କଟକ ଅଫିସ,୨୭ା୯ : ଆଲ୍ପି ଏଜୁକେଶନ ଟ୍ରଷ୍ଟ ପକ୍ଷରୁ ଅରୁଣୋଦୟ ମାର୍କେଟସ୍ଥିତ ଟ୍ରଷ୍ଟର ସମ୍ମେଳନ କକ୍ଷରେ ଗୁରୁବାର ଖବରଦାତା ସମ୍ମିଳନୀ ଅନୁଷ୍ଠିତ ହୋଇଥିଲା। ଟ୍ରଷ୍ଟ ପକ୍ଷରୁ ବାର୍ଷିକ ମାଟ୍ରିକ ବୃତ୍ତି ପରୀକ୍ଷା ଆୟୋଜନ ହେବ। ଚଳିତବର୍ଷ ମାଟ୍ରିକ ପରୀକ୍ଷା ଦେବାକୁ ଯାଉଥିବା ଛାତ୍ରୀଛାତ୍ର ଏହି ପରୀକ୍ଷା ଦେଇପାରିବେ। ଏହା ମାଧ୍ୟମିକ ଶିକ୍ଷା ପରିଷଦର ଦଶମ ଶ୍ରେଣୀ ନୂଆ ସିଲାବସ୍ ଓ ପାର୍ଟନ ଅନୁସାରେ କରାଯିବ। ପ୍ରତିବର୍ଷ କେବଳ କଟକ ଜିଲାରେ ଏହି ପରୀକ୍ଷା ଅନୁଷ୍ଠିତ ହେଉଥିଲା। ଚଳିତବର୍ଷ ଟ୍ରଷ୍ଟ ପକ୍ଷରୁ ରାଜ୍ୟର ସମସ୍ତ ଜିଲାରେ ପରୀକ୍ଷା କରାଯିବାକୁ ନିଷ୍ପତ୍ତି ନିଆଯାଇଛି। ଏହି ପରୀକ୍ଷା ରାଜ୍ୟରେ ଗୋଟିଏ ଦିନ ଅନୁଷ୍ଠିତ ହେବ। ପ୍ରତି ଜିଲାର ଗୋଟିଏ କେନ୍ଦ୍ରରେ ପରୀକ୍ଷା କରାଯିବ। ୨୭ରୁ ଡିସେମ୍ବର ୭ ମଧ୍ୟରେ ଛାତ୍ରୀଛାତ୍ରମାନେ www.aalpee.in ୱେବସାଇଟ୍ AMSE-2020 ଅନ୍ଲାଇନ୍ ମାଧ୍ୟମରେ ଆବେଦନ କରିପାରିବେ। ଡିସେମ୍ବର ୧୫ରେ ଛାତ୍ରୀଛାତ୍ରମାନଙ୍କୁ ଆର୍ଡମିଟ୍ କାର୍ଡ ମିଳିବ। ଏହାପରେ ପରୀକ୍ଷା ପାଇଁ ତାରିଖ ଘୋଷଣା କରାଯିବ ବୋଲି ଟ୍ରଷ୍ଟ ପକ୍ଷରୁ କୁହାଯାଇଛି। ଟ୍ରଷ୍ଟ ପକ୍ଷରୁ ଶ୍ରେଷ୍ଠ ୫୦ଜଣ ପରୀକ୍ଷାର୍ଥୀଙ୍କୁ ବୃତ୍ତିରାଶି ଓ ମାନପତ୍ର ପ୍ରଦାନ କରାଯିବ। ଚଳିତବର୍ଷ ପରୀକ୍ଷା ପାଇଁ ଦେଢ ଲକ୍ଷ ଟଙ୍କା ବୃତ୍ତି ରାଶି ରହିଛି। ଛାତ୍ରୀଛାତ୍ରମାନେ ମାଟ୍ରିକ ପରୀକ୍ଷାରେ କିଭଳି ଭଲ କରିବେ, ସେଥିପାଇଁ ଏହା ଏକ ପୂର୍ବ ପ୍ରସ୍ତୁତି ବୋଲି ଟ୍ରଷ୍ଟର ପ୍ରତିଷ୍ଠାତା ପ୍ରଭାତ କୁମାର ତ୍ରିପାଠୀ କହିଛନ୍ତି। ଏହି ଖବରଦାତା ସମ୍ମିଳନୀରେ ଏଏମଏସଇ ବୋର୍ଡର ସଭ୍ୟ ମନୋଜ କୁମାର ଷଡଙ୍ଗୀ, ଡ. କିଶୋର ଚନ୍ଦ୍ର ଶତପଥୀ, ଅଜୟ କୁମାର ପୃଷ୍ଟି, ଉତ୍କଳ ରଞ୍ଜନ ଦାସ ଓ ସ୍ବାଧୀନ ଶେଖର ଷଡଙ୍ଗୀ ପ୍ରମୁଖ ଉପସ୍ଥିତ ଥିଲେ।
