ରସୁଲପୁର ପଞ୍ଚାୟତ ସମିତିର ୬ଷ୍ଠ ସାଧାରଣ ବୈଠକ: ଯୋଗଦେଲେନି ବିଧାୟକ, ଏମ୍‌ପି

ରସୁଲପୁର,୨୩ା୧(ଡି.ଏନ୍‌.ଏ.): ବିଧାୟକ ଓ ମନ୍ତ୍ରୀମାନେ ଗାଁକୁ ଯିବେ। ଲୋକଙ୍କ ସମସ୍ୟା ବୁଝିବେ। ଗାଁରେ ରାତି କାଟିବେ। ସରକାରୀ ଯୋଜନା ଠିକ୍‌ ଭାବେ କାର୍ଯ୍ୟ ହେଉଛି କି ନାହିଁ ସେଥିପ୍ରତି ଧ୍ୟାନ ଦେବେ। ସରକାରଙ୍କ ନୂଆ ଯୋଜନା ୫-ଟି ଓ ମୋ ସରକାର ଜନାଭିମୁଖି ହୋଇପାରୁଛି କି ନାହିଁ ତାର ସ୍ଥିତି ପରଖିବେ। ଏହିଭଳି ଦାଇତ୍ୱବୋଧର ପାଠ ପଢାଇଛନ୍ତି ଖୋଦ ମୁଖ୍ୟମନ୍ତ୍ରୀ। ହେଲେ ଏହି ନିର୍ଦ୍ଦେଶ କେମିତି ପାଳନ ହେଉଛି ତାର ଏକ ଉଦାହରଣ ଦେଖିବାକୁ ମିଳିଛି ବୁଧବାର ଅନୁଷ୍ଠିତ ଯାଜପୁର ଜିଲା ରସୁଲପୁର ବ୍ଲକର ୬ଷ୍ଠତମ ପଂଚାୟତ ସମିତି ସାଧାରଣ ବୈଠକରେ। ବୈଠକରେ ଯାଜପୁର ଏମ୍‌ପି ଶର୍ମିଷ୍ଠା ସେଠୀ, ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାଏ, କୋରେଇ ବିଧାୟକ ଅଶୋକ କୁମାର ବଳ ଯୋଗ ଦେଇ ନ ଥିବାବେଳେ ବରୀ ବିଧାୟିକା ସୁନନ୍ଦା ଦାସ ବୈଠକର ଅଧାରୁ ଉଠି ଚାଲିଯାଇଥିଲେ। ଗାଁ ଗଣ୍ଡାରୁ ଲୋକଙ୍କ ସମସ୍ୟା ଉପସ୍ଥାପନ କରିବା ପାଇଁ ପ୍ରତିନିଧିଙ୍କ ପାଇଁ ସମିତି ବୈଠକ ଏକ ବଳିଷ୍ଠ ମାଧ୍ୟମ। ଏହି ବୈଠକ ଜରିଆରେ ଆସୁଥିବା ପ୍ରସ୍ତାବଗୁଡିକୁ ଜିଲପରିଷଦ ବୈଠକ ଓ ପରେ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ପ୍ରେରଣ କରାଯିବା ହେଉଛି ତ୍ରିସ୍ତରୀୟ ପଞ୍ଚାୟତରାଜ ବ୍ୟବସ୍ଥାର ଏକ ଅଂଶ ବିଶେଷ। ଏହି କାରଣରୁ ପ୍ରତ୍ୟେକ ବିଧାନସଭା ଓ ସଂସଦ ଅଧିବେଶନ ଆରମ୍ଭ ପୂର୍ବରୁ ପଞ୍ଚାୟତ ସମିତି, ଜିଲାପରିଷଦ ବୈଠକ ଗୁଡିକ ଆହୁତ ହୁଏ। ବିଧାୟକ ଓ ଏମ୍‌ପିଙ୍କ କାର୍ଯ୍ୟ ବ୍ୟସ୍ତତାକୁ ଧ୍ୟାନ ଦିଆଯାଇ ସମିତି ବୈଠକ ଦିନ ଧାର୍ଯ୍ୟ କରାଯାଇ ଥାଏ। ଯାହା ଏଠାରେ ବି କରାଯାଇ ଥିଲା ା ୫ମ ସାଧାରଣ ପରିଷଦ ବୈଠକ ଜୁଲାଇ,୨୦୧୯ରେ ଅନୁଷ୍ଠିତ ହୋଇଥିଲା ା ୬ଷ୍ଠ ବୈଠକ ଦୁଇ ମାସ ଅନ୍ତରରେ ଡକାଯିବା ବଦଳରେ ୬ମାସ ପରେ ଡକାଯାଇଥିଲା। ତା ପରେ ବି ଏହି ବୈଠକରେ ବିଧାୟକ ଓ ଏମ୍‌ପିମାନେ ଯୋଗଦେଇ ପାରିଲେ ନାହିଁ କି ଜନପ୍ରତିନିଧିଙ୍କ ସମସ୍ୟାକୁ ସମାଧାନ ବାଟ ଫିଟାଇବାର ଭାଗିଦାରୀ ସାଜି ପାରିଲେ ନାହିଁ। ବୈଠକର ଯଥେଷ୍ଟ ପୂର୍ବରୁ ସୂଚଜନା ଦିଅଯାଇଥିଲେ ସୁଦ୍ଧା ଯୋଗ ନ ଦେବାକୁ ରାଜନୈତିକ ମହଲ୍‌ରେ ବିଭିନ୍ନ ଆଲୋଚନା ହେଉଛି।
ଲାଇନ ଡିପାର୍ଟମେଣ୍ଟ ଅଧିକାରୀଙ୍କ ଅନୁପସ୍ଥିତିକୁ ନେଇ ଅସନ୍ତୋଷ
ବିଧିମୁତାବକ ସମିତି ବୈଠକରେ ବ୍ଲକର ଓ ପଞ୍ଚାୟତ ଅଧୀନସ୍ଥ ସମସ୍ତ କର୍ମଚାରୀ ଓ ଜନପ୍ରତିନିଧି ଯୋଗଦେବା ବ୍ୟତିତ ଲାଇନ ଡିପାର୍ଟମେଣ୍ଟ ଯଥା-ଗ୍ରାମ୍ୟ ଉନ୍ନୟନ, ଜଳସେଚନ, ପୂର୍ତ୍ତ, ଉଠା ଜଳସେଚନ, ମେଗା ଜଳସେଚନ, ଡ୍ରନେଜ୍‌, କ୍ଷୁଦ୍ର ଜଳସେଚନ, ଜଳ ବିଭାଜିକା ଇତ୍ୟାଦି ବିଭାଗର ଅଧିକାରୀ ବୈଠକରେ ଯୋଗଦେବା ଜରୁରୀ। ତେବେ ବିଭାଗୀୟ ଅଧିକାରୀମାନେ କ୍ରମାଗତ ଭାବରେ ବୈଠକରେ ଯୋଗଦେଉ ନ ଥିବା ପରଲ୍ଲକ୍ଷିତ ହେଉଛି। ୫ମ ସାଧାରଣ ବୈଠକରେ ଏହା ଜାଣି ଖୋଦ୍‌ ଏମ୍‌ପି ସେଠୀ ୫ମ ସାଧାରଣ ବୈଠକରେ ତୀବ୍ର ଅସନ୍ତୋଷବ୍ୟକ୍ତ କରିଥିଲେ। ଏହାସତ୍ୱେ ବି ସ୍ଥିତିରେ କୌଣସି ପରିବର୍ତ୍ତନ ଘଟି ନ ଥିଲା। ଚଳିତ ବୈଠକରେ ମଧ୍ୟ ସମାନ ସ୍ଥିତି ସୃଷ୍ଟି ହୋଇଛି। ଏନେଇ ଜିଲାପାଳଙ୍କୁ ଅବଗତ କରାଯିବ ବୋଲି ବୈଠକରେ ନିଷ୍ପତି ହୋଇଛି।
ପ୍ରଧାନମନ୍ତ୍ରୀ ଆବାସ ହିତାଧିକାରୀ ଚୟନ ସାଜିଲା ମୁଖ୍ୟ ଆଲୋଚନା ପ୍ରସଙ୍ଗ
ପ୍ରଧାନମନ୍ତ୍ରୀ ଆବାସ ହିତାଧିକାରୀ ଚୟନ ଓ ୨୦୧୯-୨୦/୨୧ ଆର୍ଥତ୍କ ବର୍ଷ ପାଇଁ ଅଗ୍ରାଧିକାରୀ ତାଲିକା ଚୟନକୁ ନେଇ ଟଣାଓଟରା ଲାଗି ରହିଛି। ଯୋଗ୍ୟ ତାଲିକାରେ ଯୋଡ଼ି ହେବାପାଇଁ ବ୍ଲକର ୨୮ଟି ପଞ୍ଚାୟତରୁ ୭୦୦୦ରୁ ଉର୍ଦ୍ଧ୍ୱ ହିତାଧିକାରୀ କ’ ଫର୍ମରେ ଆବେଦନ କରିଛନ୍ତି। ସେହି ତାଲିକା ଚୂଡାନ୍ତ ହେବା ନେଇ ଜନପ୍ରତିନିଧି ଓ ବ୍ଲକ ପ୍ରଶାସନ ମଧ୍ୟରେ ଟଣାଓଟରା ପରିସ୍ଥିତି ଉପୁଜିଛି। ସରପଞ୍ଚମାନେ ହିତାଧିକାରୀଙ୍କୁ ସନ୍ତୁଷ୍ଟ କରିବାକୁ ଲକ୍ଷ୍ୟ ରଖୁଥିବାବେଳେ ପ୍ରଶାସନିକ ଅଧିକାରୀ ତଦନ୍ତରେ ସ୍ବଚ୍ଛତା ଅବଲମ୍ବନ କରିବାକୁ ଲକ୍ଷ୍ୟ ରଖୁଛନ୍ତି। ଏହିଭଳି ଭାବରେ ଉକ୍ତ ପ୍ରସଙ୍ଗ ଆଜିର ବୈଠକର ମୁଖ୍ୟ ଆଲୋଚନାର ପ୍ରସଙ୍ଗ ସାଜିଥିଲା।
ଖରାଦିନରେ ପାନୀୟ ଜଳ ସମସ୍ୟା ଦୂର ପାଇଁ ପଦକ୍ଷେପ ନେବାକୁ ପରାମର୍ଶ
ଖରାଦିନ ଆସୁଛି। ପାନୀୟ ଜଳ ବିଭାଗ ସଜାଗ ରହିବାକୁ ପରାମର୍ଶ ଦିଆଯାଇଛି। ପଞ୍ଚାୟତର ୪ର୍ଥ ରାଜ୍ୟ ଓ ୧୪ତମ କେନ୍ଦ୍ରୀୟ ଅନୁଦାନରୁ ପାନୀୟ ଜଳ ସମସ୍ୟା ଦୂର କରାଯାଇ ପାରିବ। ସେଥିପ୍ରତି ଧ୍ୟାନ ଦେବା ସହ ଏବେଠାରୁ ସତର୍କତାମୂଳକ ପଦକ୍ଷେପ ଗ୍ରହଣ କରିବାକୁ ସୂଚନା ପ୍ରଦାନ କରାଯିବା ଅସମ୍ପୂର୍ଣ୍ଣ ପାନୀୟଜଳ ପ୍ରକଳ୍ପଗୁଡିକର ପୂର୍ଣ୍ଣାଙ୍ଗୀକରଣ ଉପରେ ଗୁରୁତ୍ୱ ଦିଆଯାଇଛି। ଏଦିଗରେ ବିଭାଗୀୟ ଅଧିକାରୀମାନେ ତପତ୍ରତା ଅବଲମ୍ବନ କରାଯିବାକୁ କୁହାଯାଇଛି।
ରସୁଲପୁର ପଂଚାୟତ ସମିତି ଅଧ୍ୟକ୍ଷା ସାରତୀ ଜେନାଙ୍କ ପୌରହିତ୍ୟରେ ଅନୁଷ୍ଠିତ ଏହି ବୈଠକରେ ଜିଲାପରିଷଦ ସଭାପତି ନରେଶ ଚନ୍ଦ୍ର ମହାନ୍ତି, ରସୁଲପୁର ବିଡିଓ ଉମାକାନ୍ତ ପରିଡା, ଏବିଡିଓ ଉପେନ୍ଦ୍ର କୁମାର ଜେନା, ଉପାଧ୍ୟକ୍ଷ ଯତିନ୍ଦ୍ର ମୋହନ ସାହୁ, ଏମ୍‌ପିଙ୍କ ପ୍ରତିନିଧି ପ୍ରକାଶ ଚନ୍ଦ୍ର ସାମଲ, ସହକାରୀ ନିର୍ବାହୀ ଯନ୍ତ୍ରୀ ନମିତା ହାଁସଦା, ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ, ବିଭିନ୍ନ ପଞ୍ଚାୟତର ଜନ ପ୍ରତିନିଧି, ଜିଲାପରିଷଦ ସଭ୍ୟାସଭ୍ୟ, ପଞ୍ଚାୟତ ନିର୍ବାହୀ ଅଧିକାରୀ, ବ୍ଲକ ଜନସ୍ବାସ୍ଥ୍ୟ ଅଧିକାରୀ, ମହିଳା ଶିଶୁ ମଙ୍ଗଳ ଅଧିକାରିଣୀ, ସହକାରୀ ଶିକ୍ଷାଧିକାରୀ, ସହକାରୀ କୃଷି ଅଧିକାରୀ, କିନଷ୍ଠ ଯନ୍ତ୍ରୀ ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ବ୍ଲକ ଅଞ୍ଚଳର ଶିକ୍ଷା, ସ୍ବାସ୍ଥ୍ୟ, କୃଷି, ଉଦ୍ୟାନ କୃଷି, ମହିଳା ଓ ଶିଶୁ ବିକାଶ ଆଦି ବିଭାଗ ଉପରେ ଆଲୋଚନା ହୋଇଥିଲା।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?