ରାଜସ୍ବ ବିଭାଗରେ ମୋ’ ସରକାର ବିଫଳ: ବନ୍ଦ ହେଉନି ମେଶିନରେ ବାଲି ଉତ୍ତୋଳନ, ଜୀବିକା ହରାଉଛନ୍ତି ଶ୍ରମିକ

ଯାଜପୁର ଅଫିସ,୮।୩: ରାଜସ୍ବ ଓ ପ୍ରାକୃତିକ ବିପଯର୍ର୍‌ୟୟ ପରିଚାଳନା (ଆରଆଣ୍ଡଡିଏମ୍‌) ବିଭାଗ ଗତ ୨୬ତାରିଖଠାରୁ ମୋ’ସରକାର କାର୍ଯ୍ୟକ୍ରମରେ ଅନ୍ତର୍ଭୁକ୍ତ ହୋଇଛି। ହେଲେ ଏଯାଏ ମୋ’ ସରକାର ଯୋଜନାର ତାତ୍ପର୍ଯ୍ୟ ଯାଜପୁର ଜିଲା ରାଜସ୍ବ ବିଭାଗର ତହସିଲ କାର୍ଯ୍ୟଳୟଗୁଡ଼ିକୁ ପହଞ୍ଚି ପାରିନାହିଁ। ମୋ’ସରକାର କାର୍ଯ୍ୟକ୍ରମରେ ଜନସାଧାରଣ ହେଉଛନ୍ତି ଗଣତନ୍ତ୍ରର ଆମତ୍ା ବୋଲି ଅଭିହିତ କରାଯାଇଛି। କିନ୍ତୁ ଜିଲାର ବ୍ୟାସନଗର ତହସିଲ ଅନ୍ତର୍ଗତ ବୈତରଣୀ ନଦୀର ସାଆଁଳ ମୌଜାର ୧୨.୫୦ ଏକର ପରିମିତ ଅଞ୍ଚଳରେ ମେଶିନ ଦ୍ୱାରା ବାଲି ଉତ୍ତୋଳନ ବନ୍ଦ ହେଉନି। ଶ୍ରମିକ ନିୟୋଜନ କରି ହାତରେ ବାଲି ଉତ୍ତୋଳନ ପାଇଁ ଲିଜ୍‌ ଦିଆଯାଇଥିବାବେଳେ ମେଶିନ ଲଗାଇ ଶ୍ରମିକଙ୍କ ପେଟରେ ଲାତ ମରାଯାଉଛି। ଏଠାରେ ଜନସାଧାରଣ ଗଣତନ୍ତ୍ରର ଆମତ୍ା ନୁହେଁ ବରଂ ତହସିଲ ଅଧିକାରୀ ଓ ଜନପ୍ରତିନିଧି ବାଲି ମାଫିଆଙ୍କ ଆମତ୍ା ହୋଇଛନ୍ତି ବୋଲି ଆଲୋଚନା ହେଉଛି।

୨୦୧୭ରେ ବାଲି ଖାଦାନ ଓ ପରିବହନରେ ପ୍ରଭାବିତ ସାଆଁଳା ଓ ଆଖପାଖ ଗ୍ରାମବାସୀ ବ୍ୟାସନଗର ତହସିଲଦାରଙ୍କ ସମେତ ଉପଜିଲାପାଳ, ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ। ହେଲେ ସମ୍ପୃକ୍ତ ବାଲି ବ୍ୟବସାୟୀଙ୍କ କବ୍‌ଜାରେ ଜିଲା ରାଜସ୍ବ ବିଭାଗର ଅଧିକାଂଶ ଅଧିକାରୀ ଛନ୍ଦି ହୋଇଥିବାରୁ କୌଣସି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ହେଲା ନାହିଁ। ଏହାପରେ ସାଆଁଳା ଗ୍ରାମବାସୀ ଜାତୀୟ ଗ୍ରୀନ ଟ୍ରିବ୍ୟୁନାଲ(ଏନ୍‌ଜିଟି)ର ଦ୍ୱାରସ୍ଥ ହୋଇଥିଲେ। ତଥାପି ଏହି ବାଲି ବ୍ୟବସାୟରେ ସମ୍ପୃକ୍ତ ଅଧିକାରୀମାନେ ଚୂପ ହୋଇ ରହିଛନ୍ତି। ଅନ୍ୟପକ୍ଷେ ବାଲି ଲିଜ୍‌ଧାରୀ ଗାଡ଼ି ମାଲିକଙ୍କଠାରୁ ନିର୍ଦ୍ଧାରିତ ଦରଠାରୁ ଦୁଇଗୁଣରୁ ଊର୍ଦ୍ଧ୍ୱ ଟଙ୍କା ନେଉଛନ୍ତି। ଟିପ୍ପର ଗାଡ଼ିରେ ବାଲି ସିଏମ୍‌ ପ୍ରତି ୩୬ ଟଙ୍କା ଦର ନିର୍ଦ୍ଧାରିତ ହୋଇଛି। ଫଳରେ ୬ସିଏମ୍‌ ବାଲି ପରିବହନ ପାଇଁ ୨୧୬ ଟଙ୍କା, ଲୋଡିଂ ବାବଦକୁ ୨୦୦ ଟଙ୍କା, କଣ୍ଟ୍ରାକ୍ଟର ଲାଭ ୧୨ପ୍ରତିଶତ ଅନୁସାରେ ୫୦ ଟଙ୍କା ଭାବେ ସମୁଦାୟ ୪୬୬ ଟଙ୍କା ହେବା କଥା। କିନ୍ତୁ ଠିକାଦାର ୪୬୬ଟଙ୍କା ପରିବର୍ତ୍ତେ ୧୦୦୦ ଟଙ୍କା ଦର ନେଉଛନ୍ତି। ସେହିପରି ହାଇୱାରେ ସିଏମ୍‌ ପ୍ରତି ବାଲି ମୂଲ୍ୟ ୩୬ ଟଙ୍କା ହିସାବରେ ୧୪ ସିଏମ୍‌କୁ ୫୦୪ ଟଙ୍କା, ଲୋଡିଂ ବାବଦକୁ ୪୦୦ ଟଙ୍କା ଓ କଣ୍ଟ୍ରାକ୍ଟର ଲାଭ ୧୨ ପ୍ରତିଶତ ଅନୁସାରେ ୧୦୮ ଟଙ୍କା ଭାବେ ମୋଟ ୧୦୧୨ ଟଙ୍କା ହେବା କଥା। କିନ୍ତୁ ହାଇୱା ଗାଡ଼ି ପ୍ରତି ଠିକାଦାର ୨୫୦୦ ଟଙ୍କା ନେଉଛନ୍ତି। ଏନେଇ ଗ୍ରାମବାସୀ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ(କେଶ ନମ୍ବର-୧୬୨/୨୦୧୬/ଇଜେଡ) ଏକ ମାମଲା ରୁଜୁ କରିଥିଲେ। ହେଭି ଭେଇକିଲ ଓ ମେଶିନ ସହାୟତାରେ ବାଲି ଉତ୍ତୋଳନ ନ କରି ମାନୁଆଲ ବାଲି ଉତ୍ତୋଳନ କରିବାକୁ ଏନ୍‌ଜିଟି ପକ୍ଷରୁ ନିର୍ଦ୍ଦେଶ ହୋଇଥିଲା। ଆଇନର ଉଲ୍ଲଂଘନ କରୁଥିବା ଲିଜ୍‌ଧାରୀଙ୍କ ବିରୋଧରେ ଆବଶ୍ୟକ ପଦକ୍ଷେପ ନେବାକୁ ପରାମର୍ଶ ଦିଆଯାଇଥିଲା। କିନ୍ତୁ ଏଠାରେ ରାଜସ୍ବ, ପୋଲିସ ପ୍ରଶାସନ ଓ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଏସ୍‌ପିସିବି) କର୍ତ୍ତୃପକ୍ଷ ଏନ୍‌ଜିଟି ନିର୍ଦ୍ଦେଶକୁ ଭୃକ୍ଷେପ କରି ନାହାନ୍ତି। ୨ଦିନ ତଳେ ବ୍ୟାସନଗର ତହସିଲଦାର ୧୬ନମ୍ବର ଜାତୀୟ ରାଜପଥ, ଷଠିପୁର ଆଦି ସ୍ଥାନରେ ଚଢ଼ାଉ କରି ବାଲି, ମୋରମ, ଚିପ୍ସ ବୋଝେଇ ଗାଡ଼ିଗୁଡିକ ଜବତ କରି ଜରିମାନା ଆଦାୟ କରିଥିଲେ। କିନ୍ତୁ ମେଶିନ ସହାୟତାରେ ବେଆଇନ ଭାବେ ବାଲି ଉତ୍ତୋଳନ ହେଉଥିବା ସାଆଁଳା ଘାଟରେ ତହସିଲଦାରଙ୍କ ଦୃଷ୍ଟି ପଡ଼ିନି। ମୋ’ ସରକାର କାର୍ଯ୍ୟକ୍ରମ ଅନୁସାରେ ଗଣତନ୍ତ୍ରରେ ପ୍ରତିଟି ଅନୁଷ୍ଠାନ ଲୋକଙ୍କ କଲ୍ୟାଣ ପାଇଁ, ଲୋକଙ୍କ ପଇସାରେ, ଲୋକଙ୍କ ସେବା ଓ ସଶକ୍ତିକରଣ ପାଇଁ ସୃଷ୍ଟି କରାଯାଇଛି। ଲୋକମାନେ ହିଁ ପ୍ରକୃତ ମାଲିକ। ତହସିଲ କାର୍ଯ୍ୟାଳୟକୁ ଆସୁଥିବା ପ୍ରତ୍ୟେକ ବ୍ୟକ୍ତିଙ୍କୁ ଉତ୍ତମ ବ୍ୟବହାର ପ୍ରଦର୍ଶନ କରାଯିବା ସହ ବୃତ୍ତିଗତ ଏବଂ ସେବା ମନୋଭାବ ନେଇ ସେମାନଙ୍କ ସମସ୍ୟା ସମାଧାନ ପାଇଁ ପଦକ୍ଷେପ ଗ୍ରହଣ କରାଯିବ। ହେଲେ ବାଲି ବ୍ୟବସାୟୀଙ୍କ ସ୍ବାର୍ଥକୁ ଏଠାରେ ଅଧିକ ଗୁରୁତ୍ୱ ଦିଆଯାଇ ତହସିଲ କର୍ତ୍ତୃପକ୍ଷ ଐତିହାସିକ ମୋ’ ସରକାର କାର୍ଯ୍ୟକ୍ରମକୁ ଭୁଲି ଯାଇଛନ୍ତି। ଏସଂକ୍ରାନ୍ତରେ ବ୍ୟାସନଗର ତହସିଲର ଭାରପ୍ରାପ୍ତ ତହସିଲଦାର ଜ୍ୟୋତିକାନ୍ତ ଭୂଜବଳଙ୍କୁ ପଚାରିବାରେ, ସାଆଁଳା ବାଲିଘାଟରେ ଚଢ଼ାଉ କରାଯାଇ ୪ଟି ଗାଡ଼ି ଜବତ କରିବା ସହ ଜରିମାନା ଆଦାୟ ହେଉଛି। ମେଶିନ ଦ୍ୱାରା ଯଦି ବାଲି ଉତ୍ତୋଳନ ହେଉଥିବା ଏହାର ତଦନ୍ତ କରି ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ଭୂଜବଳ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟୋଲ୍‌ଗେଟ୍‌କୁ ନେଇ ବଢ଼ିଲା ଅସନ୍ତୋଷ

ବାରିପଦା ଅଫିସ,୮।୪- ମୟୂରଭଞ୍ଜ ଜିଲା ଦେଇ ଯାଇଥିବା ୧୮ ଓ ୪୯ନଂ. ଜାତୀୟ ରାଜପଥର ୩ଟି ସ୍ଥାନରେ ଟୋଲଗେଟ୍‌ ନିର୍ମାଣ ପରେ ଶୁଳ୍କ ଆଦାୟ ଆରମ୍ଭ...

ଗୋଚର ଜମିରେ ଫରେଷ୍ଟ କ୍ବାର୍ଟର୍ସ ନିର୍ମାଣ

ରଗଡି,୯ା୪(ଡି.ଏନ.ଏ.): କଟକ ବନଖଣ୍ଡ ଯାଜପୁର ରୋଡ୍‌ ରେଞ୍ଜ ପଛିକୋଟ ଡିପିଏଫ ଅଧୀନ ରଗଡ଼ି ବିଟ୍‌ ନିକଟରେ ସଂରକ୍ଷିତ ଗୋଚର ଜମି(ଖାତା ନଂ. ୩୯୩ ପ୍ଲଟ ସଂଖ୍ୟା...

ମଙ୍ଗଳାବାଗସ୍ଥିତ ଶ୍ରୀ ଗୋପାଳ ମେଡିସିନ ଆଣ୍ଡ ସର୍ଜିକାଲ ଗୋଦାମରେ ନିଆଁ: ପୋଡ଼ିଗଲା ୬୦ ଲକ୍ଷ ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ସାମଗ୍ରୀ

କଟକ ଅଫିସ, ୩୦।୧୧- ମଙ୍ଗଳାବାଗ ଥାନାଠୁ ମାତ୍ର ଶହେ ମିଟର ଦୂରରେ ଥିବା ଶ୍ରୀଗୋପାଳ ମେଡିସିନ୍‌ ଆଣ୍ଡ ସର୍ଜିକାଲ ଗୋଦାମରେ ଶନିବାର ଅଗ୍ନିକାଣ୍ଡ ଘଟିଛି। ଏହି...

ଘରୁ ୮୦ ହଜାର ଟଙ୍କା ସହ ସୁନା ଅଳଙ୍କାର ଚୋରି

ଭଣ୍ଡାରିପୋଖରୀ, ୧୮।୫ (ଡି.ଏନ.ଏ.) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ମଞ୍ଜୁରୀରୋଡ ଫାଣ୍ଡି ଅନ୍ତର୍ଗତ ନାଆଁମୀ ପଞ୍ଚାୟତ ନାୟକସାହିର କିଶୋର ନାୟକଙ୍କ ଘରୁ ଗତ ୧୧...

ଆରମ୍ଭ ହେଲା ଦେବଗଡ ପୌରାଞ୍ଚଳରେ ସାନିଟାଇଜ କାର୍ଯ୍ୟକ୍ରମ

ଦେବଗଡ, ୯ା୪(ଡି.ଏନ.ଏ.) କରୋନା ସଂକ୍ରମଣକୁ ରୋକିବା ପାଇଁ ବୁଧବାର ଦେବଗଡ ପୌର ପରିଷଦ ପକ୍ଷରୁ ଅଗ୍ନିଶମ ବାହିନୀ ସହାୟତାରେ ପୌରାଞ୍ଚଳର ମୁଖ୍ୟ ଅଞ୍ଚଳଗୁଡିକୁ ଜୀବାଣୁ ମୁକ୍ତ...

ସାଢେ ୬ ମାସ ପରେ ପୁରୀରେ ପଜିଟିଭ ଶୂନ

ପୁରୀ ଅଫିସ,୩୦ା୧୧: ଦୀର୍ଘ ସାଢ଼େ ୬ମାସ ପରେ ପୁରୀ ସହରର ଦୈନିକ କରୋନା ପଜିଟିଭ ସଂଖ୍ୟା ଶୂନ ରହିଛି। ରବିବାର ପୁରୀ ଜିଲାରୁ ୧୫ଜଣ ନୂଆ...

୨ ନାଲ୍‌କୋ ଅଧିକାରୀଙ୍କ ପଦୋନ୍ନତି

ବଅଁରପାଳ,୯ା୯(ଡି.ଏନ.ଏ.)- ନାଲ୍‌କୋ ସିପିପି ପ୍ଲାଣ୍ଟରେ କାର୍ଯ୍ୟରତ ୨ ଅଧିକାରୀଙ୍କ ପଦୋନ୍ନତି ହୋଇଥିବା ଜଣାପଡିଛି। ନାଲ୍‌କୋ କର୍ତ୍ତୃପକ୍ଷଙ୍କ ପକ୍ଷରୁ ଏହି ପଦୋନ୍ନତି ଦିଆଯାଇଛି। ନାଲକୋ ସିପିପି ଅପରେଶନ...

ନନ୍ଦନକାନନରେ ପ୍ରଥମଥର ହେବ ଇଣ୍ଟର୍ନଶିପ ପ୍ରୋଗ୍ରାମ

ବାରଙ୍ଗ,୧୬।୭(ଡି.ଏନ୍‌.ଏ): ଜୀବଜନ୍ତୁ, ବୃକ୍ଷଲତା, ଆର୍ଦ୍ରଭୂମି ଓ ପରିବେଶ ଉପରେ ଦେଶ-ବିଦେଶର ସ୍ବୀକୃତିପ୍ରାପ୍ତ ମହାବିଦ୍ୟାଳୟ ଓ ବିଶ୍ବବିଦ୍ୟାଳୟ ସ୍ନାତକୋତ୍ତର ଓ ପୋଷ୍ଟ ଗ୍ରାଜୁଏଟ କରିବାକୁ ଚାହୁଁଥିବା ଛାତ୍ରୀଛାତ୍ରମାନେ...

Advertisement
Archives

Model This Week