ମ୍ୟାଲେରିଆକୁ ଚିହ୍ନଟ କରିବାର ଏକ ଉପାୟ ନିକଟରେ ଉଦ୍ଭାବିତ ହୋଇଛି। ସାଧାରଣତଃ ଏହି ଜ୍ୱରକୁ ଚିହ୍ନଟ କରିବା ପାଇଁ ରକ୍ତପରୀକ୍ଷା କରାଯାଇଥାଏ। ହେଲେ ରାଇସ୍ ୟୁନିଭର୍ସିଟିର ବିଶେଷଜ୍ଞମାନେ ଏକ ଅଭିନବ ଉପାୟରେ ମ୍ୟାଲେରିଆକୁ ଚିହ୍ନଟ କରିପାରିଛନ୍ତି। ମ୍ୟାଲେରିଆ ଦ୍ୱାରା ଆକ୍ରାନ୍ତ ବ୍ୟକ୍ତିଙ୍କ ଚର୍ମକୁ ପରୀକ୍ଷାକରି ଏପରି ରୋଗକୁ ଚିହ୍ନଟ କରିହେବ ବୋଲି ସେମାନେ ପ୍ରକାଶ କରିଛନ୍ତି। ଏଥିପାଇଁ ସେମାନେ ଉନ୍ନତ କାରିଗରି କୌଶଳରେ ନିର୍ମିତ ଡିଭାଇସର ସହାୟତା ନେଇଥିଲେ। ଏଥିରେ ଏକ ବିମ୍ ସଂଯୋଗ କରାଯାଇଛି। ଉକ୍ତ ବିମ୍ର ରଶ୍ମି ଚର୍ମ ଉପରେ ପଡ଼ିବା କ୍ଷଣି ତାହା ଚର୍ମ ଭିତରେ ଥିବା କୋଷ (ସେଲ୍)ଗୁଡ଼ିକୁ ତନ୍ନ ତନ୍ନ କରି ପରୀକ୍ଷା କରିଥାଏ। ଯଦି କୌଣସି କୋଷ ମ୍ୟାଲେରିଆ ଦ୍ୱାରା ଆକ୍ରାନ୍ତ ତାହାକୁ ଉକ୍ତ ଡିଭାଇସ୍ ଚିହ୍ନଟ କରିଥାଏ ବୋଲି ପ୍ରକାଶିତ ରିପୋର୍ଟରେ ଉଲ୍ଲେଖ କରାଯାଇଛି।
