ମକରକୁ ଆସିବ ଯାତ୍ରା ଜ୍ୟୋତିମହଲ

ଓଡ଼ିଶା ଏକ କଳାର ରାଜ୍ୟ। ପ୍ରଯୁକ୍ତିବିଦ୍ୟା ଯେତେବାଟ ଆଗଉନା କାହିଁକି ଲୋକମାନେ ପାରମ୍ପରିକ କଳାକୁ ଆଗରୁ ଯେମିତି ଗୁରୁତ୍ୱ ଦେଉଥିଲେ ଏବେ ମଧ୍ୟ ସେମିତି ଗୁରୁତ୍ୱ ଦେଉଛନ୍ତି। ସେହି ପାରମ୍ପରିକ କଳା ମଧ୍ୟରେ ଯାତ୍ରା ହେଉଛି ଅନ୍ୟତମ। ଆଉ ପର୍ବପର୍ବାଣି ସମୟ ପାଖେଇ ଆସିଲେ ଓଡ଼ିଶାର ଗଁା ଗହଳିରେ ଯାତ୍ରାର ଫିଭର ବଢ଼ିଯାଏ। ଆଗକୁ ଆସୁଛି ମକର ସଂକ୍ରାନ୍ତି। ଓଡ଼ିଶାର ଏହା ଏକ ପ୍ରମୁଖ ପର୍ବ ହୋଇଥିବା ବେଳେ ମକରକୁ ଆଖିଆଗରେ ରଖି ଆରମ୍ଭ ହୋଇଛି ନୂଆ ଯାତ୍ରାନୁଷ୍ଠାନ ‘ଯାତ୍ରା ଜ୍ୟୋତିମହଲ’। ଭଦ୍ରକ ଜିଲାର ଧାମରା ସ୍ଥିତ ବାଲିମୁଣ୍ଡାଠାରେ ଏହି ଅନୁଷ୍ଠାନର ଶୁଭାରମ୍ଭ ହୋଇଛି। ବଟକୃଷ୍ଣ ପ୍ରଧାନ ଏହାର ପ୍ରୋପ୍ରାଇଟର ଥିବା ବେଳେ ନାଟ୍ୟ ପରିଚାଳକ ଭାବରେ ଦାୟିତ୍ୱ ନିର୍ବାହ କରୁଛନ୍ତି ଆରତବାବୁ। ଯାତ୍ରା ଜଗତର ନାମୀଦାମୀ ଲେଖକ, ନିର୍ଦ୍ଦେଶକ ତଥା ସଙ୍ଗୀତ ନିର୍ଦ୍ଦେଶକଙ୍କୁ ନେଇ ଏହାର ପ୍ରସ୍ତୁତି କାର୍ଯ୍ୟ ଜୋରସୋରରେ ଚାଲୁ ରହିଛି। ପ୍ରଥମ ଦୁଇଟି ନାଟକ ‘ଫଗୁଣ ମୋ ପାଇଁ ସାତ ସପନ’ ଓ ‘ଯେତେ ରାତି ସେତେ ପତି’କୁ ଲୋକପ୍ରିୟ ନିର୍ଦ୍ଦେଶକ ତାପସ ସ୍ବାଇଁ ନିର୍ଦ୍ଦେଶନା ଦଉଥିବା ବେଳେ ଏହାର ରଚନା କରିଛନ୍ତି ଯଥାକ୍ରମେ ଅଜୟ ସ’ ଓ ‘ଗୁପ୍ତ ସମ୍ପର୍କ’ ଫେମ୍‌ ନବଘନ ରାଉଳ। ଏହି ଦୁଇଟି ନାଟକରେ ଗୀତ ରଚନା କରିବା ସହିତ ସଙ୍ଗୀତ ନିର୍ଦ୍ଦେଶନା ଦେଉଛନ୍ତି ମେଲୋଡ଼ି ମେକର ମିହିର ମହାନ୍ତି। ତୃତୀୟ ନାଟକ ହେଉଛି ‘ଏନ୍‌କାଉଣ୍ଟର ଇନ୍ସପେକ୍ଟର’। ଜଣାଶୁଣା ନାଟ୍ୟକାର ଦାମ ପ୍ରଧାନ ଏହାକୁ ରଚନା କରିଥିବା ବେଳେ ଏହାର ନିର୍ଦ୍ଦେଶନା ଦେଉଛନ୍ତି ଯୋଗେନ୍ଦ୍ର ମଲ୍ଲିକ। ତାପସ ଦାସ (ଟିଟନ୍‌) ଏହି ନାଟକ ପାଇଁ ଗୀତ ତଥା ସଙ୍ଗୀତ ଦାୟିତ୍ୱ ନିର୍ବାହ କରୁଛନ୍ତି। ଗୋପାଳ ରଥ, ସପନି, ପ୍ରଫୁଲ୍ଲ, ମିଲି, ପୂଜା, ଉଦ୍ଧବ, ରୋହିତ, କମଳ, ହେମନ୍ତ, ମୁନ୍ନା, ଲିଲି ପ୍ରମୁଖ ଓଡ଼ିଶାର ନାମକରା କଳାକାରମାନେ ଏଥିରେ ଅଭିନୟ କରୁଛନ୍ତି। ଖୁବ୍‌ ଶୀଘ୍ର ଏହା ପ୍ରମୁଖ ଯାତ୍ରାସ୍ରୋତରେ ସାମିଲ ହେବ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?