Posted inଖେଳ

ରଣଜୀ ଟ୍ରଫି: ଦେବାଶିଷଙ୍କ ଶତକରେ ଓଡ଼ିଶା ୪୩୬

କଟକ ଅଫିସ,୧୪ା୨- ବାରବାଟୀ ଷ୍ଟାଡିୟମରେ ଚାଲିଥିବା ଝାଡ଼ଖଣ୍ଡ ବିପକ୍ଷ ରଣଜୀ ଟ୍ରଫି କ୍ରିକେଟ ମ୍ୟାଚ୍‌ରେ ଓଡ଼ିଶା ପ୍ରଥମ ଇନିଂସରେ ୪୩୬ରନ କରିଛି। ଯୁବ ପ୍ରତିଭା ଦେବାଶିଷ ସାମନ୍ତରାୟ ଏଠାରେ ୧୫୬ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଛନ୍ତି। ଚଳିତ ସିଜନରେ ଦେବାଶିଷଙ୍କର ଏହା ଦ୍ୱିତୀୟ ଶତକ। ଜବାବରେ ପ୍ରଥମ ଇନିଂସ ବ୍ୟାଟିଂ ଆରମ୍ଭ କରିଥିବା ଝାଡ଼ଖଣ୍ଡ ଗୁରୁବାର ଖେଳ ଶେଷ ସୁଦ୍ଧା ୨ ଉଇକେଟ ହରାଇ ୭୧ରନ କରିଛି। କ୍ବାର୍ଟର ଫାଇନାଲରେ ପ୍ରବେଶ କରିବାକୁ ହେଲେ ଓଡ଼ିଶା ପାଇଁ ବିଜୟ ହାସଲ ନିହାତି ଆବଶ୍ୟକ। ତେଣୁ ୩୬୫ରନ ପଛରେ ଥିବା ଝାଡ଼ଖଣ୍ଡକୁ ଶୁକ୍ରବାର ଖୁବଶୀଘ୍ର ଅଲଆଉଟ କରିବାକୁ ଚେଷ୍ଟା କରାଯିବ ବୋଲି ଅଧିନାୟକ ଶୁଭ୍ରାଂଶୁ ଶେଖର ସେନାପତି କହିଛନ୍ତି।
ପ୍ରଥମ ଦିବସ ଷ୍ଟମ୍ପ ଅପସାରଣ ସୁଦ୍ଧା ଓଡ଼ିଶା ୪ ଉଇକେଟ ହରାଇ ୨୦୫ରନ କରିଥିଲା। ଦେବାଶିଷ ୬୭ ଓ ପୂର୍ବତନ ଅଧିନାୟକ ବିପ୍ଳବ ସାମନ୍ତରାୟ ୧୬ରନରେ ଅପରାଜିତ ଥିଲେ। ଦ୍ୱିତୀୟ ଦିବସର ପ୍ରଥମ ସେସନ୍‌ରେ ଓଡ଼ିଶା କୌଣସି ଉଇକେଟ ନ ହରାଇ ୫୭ରନ ସଂଗ୍ରହ କରିଥିଲା। ଦେବାଶିଷ-ବିପ୍ଳବ ଖୁବ ସତର୍କତାର ସହ ପ୍ରଥମ ସେସନ୍‌ରେ ଝାଡ଼ଖଣ୍ଡର ପେସ୍‌ ଆକ୍ରମଣକୁ ସାମ୍‌ନା କରିଥିଲେ। ଇତି ମଧ୍ୟରେ ବିପ୍ଳବ ୧୦୨ବଲରୁ ଅର୍ଦ୍ଧଶତକ ପୂରଣ କରି ସାରିଥିଲେ। ଦ୍ୱିତୀୟ ସେସନ୍‌ରେ ବିପ୍ଳବଙ୍କ ଉଇକେଟ ଦଖଲ କରିଥିଲେ ଝାଡ଼ଖଣ୍ଡର ପେସ୍‌ ବୋଲର ଆଶିଷ କୁମାର। ୧୫୩ବଲରୁ ୭୪ରନ କରି କ୍ୟାଚ ଆଉଟ ହୋଇ ବିପ୍ଳବ ପ୍ୟାଭିଲିୟନ ଫେରିଥିଲେ। ଓଡ଼ିଶାର ୫ମ ଉଇକେଟ ପତନ ବେଳକୁ ଦଳୀୟ ସ୍କୋର ଥିଲା ୨୯୨। ଏହା ପରେ ଅନ୍ୟ କୌଣସି ଖେଳାଳି ଦେବାଶିଷଙ୍କ ସହ ବଡ଼ ଭାଗୀଦାରି କରି ପାରି ନ ଥିଲେ। ଗୋଟିଏ ପାର୍ଶ୍ୱରୁ ବାମହାତୀ ଦେବାଶିଷଙ୍କ ଚମତ୍କାର ବ୍ୟାଟିଂ ଦେଖିବାକୁ ମିଳିଥିଲା। ୨୯୦ବଲରୁ ଶତକ ଓ ୩୪୭ବଲରୁ ୧୫୦ରନ୍‌ ପୂରଣ କରିବା ପରେ ୮ମ ବ୍ୟାଟ୍ସମ୍ୟାନ ଭାବେ ସେ ଆଉଟ ହୋଇଥିଲେ। ୩୪୯ବଲରୁ ସେ ୧୫୬ରନ କରିଥିଲେ। ଏହା ମଧ୍ୟରେ ୨୬ ଚୌକା ଓ ଗୋଟିଏ ଛକା ସାମିଲ ଥିଲା। ଉଇକେଟ କିପର ରାଜେଶ ଧୁପର ୨୦ରନରେ ଆଉଟ ହୋଇଥିବା ବେଳେ ପଦାର୍ପଣ ମ୍ୟାଚ୍‌ ଖେଳୁଥିବା ଅଙ୍କିତ ଯାଦବ ୧୨, ଦେବବ୍ରତ ପ୍ରଧାନ ୨୬, ବସନ୍ତ ମହାନ୍ତି ୮ରନରେ ଆଉଟ ହୋଇଥିଲେ। ସୂର୍ଯ୍ୟକାନ୍ତ ପ୍ରଧାନ ୧୨ରନରେ ଅପରାଜିତ ଥିଲେ। ଝାଡ଼ଖଣ୍ଡର ଡାହାଣହାତୀ ମିଡ଼ିୟମ ପେସ୍‌ ବୋଲର ଆଶିଷ କୁମାର ଏଠାରେ ପ୍ରଥମ ଶ୍ରେଣୀ କ୍ରିକେଟ କ୍ୟାରିୟରର ଶ୍ରେଷ୍ଠ ବୋଲିଂ କରିଥିଲେ। ୭୯ରନ ବିନିମୟରେ ସେ ୬ଟି ଉଇକେଟ ହାସଲ କରିଥିଲେ। ଅଜୟ ଯାଦବ, ରାହୁଲ ଶୁକ୍ଳା, ସାହିଲ ରାଜ ଓ ଉତ୍କର୍ଷ ସିଂଙ୍କୁ ଗୋଟିଏ ଲେଖାଏ ଉଇକେଟ ମିଳିଥିଲା। ୨୪ ଓଭର ବ୍ୟାଟିଂ କରିଥିବା ଝାଡ଼ଖଣ୍ଡ ୨ଟି ଉଇକେଟ ହରାଇ ୭୧ରନ କରିଛି। ୩ୟ ଓଭରର ଦ୍ୱିତୀୟ ବଲରେ ଓପନର ଅର୍ନଭ ସିହ୍ନା ୧ରନ କରି ବସନ୍ତ ମହାନ୍ତିଙ୍କ ଶିକାର ହୋଇଥିଲେ। ଅନ୍ୟତମ ଓପନର କୁମାର ଦେଓବ୍ରତ ୧୬ରନ କରିଥିବା ବେଳେ ସୂର୍ଯ୍ୟକାନ୍ତଙ୍କ ବଲରେ କ୍ୟାଚ୍‌ ଆଉଟ ହୋଇଥିଲେ। କୁମାର ସୂରଜ ୪୨ ଓ ଉତ୍କର୍ଷ ସିଂ ୧୦ରନରେ ଅପରାଜିତ ଅଛନ୍ତି।
ସିଜନର ଦ୍ୱିତୀୟ ଶତକ
ଚଳିତ ସିଜନରେ ଦେବାଶିଷ ସାମନ୍ତରାୟ ଓଡ଼ିଶାର ଏକମାତ୍ର ଖେଳାଳି ଭାବେ ଦୁଇଟି ଶତକ ହାସଲ କରିଛନ୍ତି। ପୂର୍ବରୁ ଡ୍ରିମ୍ସ ଗ୍ରାଉଣ୍ଡରେ ଅନୁଷ୍ଠିତ ସର୍ଭିସେସ୍‌ ବିପକ୍ଷ ମ୍ୟାଚ୍‌ରେ ୧୯୫ରନର ଇନିଂସ ଖେଳିଥିଲେ ଏହି ୨୪ବର୍ଷୀୟ ବ୍ୟାଟ୍ସମ୍ୟାନ। ୧୧ଟି ପ୍ରଥମ ଶ୍ରେଣୀ ମ୍ୟାଚ୍‌ ଖେଳି ଦେବାଶିଷ ୩ଟି ଶତକ ହାସଲ କରି ସାରିଲେଣି।
ସଂକ୍ଷିପ୍ତ ସ୍କୋର
ଓଡ଼ିଶା ପ୍ରଥମ ଇନିଂସ: ୪୩୬/ଅଲଆଉଟ(ଦେବାଶିଷ ସାମନ୍ତରାୟ-୧୫୬, ବିପ୍ଳବ ସାମନ୍ତରାୟ-୭୪, ଅନୁରାଗ ଷଡ଼ଙ୍ଗୀ-୬୫, ଗୋବିନ୍ଦ ପୋଦ୍ଦାର-୩୧, ଦେବବ୍ରତ ପ୍ରଧାନ-୨୬,


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଟି୨୦ ବିଶ୍ୱକପ୍‌ ପୂର୍ବରୁ ସମସ୍ତଙ୍କୁ ଚକିତ କଲେ ଏହି ବୋଲର୍‌; ଡେବ୍ୟୁ ମ୍ୟାଚ୍‌ରେ ନେଲେ ହାଟ୍ରିକ୍‌; ତଥାପି ହାରିଲା…

ନୂଆଦିଲ୍ଲୀ,୭।୮: ପାଞ୍ଚ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜର ତୃତୀୟ ମ୍ୟଚ୍‌ରେ ବାଂଲାଦେଶ-ଅଷ୍ଟ୍ରେଲିଆ ଶୁକ୍ରବାର ମୁହାଁମୁହିଁ ହୋଇଥିଲେ। ଢ଼ାକାରେ ଖେଳାଯାଇଥିବା ଏହି ମ୍ୟାଚ୍‌ରେ ଅଷ୍ଟ୍ରେଲିଆ ପକ୍ଷରୁ ଜଣେ...

ଭାରତୀୟଙ୍କୁ ହେୟ ମନେ କରିବା ଉଚିତ ନୁହେଁ : ଅଷ୍ଟ୍ରେଲିଆନ କୋଚ୍‌

ବ୍ରିସବେନ,୧୯।୧: ଚଳିତ ବର୍ଡର-ଗାଭାସ୍କର ସିରିଜ୍‌ରୁ ଗୋଟେ ଶିକ୍ଷା ପାଇଛୁ। ଭାରତୀୟ ଖେଳାଳିଙ୍କୁ କଦାପି ହେୟ ମନେ କରିବା ଉଚିତ ନୁହେଁ। ଭାରତଠାରୁ ୪ ମ୍ୟାଚ୍‌ ବିଶିଷ୍ଟ...

ବାଇକ୍‌ ଦୁର୍ଘଟଣାରେ ଅଲିମ୍ପିକ୍‌ ଜାଭେଲିନ ଥ୍ରୋୟରଙ୍କ ମୃତ୍ୟୁ

ବୁଏନ୍ସ ଏରିଜ,୨୮।୨- ଟୋକିଓ ଅଲିମ୍ପିକ୍ସକୁ ମାତ୍ର ୫ ମାସ ବାକିଥିବାବେଳେ ଆର୍ଜେଣ୍ଟିନାର ୨୬ ବର୍ଷୀୟ ଜାଭେଲିନ ଥ୍ରୋୟର ବ୍ରାଏନ ଟୋଲେଡୋ ବାଇକ୍‌ ଦୁର୍ଘଟଣାରେ ପ୍ରାଣ ହରାଇଛନ୍ତି।...

ତୃତୀୟ ଟେଷ୍ଟରେ ଅଧିକ ମଜଭୂତ ହେବ ଟିମ୍‌ ଇଣ୍ଡିଆ, ଯୋଡ଼ି ହେବେ ଏହି ଦୁଇ ଧୁରନ୍ଧର

ନୂଆଦିଲ୍ଲୀ,୧୬।୨: ଅହମ୍ମଦାବାଦରେ ଖେଳାଯିବାକୁ ଥିବା ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍‌ ପୂର୍ବରୁ ଭାରତୀୟ ଦଳ ସହ ଯୋଡ଼ି ହେବେ ଦ୍ରୁତ ବୋଲର୍‌ ମହମ୍ମଦ ଶାମୀ...

ଭାରତର ବିଜୟ ପରେ ରାଗିଯାଇଥିଲେ କୋହଲି: କାରଣ ଜାଣିଲେ…

କ୍ରିକେଟରେ ହାରିଥିବା ଦଳର ଖେଳାଳିଙ୍କୁ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ଦିଆଯିବା ଖୁବ୍‌ କମ୍‌ ଦେଖିବାକୁ ମିଳିଥାଏ। ଠିକ୍‌ ଏମିତି କିଛି ଦେଖିବାକୁ ମିଳିଛି ଭାରତ...

ଇଂଲଣ୍ଡକୁ ଚମକପ୍ରଦ ବିଜୟ ଦେଲେ ମଲାନ, ମୋର୍ଗାନ

ନାପିଅର,୮।୧୧(ଏଏଫ୍‌ପି)- ଡେଭିଡ ମଲାନଙ୍କ ବିସ୍ଫୋରକ ଶତକ ଓ ଅଧିନାୟକ ମୋର୍ଗାନଙ୍କ ସହ ରେକର୍ଡ ଭାଗୀଦାରି ଇଂଲଣ୍ଡକୁ ନ୍ୟୁଜିଲାଣ୍ଡ ବିପକ୍ଷ ଚତୁର୍ଥ ଟି୨୦ ମ୍ୟାଚ୍‌ରେ ଚମକପ୍ରଦ ବିଜୟ...

ପାକିସ୍ତାନ ଘରୋଇ କ୍ରିକେଟରେ ଟସ୍‌ ପଡ଼ିବ ନାହିଁ

କରାଚୀ,୨୫।୮(ପିଟି): ପାକିସ୍ତାନ କ୍ରିକେଟ ବୋର୍ଡ (ପିସବି) ଦେଶର ପ୍ରଥମ ଶ୍ରେଣୀ କ୍ରିକେଟରେ ଚଳିତ ସିଜନଠାରୁ ଆଉ ଟସ୍‌ ବ୍ୟବହାର କରାଯିବ ନାହିଁ। ପାକିସ୍ତାନ କ୍ରିକେଟ ଇତିହାସରେ...

ମାତ୍ର ୪ ବଲ୍‌ରେ ମ୍ୟାଚ୍‌ ଶେଷ, ମ୍ୟାଚ୍‌ର ସ୍କୋର ବୋର୍ଡ ଦେଖିଲେ ହେବେ ଆଶ୍ଚର୍ଯ୍ୟ

ମୁମ୍ବାଇ,୧୭।୩: କ୍ରିକେଟକୁ ଅନିଶ୍ଚିତତାର ଖେଳ କୁହାଯାଏ। ଏଠାରେ କିଛି ଅସମ୍ଭବ ନୁହେଁ। ପ୍ରତିଦିନ ରେକର୍ଡ ତିଆରି କରାଯାଏ ଏବଂ ଭାଙ୍ଗିଯାଏ, ଏମିତି ଆଶ୍ଚର୍ଯ୍ୟ ହୋଇଯାଇଥିଲେ କାରଣ...

Advertisement
Ten Cric Info


Archives

Model This Week