ରାଜଧାନୀରେ ବାହୁଡ଼ାଯାତ୍ରା

ଭୁବନେଶ୍ୱର,୧୩।୭(ବ୍ୟୁରୋ): ପୁରୀ ଶ୍ରୀମନ୍ଦିରର ରୀତିନୀତି ଅନୁଯାୟୀ ଶେଷ ହୋଇଛି ରାଜଧାନୀ ପ୍ରସିଦ୍ଧ ଇସ୍କନ ମନ୍ଦିର ରଥଯାତ୍ରା। ଆନନ୍ଦ ଉଲ୍ଲାସ ମଧ୍ୟରେ ଲକ୍ଷାଧିକ ଭକ୍ତ ଶ୍ରୀଜୀଉଙ୍କୁ ରଥରେ ବସାଇ ସ୍ବମନ୍ଦିରକୁ ନେଇଆସିଛନ୍ତି। ସକାଳ ପ୍ରାୟ ୪ଟା ୧୫ରେ ମଙ୍ଗଳଆଳତି ପରେ ୧୦ଟାରେ ରଥ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଥିଲା। ଏହାପରେ ମଧ୍ୟାହ୍ନ ୧୨ଟା ୩୦ରେ ରଥ ଉପରକୁ ତିନିଠାକୁର ପହଣ୍ଡି ବିଜେ କରିଥିଲେ। ଅପରାହ୍ନ ୨ଟାରେ ଭକ୍ତିଗୌରବ ନାରାୟଣ ସ୍ବାମୀ ମହାରାଜଙ୍କ ଦ୍ୱାରା ତିନି ରଥରେ ଛେରାପହଁରା ହେବାପରେ ୩ଟା ୩୫ରୁ ରଥଟଣା ଆରମ୍ଭ ହୋଇଥିଲା। ପ୍ରଥମେ ବଳଭଦ୍ରଙ୍କ ରଥ ଗୁଣ୍ଡିଚା ମନ୍ଦିର ଛାଡିବା ପରେ ଦେବୀ ସୁଭଦ୍ରା ଏବଂ ପରେ ବଡ଼ଠାକୁର ଘର ବାହୁଡିଥିଲେ। ସନ୍ଧ୍ୟା ୬ଟା ୩୦ ସୁଦ୍ଧା ସମସ୍ତ ରଥ ଗୁଣ୍ଡିଚା ମନ୍ଦିରରେ ପହଞ୍ଚତ୍ୟାଇଥିଲା। ଏହି ଅବସରରେ ପୋଲିସ କମିଶନର ସତ୍ୟଜିତ ମହାନ୍ତି, ଭୁବନେଶ୍ୱର-ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଓ ଉତ୍ତର ବିଧାୟକ ସୁଶାନ୍ତ ରାଉତଙ୍କ ଦ୍ୱାରା ରଥଟଣା ଶୁଭାରମ୍ଭ ହୋଇଥିଲା। ଭକ୍ତଙ୍କ ସୁରକ୍ଷା ଦୃଷ୍ଟିରୁ ୮ ପ୍ଲାଟୁନ୍‌ ପୋଲିସ୍‌ ଫୋର୍ସ ମୁତୟନ ହୋଇଥିବାବେଳେ ମହିଳାଙ୍କ ସୁରକ୍ଷା ପାଇଁ ୨୫ରୁ ଊର୍ଦ୍ଧ୍ୱ ମହିଳା କନଷ୍ଟେବଳ ନିୟୋଜିତ ହୋଇଥିଲେ। ସୋମବାର ସନ୍ଧ୍ୟା ୫ଟା ୩୦ରୁ ଶ୍ରୀଜୀଉଙ୍କ ସୁନାବେଶ ନୀତି ଅନୁଷ୍ଠିତ ହେବ। ଏଥିସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯିବ।
ବିଭିନ୍ନ ସ୍ଥାନରେ ରଥଟଣା
ଚନ୍ଦ୍ରଶେଖରପୁରସ୍ଥିତ ଆର୍‌ସିଏମ୍‌ ପରିସରରେ ଥିବା ଜଗନ୍ନାଥ ମନ୍ଦିରରେ ବାହୁଡା ଯାତ୍ରା ବେଶ୍‌ ଧୁମ୍‌ଧାମରେ ଅନୁଷ୍ଠିତ ହୋଇଥିଲା। ପ୍ରେସ୍‌ଛକସ୍ଥିତ ମାଉସୀ ମା’ ମନ୍ଦିରରୁ ତିନି ଠାକୁରଙ୍କ ପହଣ୍ଡି ପରେ ଅପରାହ୍ନରେ ରଥଟଣା ଆରମ୍ଭ ହୋଇଥିଲା। ସେହିଭଳି କିସ୍‌ ଜଗନ୍ନାଥ ମନ୍ଦିର ପକ୍ଷରୁ ବାହୁଟାଯାତ୍ରା ସମ୍ପନ୍ନ ହୋଇଛି। ହଜାର ହଜାର ଶ୍ରଦ୍ଧାଳୁ ଶିଖରଚଣ୍ଡୀ ମନ୍ଦିର ପାଦଦେଶରେ ଥିବା ଶ୍ରୀଗୁଣ୍ଡିଚା ମନ୍ଦିରରୁ ଶ୍ରୀଜୀଉଙ୍କୁ ରଥରେ ବସାଇ ସ୍ବମନ୍ଦିର ପର୍ଯନ୍ତ ଆଣିଥିଲେ। ଅପରାହ୍ନ ୩ଟା ସୁଦ୍ଧା ସମସ୍ତ ରୀତିନୀତି ଶେଷ ହେବାପରେ ରଥଟଣା କାର୍ଯ୍ୟ ଆରମ୍ଭ ହୋଇ ସନ୍ଧ୍ୟା ପୂର୍ବରୁ ରଥ ମନ୍ଦିରରେ ପହଞ୍ଚତ୍ଥିଲା। ଏହାବ୍ୟତୀତ ପଟିଆଗଡ, ୟୁନିଟ୍‌-୮ ଓୟୁଏଟି କଲୋନୀ ଜଗନ୍ନାଥ ମନ୍ଦିର, ଭିଏସ୍‌ଏସ୍‌ଏସ୍‌ ନଗର, ଶହୀଦ ନଗର, ଗାଡ଼କଣ, ବାଣୀବିହାର, ଜାଗମରା ଧର୍ମବିହାର, ସିଆରପିଏଫ୍‌ କ୍ୟାମ୍ପସ, ଡେଲ୍‌ଟା ଜଳେଶ୍ୱର ମନ୍ଦିର, ୟୁନିଟ-୫ ଜଣ୍ଡେଶ୍ୱର, ଚନ୍ଦ୍ରଶେଖରପୁର ହାଉର୍ସିଂ ବୋର୍ଡ କଲୋନୀ, ପୁରୁଣା ଭୁବନେଶ୍ୱରର ଦର୍ଜି ସାହି, ରସୁଲଗଡ, ଖଣ୍ଡଗିରି ଦିବ୍ୟ ଜୀବନ ସଂଘ, କୋଳଥିଆ, ଭରତପୁର, ଡୁମୁଡୁମା, ସତ୍ୟନଗର, ରଘୁନାଥ ନଗର, ଆଇଗିଣିଆ, ଭଗବାନପୁର, ରେତଙ୍ଗ, ରିିଜିଓନାଲ ସାଇନ୍ସ ପାର୍କ ବସ୍ତି, ରେଣ୍ଟାଲ କଲୋନୀ, ଶୈଳଶ୍ରୀ ବିହାରଠାରେ ମହାସମାରୋହରେ ବାହୁଡା ଯାତ୍ରା ଅନୁଷ୍ଠିତ ହୋଇଥିଲା।
ପୁରୁଣା ଭୁବନେଶ୍ୱର: ପୁରୁଣା ଭୁବନେଶ୍ୱର ଅଞ୍ଚଳରେ ବିଭିନ୍ନ ସ୍ଥାନରେ ଶୁକ୍ରବାର ମହାପ୍ରଭୁ ଶ୍ରୀଜଗନ୍ନାଥଙ୍କ ବାହୁଡା ଅନୁଷ୍ଠିତ ହୋଇଯାଇଛି। ରାଜଧାନୀ ଉପକଣ୍ଠ ପୂବା ଶାସନ ଗଁ।ରେ ଶ୍ରୀ ପତିତପାବନ ଜୀଉ, ନବଦିନାତ୍ମକ ଯାତ୍ରା ଶେଷ କରି ଗୋପୀନାଥଦେବ ମନ୍ଦିରରେ ପହଞ୍ଚତ୍ ଥିଲେ। ରଥରେ ପଣ୍ଡିତ ପ୍ରମୋଦ ଶତପଥୀ ଛେରାପହଁରା କରିଥିଲେ। ବଡଦାଣ୍ଡ ସାହିରେ ଶ୍ରୀଜଗନ୍ନାଥଙ୍କ ରଥଯାତ୍ରା କମିଟି ପକ୍ଷରୁ ଏବଂ ଜମ୍ବେଶ୍ୱର ପାଟଣା, ଭୀମଟାଙ୍ଗୀ ଆଦି ଅଞ୍ଚଳରେ ଶ୍ରୀଜଗନ୍ନାଥଙ୍କ ବାହୁଡା ଯାତ୍ରା ଅନୁଷ୍ଠିତ ହୋଇଯାଇଛି।
ବାଲିଅନ୍ତା: ବାଲିଅନ୍ତା ବ୍ଲକ ଅଞ୍ଚଳର ବିଭିନ୍ନ ସ୍ଥାନରେ ଶୁକ୍ରବାର ବାହୁଡ଼ା ଯାତ୍ରା ଅନୁଯାତ୍ରା ହୋଇଯାଇଛି। ବାଲିଅନ୍ତା, ଅଣ୍ଡିଲୋ, ମାଟିକୋଟ, ଅଟଳା କୋଟକଣା, ପାଟଣା, ଧବଳାହାର, ଭିଙ୍ଗାରପୁର, କେନ୍ଦୁଲି, ବେଣୁପୁର, ଖୁଣ୍ଟିଆ ସାହି ଓ ଜଗନ୍ନାଥ ଛକ ସମେତ ନହରକଣ୍ଟା ଆଦି ଗ୍ରାମରେ ବେଶ ସମାରୋହରେ ମହାପ୍ରଭୁଙ୍କ ବାହୁଡ଼ା ଯାତ୍ରା ହୋଇଯାଇଛି। ଅଟଳା କୋଟକଣା ଗ୍ରାମରେ ନିର୍ମିତ ୩ଟି ରଥକୁ ଶ୍ରଦ୍ଧାଳୁମାନେ ଟାଣି ଜଗନ୍ନାଥ ମନ୍ଦିର ପର୍ଯ୍ୟନ୍ତ ନେଇଥିଲେ। ସେହିପରି ପତିତପାବନ ବାନା ଗୋସାଇଁଙ୍କ ରଥକୁ ବେଣୁପୁର ପତି ସାହିରୁ ଟଣାଯାଇ ଖୁଣ୍ଟିଆ ସାହି ପର୍ଯ୍ୟନ୍ତ ନିଆଯାଇଥିଲା।


