ରାଜସ୍ବ ଆଦାୟ ନେଇ ବିଏମ୍‌ସିର କଡ଼ା ଆଭିମୁଖ୍ୟ: ରାଜସ୍ବ ଆଦାୟ କରି ନ ପାରିଲେ ବେତନ ହେବ ବନ୍ଦ

ଭୁବନେଶ୍ୱର,୨୧।୨(ବ୍ୟୁରୋ): ରାଜସ୍ବ ଆଦାୟ ସନ୍ତୋଷଜନକ ନ ହେଲେ କର୍ମଚାରୀଙ୍କ ବେତନ ବନ୍ଦ ହେବ। ରାଜସ୍ବ ଆଦାୟ ନେଇ ଏପରି କଡ଼ା ଆଭିମୁଖ୍ୟ ନେଇଛି ଭୁବନେଶ୍ୱର ମହାନଗର ନିଗମ (ବିଏମ୍‌ସି)। ରାଜସ୍ବ ଆଦାୟରେ ରହିଥିବା ନୀତିନିୟମ, ସମୟ, ଆକଳନ ବ୍ୟବସ୍ଥା ଏବଂ ସର୍ବୋପରି ଆଦାୟ ଦାୟିତ୍ୱ ନ୍ୟସ୍ତ ରହିଥିବା କର୍ମଚାରୀ ଓ ଅଧିକାରୀଙ୍କ ତପତ୍ରତାକୁ ଗୁରୁତ୍ୱ ଦେଇ ବିଏମ୍‌ସି କମିଶନର ପ୍ରେମଚନ୍ଦ୍ର ଚୌଧାରୀ ଏହା କହିଛନ୍ତି। ବିଏମ୍‌ସି କମିଶନର ଚୌଧାରୀଙ୍କ ଅଧ୍ୟକ୍ଷତାରେ ହୋଇଥିବା ରାଜସ୍ବ ଆଦାୟ ଜନିତ ସମୀକ୍ଷା ବୈଠକରେ କେତେକ ଦୃଢ ନିଷ୍ପତ୍ତି ନିଆଯାଇଥିବା ଗୁରୁବାର ବିଏମ୍‌ସି ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ ପ୍ରକାଶ ପାଇଛି।
ରାଜସ୍ବ ଆଦାୟରେ ସମ୍ପୃକ୍ତ ସମସ୍ତ କର୍ମଚାରୀ ଓ ଅଧିକାରୀଙ୍କୁ ରାଜସ୍ବ ଆଦାୟରେ ସମୟାନୁବର୍ତ୍ତିତା, ସ୍ବଚ୍ଛତା ରଖିବାକୁ ବାରମ୍ବାର ଚେତାବନୀ ଦିଆଯାଇଥିଲା। ଏତେ ସତ୍ତ୍ୱେ ରାଜସ୍ବ ଆଦାୟ ଆଶା ତଥା ଲକ୍ଷ୍ୟ ମୁତାବକ ହେଉନାହିଁ। ପୁନଃ ଆକଳନ ତଥା ନୂଆ ଆକଳନରେ କାର୍ଯ୍ୟକାରିତା ଦୃଷ୍ଟାନ୍ତଯୋଗ୍ୟ ହେଉନାହିଁ। ଫଳରେ ବିଏମ୍‌ସି ପକ୍ଷରୁ ଏପରି ସ୍ବତନ୍ତ୍ର ପଦକ୍ଷେପ ନିଆଯିବାକୁ ନିଷ୍ପତ୍ତି ନିଆଯାଇଛି ବୋଲି କମିଶନର ଚୌଧାରୀ କହିଛନ୍ତି। ତେଣୁ ରାଜସ୍ବ ଆଦାୟରେ ସମ୍ପୃକ୍ତ ୱାର୍ଡ ଅଫିସର ଏବଂ ୱାର୍ଡ ସୁପରଭାଇଜରଙ୍କର ଦୈନିକ ସମୀକ୍ଷା କରିବାକୁ ନିର୍ଦ୍ଦେଶ ଦିଆଯାଇଛି। ସମୀକ୍ଷାରେ ନୂଆ ଆକଳନ, ରାଜସ୍ବ ଆଦାୟ ଏବଂ ଅନ୍‌ଲାଇନ୍‌ ଏଣ୍ଟ୍ରିକୁ ବିଚାରକୁ ନିଆଯିବ। ଦାୟିତ୍ୱରେ ଥିବା ୱାର୍ଡ ଅଫିସର ଏହା ସତ୍ତ୍ୱେ ଯଦି ନିଜର କାର୍ଯ୍ୟକାରିତା ପ୍ରମାଣ କରି ନ ପାରନ୍ତି ଏବଂ ତାଙ୍କର ରାଜସ୍ବ ଆଦାୟ ସନ୍ତୋଷଜନକ ନ ହୁଏ ତେବେ ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଫେବୃୟାରୀ ଓ ମାର୍ଚ୍ଚରେ ସେମାନଙ୍କ ବେତନ ବନ୍ଦ ହେବ ବୋଲି ଚେତାଇ ଦିଆଯାଇଛି।
