ଶେରଗଡ,୭ା୧୨(ଡି.ଏନ୍.ଏ.)-ଶେରଗଡ ବ୍ଲକ ଅଣ୍ଡରାସିଂହ ଗ୍ରାମର ଜଣେ ମହିଳାଙ୍କ ଝୁଲନ୍ତା ମୃତଦେହ ଶୁକ୍ରବାର ପୋଲିସ ଉଦ୍ଧାର କରିଛି। ସେ ହେଲେ ଭାରତୀ ନାୟକ (୨୧)। ଖବର ପାଇ ଶେରଗଡ ପୋଲିସ ପହଞ୍ଚତ୍ଥିଲା। ଭାରତୀଙ୍କ ବାପା ପାଟପୁର ବ୍ଲକ ଅନ୍ତର୍ଗତ ନରସିଂହଗଡର ପ୍ରଫୁଲ ବେହେରା ପହଞ୍ଚତ୍ ଝିଅଙ୍କୁ ଯୌତୁକ ପାଇଁ ଶାଶୁଘର ଲୋକେ ମାରି ଟାଙ୍ଗି ଦେଇଥିବା ପୋଲିସକୁ କହିଥିଲେ। ନଂ.୧୧୮/୨୦୧୯ ପ୍ରକାରେ ମାମଲା ରୁଜୁ କରି ମାଜିଷ୍ଟ୍ରେଟ ଅତିରିକ୍ତ ତହସିଲଦାର ଅକ୍ଷୟ କୁମାର ମଲ୍ଲିକଙ୍କ ଉପସ୍ଥିତିରେ ପୋଲିସ ମୃତଦେହ ଜବତ କରି ବ୍ୟବଛେଦ ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇ ତଦନ୍ତ ଚଳାଇଛି। ଭାରତୀଙ୍କ ଶାଶୁ ଓ ଶ୍ୱଶୁରଙ୍କୁ ପୋଲିସ ଅଟକ ରଖି ପଚରା ଉଚୁରା ଚଳାଇଛି। ମାତ୍ର ଶାଶୁଘର ଲୋକେ ଝିଅ ଆତ୍ମହତ୍ୟା କରିଥିବା କହିଛନ୍ତି।
ପ୍ରକାଶ ଯେ, ନରସିଂହଗଡର ପ୍ରଫୁଲଙ୍କ ଝିଅ ଭାରତୀ ସହ ଶେରଗଡ ବ୍ଲକ ଅଣ୍ଡରାସିଂହ ଗ୍ରାମର ଉମାକାନ୍ତଙ୍କର ୨୦୧୭ରେ ବିବାହ ହୋଇଥିଲା। ଉମାକାନ୍ତ ଭୁବନେଶ୍ୱରରେ ରହି କାମ କରନ୍ତି। ବିବାହର କିଛିଦିନ ପରେ ଶାଶୁଘର ଲୋକେ ଯୌତୁକ ଦାବିରେ ନିର୍ଯାତନା ଦେଇଥିଲେ। ଭାରତୀ ବାପ ଘରକୁ ଚାଲି ଆସିଥିଲେ। ଏନେଇ ପାଟପୁର ଥାନାରେ ଅଭିଯୋଗ ହୋଇଥିଲା। ଆପୋଷ ଆଲୋଚନା ପରେ ସମାଧାନ ହୋଇ ୩ମାସ ତଳେ ଶାଶୁଘର ଲୋକେ ଭାରତୀଙ୍କୁ ନେଇଥିଲେ। ଶୁକ୍ରବାର ସକାଳେ ଭାରତୀ ଫୋନ୍ କରି ପାଟପୁର ଥାନାରୁ ମାମଲା ଉଠାଇ ଦିଅ ନ ହେଲେ ମୋ ଶାଶୁ ମାରଧର କରୁଛନ୍ତି ବୋଲି ଭାଇଙ୍କୁ ଫୋନ କରି ଜଣାଇଥିଲେ। ପରେ ଅପରାହ୍ନ ପ୍ରାୟ ସାଢେ ୨ଟାରେ ଭାରତୀଙ୍କର ମୃତ୍ୟୁ ଘଟିଥିବା ଶାଶୁଘର ଲୋକେ ଜଣାଇଥିଲେ ବୋଲି ତାଙ୍କ ଭାଇ କହିଛନ୍ତି।
