Posted inଖେଳ

ମୋଟା ଘୁଷୁରୀ ଡାକିବାରୁ କାନ୍ଦିଥିଲେ ସର୍ଫରାଜଙ୍କ ସ୍ତ୍ରୀ

ବର୍ମିଂହାମ, ୨୭।୬- ଚଳିତ ଆଇସିସି ବିଶ୍ୱକପ୍‌ର ଏକ ହାଇଭୋଲଟେଜ୍‌ ମ୍ୟାଚ୍‌ରେ ଚିରପ୍ରତିଦ୍ୱନ୍ଦ୍ୱୀ ଭାରତ ନିକଟରୁ ପରାଜୟବରଣ କରିବା ପରେ ପାକିସ୍ତାନ କ୍ରିକେଟ୍‌ ଦଳକୁ କଡ଼ା ସମାଲୋଚନାର ଶିକାର ହେବାକୁ ପଡ଼ିଛି। ଭାରତ ବିପକ୍ଷରେ ନୈରାଶ୍ୟଜନକ ପ୍ରଦର୍ଶନ ଲାଗି ପ୍ରାକ୍ତନ କ୍ରିକେଟରଙ୍କଠାରୁ ଆରମ୍ଭ କରି ପାକିସ୍ତାନ ପ୍ରଶଂସକ ସୋସିଆଲ ମିଡିଆରେ ଦଳ ଅପେକ୍ଷା ଅଧିନାୟକ ସର୍ଫରାଜ ଅହମ୍ମଦଙ୍କୁ ଅଧିକ ସମାଲୋଚନା କରିଛନ୍ତି। ସଦ୍ୟପ୍ରକାଶ ପାଇଥିବା ଏକ ଭିଡିଓରେ କେତେକ ପାକିସ୍ତାନ ପ୍ରଶଂସକ ବ୍ୟକ୍ତିଗତ ଭାବେ ସର୍ଫରାଜଙ୍କୁ ‘ମୋଟା ଘୁଷୁରୀ’ କହି ତାତ୍ସଲ୍ୟ କରିଥିବାର ଦେଖିବାକୁ ମିଳିଛି। ଏହି ଭିଡିଓରେ ସର୍ଫରାଜଙ୍କ ସମେତ ତାଙ୍କ ସ୍ତ୍ରୀ ସେୟଦା ଖୁସବଖତ୍‌ ଓ ପୁଅଙ୍କ ସହ ଇଂଲଣ୍ଡର ଏକ ଶପିଂ ମଲ୍‌ରେ ବୁଲୁଥିବାବେଳେ କେତେକ ପାକିସ୍ତାନ ପ୍ରଶଂସକ ତାଙ୍କୁ ଅଟକାଇ ‘ତୁମେ ମୋଟା ଘୁଷୁରୀ ଭଳି କାହିଁକି’ ଦେଖାଯାଉଛ ବୋଲି ପଚାରିଥିଲେ। ସର୍ଫରାଜ କିଛି ନ କହି ଚାଲି ଯାଉଥିବାରୁ ଦେଖିବାକୁ ମିଳିଥିଲା। ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହୋଇଯାଇଥିବାବେଳେ ଘଟଣାକୁ ନେଇ ଶେଷରେ ସର୍ଫରାଜ ମୁହଁ ଖୋଲିଛନ୍ତି। ବ୍ୟକ୍ତିଗତ ଭାବେ କାହାକୁ ର୍ଦୁବ୍ୟବହାର ନ କରିବାକୁ ସେ ପ୍ରଶଂସକଙ୍କୁ ଅନୁରୋଧ କରିଛନ୍ତି। ‘ଏହି ଘଟଣାକୁ ନେଇ କିଛି କହିବାର ନାହିଁ। ଲୋକେ କ’ଣ କହିବେ ତାହାକୁ ନିୟନ୍ତ୍ରଣ କରିବା ଆମ ହାତରେ ନାହିଁ। ଜିତିବା ଏବଂ ହାରିବା ଖେଳର ଏକ ଅଂଶ। ଆମେ ପ୍ରଥମ ଦଳ ନୁହେଁ ଯିଏ କି ଏକ ମ୍ୟାଚ୍‌ ହାରିଛି। ପୂର୍ବ ଦଳଗୁଡ଼ିକ ମଧ୍ୟ ଭାରତ ନିକଟରୁ ପରାସ୍ତ ହୋଇଛନ୍ତି’ ବୋଲି ସର୍ଫରାଜ କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ‘ପୂର୍ବ ଦଳଗୁଡ଼ିକ ଆମପରି ସମାଲୋଚନାର ଶିକାର ହୋଇନାହାନ୍ତି। ସେମାନେ ଅନୁଭବ କରିପାରୁଥିବେ ଏହା କେତେ କଷ୍ଟଦାୟକ। ବର୍ତ୍ତମାନ ସୋସିଆଲ ମିଡିଆ ରହିଛି। ଏଥିରେ ଲୋକେ ଯାହା ପାରୁଛନ୍ତି ଲେଖୁଛନ୍ତି ଓ କହୁଛନ୍ତି। ଏହିଭଳି ଘଟଣା ଖେଳାଳିଙ୍କୁ ମାନସିକସ୍ତରରେ ଆଘାତ ଦେଇଛି।’ ସେହିଭଳି ମଲ୍‌ରେ ଘଟିଥିବା ଏହି ଘଟଣା ପରେ ତାଙ୍କ ସ୍ତ୍ରୀ ହୋଟେଲ ରୁମ୍‌ରେ କାନ୍ଦୁଥିବାର ସେ ଦେଖିବାକୁ ପାଇଲେ ବୋଲି ସର୍ଫରାଜ କହିଛନ୍ତି। ମଲ୍‌ରେ ପ୍ରଶଂସକମାନେ ଯାହା କହିଲେ ତାକୁ ସେ ଗ୍ରହଣ କରୁନାହାନ୍ତି ବୋଲି ସର୍ଫରାଜଙ୍କୁ ତାଙ୍କ ସ୍ତ୍ରୀ କହିଥିଲେ। ଏଥିପୂର୍ବରୁ ଅନ୍ୟତମ ପାକିସ୍ତାନ କ୍ରିକେଟର୍‌ ସୋଏବ ମଲିକ ଓ ମହମ୍ମଦ ଆମୀର ମଧ୍ୟ ପ୍ରଅଶଂସକଙ୍କୁ ବ୍ୟକ୍ତିଗତ ଆଟାକ୍‌ ନ କରିବାକୁ ଅନୁରୋଧ କରିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କ୍ରିକେଟ୍‌ରେ ‘ଅଜବ ଆଉଟ୍‌’, ଆପଣା ଛାଏଁ ଖସିପଡିଲା ଷ୍ଟମ୍ପ ବେଲ୍‌: ଦେଖନ୍ତୁ ଭିଡିଓ