Enter your email to get our daily news in your inbox.

All Right Reserved By Dharitri.Com

ବମିଖାଲ ଓଭରବ୍ରିଜ୍‌ ତଳେ ଚାଲିଛି ଖୁଲମଖୁଲା ନିଶା କାରବାର: ତାରିଣୀ ମା’ ଡାକିଲେ ମିଳେ ବ୍ରାଉନ ସୁଗାର

ଭୁବନେଶ୍ୱର,,୧୭ା୧୨(ବ୍ୟୁରୋ): ନିଶା କାରବାର ରୋକିବାକୁ ପୋଲିସ ପକ୍ଷରୁ ବିଭିନ୍ନ ଉଦ୍ୟମ ଚଳାଉଥିବାବେଳେ ବେପାରୀମାନେ ମଧ୍ୟ ନୂଆ ନୂଆ ତରିକା ଆପଣାଉଛନ୍ତି। କିଛିଦିନ ବ୍ୟବଧାନ ପରେ ପୁଣି...

ଓଟିଡିସିର ‘ବଣଭୋଜି’ ଟୁର୍‌ ପ୍ୟାକେଜ୍

ଭୁବନେଶ୍ୱର(ବ୍ୟୁରୋ),୪ା୯: କରୋନା ମହାମାରୀ ପାଇଁ ଏକପ୍ରକାର ଭୁଶୁଡି ପଡିଥିବା ରାଜ୍ୟ ପର୍ଯ୍ୟଟନ ଶିଳ୍ପକୁ ପୁଣି ଠିଆ କରାଇବାକୁ ପ୍ରୟାସ ଆରମ୍ଭ କରିଛି ଓଡ଼ିଶା ପର୍ଯ୍ୟଟନ ଉନ୍ନୟନ...

