ଜୟପୁର,୨୫।୪: ଦେଶରେ ଯୌତୁକ ବିରୋଧରେ ଜାରି ରହିଛି ସଚେତନତା। ଏହି ମର୍ମରେ ରାଜସ୍ଥାନ ସିକର ଜିଲାରେ ଜଣେ ଯୁବକ ସୃଷ୍ଟି କରିଛନ୍ତି ଏକ ନିଆରା ଉଦାହରଣ। ସେ ଯୌତୁକରେ ମିଳିଥିବା ୧୧ ଲକ୍ଷ ଫେରାଇ କନ୍ୟା ପିତାଙ୍କଠାରୁ ଟଙ୍କାଏ ନେଇ ବିବାହ କରିଛନ୍ତି। ସ୍ଥାନୀୟ ଝୁଝନ୍ର ବାଘୋଲୀରେ ବାସ କରୁଥିବା ଅବସରପ୍ରାପ୍ତ ଜେଲ୍ ସୁପରିଟେଣ୍ଡେଟ ନନ୍ଦ ସିଂ ଶେଖାଓ୍ବତ୍ଙ୍କ ପୁତ୍ର ଲୋକେଶଙ୍କର ସିକରରେ ବାସିନ୍ଦା ତେଜ୍ ସିଂ ରାଠୋରଙ୍କ କନ୍ୟା ସୋନଲ ସହିତ ହେଉଥିଲା। କନ୍ୟା ପିତା ଲୋକେଶଙ୍କୁ ଯୋତୁକ ବାବଦରେ ଟଙ୍କା ଦେଇଥିଲେ। ମାତ୍ର ଲୋକେଶ ଏହାକୁ ଫେରାଇ ଦେଇ କେବଳ ଏକ ଟଙ୍କା ନେଇଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲିଟିବା ସହିତ ଏହା ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି।