ସେହିପରି କେନ୍ଦ୍ର ଓ ରାଜ ସରକାର ଗୃହଗୁଡ଼ିକର ବକେୟା ବାବଦରେ ଆଲୋଚନା କରାଯାଇ ଏହାର ତୁରନ୍ତ ବିବରଣୀ ଦେବାକୁ ସମସ୍ତ ଜୋନାଲ୍‌ ଡେପୁଟି କମିଶନର ଏବଂ ଡେପୁଟି କମିଶନର ରାଜସ୍ବଙ୍କୁ କୁହାଯାଇଛି। ଏହା ସାଙ୍ଗକୁ ସମସ୍ତ ବ୍ୟବସାୟିକ, ରେଣ୍ଟାଲ୍‌ ଏବଂ ବଡ଼ ଆପାର୍ଟମେଣ୍ଟର ପରିସରକୁ ପୁଣି ଆକଳନ କରି ଯଥାଶୀଘ୍ର ବକେୟା ରାଜସ୍ବ ଆଦାୟ କରିବାକୁ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି। ବିଡିଏ ପ୍ଲାନ୍‌ ଅନୁମୋଦନ ଆଧାରରେ ସମସ୍ତ ଚନ୍ଦକା ଏବଂ ମଞ୍ଚେଶ୍ୱର ଅଞ୍ଚଳରେ ଥିବା ଗୃହର ପୁନଃ ଆକଳନ କରି ବକେୟା ଏବଂ ବର୍ତ୍ତମାନର ଟିକସ ପରିମାଣକୁ ସ୍ଥିର କରିବାକୁ କୁହାଯାଇଛି। ଅନୁରୂପ ଭାବେ ଇନ୍ଦ୍ରଧନୁ ମାର୍କେଟର ହୋଲ୍ଡିଂ ଟ୍ୟାକ୍ସ ଆଦାୟ ପାଇଁ ଗୁରୁତ୍ୱ ଦିଆଯିବା ସହ ବକେୟା ଆଦାୟ କରିବାକୁ ସମ୍ପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି।
ଅନ୍ୟପକ୍ଷେ, ପ୍ରପର୍ଟି ଡେଭେଲପରଙ୍କର ଏନ୍‌ଓସି ବାବଦକୁ ବିଏମ୍‌ସିକୁ ପ୍ରାୟ ୩୦ କୋଟି ଟଙ୍କା ଦେବାକୁ ଥିବାବେଳେ ଏନ୍‌ଓସି ଶୁଳ୍କ ନ ଦେଇ ଉକ୍ତ ବିଲ୍‌ଡରମାନେ ଘର ବିକ୍ରି କରିଥିବା ବିଏମ୍‌ସି ନଜରକୁ ଆସିଛି। ଏଥିପାଇଁ ବିଏମ୍‌ସି ସିଟି ଇଞ୍ଜିନିୟର ଦେବସୁନ୍ଦର ମହାପାତ୍ରଙ୍କୁ ନିର୍ଦ୍ଦେଶ ଦିଆଯାଇଛି। ବେଆଇନ ଭାବେ ଉକ୍ତ ବିଲ୍‌ଡରମାନେ ବିକ୍ରି କରି ଦେଇଥିବା ଘରକୁ ସିଲ୍‌ କରିବାକୁ ନିର୍ଦ୍ଦେଶ ଦିଆଯାଇଛି। ସେହିପରି କଲ୍ୟାଣ ମଣ୍ଡପଗୁଡିକ ଆବଶ୍ୟକତା ଅନୁଯାୟୀ ଆଇନଗତ ବ୍ୟବସ୍ଥାକୁ ପୂରଣ କରି ନ ଥିଲେ ସେମାନଙ୍କୁ ଟ୍ରେଡ ଲାଇସେନ୍ସ ନ ଦେବାକୁ ଜୋନାଲ୍‌ କମିଶନରଙ୍କୁ କୁହାଯାଇଛି। ଅନ୍ୟପକ୍ଷେ ବିଏମ୍‌ସି ଅଧୀନରେ କାର୍ଯ୍ୟରତ ‘ମିଶ୍‌ ସରକାର’ ଯିଏ କି ନାଗରିକଙ୍କ ଟ୍ରେଡ ଲାଇସେନ୍ସ କରାଇବା ସହ ଲାଇସେନ୍ସ ଫି ଆଦାୟ କରେ ତା’କୁ ସନ୍ତୋଷଜନକ କରାଇବାକୁ ତାଗିଦ୍‌ କରାଯାଇଛି। ନିର୍ଦ୍ଧାରିତ ସମୟସୀମା ମଧ୍ୟରେ ଏହାକୁ କାର୍ଯ୍ୟକାରୀ କରାଇବା ସହ ରାଜସ୍ବ ଆଦାୟରେ ସ୍ବଚ୍ଛତା ବଜାୟ ରଖିବାକୁ ବିଏମ୍‌ସି ପକ୍ଷରୁ କୁହାଯାଇଛି।

ବେଆଇନ ପାର୍କିଂ ଆଦାୟ କରି ଜେଲ ଗଲେ ୨ ଅଭିଯୁକ୍ତ
ରାଜଧାନୀରେ ବିଭିନ୍ନ ସ୍ଥାନରେ ମାଳମାଳ ଜାଲ ରସିଦ ବଳରେ ପାର୍କିଂ ଆଦାୟ କରାଯାଉଛି। କ୍ୟାପିଟାଲ ଥାନା ଅଞ୍ଚଳରେ ଲୋକମାନଙ୍କୁ ଗାଳିଗୁଲଜ କରି ବଳପୂର୍ବକ ବେଆଇନ ପାର୍କିଂ ଆଦାୟ କରୁଥିବା ୨ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଏୟାରଫିଲ୍ଡ ଥାନା ଅନ୍ତର୍ଗତ କେଳାସାହି ବସ୍ତି ଅଞ୍ଚଳରେ ରହୁଥିବା ପ୍ରସନ୍ନଜିତ ଦାସ ଅଧିକାରୀ ଓ ଚନ୍ଦନ ସାହୁ।
ପୋଲିସ ସୂଚନା ମୁତାବକ ୨ ଅଭିଯୁକ୍ତ ଆଉ କିଛି ଯୁବକଙ୍କ ସହ ମିଶି ବେଆଇନ ଭାବେ ଅଶୋକନଗର, ମାର୍କେଟ ବିଲ୍ଡିଂ ଓ ବାପୁଜୀନଗର ଅଞ୍ଚଳରେ ପାର୍କିଂ ଆଦାୟ କରୁଥିଲେ। ଅନେକ ସ୍ଥାନରେ ପାର୍କିଂ ଅବଧି ସରିଯାଇଛି। ବାହାରୁ ନୂଆକରି ଉକ୍ତ ସ୍ଥାନକୁ ଆସୁଥିବା ଲୋକଙ୍କୁ ଡରାଇ ଧମକାଇ ପାର୍କିଂ ଆଦାୟ କରୁଥିଲେ। ବୁଧବାର ଅପରାହ୍ନରେ ଅଶୋକନଗର ଅଞ୍ଚଳରେ ରହୁଥିବା ରାଜକିଶୋର ସାହୁ ତାଙ୍କ ଘର ନିକଟ ଏକ ଜୋତା ଶୋ’ ରୁମ ନିକଟରେ ବାଇକ୍‌ ପାର୍କିଂ କରୁଥିଲେ। ୨ ଅଭିଯୁକ୍ତ ପ୍ରସନ୍ନଜିତ ଓ ଚନ୍ଦନ ତାଙ୍କୁ ବାଇକ ପାର୍କିଂ ନେଇ ରସିଦ ଦେବା ସହ ଟଙ୍କା ଦେୟ ମାଗିଥିଲେ। ମାତ୍ର ରାଜକିଶୋର ଉକ୍ତ ସ୍ଥାନରେ ପାର୍କିଂ ଅବଧି ନ ଥିବା ଜାଣି ତାଙ୍କୁ ପାର୍କିଂ ଦେୟ ଦେଇ ନ ଥିଲେ। ଫଳରେ ୨ ଅଭିଯୁକ୍ତ ତାଙ୍କୁ ଖରାପ ଭାଷାରେ ଗାଳିଗୁଲଜ କରି ଜବରଦସ୍ତ ଦେୟ ମାଗିଥିଲେ। ଏଥିରେ ଅତିଷ୍ଠ ହୋଇ ରାଜକିଶୋର କ୍ୟାପିଟାଲ ଥାନାରେ ଅଭିଯୋଗ ପରେ ପୋଲିସ ନଂ. ୮୪/୨୦ରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା। ବୁଧବାର ୨ ଅଭିଯୁକ୍ତଙ୍କୁ ପୋଲିସ ଥାନାକୁ ଆଣି ଯାଞ୍ଚ ପରେ ଜାଲ ରସିଦରେ ବଳପୂର୍ବକ ଟଙ୍କା ଆଦାୟ ହେଉଥିବା ଜଣାପଡିଥିଲା। ପୋଲିସ ଅଭିଯୁକ୍ତଙ୍କୁ ଗିରଫ କରିବା ସହ ପଚରା ଉଚରା କରି ଗୁରୁବାର କୋର୍ଟ ଚାଲାଣ କରିଥିଲା। ସେମାନଙ୍କ ଜାମିନ ନାମଞ୍ଜୁର ହେବାରୁ ଜେଲ ଯିବାକୁ ପଡିଛି।