ପରିବା ପାଇଁ ଗଲେ ନେଇପାରିବେନି ବାଇକ୍‌

ଭୁବନେଶ୍ୱର,୩୦ା୩(ବ୍ୟୁରୋ)- ଲକଡାଉନ ସମୟରେ ଅନେକ ଲୋକେ ପରିବା ପାଇଁ ଗଲେ ବାଇକ ନେଇଯାଉଛନ୍ତି। ସେମାନଙ୍କ ମଧ୍ୟରୁ ଅନେକ ପରିବା ଆଣିବା ନଁାରେ ସହର ବୁଲୁଛନ୍ତି। ଏହାକୁ...

କୋଭିଡ୍‌ ଟେଷ୍ଟିଂ ଅବଧି ମାସେ ବଢ଼ିଲା

ଭୁବନେଶ୍ୱର, ୧୩।୩(ବ୍ୟୁରୋ): ଦେଶରେ ବଢ଼ି ଚାଲିଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଟେଷ୍ଟିଂ ଅବଧିକୁ ବଢ଼ାଇ ଦେଇଛନ୍ତି। ବର୍ତ୍ତମାନ ରାଜ୍ୟରେ ଚାଲିଥିବା କୋଭିଡ୍‌...

୧୬ ଯାଏ ବର୍ଷା ନାହିଁ

ଭୁବନେଶ୍ୱର,୧୪ା୯(ବ୍ୟୁରୋ): ଝାଡ଼ଖଣ୍ଡ ଏବଂ ଓଡ଼ିଶା ଉପରେ ଥିବା ଘୂର୍ଣ୍ଣିବଳୟ ଅପସରି ଯାଇଛି। ଆସନ୍ତା ୨୪ ଘଣ୍ଟା ମଧ୍ୟରେ ମୟୂରଭଞ୍ଜ, ସୁନ୍ଦରଗଡ଼, କେନ୍ଦୁଝର, ଅନୁଗୋଳ, ଢେଙ୍କାନାଳ, କଟକ,...

ରାତ୍ରି କର୍ଫ୍ୟୁ, ସଟ୍‌ଡାଉନ ସମୟରେ ଖୋଲା ରହିବ ରାସ୍ତା କଡ ଢାବା

ଭୁବନେଶ୍ୱର,୧୨।୬(ବ୍ୟୁରୋ):ସଟଡାଉନ ଏବଂ ଲକ୍‌ଡାଉନର କର୍ଫ୍ୟୁ ସମୟରେ ଢାବାସବୁ ଖୋଲା ରହିବ। ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଥିବା ବେଳେ ଲକ୍‌ଡାଉନ କଟକଣା କିନ୍ତୁ ଧିରେଧିରେ...

ଆଜି ଖୋଲିଲା ଅପରାଜିତା ଷଡ଼ଙ୍ଗୀଙ୍କ କାର୍ଯ୍ୟାଳୟ

ଭୁବନେଶ୍ୱର,୧୭ା୧୦(ବ୍ୟୁରୋ): ଆଜି ଭାଜପା ନେତ୍ରୀ ତଥା ଭୁବନେଶ୍ୱର ଏମ୍‌ପି ଅପରାଜିତା ଷଡ଼ଙ୍ଗୀଙ୍କ କାର୍ଯ୍ୟାଳୟ ଖୋଲିଛି। ୮ ଦିନ ପରେ ବିଏମ୍‌ସି ଅଧିକାରୀ ଏବଂ ପୋଲିସ ଉପସ୍ଥିତିରେ...

ଜୟନାରାୟଣ, ବିଷ୍ଣୁ, ମୋହନ ସସ୍‌ପେଣ୍ଡ

ଭୁବନେଶ୍ୱର,୩।୪(ବ୍ୟୁରୋ): ଭାଜପାର ୩ ବିଧାୟକ ସସ୍‌ପେଣ୍ଡ। ବିଧାନସଭାରେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ଉପରକୁ ଚପଲ ଫିଙ୍ଗିବା ଘଟଣାରେ କାର୍ଯ୍ୟାନୁଷ୍ଠାନସ୍ବରୂପ ବିଧାୟକ ଜୟ ନାରାୟଣ ମିଶ୍ର,...

Advertisement


Archives

Model This Week

Why Dharitri