଇକର ଡେଭିଡ୍‌ ଭିଲା ଆସନ୍ତା ମାସରେ ଅବସର ନେବେ। ଜାଜ୍ଜ୍ୱଲ୍ୟମୟ କ୍ୟାରିୟରରେ ସେ...

ରିଲ୍‌ରେ ବକ୍ସିଂ କୋଚ୍‌ଙ୍କ ପୁଅ ଜିତିଲେ ଏସିଆନ ଚାମ୍ପିୟନଶିପ୍‌ ରୌପ୍ୟ

ମୁମ୍ବାଇ,୨୬।୯: ଟଲିଉଡ୍‌ ଫିଲ୍ମରେ ବକ୍ସିଂ କୋଚ୍‌ ଅଭିନୟ କରିଥିବା ଆର. ମାଧବନଙ୍କ ପୁଅ ବେଦାନ୍ତ ଅନ୍ତର୍ଜାତୀୟ ସ୍ତରରେ ଦେଶକୁ ଗର୍ବିତ କରିଛନ୍ତି। ବିଭିନ୍ନ ବୟସ ବର୍ଗରେ...

ହାମିଲଟନଙ୍କ ପାଇଁ ସୁଯୋଗ

ବୁଦାପେଷ୍ଟ, ୧୬ା୭ (ଏପି)- ଆସନ୍ତା ରବିବାର ଆୟୋଜିତ ହେବାକୁଥିବା ହଙ୍ଗେରିଆନ ଫର୍ମୁଲା ଓ୍ବାନ୍‌ ଗ୍ର୍ରଁାପ୍ରିରେ ବିଜୟ ଲାଭ କରିପାରିଲେ ଲୁଇସ୍‌ ହାମିଲଟନ ଗୋଟିଏ ଟ୍ରାକ୍‌ରେ ସର୍ବାଧିକ...

କୋହଲିଙ୍କୁ ପଛରେ ପକାଇଲେ ରୋହିତ

ମାଉଣ୍ଟ ମାଉଁଗନୁଇ,୨।୨- ଅନ୍ତର୍ଜାତୀୟ ଟି୨୦ରେ ଭାରତୀୟ ଅଧିନାୟକ ବିରାଟ କୋହଲି ଓ ଉପଅଧିନାୟକ ରୋହିତ ଶର୍ମାଙ୍କ ମଧ୍ୟରେ ଛକାପଞ୍ଛା ଲାଗି ରହିଛି। ନ୍ୟୁଜିଲାଣ୍ଡ ବିପକ୍ଷ ୫ମ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *