ଅନୁଗୋଳ ଅଫିସ, ୩୦।୭ଅନୁଗୋଳ ରୋଟାରୀ କ୍ଲବ ରୟାଲର ଅଧିଷ୍ଠାନ ଉତ୍ସବ ସ୍ଥାନୀୟ ହୋଟେଲ କମଲେଶ କଣ୍ଟିନେଣ୍ଟାଲ ପରିସରରେ ଅନୁଷ୍ଠିତ ହୋଇଯାଇଛି। ପୂର୍ବତନ ସଭାପତି ପ୍ରଭାତ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପୂର୍ବତନ ଜିଲା ଗଭର୍ନର ରବି ନାରାୟଣ ନନ୍ଦ, ସମ୍ମାନିତ ଅତିଥି ଭାବେ ଜିଲା ପ୍ରକଳ୍ପ ନିର୍ଦ୍ଦେଶକ ଅତୁଲ୍ୟ କୁମାର ଚମ୍ପତିରାୟ, କ୍ଲବ ଉପଦେଷ୍ଟା ନିରୋଦ ନନ୍ଦ ପ୍ରମୁଖ ଯୋଗ ଦେଇ ଅନୁଷ୍ଠାନର ସମାଜସେବା କ୍ଷେତ୍ରକୁ ଅଧିକ ବିସ୍ତାରିତ କରିବାକୁ ଆହ୍ବାନ ଦେଇଥିଲେ। ସମ୍ପାଦକ ହରଗୋବିନ୍ଦ ମହାପାତ୍ର ବିଗତ ବର୍ଷର ଉନ୍ନୟନମୂଳକ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇଥିଲେ। ଏହି ଅବସରରେ ୨୦୧୯-୨୦ ବର୍ଷ ପାଇଁ ସଭାପତି ଭାବେ ବିଶ୍ୱଜିତ ପଟ୍ଟନାୟକ ଓ ସମ୍ପାଦକ ଭାବେ ରାଜେଶ ସରଲିଆ ଦାୟିତ୍ୱ ଗ୍ରହଣ କରିଥିଲେ। ଅନ୍ୟତମ ସମ୍ମାନିତ ଅତିଥି ଭାବେ ଜିଲା ପ୍ରକଳ୍ପ ନିର୍ଦ୍ଦେଶକ ଅମୂଲ୍ୟ କୁମାର ଚମ୍ପତିରାୟ ସମାଜରେ ଉନ୍ନୟନ ମୂଳକ କାର୍ଯ୍ୟ ପାଇଁ ପ୍ରଶାସନ ପକ୍ଷରୁ ସଙ୍ଗଠନକୁ ସବୁ ପ୍ରକାର ସହାୟତା ଯୋଗାଇଦେବେ ବୋଲି ପ୍ରତିଶ୍ରୁତି ଦେଇଥିଲେ। ସାମାଜିକ ଓ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଶ୍ରୀକାନ୍ତ ମିଶ୍ର ଓ ପ୍ରଫେସର ଶାନ୍ତନୁ କୁମାର ସରଙ୍କୁ ସମ୍ମାନିତ କରାଯାଇଥିଲା। ଗତ ଦଶମ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା ଶାଶ୍ୱତି ପ୍ରୀତିପର୍ଣ୍ଣା ଓ ସୁମିତ କୁମାରଙ୍କୁ ରକ୍ତଦାନ ଶିବିରରେ ଉଲ୍ଳେଖନୀୟ ଅବଦାନ ପାଇଁ କ୍ଲବ ପକ୍ଷରୁ ସମ୍ମାନିତ କରାଯାଇଥିଲା। ନାଲ୍କୋର ଲୋପାମୁଦ୍ରା କଅଁର, ଉର୍ମିଳା ଅଗ୍ରୱାଲ, ମମତା ଚୌଧୁରୀ, ଶିତଲ ଅଗ୍ରୱାଲଙ୍କୁ ନୂତନ ସଦସ୍ୟ ରୂପେ ଗ୍ରହଣ କରାଯାଇଥିଲା। ବାଣୀ ଦେବଙ୍କ ସମ୍ପାଦନାରେ ମୁଖପତ୍ର ଦି ରୟାଲ ଭିଜନ ଉନ୍ମୋଚିତ ହୋଇଥିଲା। ପ୍ରଭାତ କୁମାର ପଣ୍ଡା ସ୍ବାଗତ ଭାଷଣ ଓ ଉପସଭାପତି ଅଶୋକ ମାଣ୍ଡଠିଆ ଧନ୍ୟବାଦ ଦେଇଥିଲେ। ମଧୁ ଗୁପ୍ତା ଓ ଅମ୍ବିକା ପ୍ରସାଦ ସାହୁ କାର୍ଯ୍ୟକ୍ରମ ସଂଯୋଜନା କରିଥିଲେ। ବିଚ୍ଛନ୍ଦ ଚରଣ ପ୍ରଧାନ, ବିଶ୍ୱଜିତ ସାମଲ, ମାଇକେଲ ଜନ, ସୌମ୍ୟକାନ୍ତ ବିଶୋଇ, ଶଶାଙ୍କ ଶେଖର ସାହୁ, ମୁରାଲୀଲାଲ ଅଗ୍ରୱାଲ, ନାରାୟଣ ରଥ ପ୍ରମୁଖ ସହଯୋଗ କରିଥିଲେ।