ହରାରେ,୨୭।୭: ଜିମ୍ବାୱେ ଏବଂ ବାଂଲାଦେଶ ମଧ୍ୟରେ ଚାଲିଥିବା ଦ୍ୱିତୀୟ ଟି -୨୦ ଅନ୍ତର୍ଜାତୀୟ ମ୍ୟାଚ ସମୟରେ କ୍ୟାମେରାରେ ଏକ ଭୟାନକ ଘଟଣା ଦେଖିବାକୁ ମିଳିଥିଲା। ରହସ୍ୟମୟ...

ଓସିଏ ସମ୍ପାଦକ ସଞ୍ଜୟ

ଭୁବନେଶ୍ୱର,୨୭।୯(ସ୍ପୋଟର୍‌ସ ବ୍ୟୁରୋ): ବହୁ ପ୍ରତୀକ୍ଷିତ ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ନିର୍ବାଚନ ଶୁକ୍ରବାର ଶେଷ ହୋଇଛି। ବରିଷ୍ଠ କ୍ରୀଡ଼ା ପ୍ରଶାସକ ତଥା ପୂର୍ବତନ ଓସିଏ ସମ୍ପାଦକ...

ପନ୍ତଙ୍କ ସପକ୍ଷରେ ଗାଭାସ୍କର, ପିଟରସନ: ରାୟୁଡୁଙ୍କୁ ଗମ୍ଭୀରଙ୍କ ସମର୍ଥନ

ନୂଆଦିଲ୍ଲୀ,୧୨।୬(ପି.ଟି.)- ଶିଖର ଧାଓ୍ବନ ଇଞ୍ଜୁରି କାରଣରୁ ବାଦ ପଡିଲେ ତାଙ୍କ ବଦଳ ଖେଳାଳି ଭାବେ କାହାକୁ ଦଳରେ ସାମିଲ କରାଯିବ ସେ ନେଇ ଚର୍ଚ୍ଚା ଆରମ୍ଭ...

ଏପଟେ ଆଉଟ୍‌ କଲେ ସେପଟେ ଟିପ୍ସ ନେଲେ

ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ୧୬ ବର୍ଷର ଦୀର୍ଘ କ୍ରିକେଟ୍‌ କ୍ୟାରିୟର ମଧ୍ୟରେ ୫୩୮ ଆନ୍ତର୍ଜାତୀୟ ମ୍ୟାଚ ଖେଳିବାର ଅଭିଜ୍ଞତା...

କୋହଲିଙ୍କୁ ନେଇ ବିବାଦୀୟ ବୟାନ ଦେଲେ ଇଂଲଣ୍ଡର ଏହି ପୂର୍ବତନ ଅଧିନାୟକ; ଏଥର ରୋଜଗାରକୁ ବି…

ନୂଆଦିଲ୍ଲୀ,୧୫।୫: ଭାରତୀୟ ଅଧିନାୟକ ବିରାଟ କୋହଲିଙ୍କ ନାମ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରେ ଗଣନା କରାଯାଏ। ହେଲେ କିଛି ଲୋକ ବିରାଟ ଅଥବା ଟିମ୍‌ ଇଣ୍ଡିଆର...

ଦ୍ୱିତୀୟ ଆଶେସ ଟେଷ୍ଟ: ଇଂଲଣ୍ଡ ଦଳରୁ ମୋଇନ୍‌ ବାଦ୍‌

ଲଡର୍‌ସ,୧୦।୮- ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଆଶେସ୍‌ ଟେଷ୍ଟ ମ୍ୟାଚ୍‌ ପାଇଁ ଇଂଲଣ୍ଡ ଏକ ୧୨ ଜଣିଆ ଦଳ ଘୋଷଣା କରିଛି। ଏହି ଦଳରୁ ଅଲରାଉଣ୍ଡର ମୋଇନ...

ଜାତୀୟ ମହିଳା କୁସ୍ତି ପ୍ରତିଯୋଗିତା ବିଜେତାଙ୍କୁ ମିଳିବ ମଇଁଷି

ଆଗ୍ରା,୩୧ା୧- ଆମ ଦେଶରେ କ୍ରିକେଟକୁ ଆଗ୍ରାଧ୍ୟକାର ଦିଆଯାଏ। ଏକଥା କାହାକୁ ଅଛୁପା ନୁହେଁ। କିନ୍ତୁ ଅନ୍ୟ ଖେଳ ପ୍ରତି ଭାରତୀୟମାନେ ବିମୁଖ ହେଉଛନ୍ତି। ଏହାର ଜ୍ୱଳନ୍ତ...

ସ୍ବାଭାବିକ ଖେଳିବାକୁ ଡୁ ପ୍ଲେସିଙ୍କ ପରାମର୍ଶ

ଦୁବାଇ, ୨୦ା୫ (ପି.ଟି.)-ମେ ୩୦ ତାରିଖରୁ ଇଂଲଣ୍ଡରେ ଆରମ୍ଭ ହେବାକୁଥିବା ଆଇସିସି ବିଶ୍ୱକପ୍‌ରେ ସ୍ବାଭାବିକ ଖେଳିବା ଲାଗି ଦଳର ଖେଳାଳିମାନଙ୍କୁ ପରାମର୍ଶ ଦେଇଛନ୍ତି ଦକ୍ଷିଣ ଆଫ୍ରିକା...

Advertisement
Ten Cric Info


Archives

Model This Week