ଲକ୍ଷ୍ନୌ, ୨୪।୫: ୫୦ ବର୍ଷ ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଅଗଣାକୁ ଆସିଛନ୍ତି ତୁଳସୀ। କଂଗ୍ରେସର ଗଡ କୁହାଯାଉଥିବା ଉତ୍ତର ପ୍ରଦେଶର ଆମେଠି ଲୋକ ସଭା ଆସନରୁ ରାହୁଲଙ୍କୁ ୫୫ ହଜାର ୧୨୦ ଖଣ୍ଡ ଭୋଟରେ ପରାସ୍ତ କରି ବିଜୟ ମୁକୁଟ ପିନ୍ଧିଛନ୍ତି ଅଭିନେତ୍ରୀରୁ ରାଜନେତ୍ରୀ ପାଲଟି ଥିବା ସ୍ମୃତି ଇରାନୀ। ୨୦୧୪ରେ ଏଠାରୁ ପରାସ୍ତ ହେବା ପରେ ଦୃଢ ଆତ୍ମବିଶ୍ୱାସ ଯୋଗୁ ଏଥର ଆମେଠି ଲୋକଙ୍କ ହୃଦୟ ଜିଣି ପାରିଛନ୍ତି ସ୍ମୃତି। ୨୦୧୪ରେ ମୁଁ ହାରିବା ପରେ ମଧ୍ୟ ଜନସେବା ଜାରି ରଖିଥିଲି। ଆଜି ସେଇ ଜନତା ମୋତେ ବିଜୟର ସ୍ବାଦ ଚଖାଇଲେ ବୋଲି ସେ କହିଛନ୍ତି। ସୂଚନାଯୋଗ୍ୟ, ୨୦୦୦ ମସିହାରେ ଟିଭିରେ ପ୍ରସାରିତ ହେଉଥିବା ଲୋକପ୍ରିୟ ଧାରାବାହିକ ‘କୁଁ୍ୟ କି ଶାଶ୍ ଭି କଭି ବୋହୂ ଥୀ’ରେ ତୁଳସୀ ଭୂମିକାରେ ସ୍ମୃତି ଇରାନୀ ଘରେ ଘରେ ପରିଚିତ ହୋଇଥିଲେ।
