ଭାରତୀୟ ଖାଦ୍ୟରେ ମସଲାର ମହତ୍ତ୍ୱ ରହିଛି। ଏକା ସଙ୍ଗେ ସବୁ ମସଲା ଯଦି ଖୋଲା ରହେ ତାହା ଖରାପ୍ ହେବାର ଆଶଙ୍କା ରହିଛି। ଏଥିଲାଗି କିଛି ଟିପ୍ସ ଦେଉଛୁ ଯାହା ଦ୍ୱାରା ଆପଣଙ୍କ ମସଲା ରହିବ ଫ୍ରେଶ । ସେ ସମ୍ପର୍କରେ ଟିପ୍ସ…
ମସଲାକୁ କେବଳ ଜାର୍ରେ ରଖିଲେ ଭଲ ରହିବ ତାହା ନୁହେଁ। ଡାର୍କ ଜାର୍ରେ ମସଲା ରଖିଲେ ତା ଭିତରକୁ ଲାଇଟ୍ ଏତେଟା ପ୍ରବେଶ କରିପାରେ ନାହିଁ। ଫଳରେ ଏହା ଏତେଟା ଖରାପ୍ ହୋଇ ନ ଥାଏ। ଏହା ବ୍ୟତୀତ ଭ୍ୟାକ୍ୟୁମ୍ ସିଲ୍ ଥିବା ପ୍ରିଣ୍ଟ ଜାର୍ରେ ମସଲା ରଖିବା ଦ୍ୱାରା ମସଲା ସତେଜ ରହିଥାଏ। ମସଲାକୁ ଆଲୋକ ନ ପଡୁଥିବା ସ୍ଥାନରେ ରଖନ୍ତୁ।
ଫ୍ରିଜ୍ରେ ଆପଣ ଯେକୌଣସି ଜିନିଷ ରଖୁଛନ୍ତି ତାହା ଖରାପ୍ ହୁଏ ନାହିଁ। ଏହାକୁ ଆପଣ କେତେଦିନ ପର୍ଯ୍ୟନ୍ତ ବ୍ୟବହାର କରିପାରନ୍ତି। କିନ୍ତୁ ମସଲାକୁ କେବେ ହେଲେ ଫ୍ରିଜ୍ରେ ରଖନ୍ତୁ ନାହିଁ। ମସଲା ଫ୍ରିଜ୍ରେ ରଖିବା ଦ୍ୱାରା ଏହାର ଫ୍ଲେଭର ନଷ୍ଟ ହୋଇଯାଏ। ଆପଣ ଏହାକୁ ଏୟାର ଲକ୍ କଣ୍ଟେନରରେ ପୂରାଇ ରଖନ୍ତୁ।
ଗୋଟା ମସଲା ଜଲ୍ଦି ଖରାପ୍ ହୁଏନାହିଁ। ଏଥିପାଇଁ ଗୋଟା ମସଲାକୁ ଭଲ କରି ଷ୍ଟୋର କରି ରଖନ୍ତୁ। ନିଜ ଆବଶ୍ୟକତା ଅନୁସାରେ ଏହାକୁ ଅଳ୍ପ ଅଳ୍ପ ଗ୍ରାଇଣ୍ଡ କରି ରଖନ୍ତୁ।
ଆର୍ଦ୍ର ତାପମାତ୍ରାରେ ମସଲା ଖରାପ୍ ହେବାର ଆଶଙ୍କା ଅଧିକ। ଏଥିପାଇଁ ମସଲାକୁ ରଖିବା ସ୍ଥାନ ଯେପରି ଶୁଖିଲା ରହିବ ସେଥିପ୍ରତି ଧ୍ୟାନ ଦିଅନ୍ତୁ। ଯଦି ଏହା ଓଦାଳିଆ ସ୍ଥାନରେ ରଖୁଛନ୍ତି ଏହା ଜଲ୍ଦି ନଷ୍ଟ ହୋଇଯିବ।
ଖାଦ୍ୟ ପ୍ରସ୍ତୁତ କରିବା ସମୟରେ ଆପଣ ମସଲାକୁ ବ୍ୟବହାର କରିଥାନ୍ତି। ମସଲାରେ ଓଦା ଚାମଚ୍ ବ୍ୟବହାର କରନ୍ତୁ ନାହିଁ। ଯଦି ମସଲା ଓଦାଳିଆ ଲାଗୁଛି ତେବେ ଏହାକୁ ଖରାରେ ସିଧାସଳଖ ନ ଶୁଖାଇ ତା’ଉପରେ ଏକ କପଡା ପକାଇ ଶୁଖାନ୍ତୁ।