Enter your email to get our daily news in your inbox.

All Right Reserved By Dharitri.Com

ସରକାରୀ କର୍ମଚାରୀଙ୍କ ଏସବୁ କାର୍ଯ୍ୟ ଉପରେ ଲାଗିଲା କଟକଣା

ଭୁବନେଶ୍ୱର,୭।୭(ବ୍ୟୁରୋ): ସରକାରୀ କର୍ମଚାରୀ ଓ ଠିକା କର୍ମଚାରୀଙ୍କ ଉପରେ ନୂଆ କଟକଣା ଲାଗୁ କରାଯାଇଛି। ବିଶେଷକରି ଗଣମାଧ୍ୟମକୁ ପ୍ରେସ୍‌ ରିଲିଜ ବା ମତାମତ ଦେବା ଉପରେ...

ବର୍ଜ୍ୟ ପରିଚାଳନା ପାଇଁ କରିବେ ସଚେତନ

ଭୁବନେଶ୍ୱର, ୧ା୧୨(ବ୍ୟୁରୋ) ମାଇକ୍ରୋ କମ୍ପୋଷ୍ଟିଂ ସେଣ୍ଟର (ଏମ୍‌ସିସି)ରେ ନିୟୋଜିତ ସ୍ବଚ୍ଛସାଥୀମାନଙ୍କୁ ଶୁକ୍ରବାର ବିଏମ୍‌ସି ଉତ୍ତର ଜୋନାଲ ଅଫିସ୍‌ରେ ତାଲିମ ଦିଆଯାଇଛି। ୧୧ଟି ଓ୍ବାର୍ଡରୁ ୩୮ ଜଣ...

ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା

ଭୁବନେଶ୍ୱର,୭।୧(ବ୍ୟୁରୋ): ରାଜ୍ୟରେ ଶୁକ୍ରବାର କରୋନା ଜଣଙ୍କ ଜୀବନ ନେଇଛି। ଏଥିସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୮ ହଜାର ୪୬୮କୁ ବୃଦ୍ଧି ପାଇଛି। କେବଳ ଖୋର୍ଦ୍ଧା...

ଭୁବନେଶ୍ୱରୁ ଆଜି ପୁଣି ୨୭୧ ପଜିିଟିଭ୍‌ ଚିହ୍ନଟ: ଲୋକାଲ କେସ୍‌ ସଂଖ୍ୟା ଅଧିକ

ଭୁବନେଶ୍ୱର,୧୨।୧୦(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ରବିବାର ଆଉ ୨୭୧ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ୱାରାଣ୍ଟାଇନ୍‌ରୁ ୬୮ ଜଣ ରହିଥିବା ବେଳେ ଲୋକାଲ କେସ୍‌...

ନିଜ ନିଷ୍ପତ୍ତିରୁ ଓହରିଲେ ରାଜ୍ୟ ସରକାର: ମାଷ୍ଟରକ୍ୟାଣ୍ଟିନ ଛକରୁ ସ୍ଥାନାନ୍ତର ହେବନି ଐତିହ୍ୟ ଘୋଡ଼ା

ଭୁବନେଶ୍ୱର,୨୭।୭(ବ୍ୟୁରୋ): ସ୍ଥାନାନ୍ତର ହେବ ନାହିଁ ମାଷ୍ଟରକ୍ୟାଣ୍ଟିନ୍‌ ଛକରେ ଶୋଭା ପାଉଥିବା ସ୍ଥାପତ୍ୟ ଘୋଡ଼ା। ବହୁ ବିବାଦ ଏବଂ ସମାଲୋଚନାର ଶିକାର ହେବା ପରେ ରାଜ୍ୟ ସରକାର...

ଆସୁଛି ଲଘୁଚାପ

ଭୁବନେଶ୍ୱର,୧୫।୮(ବ୍ୟୁରୋ): ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ଏକ ବାତ୍ୟା ବଳୟ ସୃଷ୍ଟି ହୋଇଛି । ଏହା ୧୭ ତାରିଖ ସୁଦ୍ଧା ଲଘୁଚାପରେ ପରିଣତ ହେବ ବୋଲି ଭାରତୀୟ ପାଣିପାଗ...

ସମୀରଙ୍କ ହାଟ୍ରିକ ବିଜୟ: କହିଲେ ଅଞ୍ଚଳର ବିକାଶ ମୋର ପ୍ରାଥମିକତା

ପୁରୀ ଅଫିସ, ୨୪।୫: ଜଗତ୍‌ସିଂହପୁର ଲୋକ ସଭା ଆସନ ଅନ୍ତର୍ଗତ ନିମାପଡ଼ା ବିଧାନସଭା ଆସନରୁ ବିଜେଡ଼ି ପ୍ରାର୍ଥୀ ସମୀର ରଞ୍ଜନ ଦାସ ବିଜୟୀ ହୋଇଛନ୍ତି। ସେ...

ଦିଲ୍ଲୀ ବିମାନବନ୍ଦରରେ ପ୍ରଦୂଷଣ : ୪ ଏୟାର ଇଣ୍ଡିଆ ବିମାନ ବାତିଲ୍‌, ୧୨ଟିର ପଥ ପରିବର୍ତ୍ତନ

ଭୁବନେଶ୍ୱର,୪ା୧୧(ବ୍ୟୁରୋ) : ଦିଲ୍ଲୀ ବିମାନବନ୍ଦରରେ ପ୍ରଦୂଷଣଜନିତ ଖରାପ ପାଗ ଯୋଗୁ ଏୟାର ଇଣ୍ଡିଆ ରବିବାର ୪ଟି ବିମାନ ବାତିଲ୍‌ କରିଦେଇଛି। (ଏଆଇ୪୬୭/୪୬୮) ଦିଲ୍ଲୀ-ବିଜୟଓ୍ବାଡ଼ା-ଦିଲ୍ଲୀ, (ଏଆଇ୪୭୩/୪୭୪) ଦିଲ୍ଲୀ-ଭୁବନେଶ୍ୱର-ଦିଲ୍ଲୀ,...

Advertisement
Archives

Model This Week